【俾阿囡擊敗？】小S慘叫大鬧：不孝女

暑假話咁快又嚟到啦！有三個囡囡嘅台灣藝人徐熙娣（小S），抽時間同小朋友去咗上海玩，佢就喺社交網PO咗條片，仲大鬧阿囡係「不孝女」，究竟阿囡做咗啲乜嘢搞到小S咁嬲呢？

睇番條片，原來佢哋去咗室內遊樂場玩，小S同阿囡揸住海綿棒對打，點知小S俾阿囡撳住嚟打到毫無還手之力！

最後俾阿囡打到失平衡跌咗落海綿池，睇嚟阿囡已經大力過媽咪啦喎！輸咗嘅小S嬲嬲豬，所以就喺社交網發文鬧阿女係「不孝女」，唔少網民都留言好羨慕佢哋母女感情咁好〜

（on.cc）