名模熊黛林（Lynn）去年誕下雙胞胎女兒Kaylor和Lyvia，之後她就減少幕前工作，將大部分時間都用在兩個女身上，實行有女萬事足！
雖然減少面對鏡頭，但不代表Lynn會因而鬆懈，她依然操得好Fit！
今日她就同大家分享了幾張在家裏做運動的自拍。
素顏上陣的她着上Sports Bra大騷事業線之外，還有小蠻腰同長腿，網友都紛紛大讚她的Body真的「冇得輸」。
還有網友留言：「確定之前肚子裏裝了兩個小可愛嗎？完全平的怎麼做到的？」對Lynn條纖腰大表羨慕！
(綜合報導/on.cc)
【肚突突現身】43歳趙薇傳再度懷孕
內地女星趙薇在2008年與丈夫黃有龍結婚，其後育有女兒黃新（小四月）。
(網上圖片)
趙薇今日現身機場時，被一批粉絲舉起手機圍堵拍攝。她身旁有工作人員隨即疏散人群，期間疑一時口快指「別拍了，懷孕了！」從相關影片中可見，趙薇戴上鴨舌帽及太陽眼鏡，並全程微微低頭及掩鼻，未知是否對氣味敏感。
另外，亦有網民指，其腹部明顯凸起。趙薇的工作人員其後表示，涉事人員當時說的是「可以了，別拍了」。
趙薇本人則未有回應。
(綜合報導/星島娛樂)
【池美麗發性感照！】：貼出黎需要好大勇氣
劇集《愛．回家之開心速遞》中飾演「池美麗」的鍾凱琪，身形一向給人「肥妹仔」的感覺，更曾慘被網絡欺凌。
她於社交網上載一張泳衣照，不過出面就披了件外套，相中佢擺出回眸動作，畫面夢幻。
她還透露因受到「細龍太」陳偉琪（Vicky）嘅啟發，先鼓起勇氣向大家分享這張靚相，事緣日前Vicky晒泳衣照卻被網民嫌肥。
佢留言：「雖然自己好鍾意，不過…考慮咗好耐貼唔貼出來！始終沒有nice body，費事嚇親大家！不過見到細龍太咁靚嘅相貼出嚟，我都好希望大家stop bullying（停止欺凌）！雖然沒有亮麗嘅外表，但每個人也是為自己而活着的。 任何體態都可以擁有屬於自己嘅生活！」
她還自言以Vicky的身形為目標：「我會以Vicky為目標好好減肥！ps,呢張都好似係我第一張泳衣照貼出嚟！希望唔好嚇親大家，貼出嚟係需要好大嘅勇氣。」
(綜合報導/on.cc)
【星級夫婦全現身】袁詠儀馬拉松式生日會
藝人袁詠儀（靚靚）剛剛9月4日48歲生日，人緣甚廣的靚靚連日來接受馬拉松式慶祝活動，相當盡興！
日前，她就與一班同係9月出世的朋友，舉行了個「九月之星」生日會，大批朋友攜眷出席，還有星級夫婦，真係相當熱鬧！
就像沈嘉偉與太太邱淑貞。
郭富城與老婆方媛，大合照時城城還Man爆護妻，從後攬住對方並高舉V字手勢，相當甜蜜！
(綜合報導/on.cc)
【劉佩玥生日party】周志文好避忌?
無綫小花劉佩玥（Moon）9月9號30歲生日。
日前出席完港姐決賽後即刻舉行生日Party。
不少圈中好友包括湯洛雯、趙慧珊@Super Girls、曾合作拍無綫劇《跳躍生命線》中嘅「四子」何廣沛、郭子豪、張彥博及羅天宇等等都有出席，當然怎會少得緋聞男友周志文！
不過有指周志文為避嫌，沒有跟壽星女合照，反而Moon就跟「跳躍四子」大大方方影相，而周志文就於旁邊做攝影師，相當避忌！
(綜合報導/on.cc)
【一早係老闆】黎諾懿曾投資6位數字創業
黎諾懿在節目宣傳期間接受訪時，大呻生意難做：「有夾哥哥、細佬開車房，但因為地方唔夠同埋租又貴，最近由新蒲崗搬咗入屯門，遠咗所以都會提供接送汽車服務，希望咁樣會易做啲。」
坦言投資6位數字，至今已營運了6、7年，保持有錢賺：「自己幫手做Marketing，但依家請人好難，好彩細佬考咗機電工程牌，會落場幫手整車，其實我都識整車！係依家可能會生疏，自己架車有事都係我整，可能重金禮聘請我幫手整車，哈哈！」
講到他最近成無綫「寵兒」，亮相於多部劇集及綜藝節目，霸盡黃金時段，黎諾懿卻謙說：「唔好咁講，都係做吓嘢啫！」續抵死笑話：「我有畀時間觀眾休息，睇完有我嘅《街坊財爺》之後，就睇《她。她。她的少女時代》調整心情先睇《跨》。」
黎諾懿真的懂如何賺錢買奶粉。
(綜合報導/on.cc)
【奶粉錢唔易賺】郭富城接拍「愛不完」的BABY SHARK
超洗腦神曲《Baby Shark》在世界各地掀起熱潮，而天王郭富城近日亦獲邀拍攝Aaron Kwok Style 「Baby Shark Dance Challenge教學短片」。
近日郭富城受邀拍攝Aaron Kwok Style 「Baby Shark Dance Challenge教學短片」，成為首位藝人正式登錄PINKFONG YouTube分享網站。截至今天下午2時半，短片上載一日已火速達至44多萬點撃率。
城城表示：「《Baby Shark》係一首超洗腦的神曲，無論大人小朋友聽過之後都會朗朗上口，跳住大唱大跳！」
他又透露指，「今次除了親身上陣之外，更設計出有我郭富城元素的舞步，融入大家熟悉的《對你愛不完》的轉手動作，以及《唱這歌》抱起單腳的招牌舞姿，變出全新意念！」
城城笑說：「囡囡似足我，喜歡跳跳紮紮！她一直都好鍾意Baby Shark，喜歡看其跳舞多過看爸爸跳舞。所以我今晚就會放《Baby Shark》短片裡給她大驚喜，也讓女兒看看爸爸演繹真人版本，然後愛上爸爸版《Baby Shark》!」
(綜合報導/星島娛樂)
【真係好靚仔】爸爸張達倫大晒囝囝靚仔相
藝人張達倫和老婆陳鳳玲於2016年結婚，二人婚後育有一子「勁秋雞」張凱碩。
囝囝下月便滿2歲，張達倫今日在社交網上載囝囝靚仔相。
「勁秋雞」盡得雙親優良基因，坐定定望實鏡頭，十分靚仔，連張達倫也禁不住讚囝囝：「呢張真係好靚仔喎。」
囝囝真的有好好遺傳到爸爸媽媽的優良基因！
(綜合報道/明報娛樂)
【做左情敵?】張明偉：可能佢老婆好中意我
藝人張明偉憑無綫處境劇《愛．回家之開心速遞》「George」一角非常受觀眾喜愛。
不過熱愛唱歌的他一直未忘初心，不時與朋友夾Band，並組織樂隊Charming Way。
日前Charming Way到大澳出席音樂活動。
由於張明偉在《愛．回家》的演出太深入民心，當日有不少大澳街坊都認出他，更搞笑稱他為「情敵」：「喺街上面好多街坊同我打招呼，有個叔叔突然衝出嚟，握住我隻手話我係佢個情敵，我都呆咗一呆！可能佢老婆好鍾意George，所以當咗我係情敵。」
張明偉又指此行親身感受到大澳居民的熱情與好客：「雖然當日天氣好熱，不過大澳街坊好熱情，我上到台唱歌大家都好開心！我臨走嗰時佢哋仲送大澳特產畀我，呢個地方真係好有人情味，希望可以好好保育呢個地方！」
(綜合報導/on.cc)
【終誕第二胎】蔡毅明指仔仔好開心
旗袍設計師蔡毅明（Grace）日前開刀誕下第二胎。
她將相片放上社交網站分享喜悅，相中她抱着BB女，而大仔亦陪在身邊，相當溫馨。Grace透露BB女重六磅多，已改名叫Ella，她說：「好開心，大仔見到妹妹都好開心，佢完全冇妒忌。（冇一仔一女可以收工？）暫時係，因為之後都要專心工作。」
而9月11日是Grace的生日，她坦言女兒的出世是她最好的生日禮物。
向來熱愛工作的她，在分娩前仍非常勤力工作，設計了以Polka Dots（波點）圖案的多功能長衫系列，並親自演繹，她表示當作是懷孕的紀念：「波點畀人感覺係愉快、有活力同可愛，我希望將自己懷孕嘅喜悅分享畀一位懷孕嘅媽咪。我將大肚服裝同長衫設計結合，採用包裹式剪裁同彈性布料，由懷孕、坐月、修身都可以着到。」
果然是大肚的女人是最美的。
(綜合報導/on.cc)