唐詩詠今日去咗大圍出席長者探訪活動，期間有長者教路，提佢要揀心地好嘅對象，拍拖要包容避免鬧交。反而詩詠屋企人就好少對佢嘅感情事俾意見：「屋企人從來唔敢講，爸爸好少出聲，可能不知如何開口，想等我講，但我都好少講，不知點講好，怕他們擔心。」仲話只會帶將來同佢結婚嗰位俾家人見，唔知幾時會出現呢，定係已經出現咗？
至於公開單身係咪代表馬國明仍然有機會？唐詩詠笑住講：「網友都問點解我唔約他去街，大家投入睇劇好啦，可能是我冇機會呢，可能我唔適合佢。（認識太久已經無火花？）我無唸過。」
詩詠仲叫大家俾啲時間同空間佢，話驚嚇走出現喺身邊嘅男士，令佢哋會好大壓力，唔再同佢食飯喎！啱呀，其實詩詠都需要多啲空間，大家唔好迫得佢太緊啦！
