政府通過引用《緊急法》訂立「反蒙面法」，特首林鄭月娥見傳媒公布。
杜汶澤今日在facebook提及「反蒙面法」，他說︰「其實大家對『禁蒙面法』真係唔需要反應太過大，我個人覺得純屬搞笑。」
「你諗下，如果二百萬人帶口罩上街，咁就算有呢條法案又點呢？如果警方認為係一場非法集結，即時拉你，咁你蒙唔蒙面又有咩分別呢？好嘞，笑點到嘞，你話事後去拉你，咁你都蒙咗面啦！咁又點知拉邊個得㗎大佬！你估個X個好似黎明咁易認咩？玩少我一陣啦好嘛……立咗法，點執法先得㗎。」
「所以其實呢條法例，最大影響嘅應該啲大明星同埋啲成日咳嘅人，以後出街就好麻煩。好彩我兩樣都唔係。有人舉例話加拿大有『禁蒙面法』，咁加拿大一人一票選總理，你香港係咪一人一票選特首吖？」
(綜合報導/明報娛樂)
