近期被指好事近，被多間傳媒爆料將同主播女友拉埋天窗。
近日女方更密密睇婦科醫生，懷疑佢正想積極造人，希望趁年底38歲前成功懷孕，一於先斬後奏可以早日同男友奉子成婚。
明年係組合嵐出道20周年，有指成員密謀趁機會成家立室，35歲成員二宮和也被睇好係嵐首個娶妻嘅隊員。
不過當伊藤綾子同二宮嘅姐弟戀逐漸穩定，拍拖兩年已在今年春天開始於港區高級住宅共賦同居，二人早前又預支蜜月，令到伊藤綾子成為嵐fans嘅攻擊對象。
對於雜誌《週刊文春》公佈嘅年度「最討厭女性名人」調查，伊藤綾子不幸打上第三位，然而女方被指深謀遠慮，近期頻頻出入赤坂8丁目，疑似到出名睇婦產科嘅山王醫院求診。
(apple daily)
