韓國男團 Big Bang 31歲成員 T.O.P 於2017年2月9日以義警身份入伍，無諗到期間爆出吸大麻嘅負面新聞，形象一落千丈。
2018年初佢轉以公益兵身份繼續完成兵役，前日係佢最後一日喺龍山工藝館返工，於晚上6點正式退伍。
T.O.P 所服兵役嘅單位表示：「T.O.P 本人擔心會給公益館的訪客帶來不便，希望安靜的退伍。因此當天不會安排特別的活動。」YG 娛樂都表示 T.O.P 將會安靜咁返屋企。
但無諗到越逼近佢離開嘅時間，有越嚟越多粉絲守喺門外等候。
T.O.P 唔想令粉絲失望，最後請粉絲集中喺一個地方，同在場每一個等待他嘅粉絲握手道謝，更不斷鞠躬感謝粉絲嘅支持。
見到偶像咁樣嘅舉動，粉絲一邊尖叫一邊落淚，場面真係温馨！
T.O.P 喺 Instagram 上載同粉絲握手見面嘅照片，並用英文承諾會反省自我，誠意十足。
