震驚新聞界！！可以話係當場斷正！
50歲日本型男大澤隆夫自從同女歌手廣瀨香美喺2006年離婚後，外間一度流傳男方為掩飾同志身分才娶廣瀨香美，藉此杜絕流言。
不過近年大澤隆夫嘅異性緣越來越旺，佢拍日劇《仁醫》被指同劇綾瀨遙撻着，但戀情無疾而終；去年10月，大澤隆夫被拍到夜會深田恭子，二人撐枱腳飲紅酒，結果又係不了了之。
今期《FRIDAY》爆50歲大澤隆夫秘戀22歲岩田繪里奈
大澤隆夫近日再有新戀情傳出，今期《FRIDAY》爆佢秘戀22歲慶應大學4年級嘅靚女岩田繪里奈，據知岩田已簽約成NTV電視台成女主播，二人日前被發現深夜時份在cafe談心，見兩人都除鞋顯得十分寫意，之後佢哋步出cafe由大澤隆夫開車離去，其間更發現大澤輕掃女友秀髮。據悉，岩田爸爸在神奈川開診所，係個醫生，對於發展年齡相差28載嘅父女戀，報道指兩人見得頗密，會各自到對方家見面，大澤亦同女友媽媽有講有笑，而NTV電視台就話唔會作出回應。
二人被發現深夜時份在cafe談心
(Apple Daily)
