英國哈里王子和梅根的兒子阿奇（Archie），上周六（6日）在溫莎堡內的教堂接受嬰兒洗禮，哈利及皇室隨後均在社交網站上公開兒子的受洗相片。
2個月大的阿奇穿着喬治王子、夏洛特公主及路易王子穿過的洗禮袍。該件洗禮袍由緞及喱士製成，是當年維多利亞女王長女1841年受洗時4所穿洗禮袍的仿製品。儀式由坎特伯雷大主教韋爾比親自主持，阿奇被灑上約旦河的聖水後正式完成受洗。
英國民衆都爲阿奇高興和慶祝~
梅根與哈里的官方IG最新發佈皇室家庭合照，這照片是小王子阿奇接受洗禮儀式後所拍攝，亦是首次公開小王子正面照，讓眾人的目光都放在可愛的男嬰上。
整個皇室都爲阿奇的出世感到十分開心！
(綜合報道)
賭王四房孻仔何猷君星期四（4號）與大他6年的國產超模奚夢瑤，齊齊在微博宣佈已領證結婚。
奚夢瑤正式成為豪門新抱，而婚禮將會於下年舉行，四太梁安琪就對她相當滿意，之前向傳媒表示她是「爆分」新抱。
已成為何家新抱的奚夢瑤，已定居在香港生活，昨晚有網民在香港捕獲她與猷君及四太，齊齊幫襯平民餐廳開飯。
網友留言表示：「看見四太，奚夢瑤，和四太兒子（指何猷君）吃飯，果然我平常老是看見的那個人就是四太。」奚夢瑤亦相當識做，與四太並肩而坐，而猷君就坐四太對面，可見婆媳關係相當不錯。
奚夢瑤與四太一家關係良好，早前何超盈舉行過大禮儀式，奚夢瑤亦有現身，儼如家人一樣。
(綜合報道)
藝人鄧麗欣（Stephy）最近拍戲殺青，難得有個短假期，竟然唔同男友邱勝翊（王子）去享受二人世界，反而陪媽咪去日本東京旅行，果然係孝順女！
Stephy在社交網分享多張兩母女合照，佢仲化身攝影師，親自幫媽咪影相留倩影。
相中見佢兩母女周圍去歎美食，相信二人都玩得好盡興，不過Stephy就話今次旅行仲攰過拍戲：「拍完戲就想旅行輕鬆一下，但日本真的不是一個放鬆的選擇，好像比拍戲還要累啊。」
兩母女不但輪廓五官超似，笑容仲好一致~
好多網民都叫王子應該一齊去，一來可以幫Stephy手照顧伯母，藉此加下印象分都幾好！
(綜合報道)
《白色強人》明天開始結局篇，唐明（馬國明）與Zoe（唐詩詠）這一對sweet到爆，一直備受觀衆注目！日前馬明跟唐詩詠，還有劇中琛哥（蔣志光）與監制羅永賢在飯局開Live跟粉絲互動。
最近頻被讚靚仔有型的馬明好風騷，詩詠介紹馬明，說：「係咪好靚仔呢！你睇佢個頭今日幾靚！」馬明即時好開心回應：「係呀！」馬明自信番曬嚟，他還用手輕撥頭髮，說他現在的髮型都有少少唐明feel，詩詠也要求他以後keep這個髮型！
唐明與Zoe感情線令觀眾睇得好投入同好冧，不少觀衆都希望他們兩人快點復合~
其實Zoe有另一條感情線，就是跟琛哥的友情，兩人亦師亦友。蔣志光公開讚詩詠處理這段感情很好，男女之間不一定是愛情，也有朋友的感情。
這個時候馬明加把口讚詩詠演技好好。今次他們開Live有重要消息，監制羅永賢在鏡頭前答應，觀眾繼續捧場，畀多啲意見，他會認真考慮開拍《白色強人2》。
好戲在後頭，識睇一定睇留言。開live期間，網民撥大葵扇希望馬明與詩詠戲裏戲外都成為真的一對。
絕世好女友和絕種好男人，襯到絕！
有網民留言：「馬明同詩詠夫妻相襯到絕」，「假如真實生活能看馬國明跟唐詩詠走在一起就很棒了」最到肉的一句:「 馬明，最好的已在你身邊，唐詩詠，你倆真的很登對」。大家想他們一對嗎？
(綜合報道)
因「逃稅風波」被罰約10億港元的内地女星范冰冰，上月底與未婚夫李晨在微博宣佈結束4年情，雖然分手聲明寫着「我們不再是我們」。
但分手後，兩人又被拍到相約食飯，可見兩人關係仍屬好友。
雖然分手亦是朋友，不過一向有在網上開賣二手衫的范冰冰，卻被發現在網店中賣掉李晨送的玫瑰熊。
最近就有大陸報道指，已同李晨分手的范冰冰，竟將李晨送給她的一隻名為「永生花熊」的公仔，放在其二手店「范冰冰的神秘花園」中，標出天價38,888人民幣（約44068港元）售賣，令一眾網民懷疑冰冰的經濟狀況，以及指分手後賣掉禮物「好現實」。
不過，翻查范冰冰開設的二手店，卻發現該店的確曾出售該隻玫瑰熊公仔，雖然與傳聞一樣是「訂製款」，但冰冰的二手店卻只賣980人民幣（約1,110港元），並非傳聞中的天價，現在玫瑰熊仔亦已售出，但卻沒顯示上架及售出日期，所以未知范冰冰是否在與李晨分手後才賣掉。
宣佈分手消息後，有粉絲仍希望兩人有一絲機會復合，但此刻冰冰賣出如此重要回憶禮物，看來復合可能性比較低。
(綜合報道)
藝人胡杏兒為老公李乘德（Philip）誕下第二名小王子，她昨日在IG公佈喜訊，貼出一張「一家四手」照片，留言：「Hello Ryan Lee, 李奕霖，Daddy, Mommy and Gor Gor welcome you to our family!! 」
而Philip亦都在IG貼了「一家四手」照片，他更用英文留言說：「Ryan和Brendan嘅名都係嚟自族譜，我哋都好鍾意Ryan呢個名，謝謝李太太，媽媽同兒子喺過去幾個禮拜一直表現良好＃我們四#newborn #FamiLee #hakka #hakkajai」
杏兒於15年底和Philip結婚，婚後年半宣佈懷孕，大仔Brendan尚有3個月便兩歲，已經當上哥哥了。
杏兒接受訪問表示細仔Ryan是順產…
對於各方好友的祝福，杏兒說：「弟弟出世重7磅8安士，佢出世時好錫住媽咪，好快手，所以我都冇痛好耐。」
胡説八道會成員的黃智雯，回覆傳媒：「已經探過杏兒同bb，我哋班契媽都送咗一份有紀念價值嘅禮物畀BB，希望細佬健康長大，錫媽咪。」那麽BB同哥哥是否好似樣，她笑說：「啱啱出世未睇到，不過都係一樣咁cute。」
胡蓓蔚亦說：「 BB精靈可愛，表情多多，同哥哥嘅輪廓都似㗎，我哋成班都勁開心。」
再次恭喜杏兒一家四口啊！
(綜合報道)
藝人劉愷威自上年12月與楊冪離婚後一直低調，常被拍傳媒拍到湊囡囡小糯米。
這天網上突然流傳他與一位年輕女子現身民政局的照片，馬上瘋傳劉愷威再婚消息，難道他宣佈離婚後找到新女友，并且再婚？
之後陸續有其他相片同視頻流出，原來劉愷威正與藝人陳都靈拍緊新劇《這就是生活》，劇情講佢哋領證結婚行出嚟，獲朋友放紙炮祝賀，之後劉愷威再換另外一套衫，拍喺民政局同阿媽鬧交嘅戲份，相信係一次過拍晒結婚同埋離婚嘅場口。
現場有唔少途人圍觀，當中有人向劉愷威大嗌「楊冪前夫」，唔知係咪聽唔到，劉愷威完全冇理會繼續拍攝。
(綜合報道)
45歲的馬國明失戀，今日有報道指馬國明承認與黃心穎已經分手，並將對方降呢做回「朋友」。今日中午12時半，馬國明獨自駕車離開太古城寓所，當時未有化妝，表情木訥，對記者提問未有回應。
今日下午3時，馬國明與新劇《白色強人》拍檔李佳芯一齊在將軍澳出席活動，一身粉藍色西裝好醒神，有台上與Fans互動亦有講有笑。活動後，馬國明即成為焦點，被大批傳媒圍住訪問，被取笑滿頭大汗，身邊工作人員護航說：「佢成日係咁。」
馬國明在訪問中多次希望網民言論別過激，希望給予心穎一個機會，問到是否想幫她復出工作？他說：「唔係幫，只係件事大家反應過激囉，有啲網民，始終係感情事，我都可以同佢繼續係朋友，點解大家反應咁激呢？！只係大家係咁啄住佢嚟鬧，件事過咗咁耐，佢都知錯啦！我之前回應都講咗，佢後生仲有好多路要行，大家無謂呢件事周旋啄住佢。」
問到是否回復筍盤？他說：「唔關事，呢啲唔講，希望件事盡快平息，過咗好耐，唔使周旋呢啲問題。」對於有沒有聯絡心穎，有沒有見過對方，馬國明都避談說：「唔講，所有嘢唔答，再答只會問得多啲。其實你哋都知佢而家係邊啦，報紙寫咗佢去第二度讀書嘛。」仍是女朋友關係？他苦笑說：「唔答嘞，唔知點解大家要劃得條線咁實，其實我真係冇咩答。」
馬國明在報道中承認得知「安心偷食」後好憤怒，他澄清：「係有啲嬲，但唔可以用憤怒嚟形容，佢知自己犯錯。而家仲嬲？過咗好耐仲嬲？大家仲係朋友，總之大家唔使咁激動，冇必要做唔到朋友。」對於現時是否已ready一段新感情？馬國明仍是一句：「唔答。」如果心穎要求翻撻？他說﹕「假設唔答。」想不想再試多一次？他說﹕「唔答嘞！」
問到跟心穎分手後，是否已準備接受一段新感情？馬國明稱：「我唔答喇，唔答喇呢啲，冇話準備好未。」若然心穎想復合又是否接受？馬國明即笑說：「呢啲假設性嘅問題唔答喇！Thank you，辛苦晒！」問到他倆是否有復合機會？他亦話：「唔答喇，都冇咩可以答，我冇咩答喇，大家都係朋友。」提到再拍拖時會否更小心，以及更關注女友行蹤？馬國明就話：「呢啲將來嘅事，唔答喇，多謝大家關心。我諗都係專心做嘢先啦，大家都冇咩答喇，做好自己手頭上嘅工作先。」
現已回復單身的馬國明，又指從來不認為自己是筍盤：「大家畀面成日叫筍盤，其實就唔係真係咁筍嘅，多謝大家畀面！」問到事情發生後，有沒有跟心穎傾過如何面對傳媒？馬國明說：「其實第一次回應當日我已經講晒，亦都唔係好想再講，係囉都冇咩再可以答，其實我而家答嘅基本上都係套番第一次嘅答案嚟答，只不過大家有自己嘅解釋，就再解釋落去，我都話我控制唔到報紙、傳媒嘅標題，但我只可以話我哋仲係朋友，希望大家可以畀個機會佢。」問到情傷好番未？馬國明就引用劇集中的醫生身份說：「其實我第一次已經答咗，嬲嗰段時間好短，人誰無過呢，我冇事，我不嬲都話我冇事，當我第一次出嚟回應我已經話我冇事，我自己修復咗我自己個心，我係心胸肺科，我自己修復咗，大家唔使擔心！」
馬國明當然亦有備而來，對記者提問幾乎是有問必答。最初問到有否養貓，是不是有愛心的女仔會加分？他說：「我諗又唔係好關事。」之後記者單刀直入，問馬國明是否已回復單身？他說：「我冇乜講過啲乜嘢，總之我控制唔到報紙雜誌啲標題，但我成日都想講，我哋都仲有朋友，希望大家都畀個機會佢啦！我覺都鬧夠嘞，覺得大家反應過敏咗，始終係感情事啫。」
(apple daily)
熊黛林（Lynn）為老公郭可頌生下一對可愛雙胞胎，大孖Kaylor和細孖Lyvia已經一歲多，已經牙牙學語，樣貌亦越來越有明顯的分別，大孖越大越似媽咪，而細孖個樣就似足爸爸。
不時都會喺社交網些牙湊女日常～
超可愛！
經常在社交網貼相晒孖寶的Lynn，昨日又分享了孖女的新照片。
並留言：「每次帶孖寶出去玩她們都好開心，好乖好乖的！猜猜看，孖寶會說的第一個英文單詞是什麼？照片裏有提示哦！」
原來Lynn帶了孖女去商場睇巨型Line公仔，孖女看見巨型黃色「莎莉」時好興奮，更說出第一個英文單詞，令Lynn甚為開心，並叫大家估一估孖女說的是甚麼，不少網民都估是Duck。
(綜合報道/apple daily)
曾敏於《白色強人》演一位急症室病人的太太，老公訛稱工傷入院，但最後卻揭發老公因性侵一名女生後被對方咬斷手指，認真坎坷。現實中曾敏曾有落泊之時，曾因為偷竊罪而留有案底，幸7年前嫁予隱形富豪成功翻身。
現年33歲的曾敏憑住2006年參選亞姐而入行，她更奪得「最佳冠軍相」、「最佳才藝獎」和「最上鏡小姐獎」成三料亞姐，其後簽約成亞視藝人。
可是，在2008年12月，曾敏被指於中央圖書館偷雜誌被捕，當時她聲稱雜誌是自己，後說是朋友，直至上庭時才承認是自己一時不留神放到袋裡，最終被裁定偷竊罪成立，罰款1000元兼留案底，亞視亦隨即跟她解約。
人誰無過？幸「雙失」的曾敏沒因此意志消沈，她積極面對逆境，在2009年考入第24期無線藝員訓練班，之後簽約大台。
皮膚白哲的她常為《都市閒情》及《姊妹陶》任化妝模特兒，直至2011年開始參與《結‧分@謊情式》等劇集。
在2012年，她嫁富豪成為闊太。曾敏的丈夫為香港隱形富豪周錦濤之兒子周錫明，49歲的周錫明繼承父業經營建築生意，並擅於地產投資，據悉身家約20億元。
當年，有指開設模特兒公司的周錫明透過工作而認識曾敏。在2012年1月底，有傳媒刊出二人的擬結婚通知書，婚訊隨即曝光，原先居於小西灣居屋的曾敏亦進駐男方的大坑豪宅。
曾敏可說飛上枝頭變鳳凰，不過她沒有「升呢」為闊太而偷懶，婚後繼續在大台拍劇的工作，並非一個只懂享受的少奶奶。
(Topick)
