藝人汪明荃（阿姐）尋晚（3日）到高山劇院，以八和主席身分出席「八和粵劇學院課程匯報演出」，並喺開首嗰陣上台致詞，及頒授證書同獎狀俾學生。
佢透露匯演由學院各屆學員演出，每四年舉辦一次，等學員有演出機會，而今屆學生表現及發展都好平均，亦留意都有啲學生係可造之材。
被問到會唔會收徒弟，佢謙稱：「當然唔會，邊識教？我都好渣。（羅家英都有教？）佢有幫手，但仲有喺其他地方教。」真係謙虛〜
講到有網民號召聽天（5日）全港大罷工，阿姐回應：「罷工當然不太好，但我都理解的，希望大家做回打工仔要做的職務，如果個個都停就會停頓了，看大家的意向及意願，有些人都想個社會正常運作。」
（綜合報導）
