藝人馬貫東憑住劇集《愛．回家之開心速遞》「博士」一角而成功入屋，入面飾演好好先生的他，已經吸納不少粉絲。
近日他在劇集《金宵大廈》轉型飾演宅男「李家俊」，經常偷窺「Mia」歐陽巧瑩，令人心寒，佢話今次係首次演變態角色，更直呼好好玩。
他亦表示：「因為編審同監製都畀咗好多資訊我，解釋李家俊係一個點嘅人，但呢個角色都幾難演，喺現實生活中受好多不公平對待，所以要喺網絡世界做打手，攻擊Mia。」
今次擺脫過往乖乖仔形象，馬貫東話粉絲們都好滿意表現，但反而自己就覺得麻麻：「可以做得好啲，因為呢類型角色係比較少做，我自己覺得做得唔係咁好，所以會繼續努力，希望日後可以再試多啲嘢！」
平時馬貫東都跟周家洛十分老友鬼鬼，得閒便會相約去做運動。
而歐陽巧瑩則與老公林師傑不時大晒恩愛，認真甜蜜。
(綜合報導/on.cc)
