現年41歲、藝人楊思琦視愛女Krystal如命根（楊卓穎），作為單親媽咪嘅楊思琦獨力照顧女兒Krystal，寧願慳自己也不會慳囡囡，希望將最好的給女兒，不過今日就有媒體指佢原來肚腹隆起現身，驚傳再次懷孕！
成功慳出半億磚頭嘅佢，上月到韓國首爾街頭拍攝節目時，就已經被網友偶遇兼晒相，見佢雖然身穿鬆身上衣，不過腰圍脹起，纖幼手腳更顯得肚凸凸，孕味非常濃，不過見佢自己喺社交網上載同一套衣着嘅Snapshot就唔見肚，依舊瘦削。而5日前佢上載到大陸出席商演活動，佢再次一反常態棄性感衣着，改以鬆身衫示人，令佢佗第二胎嘅傳聞更甚囂塵上！
楊思琦回覆東網時，直認懷孕，加宣布年中已與圈外男朋友在外地結婚：「多謝大家祝福，喺年中嘅時候喺外地同圈外男朋友註冊結婚，我終於可以同大家講呢個好消息，我已經搵到我嘅愛的森林啦！穎穎都好開心做家姐。」
(on.cc)
