上個月尾入紙，準備同35歲舞台劇演員拉埋天窗，二人都係演員出身。《蘋果》今日打俾Franco，佢話同拍拖13年女友喺下個月27日舉行婚禮，但就唔會大搞，佢話：「都係簡簡單單邀請朋友食個飯咁啦，但都會接新婚嘅。」Franco話目前專心做舞台劇，喺A2創作社劇團。
唱情與義，唔少人記得嘅「安信兄弟」陳仕文(Franco)，講到女友陳樂珈職業都係報稱artist，Franco話：「佢係我演藝學院同學，o依家都同佢一樣做緊舞台劇，近年就做行政嘅嘢，本來我哋入紙時職業填自由身工作者，但原來話唔可以咁填，所以兩個都填artist囉。」講到女友有咗BB，Franco亦開心咁講：「係呀，有咗BB四個月啦!」
陳仕文同拍拖13年女友喺下月27日舉行婚禮。
女友有咗BB四個月。
39歲Franco於2006年畢業於演藝嘅戲劇學院，曾拍港視劇《開腦儆探》、《夜班》、《歲月樓情》及《大眾情性》等，後嚟主力喺舞台劇發展，2015年做香港戲劇協會幹事，目前喺A2創作社劇團做行政工作。
安信兄弟深入民心
(apple daily)
