現年44歲嘅林志玲同日本天團EXILE成員AKIRA閃婚，近日頻頻傳出懷孕消息，不過佢昨日現身嗰陣就唔見凸肚。
早前就有科技公司出POST，引用林志玲肖像、姓名等明示或暗示聲稱佢整過容，甚至有影片刊登喺各大影片網站。林志玲不滿提告，指控該公司喺2016年9月初開始PO片，聲稱自己曾微調，仲喺App入面盜用自己嘅名義，宣傳產品等等。影片喺各大網站出現，引起大批網友瘋狂轉發、評論，截至起訴嗰陣，總瀏覽量已經超過1.2億次！
林志玲不滿提告索賠200萬人民幣（約港幣227萬元），法院日前判佢勝訴，認定醫美公司未經同意使用肖像、侵害名譽，但只判賠25萬人民幣（約港幣28萬元）。林志玲認為，該公司嘅行為已經嚴重侵犯肖像、姓名及名譽，造成嚴重嘅不良社會影響同經濟損失，因此訴至法院。最緊要都係可以還佢清白！
（on.cc）
