【網民睇見都眼冤】素顏蔡少芬冇得輸

藝人蔡少芬（Ada）同老公張晉結婚十年，生咗兩個可愛嘅囡囡，但依然恩愛如昔，真係令人羨慕！

呢日兩公婆仲喺社交網打情罵俏晒恩愛，話說Ada上載兩張素顏相，對鏡頭笑得燦爛嘅佢留言讚老公：「出自你手，實是佳作！」

跟住張晉即刻轉載呢兩張相，再留言回覆老婆：「模特美，模特美[可愛]」網民見到都覺得眼冤，忍唔住留言話：「知道了，知道了，全世界都知道你老婆最美！！！」

不過相中嘅Ada雖然冇化妝，但近鏡下皮膚白滑緊緻，完全唔似就快踏入45歲，幸福嘅婚姻果然係女人最佳嘅化妝品！

(on.cc東網)