前港姐冠軍郭羨妮（Sonija）同老公婚後育有6歲囡囡Kylie，一家三口幸福又美滿！
Sonija不時都會同大家分享家庭照，畫面超溫馨～
兩母女好似餅印咁！
Kylie細個嗰陣已經好得意！ 
對比返媽媽嘅童年照，就會發現兩母女好似樣！
而Kylie聰明又可愛，盡得「美麗與智慧並重」真傳！
不過Sonija面對許多父母都可能遇到的煩惱，就是小朋友性格「硬頸」及學業問題。
Sonija直言為Kylie感到憂心：「佢係一個好鍾意玩嘅小朋友，升小學之後功課開始搞唔掂，同埋佢性格執着，唔聽勸告，所以成日都同佢拗好耐。」
Kylie當然亦有窩心一面，Sonija說：「佢細細個開始，我每晚都會幫佢按摩，到依家如果我唔舒服，佢會主動幫我按摩，又會斟水餵我食藥，嗰刻真係有病都變冇病！」
真係好Sweet呀！
(on.cc)
許多喜愛打扮的女生不時喜歡揭開雜誌，看一些女星衣着打扮作為參考，希望自己跟上潮流，不少時尚KOL對城中名媛女星各式各樣的衣服評頭品足，名媛薛芷倫（Fanny）經常出入Ball場，被稱為「Ball后」。
薛芷倫一向活躍ball場，對名牌瞭如指掌。她不時以時尚打扮示人。
薛芷倫自2011年戰勝癌魔，外貌出現轉變，曾解釋因藥物過敏導致皮膚組織受到破壞，大病後的她抱着樂觀自信的心情，再度活躍於名人版。
薛芷倫去年12月出席癌症基金活動，穿貼身銀色連身裙、銀色厚底高踭鞋，性感撐場。
怎料被利嘉兒在一個雜誌時尚版，批評薛芷倫當日衣着高貴，但讓人感覺「笨重過時」，又指她條裙同厚底高踭鞋略嫌過時，帶60年代感覺，叫薛芷倫換一對尖頭鞋更顯時尚。
今日凌晨，薛芷倫翻看舊雜誌見到利嘉兒的言論，她即轉貼內容，似乎有點生氣，在facebook中tag利嘉兒，並留言：「我穿上的是最新一季閃銀色晚裝系列，但是由一個對潮流全冇觸覺、有眼不識品牌的人，扮演潮流專家去批評別人，有點兒笑話吧？」
薛芷倫炮轟完利嘉兒，更主動邀請利嘉兒親身示範打扮，她說：「既然利嘉兒批評我這一身衣著（着）打扮是『笨重過時』，不如請妳親身示範一下妳的高貴美麗輕盈入時Ball場打扮，大家交流一下，好喎！」
不少網民亦認同每件衣服設計都有它的特色，只視乎穿着者是否carry到，薛芷倫亦解釋：「我自己也覺得條裙好難carry，食多碗飯已經穿不上了。」
（apple daily）
藝人李漫芬（Fanny）同老公Alvin剛度過結婚兩周年，喺呢個咁重要嘅日子，Fanny選擇一家三口同奶奶飲下午茶！
Fanny呢兩年經歷做人妻同人母，佢話真係好感激有奶奶幫忙：「奶奶成日煲好多湯水我飲，因為住得近，佢會幫我睇住囡囡（在心），知我拍劇，仲會整好晒啲餸菜畀我帶走，好多謝佢。」同時Fanny亦感激媽咪嘅支持。
回顧成為人妻兩年，Fanny覺得時間過得好快，每日都好開心好感恩，佢話：「婚前好想成日出街，因為可以同老公拍拖，婚後就愛回家，想快啲返屋企見到個女同老公。仲會研究煮嘢食，廚藝唔可以話好好，但肯定進步咗，老公冇咩點讚我，佢笑我來來去去都係嗰幾味，不過我最叻係煮BB粥仔。」
問到同老公有冇互送禮物？Fanny哈哈大笑話：「紀念日前一晚都有問老公有冇驚喜畀我？點知佢話：『最好嘅嘢已經喺你面前。』戶口加咗你名，你買咩都可以，哈哈。其實係佢理財好差，我要做個精明太太幫佢睇住個戶口。」
Fanny仲話計劃今年9月一家三口去旅行，佢表示：「有朋友嘅BB大囡囡一日，已經坐過兩次飛機，在心因為飲奶粉，所以一次都未去過，因為出門要帶好多嘢，計過9月時間差唔多。」
除咗忙於相夫教子，Fanny亦好努力工作，紀念日嘅前一日佢仲要開廠拍攝新劇，對手都係媽媽級嘅陳敏之，兩人大講湊B經。同時Fanny亦好多謝梅小青畀機會佢演繹呢次角色，因為戲份雖然唔多，但好有發揮。
(on.cc)
無綫處境劇《愛．回家之開心速遞》劇情有趣，深得觀眾喜愛，收視率都唔錯，集數一加再加！
當中好多角色都入晒屋，更拎埋獎！
入行19年的林淑敏，近年因為《愛回家之開心速遞》「大小姐」而受到網民賞識，去年更在台慶頒獎禮獲頒最佳女配角。
估唔到當中仲有一個學霸！佢近期忙住拍開心速遞，劇中角色甚受歡迎，成功入屋！
原來過去一年她除了忙刨劇本，亦一邊在科技大學讀書，修讀科大EMBA課程，認真好學不倦。
無綫藝員劉思希於《愛．回家之開心速遞》飾演「洋洋」一角，打理「威龍百貨」入型入格。
劉思希原來是高材生，EMBA課程已經難讀，她所讀的課程更是世界首屈一指。
該課程在全球EMBA課程連續三年排第一，還要有十年商業管理經驗，對學生要求極之高。
真係超犀利！
(綜合報道/on.cc)
藝人江若琳（Elanne）日前喺社交網晒咗張肚凸凸嘅相，即被網友恭喜佢造人成功(相關新聞：https://goo.gl/g53j5x)。
不過佢其後同老公「生煎包王」蕭潤邦（Oscar）出席活動，就否認有喜。
但Oscar凌晨喺社交網分享咗張同Elanne抱住BB嘅合照，仲留言：「生咗喇🎊🎊🎊🎊🎊」
唔通佢哋收得咁埋，生咗BB先公布？
原來係佢哋嘅好朋友生咗小朋友，佢哋實習吓湊B啫！
網友都話好期待佢哋有自己嘅小朋友呀！
而今朝Oscar又再同網友分享夫妻生活，佢影咗張潔面乳嘅相，留言：「江玲（Elanne原名），留意番，請唔好再把洗面奶放在牙膏旁邊，我用咗嚟刷牙，刷到半路好X苦。希望你睇到我嘅訴求😊」
雖然呢件事有啲慘，但係網友都話好好笑，仲話係Oscar自己蠢，冇睇清楚先用喎！
(on.cc)
鍾欣潼（阿嬌）、曾樂彤、MIRROR成員姜濤與Anson Kong等於尖沙嘴出席意大利皮具品牌Furla Monogram期間限定店揭幕禮。
提起好姊妹蔡卓妍與容祖兒到北海道旅行，獨欠阿嬌，她說：「我冇放飛機呀，完全唔關我事，而家有屋企，要顧住老公，有家室嘅人你哋明唔明。」
在逼供之下，阿嬌暗示老公下「禁令」，問她是否將丈夫放在首位？她說：「係！大家明啦！老公重要，姊妹都好重要，做人好難。」
她又指老公已經請假，鐵定會跟Joey及阿Sa齊齊到希臘旅行，問她可有幫Joey找個伴？阿嬌即爆指最近為Joey到「金童玉女殿」點燈求姻緣，阿嬌說：「我好神心，我去咗金童玉女殿，好難先有人放個位出嚟，好好嘅，我幫佢全年（祈福），包括姻緣，我結婚前媽咪都有幫我點，點咗就結婚嘞。」
問阿嬌會實際介紹男仔給Joey識嗎？她說：「冇呀！我係宅女，呢樣交畀阿Sa，佢識人多啲，而家物色緊，要搵個好嘅畀佢，佢都要努力，靠自己，外來嘅只係輔助。」
早前患上甲型流感，日前阿嬌又患腸胃炎，問她為何經常患病？她說：「係啦，冇嘢嘅，小病是福，之前去度蜜月，可能流感未清，喺比利時入咗間酒吧，開咗支香檳，唔知係咪啲藥撞咗，我去到餐廳嘅廁所，坐咗喺門口，入到廁所瞓低咗半個鐘，跟住Michael打電話畀我，好嚴重，真係唔可以撞藥，而家好返好多。」
記者笑言老公照顧不周，問阿嬌現時是否要調理身體為生B準備？她說：「佢有照顧我，調理返好身體先，唔好講生BB住。」
(apple daily)
想當年，鍾嘉欣、岑麗香、王君馨、李亞男同苟云慧，因為有相同宗教信仰嘅關係，組成「Amazing Esther」——即係後來被稱為處女黨嘅組合。
轉眼間個個都升晒呢做人妻，有幾個更已經做埋媽媽！
鍾嘉欣去年八月誕下囝囝Jared Anthony，現時囝囝快將半歲，大女Kelly亦已兩歲半，湊夠一個好字，在加拿大享受家庭樂。
李亞男就喺上年12月誕下囡囡Gabrielle！
岑麗香都即將「卸貨」啦！
下一個會係邊個呢？
呢日王君馨（Grace）、名模馬詩慧、Ana R.、Amanda S.、林心兒、王麗嘉、李家彤、曾昭亮、以及時尚達人林皓霆等出席「BVLGARI Wild Pop高級珠寶展」活動，場面熱鬧。
Grace以超低胸配襯西裝外套，並佩戴名貴首飾，明艷照人。問到有冇睇中咩首飾，佢話睇中佢手上名貴嘅戒指：「但應該暫時未負擔得起，平時比賽好難戴，但如果配襯今日60年代，好似麥當娜造型嘅話咁就冇問題。（叫老公埋單？）我唔會畀老公咁大壓力。」佢話雖然老公冇乜送名貴嘅首飾畀佢，但間中會送啲手工藝嘅畀佢：「好似佢之前都送過一個手工藝十字架，係一啲比較有意思嘅嘢。我哋之前10周年，佢又送過一個相架畀我，後面雕刻咗成封信畀我，好有心思。」
講到好姊妹岑麗香就嚟生得，問到幾時輪到Grace有喜訊，佢話：「苟芸慧要加油！我依家拍緊《唐人街》，每1至2日就要練功夫，有好多打戲，就算依家有BB我都handle唔到，拍完呢套嚟緊又有一套要開拍，都要等拍完養返番好個身體，我諗最快都要到下年，所以我成日都話自己係守龍門，希望今年王君馨係一個最fit嘅狀態。」
另外， 同場仲有賭王何鴻燊三房千金何超蓮以性感打扮示人，講到細佬何猷啟宣布結婚，佢表示當日有去觀禮，雖然仲未送禮畀對方，但當日有份幫手安排攝影及服裝等，並同弟婦Gigi相處愉快。
(綜合報道/on.cc)
現年67歲的大劉劉鑾雄，早年患上腎衰竭、心臟病和糖尿病，不但經常進出醫院，甚至出入都要人攙扶或是要坐輪椅。直至16年11月，大劉接受《蘋果日報》訪問時承認已經換腎，加上大劉太太甘比(陳凱韻)悉心照顧，大劉健康亦見好轉。而大劉16年12月跟甘比結婚後，於去年1月再為人父，甘比繼大女秀樺及二子仲學後，再為他誕下細女，可見大劉有心有力。
今日下午3時45分，大劉乘七人車抵達灣仔中國恒大中心，今日天氣較冷，但大劉僅穿短袖上衣襯淺色褲，落車時見大劉左望右望，看來精神奕奕。
閒時大劉會由助手或保鑣幫他拿東西，但今日大劉就自行拿着紙袋，他上樓梯時無需他人攙扶，他見到在場記者拍照時，還望一望記者，然後在三名保鑣陪同下上大廈。
即將於紅館舉行演唱會的陳曉東，今日和排舞師麥秋成於觀塘為演出排舞，他表示近來密密練歌和排舞及戒口，希望保持最佳身形上台。雖然只開一場，但東東表示對演出非常期待，問到可會覺可惜？
他說：「冇辦法，今次冇期，好多朋友屋企人都有同我投訴買唔到飛，希望今次做完後可以即刻入紙再開Part 2。」
早前被拍得和太太王妤嫻Shopping買BB用品，太太更穿鬆身衫孕味濃， 東東表示…
「佢哋亂講，唔係BB只係買嘢畀個女，香港可以買嘢嘅地方嚟嚟去去得嗰幾個。」又表示太太向來喜歡穿鬆身衫：「報道出街後，佢好嬲，話要陪我一齊健身兼戒口。」問到可有追仔計劃？東東表示：「自自然然算啦，係追都追Part 2先，總之大家都努力，合作愉快啦。」
(appledaily)
歌手吳若希（Jinny）同老公何兆鴻（Alex）婚後不時傳出婚變消息，不過Jinny每次否認傳聞，早前仲話要嚟個30days婚變challenge，每日都要講一個老公嘅優點。
呢日就嚟到第7日，Jinny喺網上晒出一張Alex陪囡囡玩嘅相，並大讚老公會將最好嘅嘢畀晒佢，仲話何為最好，並唔係由外人定義。
「如果一個人賺$2，拿$1給你，和一個人賺$10，拿$2給你，我會更珍惜那個$1。我老公不是甚麼大富大貴，但他會把他可以給的最好的都給我～最好的不是由外人去定義，而是由我們自己去決定的。」
Jinny仲話：「爸B，我想告訴你，錢雖然重要，但夠生活就好，你賺多少錢真的不是用來衡量你的愛，我要的愛是看到你一心一意為這個家去努力就夠了！你明白嗎？」
(facebook / on.cc)
