【港姐唔入圍】驚喜奪亞姐冠軍：真人靚過上鏡

2018-10-08

《2018亞洲小姐競選》香港賽區決賽嘅冠亞季軍，之後都可以代表香港參加喺馬六甲嘅總選，香港賽區總決賽只係用咗個半鐘左右，就分到勝負，一開場時已得到ig人氣大獎嘅9號李芷菱，雖然喺問答環節中俾評判之一嘅志雲大師狂窒，不過其後佢就得到「最上鏡小姐」。

至於曾經參選過今年香港小姐，但最終冇入圍嘅2號梁雪瑤，就成為今屆亞姐冠軍，而亞軍則係4號張右雨、季軍為10號林孜沫。而當宣佈嗰刻，2號梁雪瑤表現得頗為愕然，至於10號的林孜沫，就顯得有啲失望。

冠軍梁雪瑤返到後台受訪，當問到有否想過得冠軍，她回答說：「事前冇諗過嘅，只係想享受比賽舞台啫，不過都有諗過入三甲嘅，攞到冠軍有驚喜。（覺唔覺得自己爆冷？）又未至於，我有，身高優勢，而且對自己嘅表現滿意，有信心。（慶幸問答環節遇到嘅唔係陳志雲？）都係，不過其實個個佳麗都答得好好，我就比較自然啲。我最滿意自己跳舞嘅表現，因為唔係成日跳，所以好努力去學習及記舞步。（宣布咗最上鏡小姐後擔心自己冇奬？）又唔會，未頒三甲，仲有希望。我覺得自己可以再上鏡啲，而且真人靚過上鏡。」

亞軍張右雨受訪時，問到係咪問答環節拎咗好高分？佢話：「唔覺得，反而係返到後台表演唔係咁好，亞姐俾人感覺斯文，但我答問題郁嚟郁去，儀態係零分。」但志雲都讚你喎，佢就大方講：「錯有錯着，係好好反應traning，唔知自己講咗啲咩，唔知大家點解會笑。」佢又讚冠軍斯文，反而自己跳跳紮。

來自大陸嘅季軍10號林孜沫受訪時否認宣佈一刻覺得愕然，佢解釋：「我聽咗好耐，係咪叫我個名。進入三甲就最好，唔一定係冠軍就最好。」佢又讚冠軍梁雪瑤佢身材好好：「連女仔都好羨慕佢咁修長，未來我哋係一個團隊加油。」至於未來佢會留喺香港：「香港俾咗好多freedom我發展。」

（蘋果日報/on.cc東網）

【凌晨12點火燭】朱智賢胡鴻鈞即慌忙逃生

2018-10-08

胡鴻鈞接受傳媒訪問，佢話最初以為消防員檢查防火設備，佢話：「直到工作人員話樓下火燭要走火警，大家先知事態嚴重，拎住隨身物品就衝落樓。見到消防員係後樓梯搭晒喉，又叫我哋行另一邊，但其實係冇另一條樓梯，好彩大家都安全落到地下，有驚無險。」

胡鴻鈞話全程都見唔到火種，只係有大量濃煙，由於當時好少女仔，所以下意識都會幫手照顧大家。佢仲話事隔兩日，同劇嘅另一組拍外景時又遇見火警，佢苦笑話：「台前幕後都講笑話咁火，套劇播出時一定好火。」

胡鴻鈞第一次擔正做男主角嘅《救妻同學會》最近接連遇到火警意外。前日凌晨12時許，胡鴻鈞與朱智賢、劉溫馨、蔚雨芯喺新蒲崗一棟工廠大廈內拍攝，突然聽到有人大嗌「走火警」，眾人即慌忙逃生！

胡鴻鈞、劉溫馨等都有喺ig上載短片，見到佢哋落到地面一刻，大家都有互報平安，見胡鴻鈞仲好man咁幫女同事拎手袋，劉溫馨一頭亂髮，而朱智賢更一身睡衣look逃走，頗為狼狽。

該場拍攝嘅場口，原本係劉溫馨同朱智賢嘅宿舍，所以佢哋全部換晒睡衣。而劉溫馨嘅睡衣就係一件恐龍衫，由於太笨拙，佢擔心阻礙逃生，所以係極速時間換咗便服，佢話：「我哋喺9樓行落去，好彩唔係太高，亦冇人受傷。聽講樓下有迷你倉，唔知係唔係，但之前有迷你倉著火好嚴重。咁人生亦係第一次遇火警，當時真係心跳加快，有啲驚。」

(蘋果日報)

【祖兒阿詩破冰】劉浩龍轉哂口風

2018-10-07

天后容祖兒（Joey）與何韻詩日前的「世紀破冰合照」，成功掀起連番討論，陪Joey一同前往日本的劉浩龍（師兄）就低調冇出鏡。

有去定冇去？

今日師兄出席節目《星光熠熠耀保良》的拜神儀式，甫受訪他先自言好緊張，因為今晚會表演跳舞，笑話今年變成了跳唱歌手，日日都練舞，又大呻好辛苦，問到日日練舞都抽到時間去日本旅行？他即大反應反問記者：「我有去日本咩？都睇到幅相話我去日本，朋友與朋友之間影相我就唔作出回應喇。」

再追問是否同行到日本時，師兄緊張到開始前言不對後語，更留下「蛛絲馬迹」：「冇呀！我自己同啲朋友去咋嘛！（自己同朋友去？都有去日本？）有！我同啲朋友去食飯。（圈中朋友定圈外朋友？）我喺街度撞到楊千嬅囉！（你有冇撞到Joey佢哋？）冇喎！我冇去到支持明哥（黃耀明），嗰晚我要去食飯，都係Message佢，支持佢Good Show。」

「呢份友誼好值得鼓勵」

問到對「世紀破冰合照」的評價？師兄無奈話：「其實我覺得影張相好平常，喺一個開心嘅環境，大家一齊支持明哥，代表香港歌手好支持明哥，呢份友誼同支持好值得鼓勵。」問到為何他又不去支持明哥？師兄就重申當晚約了朋友食飯，所以撞時間去唔到。

(on.cc東網)

【家教嘅重要性】B仔差唔多5個月大就⋯

2018-10-07

最近啲明星爸爸好難觸摸…好似啱啱做咗爸爸嘅陳柏宇，之前已經俾老婆符曉薇話佢恐怖，點知噚日陳柏宇仲興奮到抱起自己個女，嘗試「餵奶」，好似阿女識推開咋。

今日仲有位爸爸都差唔多，呢位爸爸喺ig貼咗自己個位差唔多5個月大嘅B仔手仔相，但就圈位咗，原來B仔無意間舉中指，做咗個粗口手勢，阿爸爸只係留咗四個哈哈笑嘅emoji，一啲都唔介意家教嘅重要性。

咁呢位爸爸係邊個呢？俾啲貼士
1.之前佢食物中毒
2.去日本唔見行李

答案係…余文樂。

而佢老婆王棠云同佢個前世情人余初見（Cody）約埋朋友齊齊帶小朋友散步。

相中王棠云揹住Cody仲舉起V字手勢，而朋友個女就幫手揸機，雖然對方年紀輕輕，但都影得好有構圖！

不過向來Cody個樣都係佢兩公婆高度保護嘅環節，所以啲相一係就影到Cody背面，一係就用星星幫佢遮樣，網友都話究竟幾時有真面目見呀？

(蘋果日報/on.cc東網)

【點知意外令仔女曝光】孫儷帶埋仔女去捧場

2018-10-07

大陸女星孫儷與老公鄧超育有一對子女，分別是6歲兒子鄧涵之（等等）及4歲女兒鄧涵一（小花）。

不過孫儷向來極力保護子女的容貌，以免正面入鏡。近日NBA在上海開波，吸引不少名人朝聖，孫儷也帶同一對子女來捧場，當時鏡頭在場中休息時拍了觀眾席，意外地將她們捕捉入鏡，並全球直播出去。

似媽咪多啲定爸爸多啲呢？

(on.cc東網)

【同周志文關係⋯】劉佩玥激罕開腔：嗰個係我同阿文嚟嘅

2018-10-07

陳庭欣近日回應劉佩玥與周志文戀情似默認兩人拍拖，隨後劉佩玥在社交網發表「小人論」疑似對陳庭欣不滿。。。

藝人劉佩玥在油塘為無綫新劇《跳躍生命線》宣傳。她早前被指與緋聞男友周志文（阿文）遊船河時，於浮床激咀，似是戀情浮面。一直沒有回應的她否認說：「我覺得係角度問題，嗰個係我同阿文嚟嘅，我又唔係好驚回唔回應、只係想低調處理。講番件事，我自己又唔係好蠢嘅，都知道嗰日開Happy Live，咁又點會做啲咁樣嘅嘢呢，唔使將件事放大。（低調處理戀情？）唔需要用一個娛樂嘅角度去回應，低調亦唔等於係隱瞞。

（係咪拍拖？）我只可以話我哋嘅關係友好、好Friend，成日畀人話我身邊男仔朋友係兵，佢唔係兵，佢係我好好嘅朋友，女仔同男仔做Friend都唔係好怪嘅事。（點解要咁低調拍拖？）唔係，係唔使同所有人公開身邊人嘅關係，唔想工作同訪問每一次都講呢啲嘢，如果係拍拖，好穩定，有感情基礎先公布，我對關係好認真，同咗父母講先再同大家講。（見家長未？）冇呀，拜年先再考慮。」她又透露近日與周志文及友人也繼續有相約去沙灘玩。

陳庭欣近日回應劉佩玥與周志文戀情似默認兩人拍拖，隨後劉佩玥在社交網發表「小人論」疑似對陳庭欣不滿，她說：「大家諗多咗，我有留意佢回應，如果係我會叫記者問番當事人，我嘅說話唔係針對佢，但係有啲人鍾意道聽塗說，我只係抱不平去講。（陳庭欣多口？）每個人都有發言權，我尊重嘅，我哋亦係好朋友。」

(on.cc東網)

【偉大過陪入產房生仔】黄翠如大讚蕭正楠：當時啱啱同佢拍拖⋯

2018-10-07

當指Edwin此舉偉大過陪入產房生仔，翠如就話:「早兩日搵到我哋兩個戴住手術帽，影嗰張合照。」「當時啱啱同Edwin拍拖，佢知我想做手術，就話陪我一齊做。。。」

黄翠如同江欣燕今日去到葵芳出席關注眼睛健康活動，談及眼睛健康，原來翠如同男友蕭正楠(Edwin)都有段浪漫史，翠如本身有一隻眼視力正常，另一隻眼有近視，醫生指若果不做矯視，正常視力眼睛將過度疲勞受影響，佢話:「當時啱啱同Edwin拍拖，佢知我想做手術，而佢兩隻眼都有近視，就話陪我一齊做，手術後就靠我一隻無做手術嘅眼截的士走。」當指Edwin此舉偉大過陪入產房生仔，翠如就話:「早兩日搵到我哋兩個戴住手術帽，影嗰張合照。」

欣欣指兩人經歷生死，翠如笑指是經歷手術。對於男友玩滑翔傘失控狂作嘔，翠如笑男友好渣，懷疑男友著唔夠衫凍親，更指曹永廉更渣，因為唔敢上山玩滑翔傘。翠如曾經喺巴西玩過滑翔傘，佢表明下次帶男友一齊去跳，跟住再一齊睇足球比賽。

(蘋果日報)

【疤痕曝光】吳雨霏收起性感抱住囝囝超溫馨

2018-10-07

32歲人妻吳雨霏（Kary）今年6月誕下囝囝Asher後，專心停工湊仔做賢母，今日在社交網晒兩母子溫馨新相，原來Kary帶咗囝囝到沙灘，以前會晒三點式誘惑嘅Kary，做咗媽咪後收起性感，着橙紅色一件頭泳衣，用一條長巾綁起囝囝抱着胸前，Kary自揭有條股疤，仲隱約見到佢嘅肚凸凸，似乎修身仍需努力。

Kary享受親子感覺，超有母愛咁用英文寫道：「Did you know that skin-to-skin contact releases feel-good oxytocin for reduced stress, increased feelings of love, and the desire for connection in you and your baby? It’s the sweetest start to life.I believe in babywearing wholeheartedly.There’s nothing sweeter than endless cuddles with my sweet little dumpling and I’ll cherish all these little moments while he’s still small enough to carry! (And yes that’s a scar on my butt that I don’t plan to photoshop) 」

相中嘅Asher已經3個多月大，鬈毛頭髮，肥嘟嘟好得意，網民都留言讚：「你真係好鍾意做媽咪」；原來Kary嘅左邊臀部有一塊疤痕，如果佢唔講出嚟，睇相真係唔多覺！

(蘋果日報)

【經歷34小時女人最痛】終誕下7.2磅B仔：連止痛針都無打

2018-10-07

佢話生完產房姑娘仲讚佢：「佢話我真係生得好Elegant! 好多太太去到最後痛到失晒控，完全聽唔指令！我可以聽到指令，跟住做之餘，仲好冷靜咁教陪產嘅老公一陣幫手扶住邊度。不過，做母乳媽媽真係好偉大同唔容易，BB出世呢幾日，我喊咗幾次，感到好無助，好彩咁啱姑娘巡房見到，幫我推走BB一陣俾我瞓下，所以好多朋友，好似威仔都有msg我，但我一個都無覆，今日阿B終於正式出院，放心晒！可以同所有朋友分享喜訊！」

六合彩之子出世啦！講緊嘅當然唔係蔡國威，而係主持六合彩3年嘅舞台劇演員蔡運華。蔡運華同舞台劇工作者陳彥聰老公結婚3年一直恨生BB，結果今年初成功懷孕，而B仔已經喺今個月2日順利出世，重7.2磅。

蔡運華今日接受《蘋果》訪問時話:「10月1日踏正12點見紅，以為做到國慶寶寶，結果，10月2日早上10點幾先生到！經歷34小時先順利出世！為咗BB健康，連止痛針都無打，真正經歷女人最痛！」

蔡運華要特別多謝佢好姐妹劉雅麗Alice:「因為我生完拉傷大腿肌肉，唔係好行到，佢呢幾日日日standby，隨時嚟接我出院，車我去治療腳傷，仲陪埋我番上唐九樓屋企！呢啲好朋友去邊度搵！勁感動！呢個星期完全理唔到自己，好彩已安排紮肚療程快啲修身，因為坐完月就要開工，排有份擔正金像獎得獎編劇龍文康編劇嘅香港藝術節重頭戲《九江》，1月份再返去主持六合彩！祝大家好運！」