JC與藝人安志杰年前已誕下女兒Tessa，日前再為老公誕下8.8磅的巨碼囝囝Elvis，湊成一個「好」字。產後的她更是百無禁忌，出院時穿低胸裙又狂食生冷嘢，目前仍在坐月的她前日撇下一對子女外出，與老公雙雙往中環撐枱腳二人世界。
素顏避鏡頭
現場所見，一頭長髮的JC素顏上陣，並與不少剛分娩的媽媽一樣出現脫髮問題，前額頭髮變得稀薄，髮線明顯向後移。而她產後唔夠10天已極速收身，雖穿上黑色上衣配連身工人褲，但仍難掩升哂Cup。
她與老公醫肚後便往會合奶奶和姑仔，一行四人沿途步往附近超市，期間沒化妝的她發現記者即一臉驚訝，還一度躲在老公身後，又掩面避鏡，不過最後仍大方向鏡頭揮手，他們入超市掃貨後，便匆匆趕回家湊B。
(on.cc東網)
之前有報道指係羅生提出離婚，佢就話：「離婚其實係我提出，羅生有少少講笑同我講：『做乜你話畀人聽係我提出，我都冇提出。』我喺呢度作一個澄清，係我提出離婚。。。」
48歲那年，梁芷珊選擇跟商人羅傑承離婚，過去15年來朝夕相對，現在卻你走你的路。
今日（29日）是芷珊的50歲生日，除去羅太的名銜500多天，失婚的芷珊重拾了歡顏，迎接女人五十的來臨；日前她接受《蘋果》專訪首談婚姻的終結，原來15年夫妻情盡，原因是她失去愛情的感覺，所以主動提出離婚！愛情對女人很重要，感性的芷珊說：「我同羅生到依家感情都係非常之好，但問題乜嘢係愛情？兩個人應該有共同計劃同追求，唔關有冇錢事，當一段感情太過穩定同太過長，我覺得變咗真係親人，下一次旅行，全家一齊去，下一次去南丫島，叫一班friend去，慢慢冇咗兩個人冇咗火花！冇咗愛情感覺呢部份，或者對羅生嚟講唔重要，可能有啲人感覺賢內助就係愛情，我信任你就係愛情，但每個人唔同，我對羅生都係咁講，我哋變咗24小時工作拍檔，每一個對話、電話、臨瞓前講嘅嘢，都係關於工作，有時關於個女，唯一維繫我哋婚姻只係工作，呢樣唔係我最想要！」
當婚姻出現問題時，芷珊選擇了堅強面對：「當愛情慢慢消失喺我40幾歲時，我覺得要為自己去諗同決定，只想聽日瞓醒後開心啲。我係好易喊，但幾收埋自己，可能我最唔開心時候，羅生係唔知嘅，因為佢好專注工作，我亦唔想自己情緒影響佢，到我有足夠堅強去面對，講畀佢聽我諗法時，佢真係靜落嚟，叫我再諗下先，係咪一定要咁去解決！咁我嗰時去咗外國一段好長時間，去旅行去探個女，我都想自己靜下，羅生亦都靜下，我覺得好文明，原來唔係得一種方法去愛或分開。」
之前有報道指羅傑承提出離婚，芷珊還前夫一個清白：「離婚其實係我提出，羅生有少少講笑同我講：『做乜你話畀人聽係我提出，我都冇提出。』我喺呢度作一個澄清，係我提出離婚，跟住我哋好和平。我哋分開之後，舊年5月仲合作開新project，雖然後來project冇咗，anyway幾開心有新關係，我哋真係家人，再見亦是家人，因為個女，我哋永遠都係友好。」
兩人和平分開，羅生給她的離婚條件是否很好？芷珊說：「互相冇為難對方任何嘢，一啲好簡單原則，譬如維持我一定程度生活水準，羅生應承我就ok，唔會話再去拗啲乜嘢，我哋好和平，冇話做啲核突嘢。」問到贍養費方面，她說：「我唔睇乜嘢贍養費，我冇諗過唔做嘢，要贍養費養我過世，我覺得一個女人，當然前夫負責任去養你，唔代表唔需要做嘢，我結婚都冇唔做嘢，離咗婚更加唔會唔做嘢啦。我只可以講15年婚姻，佢係我丈夫時，佢係好好丈夫，我哋傾離婚，佢係好好前夫。」
回想那段日子，芷珊暴瘦兼皮膚變黑，甚至傳她有病：「我都驚我有病，連阿媽都問我係咪有病？跟住我話唔緊要，我去買保險，因為要驗身，我又買到喎，只係好多中國人都有嘅乙型肝炎帶菌者，可能肝弱啲，但唔代表有事，可能因為咁，皮膚冇咁白，我又唔特別追求白，成日去球場。如果大家話覺得我好黑，可能嗰時我唔開心，印堂發黑行衰運，唔緊要啦，知道自己健康。」至於暴瘦原因，她說：「圈中女仔個個都好弗，我係瘦塊面先，可能大家覺得凹晒落去係咪有事，多謝大家關心，我啱啱去完英國，同個女狂食肥咗幾kg，依家117磅。」
(蘋果日報)
56歲的黃秋生，自小與母親相依為命，甚少提及生父，因為父親在他四歲那年，離開了秋生兩母子。
去年秋生在社交網貼出一張黑白全家福，希望網民可以幫忙尋父，之後秋生接受BBC（英國廣播公司）訪問，網民再次關注秋生尋父事件。最後經過一番努力，秋生最後終於與同父異母的兄弟：John及David見面，才知父親已於1988年離世，父親生前一直未有透露自己有另一個家庭，所以兩兄弟對秋生母子存在一無所知。
尋親故事有個美麗的結局，但《蘋果》卻收到一名自稱Joyce的讀者報料，稱已婚26載的秋生，有一個20歲的私生子。Joyce指秋生「滿口正義人格低劣，二十歲私生子也不敢認，憑什麼對外訴說被父離棄？」又指這對母子「被離棄英國多年」，還附上一張秋生與一名年輕男子飯局上合照。相中男子蓄了一頭長髮，眉宇間像足了秋生。
之後Joyce接受本報電話訪問，聲稱自己就是20年前為秋生誕下囝囝William的女子。Joyce更提供兒子出生日期：「Born in 1998 in the UK.Born 12nd Oct 1998, Westminster London. William Perry WONG.」聲稱母子住英國。Joyce接受本報電話訪問時表示：「我哋個囝囝已20歲，今日先喺香港探完秋生飛返嚟。」問及為何事隔二十年才公開件事？她稱：「想揭發佢冇公理行為。」那有何不公理行為？Joyce卻稱：「遲啲先講。」問到可否談秋生與兒子的關係？Joyce表示：「佢哋一直有聯絡，呢次William（囝囝）返來，佢都有見啲親友。」那秋生多年來有供養兒子嗎？Joyce說：「佢有，每個月有畀錢，有供書教學。（咁畀幾錢？）你問佢。」
對於Joyce的言論，本報晚上向秋生，他在電話中大方回應：「呢個係事實，好耐之前嘅事，有人問，我唔會唔承認，唔想影響牽涉到個小朋友。」他表示太太吳惠貞早已知William的存在：「佢一早知道。」問到秋生可後悔？他說：「冇後悔。」又指：「我哋（父子）有聯絡。」Joyce稱秋生從冇過英國探訪囝囝，秋生就稱：「但佢（Joyce）成日搬到唔知喺邊度，囝囝都入大學啦。」
至於與William關係，秋生爽快回應：「非常好，噚晚我先同佢喺香港食飯，今日佢先返咗英國。」至於會否擔心新聞刊出後影響形象？秋生稱：「唔承認會影響細路，有問一定認。」那曾帶William見過秋生母親嗎？佢話：「有，佢好乖。」咁同父異母兄弟嗎？秋生話：「都有，好耐以前。」
據知William細過秋生長子3年，大過秋生幼子3個月，「大家依家大咗，分開唔同地方，佢哋少見。」但說到底，秋生亦不願多講私事：「個個人有自己故事。」問及可覺得自己是重蹈生父覆轍？他說：「所以我更加要認佢。」秋生肯認子，又表示怕影響囝囝，Joycy聽後反問：「唔想影響邊個仔先？」
(蘋果日報/東方日報)
鄧麗欣（Stephy）同方力申分手兩年幾，兩人再見亦是朋友，不止一次同場出席活動，亦未有避忌，有講有笑。而回復單身的Stephy，也曾透露不乏追求者，而且當中有男有女，Stephy更傳出搭上前台灣女排健將小牛。
不過，34歲嘅Stephy最近再有新緋聞，有傳佢同現年29歲嘅「模范棒棒堂」成員邱勝翊（王子）正在熱戀中，更有傳兩人早前結伴去蘇梅旅行，而今年4月確有傳媒發現Stephy跟王子在台北機場出現，當日王子更出動「三寶」，cap帽、黑超加口罩將自己臉容遮到實，似乎好怕被認出，相反Stephy就只戴了黑超，但全程同王子保持一個人身位。
有傳Stephy同王子透過中間人應采兒認識。指兩人今年2月認識後先互相關注對方IG，而且經常有互動，互相like對方嘅相。
不過，Stephy就透過經理人回應《蘋果》話：「其實同邱勝翊（王子）以前都係金牌大風同門，都有一齊玩，之前一齊去見面會，係好好朋友。」
王子的經理人亦回覆東網：「他們是認識很久的朋友，但不是傳聞的那種關係（指拍拖）。」他經理人指兩人現身台北機場是很久的事，但並不是往蘇梅，至於去邊度則未有透露，亦沒有交待。不過事有湊巧，今年5月王子來港開音樂會，當日Stephy亦有去捧場，兩人還在後台合照，可見兩人都頗熟稔。
(蘋果日報/東方日報)
「十優港姐」麥明詩（Louisa）早前透露有玩交友App，仲話甚大歡迎：「啲Message多到爆晒呀！」不過佢話有啲人會懷疑帳戶唔係佢本人，佢自己有時會認，有時就唔認，叫對方估吓。
麥明詩 （資料圖片）
不過，今日麥明詩就喺社交網話個戶口畀人Block咗，用唔到，仲向網民求救問點算，佢留言話：「我懷疑，有啲人覺得我係fake profile（假身份）所以report（舉報）咗我，而我因此被ban咗，點算？」呢件事睇嚟好影響佢心情，佢話「躁咗」呀！
(on.cc)
女星劉嘉玲、謝君豪、秦沛、導演毛俊輝、監製梁李少霞等到新蒲崗為英皇舞台劇《奪命証人》綵排，活動上台前幕後宣布加開5場，合共演出15場。問嘉玲對加場是否感開心？她表示：「未到開心嘅階段，仲係好大壓力，未算熟習到啲對白，緊張到失眠。」嘉玲表示角色戲中有戲，要為三個角色做出層次感，坦言仍有點亂，正努力學習做身體語言，又向形體老師學習，在家中亦不時上演「分身術」。
老公想演舞台劇
問老公梁朝偉有否陪對戲？嘉玲說：「我唔想勞煩佢，佢就咁讀冇戲㗎。（偉仔都有興趣演舞台劇？）佢都有興趣，仲話綵排嚟探班，我話未排晒唔好，佢話想每個階段都睇。（偉仔演你陪佢演？）我想睇佢同謝君豪，但唔排除會同佢演。」
唔開口讚畀Like
提到昨日為對方慶祝生日，嘉玲表示只是食餐飯，問到是否有機會二人世界？她表示：「佢屋企人一齊食，我送咗蛋糕畀佢，佢豎起手指公話好。（開口讚你？）佢唔會講出嚟。」
據了解，蛋糕會以帆船當造型，是因為上個月香港舉辦春季帆船賽，首次參賽的梁朝偉便勇奪亞軍。在比賽之前，梁朝偉更自爆自己對帆船是「一試鍾情」。
為老公暫代經理人的她，問到是否電話接不停？她說：「好多人打嚟應徵，幫佢篩選緊，都有工作搵上門。（偉仔放完長假？）佢抖到9月要拍戲。（你又諗放長假？）我唔慣放長假，最多都係一星期到十日就要開工。」
(on.cc東網)
陳嘉寶（Anjaylia）呢日請晒成班好姊妹嚟屋企玩，仲親自下廚煮咗成檯嘢食，陳瀅、蔡思貝、賴慰玲、何雁詩、吳嘉熙對「黃師奶」Anjaylia手勢讚不絕口。
何雁詩大讚黃家夫婦熱情款待，唔只有好嘢食，仲大爆有一班男人服侍，笑指眾人上世一定做咗好多好事！呢班「高分貝女人」更喺梳化邊食薯片邊玩腳，又伸長又踮腳尖，大騷美腿好開心！
這天她們就相約一起探好姊妹賴慰玲同她囝囝Marat，還在社交網分享相片，好開心話：「6 months old to our beloved yaya!all your godmothers love you so much!（契仔6個月大啦，我們一班契媽都好愛你！）」一班好姊妹包圍住抱住Marat的賴慰玲，何雁詩就作狀錫Marat兼捧住個蛋糕，吳嘉熙同陳瀅亦分別作狀咬他的手仔同腳仔，畫面有愛。
另外，在傳情變的何雁詩一個人到場，還抱住Marat，一副母愛泛濫的樣，Marat似乎還好鍾意她呢，何雁詩都心情大靚，並沒有受外間傳她同男友情變而影響心情。而陳瀅亦都有甫抱Marat合照，不過Marat就哭曬，場面搞笑！
何雁詩似乎心情無被影響
陳瀅
據片場工作人員透露，女方不時請零食及送上靚湯，而男方就日日做「柴可夫」管接送，甜蜜滿瀉。二人在劇中有感情線，奉旨談情，更不避嫌在社交平台上載「蜜照」，兼公開打情罵俏。
入行只有3年的無綫力捧小花江嘉敏，每齣劇都會與合作的小生傳出緋聞，異性緣極強。新一期《東周刊》報道，江嘉敏因拍新劇《危城First Lady》，與超級「筍盤」余德丞戲假情真，並已暗撻3個月。
身為前香港游泳代表隊成員的余德丞是「巨胸小鮮肉」，跟父母一家三口居於跑馬地大坑道嘉園，一個市值近2千萬的豪宅單位，再加上家人手持的其他物業，總市值逾半億元。
據片場工作人員透露，江嘉敏不時請零食及送上靚湯冧掂余德丞，男方則日日做「柴可夫」管接送，甜蜜滿瀉。二人在劇中有感情線，奉旨談情，更不避嫌在社交平台上載「蜜照」，兼公開打情罵俏。
(Singtao)
兩人結婚一年半，4月底在新劇殺青時宣佈懷孕喜訊，目前懷孕6個多月的她，25日深夜在家中發現「蟑螂Couple」，但是老公卻睡著了，只好親自對付，身手仍非常敏捷的她，三兩下就解決了2隻不速之客，但卻差點因緊張過度刺激到肚子裡的寶寶，讓網友都替她捏了一把冷汗。
陳怡蓉25日凌晨在臉書上透露，在家中臥室發現到一隻蟑螂，原本想叫醒熟睡的老公起來解決，但是又擔心蟑螂逃走，「於是我立即掃描了四周，找了一個盒子秒蓋上這隻蟑螂，整個過程不到2分鐘。」沒想到，在抓蟑螂的過程中，她因太過緊張，怕刺激到腹中的孩子，於是緩緩地走到客廳休息。
陳怡蓉把蟑螂「軟禁」在盒子裡。（圖:陳怡蓉Facebook）
沒想到，剛一走到客廳，陳怡蓉再度發現另一隻蟑螂，她靠著3招，只用了1分鐘的時間直接KO第二隻，「1冷靜不驚慌，2迅速判斷手邊可用的工具，3快速的用工具將蟑螂困住。」她還非常自豪地大讚自己為母則強，「一直以來，我對於我抓蟑螂蚊子的技術十分得意，往往可以讓他們在不傷任何一根寒毛的狀態下回到大自然。」但下秒她話鋒一轉，立即崩潰求救：「但問題來了…我該怎麼把他們弄出來？」網友看了她的發文以後笑言：「現在就可以叫醒先生幫忙了」，她事後回應自己用保鮮膜把盒子包起來，當下就先去睡覺補眠了，讓人笑翻。
陳怡蓉與老公
(ettoday)
陳淑蘭之前喺fb以「引狼入室」發文，引發佢同女性友人Crystal展開網上罵戰，今日蘭子喺報刊嘅專欄作出文字版本嘅回應外，亦恢復返港台主持節目《開心日報》。節目後蘭子接受記者訪問，再度為事件解畫。
事件涉及到利承武，在場記者就問到蘭子目前與利生嘅關係，蘭子即煞有介事咁答：「我覺得呢個係額外嘅嘢，我唔會講嘅，額外嘅，哈哈哈…(你係想保護番佢嘅形象，所以唔肯講？)你講邊個呀？(利生囉！)我不嬲都冇講佢嘅嘢，咁就唔使保護啦！我諗唔係保唔保護，只要有啲人唔立亂咁誹謗，已經好足夠啦，不過件事入面都有少少誹謗嘅嘢啦，所以唔適合講咁多囉，交俾一啲專業嘅人事去處理。」
對於有傳聞蘭子已經同利承武分手，蘭子就話：「我同每一個人一齊都俾人傳㗎啦，係咪先，應該我呢個年紀應該抱孫㗎喇，如果係咁傳嘅話，所以我覺得喺呢一行咁耐，咪得啖笑囉，亦唔需要認真地回應囉！」記者追問二人感情是否穩定同一直冇變，蘭子兩條問題都係以「多謝關心，哈哈哈…」嚟作回應。
而蘭子亦話件事亦冇影響到佢嘅心情，至於Crystal喺社交平台寫嘅嘢都係全部不實，蘭子話：「我諗我唔再去回應呢樣嘢，再唔去延續喇，因為之後你哋又會再搵佢回應，跟住我覺得怨怨相報何時了呢，係咪先，我諗夠喇，完結喇！同埋有啲嘢牽涉到第三者，第三者嘅嘢可能係xxxx嘅嘢，為咗表示邊個啱，邊個唔啱，又要再摷一啲嘢嘅時候，公司好哋哋時，又要公開講好多嘢，咁樣唔係咁好囉，所以我覺得此事應該喺度作完滿結束㗎喇！」
有記者就提議蘭子不如沖喜吓，蘭子即答：「咪係啦，我會搞大生日呀，你哋嚟唔嚟吖…哈哈哈(有冇諗過正式拉埋天窗？)嘩吓，(都50咯！)50可以做好多嘢，未必要拉天窗，我o依家讀書先啦，我o依家每個月都去中國讀書，學到好多嘢，佢都講後啱嘅，我就應該要進修吓自己，提昇吓自己，咁我多謝佢嘅提點啦，對於人嚟講呢，人就係要活到老學到老，對於我嚟講就要學到死，因為我嘅資質比較低，所以個人好開心，諗嘅嘢係唔同咗囉。」
Crystal就建議蘭子讀有關品格嘅科目，蘭子聽到之後就話：「如果有需要我都會去讀㗎，咁就大家互勉之啦！我o依家就讀文化創意，因為我自己本身投資咗公關公司，咁就覺得自己好多嘢唔識，例如電競係乜我都唔知，但o依家電競好犀利，所以至少我覺得都要去睇吓乜嘢叫電競，咁唔係學咩人做公關呢。」最後蘭子好坦白咁話感情嘢唔諗喇，始終係到就係到，唔係到諗都冇用，所以私人嘢就唔講啦，搞掂自己啲品格先啦。佢亦提到之前自己有社交死懼，都休息咗好耐，喺舒適圈度，點知一踏出舒適圈，就真係唔舒適喇！
(蘋果日報)
