40歲台灣女星吳佩慈近日被傳出第4次懷孕。有媒體向佢求證傳聞，吳佩慈大方承認自己第4度做媽咪：「已知是女寶寶，全家都很開心，大女兒也期待有了妹妹。」恭喜恭喜！
吳佩慈同擁有逾百億身家嘅香港富豪未婚夫紀曉波相戀6年，雖然至今都未有名分，但佢仍為對方生咗2個囝囝同1個囡囡，今次佗B女，湊成兩個「好」字。
吳佩慈生完BB之後逐漸淡出演藝圈，專心扮演好媽媽嘅角色。
富商男友紀曉波對佢寵愛有加，送豪宅鑽飾從不手軟，吳佩慈亦努力為對方生仔，雖然已年屆40歲，但仍未封肚，更曾表示要生夠5個！目前如願懷有第4胎，已有咗4個幾月身孕。
吳佩慈同紀曉波拍拖多年，雖然遲遲未有名份，不過亦能母憑子貴，據傳個人總身價超過232億新台幣（約58億港元）。
（綜合報導）
