琴日喺官方facebook宣佈已為醫美集團CEO老公平安誕下B女，佢留言話：「從小對混血兒都有一種崇景，今天終於如願以償生了一個小小混血了…」
而所謂嘅混血，其實係高雄混彰化，相信係指佢哋兩公婆嘅出生地。現年39歲嘅女星，有「台灣常盤貴子」之稱嘅陳怡蓉仲大讚囡囡可愛，佢話：「妳好可愛，把拔馬麻好喜歡，以後我們要好好的喔！」
同老公結婚兩年如願生B（陳怡蓉facebook圖片）
台灣傳媒報道，陳怡蓉囡囡重約重5.5磅，身長48厘米，獲護士讚B女手長腳長，係模特兒身型。不過陳怡同老公未為囡囡改名。另有消息指陳怡蓉B女比預產期提早出生，所以有啲輕，薛博仁更有陪老婆入產房，而陳怡蓉覺得B女個鼻似自己，覺得好放心。
陳怡蓉同老公當年喺清邁結婚 (資料圖片)
陳怡蓉於2001年憑台劇《薰衣草》出道及走紅，其後拍過唔少中台作品，前年成為人妻之後演藝作品略減，但今年仍有作品面世，包括今年3月播映、由何潤東自編自導自演嘅《翻牆的記憶》。
陳怡蓉待產時仍然有外出（陳怡蓉facebook圖片）
陳怡蓉另一套作品《雙城故事》日前推出，惟陳怡蓉因待產時出現水腫無法參加宣傳，惟有借B女手仔幫媽咪造勢：「知道馬麻（媽媽）內疚無法參加新戲宣傳，一出生就幫忙宣傳… #是好孩子來著」，另外佢仲落咗「#秒復出」hash tag，呢位媽媽都非常搞笑。
陳怡蓉社交網
(apple daily / facebook)
