內地女星關曉彤自從同偶像男星鹿晗拍拖之後人氣急升。
呢日佢就去咗米蘭出席時裝周活動，當然要趁機晒吓靚相。
其中一個造型，見佢隨意紮起秀髮戴住黑超同埋圓形大耳環，着住旗袍款式衣領短身上衣大騷纖腰，胸前位置有一個大圓形挖空剪裁，性感之中亦不失型格。
不過睇完相之後，唔少網民都覺得好奇怪，皆因關曉彤微露事線嘅陰影位好唔自然，有網民發揮搞笑創意留言話「是畫上去的嗎」、「為甚麼像屁股」、「乍看以為她長胸毛了」、「是否得罪造型師」、「我以為看到脊骨」等。
不過都有網民留言讚佢條腰夠晒幼，仲問佢係點樣練番嚟！
