同埋一班好姊妹到當地出席婚禮，佢哋見證住一對新人行禮，佢又興奮撤花瓣，唔知喺現場有冇成功搶花球，成為下一位新娘呢？
韓國女團少女時代嘅29歲前成員Jessica同男友權寧一(K先生)拍拖多年，兩人感情好穩定。
已屆適婚年齡嘅Jessica近日就飛咗去夏威夷，同行就唔見男友K先生，反而佢就孖住模特兒好友Irene Kim周圍行街街。
此行Jessica就同埋一班好姊妹到當地出席好友嘅婚禮，佢哋見證住一對新人行禮，Jessica又興奮撤花瓣，唔知Jessica喺現場有冇成功搶花球，成為下一位新娘呢？
而去到陽光與海灘嘅聖地，Jessica都來個大解放，仲着上白色一件頭泳衣玩水，勁益粉絲。
(蘋果日報)
