雖貴為兩子之母兼做埋嫲嫲，不過美貌依然十年如一，49歲嘅真真仲有「最索嫲嫲」之稱添！已故歌唱名師戴思聰嘅長女戴蘊慧（真真）自從1997與前夫謝順來離婚後，感情事都非常低調。
與楊思琦合照
但係今日真真喺網上晒出一張「結婚照」宣布喜訊，並留言：「我結婚喇！」雖然相片有啲似用P圖App嘅效果，與神秘男子合照，感覺非常日系風，極其唯美，唔少網民見到帖文都非常驚訝，不過都紛紛送上祝福，而真真亦有回覆網民表示感謝大家嘅祝福！
不過事後真真回覆東網指其實只係開個玩笑啫，並唔係要結婚：「唔係㗎，我用自己相同日本型男竹野內豐相，再p圖App砌成結婚相玩吓咋。」
（on.cc）
06年落選港姐、現年31歲嘅李美慧嫁個有錢人，同「福建幫第二代富豪」之稱嘅曾文豪本月初共偕連理。曾文豪近年十分低調，其父親係曾叱咤商界嘅百億富豪曾紀華，97年離世後，將大部分財產留俾二房（馮婉琳）所出兩子，即曾文豪同曾文能。金融風暴後，曾紀華百億王國資產損手不少，之後曾文豪亦鮮有亮相公開場合。
李美慧上月婚訊曝光之時，已懷有身孕，就連《宮心計2：深宮計》嘅皇上馬浚偉都知仲爆響口，李美慧並不介意同大家分享喜悅。上月李宣傳《深宮計》時，表示係拍完劇集《深宮計》之後先至認識曾文豪，稱係朋友介紹，識佢嗰陣唔知男方家底。兩人拍拖半年就決定共諧連理。
飾演陳煒近身宮女秦槐
不過，李美慧喺今日出版嘅周刊訪問則稱，有錢人唔係傻人，如果你懷著目的埋身，對方肯肯定知，而且一定會起你底。
李美慧在訪問中稱，其實佢識曾文豪之前，都識好多有錢人，當然亦識好多草根階層朋友。佢個人認為呢，拍拖唔係講樣，亦唔係講家底、年紀，所以即使曾文豪大佢25年，佢都覺得冇所謂。只係最初大家仲「摸索」緊嘅時候，李美慧自言「自己知自己事」，既不夠美亦不夠慧，亦唔想令曾文豪以為佢埋身另有目的。結果都係由曾文豪主動以短訊表白。
李美慧已屆31歲，雖然佢話同有錢人交往千祈唔好太急進，亦覺得男方年紀真係唔係問題，但問題係——女人三十，李美慧好想有個家，所以同曾文豪交往未幾，已向對方明言，佢好想有個家，結婚生子。如果男方只係抱持觀望態度拍下散拖打發時間，李美慧說得很明白：唔好嘥我時間。
於是，兩人計劃結婚，李美慧亦馬上不設防。本月3日，正式成為曾太。
（apple daily）
40歲女星於今年2月懷孕5個月期間，臨危受命，接替另一女星演出正在播放中的劇集《Return》的女主角。
朴真熙今年2月接替高賢貞演出《Return》。
女星朴真熙繼2014年誕下首名女嬰後，朴真熙於今日順利誕下第二胎，第二胎是男嬰，正好湊夠「好」字。今日她所屬的事務所指朴真熙於凌晨3時許，在順川一家婦產科醫院產下男嬰，母子也很健康，並以感恩及幸福的心情正好好休息，又感謝大家的祝福。
朴真熙
(on.cc)
蔡少芬（Ada)帶同兩個囡囡張楚兒和張信兒一齊上內地真人騷節目《不可思議的媽媽》，昨晚播出第一集，Ada帶住兩個囡囡一齊整曲奇餅，不過她的普通話發音一向成為笑話，在節目中她都堅持要兩個囡囡講普通話，結果笑料百出。
一邊整蛋糕，兩個女連牛油都要偷食。(網上圖片)
Ada稱只帶一個女不太公平，所以一次過帶兩個女參加節目，節目中兩個囡囡要在玩具和「媽咪陪伴卡」兩者揀一樣，點知楚兒好快就揀玩具，搞到在偷拍電視旁觀看的Ada說：「太令我失望！」
曲奇完成後，Ada跟兩個囡囡一齊享用。(網上圖片)
節目組工作人員解釋沒有選擇「陪伴卡」的話，Ada就不可以陪伴她們兩個，嚇到細女信兒即時爆喊，話要返香港搵媽咪，而家姐楚兒比較淡定說：「假呀！媽媽無死！」Ada見狀即時現身安慰，搞笑說：「媽媽無死！」
信兒即時爆喊
(mingpao)
有傳婚後減產的岑麗香（香香）已跟無綫解約，傳聞她離開娘家跟監製劉家豪的新劇《解決師》有關。消息指劇集本來預香香飾演女主角，但其後臨時易角由唐詩詠演出，惹香香不滿而要跟無綫解約。但另一版本是，香香有感已33歲，婚後應家庭為重要趕時間生BB，故推掉新劇女主角角色，好好調理身體，為生BB作好準備。就傳聞，香香和無綫助理總經理（藝員管理及發展）樂易玲尚未回覆。
香香被指堅持唔同無綫續約。
據知，香香六月中已經跟無綫正式完約，公司曾多次跟香香傾談，但她都堅持唔續約，希望能快些生小朋友！而《解決師》一劇亦不是臨時易角，是監製劉家豪搵唐詩詠拍，詩詠亦想再跟王浩信合作，所以接拍的！
傳媒就此事聯絡香香好友、一眾「處女黨」成員，李亞男，王君馨和苟芸慧都統一口徑稱：「唔清楚，留畀香香自己講！」至於鍾嘉欣則未覆。
(on.cc)
藝人薛家燕日前榮升新任奶奶，兒子石耀庭與陳素怡在酒店大排筵席宴請親朋，未幾網上流傳一條性愛視頻，更有人聲稱是薛家燕的新抱。家燕曾於公開場合力撐，指一切言論皆子虛烏有。
薛家燕更於社交網透過經理人公司發出聲明，指網上流傳不實、毀謗性短片和評論，嚴重損害薛家燕本人與其兒媳婦的名譽和個人形象。並指有關流傳內容全屬虛假，並要求有關單位停止轉載並刪除相關內容。更指會進行一切法律追究。
薛家燕微博
樂壇天后容祖兒與劉浩龍（師兄）被爆早於去年底已醞釀分手，五年情斬纜一說甚囂塵上，不過二人一直未有承認分手，就連師兄開騷祖兒都儼如「女主人」到場支持，上月又孖住為黃偉文慶生，令二人似斷未斷嘅5年情更加撲朔迷離。
上月孖住為黃偉文慶生
到咗祖兒38歲生日，咁重要嘅日子當然要同重要嘅人一齊過！原來祖兒尋日同大班Friend開船P，出席好友包括好姊妹蔡卓妍（阿Sa）、鄭希怡、謝霆鋒、彭秀慧等，認真一睇，原來師兄都有份現身！大合照時佢就同祖兒分開坐，反而選擇同霆鋒阿Sa黐到實，不過見佢都一臉風騷擘口擺POSE，繼續融入祖兒嘅朋友堆之中，隔開坐嘅祖兒都勁興奮，真係估佢哋唔到！
而阿Sa亦都帶埋男友石恆聰一齊現身，雖然未有親密合照，但係都Feel到佢哋夠晒甜蜜。
(on.cc)
藝人黃又南一直堅持與患有腦退化症的父親同住，但近日他向現實低頭，送父親到護理院，交由專業人士代為照顧。他承認忽略了媽媽不辭勞苦照顧病患者的感受，並坦言未能於爸爸有記憶時成家立室，是人生憾事。
2007年，又南公開承認為爸爸擔起約700萬港元的債務，近年黃父確診患腦退化症，又南一直默默承擔。（相關新聞：https://goo.gl/ptkPm6）
父親節將至，他接受專訪，感慨稱與父親相處有何憾事：「諗住27歲還晒債儲多3年錢，搵個女友拍拖結婚，等爸爸見到呢一幕，但事實非我能控制，搞到依家十畫都冇一撇。好彩嘅係兩年前爸爸腦退化初期，家姐已經喺沖繩結婚，相信喺爸爸嘅心中，一定會記得呢個難忘畫面。」
今個父親節，又南希望與爸爸同枱食飯的普通心願，卻隨着黃父入住護理院而添「變數」。原來Shine今年3月舉行演唱會前，又南入住酒店方便排練，黃母則留家照顧丈夫，她對兒子一直報喜不報憂，結果累壞了。他泛淚光說：「媽媽嗰次突然見暈，電召救護車送院，佢當時瘦咗好多，我先發覺自己一直只專注患者（黃父），而忽略咗患者身邊嘅人（黃母）。原來媽媽將所有心事，都只講畀我家姐知。我家姐試過提議送走爸爸，每次開聲就鬧大交收場，依家我先明大家都有難言之隱。送爸爸去護理院非我所願，但起碼媽咪有番私人時間，爸爸精神都好咗好多。」
由於連月忙於工作，又南日前才有時間探望爸爸。談到以往與爸爸的軼事，他說：「以前我會擔心佢唔記得我，但依家我淨係想佢健健康康。其實爸爸好錫我，我細個時佢生意好景，會陪我去旅行，我小學送畀佢嘅父親節卡，佢當寶咁珍藏。當爸爸破咗產要成家人搬嚟同我一齊住，有晚佢好唔開心咁企喺露台，我跟出去同佢傾偈，話我冇怨過佢，而且一直好愛佢。」
（on.cc）
藝人陳倩揚育有兩個囝囝，依家仲懷有第三胎佗B八個多月。雖然佢粗身大勢，但係都親力親為照顧兩個寶貝仔，真係位廿四孝好媽媽！
陳倩揚同老公陳浩然。
呢日陳倩揚屋企搞咗個小型派對，除咗有兩個囝囝之外，仲招呼一大班小朋友。倩揚仲親自下廚，專誠炮製一碟又一碟嘅日式章魚小丸子，氹得個個小朋友都非常開心。
倩揚喺社交網貼相大晒自己嘅作品，並留言：「一口氣整咗過百粒小丸子，多謝各位小朋友捧場。」相中見佢整嘢食有板有眼，而且啲小丸子嘅賣相了得，難怪啲小朋友食得咁滋味啦！
（on.cc）
去年九月在港擺喜酒的時裝設計師鄧達智（William），與同性男友、44歲醫生陳梓欣（Clement）於倫敦結婚。二人穿上一黑一白禮服襯到絕，於倫敦時間下午二時在當地進行簽字註冊儀式，成為合法同性伴侶。
相片所見，二人相視而笑甜到漏，完成儀式後，一對新人將與友人再舉行慶祝派對。而Clement更手捧代表同志的彩虹花球，Sweet爆！
時裝設計師鄧達智（William）跟陳梓欣（Clement）在倫敦結婚簽字註冊，有朋友上載現場直擊短片，見到一對新人從房中步出來，受到朋友們歡呼拍手恭賀。而儀式由一位女律師主持，當宣誓一刻William對住律師答「I do」，律師即提他應對住Clement說，全場爆笑，而Clement就沒有犯這個「蝦碌」，期間他們又多次咀嘴，非常甜蜜。
從誓詞中兩人都以「Husband」相稱，隨後一對新人在婚紙上簽字禮成，而兩人的好友女畫家楊素姍則出任證婚人。
(on.cc / appledaily)
