現年34歲嘅07年亞姐冠軍張珮汶（Grace，前名張家瑩）今年4月嫁圈外老公何駿杰（Adrian)，結婚半年就有好消息！佢凌晨喺IG宣佈懷孕20周，恭喜恭喜！
問到Grace依家陀B情況如何？佢就話：「多謝你呀，BB依家剛5個月，預產期明年3月，（生幾個？）至少兩個啦，哈哈，冇咁悶。」
(Apple Daily)
袁偉豪Benjamin(Ben)前年同岑杏賢分手，半年後戀上同是港姐出身嘅張寶兒(Bowie)。
袁偉豪同張寶兒拍《打工捱世界Ⅱ》時撻著，拍拖一年幾。
不時都會喺社交網到放下閃咁，超級Sweet~
睇番啲相，玻璃反射見到同張寶兒傾到雞啄唔斷嘅女士，其實就係袁偉豪嘅媽媽，見佢哋咁投緣，相信袁媽媽都好滿意呢位未來新抱仔，唔知有冇機會好似陳展鵬咁閃婚呢？而袁偉豪喺上周五亦有在ig貼上一張與媽媽同行日本嘅合照，並留言：「只要媽媽快樂，我便快樂#好好建立自己的生活。」
唔少網民都讚佢乖仔，因為袁偉豪嘅爸爸喺今年5月離世，一家人都需要時間走出傷痛，陪媽咪出外散心亦是一件樂事。
張寶兒接受傳媒訪問時話唔介意放棄二人世界，佢話：「適當的時候做適當的事，陪長輩見到她們開心我都好開心。」張寶兒直言同袁偉豪各有各忙，咁啱嗰段時間得閒，所以陪Auntie之餘仲一齊慶祝生日，張寶兒話：「佢(袁偉豪)想同媽媽散心，想享受母子相聚時光，我都好幸運可以幫手照顧吓，或安排行程。」
問到可會閃婚？佢笑笑口話：「應該好難閃婚吧，排期註冊已經會被發現啦，哈哈哈！但現在都想focus喺工作上先。」
（Apple Daily）
無綫花旦李施嬅去年憑美國微電影《OnceMore》，分別榮獲《European Cinematography Awards》及《Los Angeles Film Awards》最佳女主角，成為雙料影后的她，原來在去年底靜悄悄地在加拿大拍攝了劇集《Blood And Water》（血與水）第三季。雖然得了獎項，但一切皆是由零開始，經過多次面試，撼低數百試鏡女演員才獲得角色，她坦言滿足感好大，好似中了六合彩一樣開心：「試鏡幾好玩，監製、導演唔識我，靠自己嘅演技、實力爭取到角色，真係好開心。」
李施嬅認真練習揸槍演好殺手一角。
與敵對峙時連眼神都有戲！
睇得又打得
入行十五年的李施嬅漸漸被定型為斯文靚女的類型，但今次拍加拿大劇集竟然被睇中演動作角色，同以往嘅角色完全唔同，由黑警演到殺手，內心複雜，充滿黑暗面：「喺香港大家會覺得我啱做文靜、斯文角色，唔會諗到搵我去打、凶神惡煞、黑警、開槍駁火呢啲角色，但有人覺得我係得，希望香港會留意到，第日會有多啲唔同類型嘅角色去演，自己覺得能夠做到唔同角色先係真正演員。」
導演要求高
李施嬅指今次合作的外國導演，認真態度及對演員要求之高，令她眼界大開，她對自己的要求也提高，心裏有團火，希望快點接到新角色挑戰自己：「最難忘係臨尾一場喊戲，導演足足要求我喊咗十三次，導演想試唔同變化，我就跟住指示不斷試，佢話要做A List演員，導演要求做一百次都要做到，聽完呢句說話，我同自己講要做A List演員，每一個Take都要求做到一百分。」
(on.cc)
不過，近日言承旭喺日本舉行寫真集發佈會時，講到拍攝期間點滴，言承旭竟然爆咗句：「最要感謝女朋友在拍攝現場的陪伴。」係咪有好消息準備宣佈？
至於嗰句「最要感謝女朋友在拍攝現場的陪伴。」言承旭話對方令佢可以喺拍攝過程中，真實呈現攝影師所要求傳達「約會互動時男友視角的甜蜜」，而且更話因為有女朋友喺度，令佢「兩天的拍攝工作疲憊感一掃而空」，真係Sweet到呢！
雖然言承旭講到咁白，但有人問佢女朋友係邊個嗰陣，佢就只係好燦爛咁笑一笑，未作任何回應。而一向低調處理感情事嘅佢，竟然公開講出「女朋友」三字，令大家都認為佢即將會公開戀情。
不過，據知喺發佈會前兩日，言承旭喺東京舉行見面會嗰陣，佢就曾經表示希望大家可以多看身邊在乎自己嘅人：「當我放下驕傲、自尊、或被看不起的心情，才發現原來我可以做得更好、原來我可以不需要那麼多理由去解釋，而應該是反過來去沈澱自己、面對自己那些不足的地方。」當時亦已有人問佢係咪要結束單身，而言承旭當時只以笑回答，估唔到兩日後，佢就公開認愛喇！
(Apple Daily)
「上半年有啲婦女病，纏繞咗好耐，機能亂晒，所以真係冇諗過（懷孕）。依家三年抱兩件嘅事發生喺自己身上，同老公諗咗好耐要唔要，點處理。。。」
昨晚現身中環出席活動，身穿白色裙，著矮踭鞋現身，但尚未見肚。
38歲何嘉莉與前夫育有一子，之後閃嫁飛機師Gerald Sze，上年9月細女出世。
一年之後何嘉莉喺IG宣佈佗第三胎，懷孕四個月。
昨晚她現身中環出席活動分享喜訊，問到今次再度懷孕係咪計劃之內，佢就話：「絕對唔係，一個意外，唔係預期中嘅事，本身諗住一仔一女，兩個都幾好，加上同阿女時間好近，佢九月先啱啱一歲，諗住放多啲時間喺阿女度，點知有咁surprise事發生。」
「上半年有啲婦女病，纏繞咗好耐，機能亂晒，所以真係冇諗過（懷孕）。」佢就話之前用盡方法，努力咗兩年先成功佗女，本來都諗住好難再懷孕：「依家三年抱兩件嘅事發生喺自己身上，同老公諗咗好耐，要唔要，點處理，但係諗下貓貓狗狗都唔會唔要啦！何況自己骨肉，更加冇可能殺死佢。」
但原來屋企人本身唔係好贊成：「因為怕我太攰，啱啱有兩個小朋友，身體啱啱先復完，又有另一個，加上怕財政上負擔，但點都好，最後都係接受嘅，覺得船到橋頭自然直，依家懷孕4個月。」
問到BB性別，何嘉莉表示有照過超聲波，但係BB遮下遮下，所以未確定性別：「希望呢一胎係女啦，雖然以前我係鍾意仔，但係依家有咗嗰女，覺得個女又嗲又安定啲，加上老公鍾意女，嗰女『冧』到嗰老竇。」
咁哥哥知道自己就嚟多一個弟弟或者妹妹有咩反應呢？何嘉莉就話：「其實哥哥（大仔）已知道媽咪又有咗，佢冇乜反應，但佢想要細佬，不過唔係你想要就要，想要細佬就有細佬，同埋就算呢一胎同大仔咁啱玩，有年齡距離。」
(Apple Daily)
藝人楊穎（Angelababy）在上海以一身白色貼身珠片裙出席代言活動。
Baby雖然已為人母，但身形依然保持纖瘦，造型突顯她的Fit爆黃蜂腰。
上年誕下小海綿
她的造型更被形容有點像由童話中的美人魚，她接受司儀訪問指自己想擁有飛翔的超能力享受自由，認真童心未泯。
（on.cc）
1973年首屆港姐孫泳恩，隨夫到洛杉磯生活，近年轉戰地產工作，她接受傳媒訪問，透露年邁母親早前做了兩個大手術，所以更想陪在她身邊，她說：「年底會返中山陪媽媽！」
年屆63歲的她，雖與媽媽分隔兩地，而她與現任老公法籍練馬師賓康及其女兒早年雖到美國生活，惟丈夫發展不如理想，故輾轉到了佛羅里達州發展其賽馬事業，可是孫泳恩想繼續留洛杉磯，故夫妻分隔兩地，女兒則攻讀大學，可謂家人分散各地，然而無影響大家感情。
兒子
現時都開心過日子：「一家人一條心最重要，平時自己有狗陪，又做運動，又有賣樓嘅工作，我都過住半退休生活，好舒服！60幾歲人，都食老人餐啦！不過我嘅日子過得好開心，平淡是福！」
(on.cc)
藝人余文樂（樂仔）以代言人身份，於澳門新濠影滙出席全球首個室內全電能特技匯演《狂電派》的記者會，活動後樂仔接受訪問，表示現時較少接拍有危險戲份的戲劇作品，即使有動作場口，劇組人員都會特別照顧他，因為驚演員一受傷就會影響拍攝進度，笑言想拍都冇得拍。
剛成家立室兼生埋囝囝余初見 （Cody）的他，一提起愛子即冧笑，不過他坦言未習慣爸爸這身份，會感到壓力，所有事情都會好緊張，亦有向身邊朋友取經湊B：「佢唔係咁跟姐姐，都會黐我哋多啲，照顧上用嘅時間、心力就攰啲，夜晚嗰Part就全權我哋負責，會一齊瞓，可能休息時間冇咁好。」外出工作會掛住囝囝？他笑言冇咁嚴重。
問到可曾試過換片、餵奶？樂仔搞笑大呻會被人趕走，所以冇份幫手換片：「因為我唔叻，餵奶就係我負責，沖涼都有份幫手嘅，總之娛樂嘅嘢都係我負責，我係娛樂部。」
問到有仔萬事足的樂仔，拍攝時可會變得錫身？他笑笑口說如果要演出都冇辦法，又指最擔心反而是媽媽：「佢一路都唔鍾意我拍危險戲，但真係要做嘅時候都要做。（咁太太呢？）佢就冇話嘅，好少會講，但如果要拍啲危險嘢都會陪我，其實佢今日都有嚟，但如果太遠、太長時間就未必陪。（咁囝囝有跟埋嚟？）佢喺屋企。」續指一家人在香港定居。
講到日前去日本工作時不適入院，樂仔坦言身體變差了很多，可能因最近工作繁忙，搞到身體「出事」：「有各種唔舒服，呢排真係飛得好密，其實咁樣連住飛都好痛苦，我好鍾意做嘢，但身體唔好都幾麻煩。」
(on.cc)
前英皇小花何嘉莉（Lillian）去年為機師老公Gerald誕下囡囡Zoe，不時喺社交網上載與囡囡合照，紀錄囡囡成長。
而琴晚佢亦上載一家三口照，甜蜜慶祝與老公初吻周年紀念：「First Kiss Anniversary 無聊吧！其實以往這個日子只會記（紀）錄在我們的年曆表，提醒一下這個浪漫時刻而已。今年踫巧兒子放假到外婆家住上兩天，我們才打算在外面吃個飯吧！雖然這個活潑BB一直在搗亂，浪漫沒有也夠溫馨♥」
今日Lillian就晒出一張黑白相，疑似再有喜，佢留言寫道：「1+1=5 再一次感受生命的奇妙 I love uuuu」
(ig / on.cc)
藝人肥媽和陸浩明（6號）為節目《肥媽優質食好D》拜神，談到節目，肥媽表示只有5集，笑言可以今日開鏡，明日就煞科：「等咗幾輯，今次節目終於可以用靚嘅食材，呢啲節目好好撈，好似喺屋企煮飯咁。」6號亦謂每集有不同主題，例如全牛或全豬等，教人煮優質靚肉。
她又表示之後會到澳洲出席一個有機農場開幕，到時會為幾百人炮製靚牛肉。兩人又講到他們有很多海外粉絲，6號表示日前去希臘有來自中美洲的粉絲認得他，肥媽亦謂哥斯達黎加及瓦努瓦圖都有人識她，亦謂：「我去到洛杉磯，中菜餐廳啲人係直情叫我唔好食嗰樣，叫我食第二樣，同埋有長腳蟹嗰啲靚食材，佢哋係直接問我想點煮。」
她又笑言有內地粉絲不知她是歌手：「話原來我識唱歌。」她很開心節目不但吸納師奶粉絲，還有小朋友及年輕人，又笑言：「好多人鍾意睇我打6號 pat pat，所以會徇眾要求照做。」
講到6號早前與女友去希臘旅行，上載一張相令人誤以為影婚照，他笑言：「其實真係有喜事，就係我女友生日，嗰張相係我見到有對情侶影相，所以用emoji遮住佢哋個樣。」肥媽一聽到有喜事就好開心，又幫手催婚：「展鵬（陳展鵬）都結咗婚啦，你都要大鵬展翅高飛！」6號即笑言：「我只係小鳥，想喺香港買埋樓先踏入人生新階段。」
（on.cc）
