日前晚上7時許，穿上露膊衫配短裙的她，與男友現身中環街頭，兩人邊行邊傾步往附近港鐵站。
未知男方是否怕被認出，全程戴帽及口罩包到冚，而女方就邊行邊拿着電話照鏡整理儀容，實行Keep住靚樣氹男友，陪男友購買車票後，兩人繼續並肩面行密密傾，期間有說有笑，之後雙雙入閘搭港鐵離開。
事後，記者就兩人拍拖被撞破一事致電Angela，她說：「唔會喺中環拍拖啦！我哋有同事喺隔籬，幾個人去食飯。（你同Kenny的感情有進展？）其實都冇話進展，大家了解中，大家都係好好朋友，成班朋友都會成日出嚟食飯玩嘅。但係呢排真係少見咗，因為我好多時都會喺內地工作，自己都會專注番工作先，得閒先一齊出嚟食吓飯。其實我都好耐冇出過街食飯，咁都畀你哋撞到。（做咩Kenny戴口罩，係咪驚畀人認出拍拖？）因為佢嗰日皮膚敏感，所以先至戴口罩。」
Angela 早前被爆與參加選秀節目《Good Night Show全民造星》的容穎賢（Kenny）拍拖，可惜「男友」在節目中落敗出局，最近忙於在內地工作的Angela，難得在港即陪伴男方。
英皇歌手 「小背心」許靖韻（Angela）早前參加內地節目《創造101》人氣急升。
多場比賽以來，因唱功好而獲封「點讚王」。日前在總決賽中，她首度選揀廣東歌，以陳奕迅的《K歌之王》作賽，結果吸引逾千萬人次觀看，被評為「全場最佳之一」歌手，可惜表現好依然未能打入前11強！
超多粉絲撐場！
容穎賢（Kenny）則參加《全民造星》比賽，二人拍拖斷正。
(on.cc)
