藝人湯盈盈同錢嘉樂育有兩個可愛嘅囡囡，分別係大女Alyssa同細女Kassidy。
話咁快尋日（23日）就係Kassidy嘅三歲生日，盈盈兩公婆幫囡囡搞咗個夢幻生日派對，盈盈仲將派對現場嘅相片上載至社交網，留言話：「我哋嘅狂野3歲寶寶Kassidy生日快樂！非常感謝工作人員布置我哋嘅生日拍攝派對！」
相中見到派對布置色彩繽紛，錢氏一家仲以紅噹噹家庭裝上陣，現場又擺滿靚靚Cupcake，壽星女Kassidy仲企喺蛋糕前面開心影相，真係好可愛，生日快樂呀Kassidy！
(on.cc東網)
【原來係奉子成婚】消失九個月為囝囝擺百日宴
做咗人妻嘅佢淡出娛樂圈，消失咗9個月，被爆原來係奉子成婚，三個月多前榮升做媽咪，日前為囝囝擺百日宴慶祝。。。
曾拍攝大台《3日2夜》節目嘅26歲「IG女神」卓楓而（Candice），因為樣子甜美兼有「翻版Angelababy」之稱，憑32B、23、33身材成功吸宅男，之前傳被陳庭欣硬搶初戀男友唐偉倫（Warren），不過，Candice好快已經搵到第二春，今年1月被爆閃婚嫁圈外男友Samson。
做咗人妻嘅Candice淡出娛樂圈，消失咗9個月，《蘋果》收到讀者爆料，原來Candice係奉子成婚，三個月多前榮升做媽咪，日前為囝囝Zen擺百日宴慶祝。
有份出席派對嘅好友羅芷君、翟海晴（Fiona）都有在社交網限時動態分享相片，相當低調。
相中嘅Candice着白色短裙騷腿，身材已經回復窈窕，反而身旁嘅老公比佢更肥更胖。
至於兩人嘅愛情結晶Zen生得肥嘟嘟，單眼皮，剃了skin head，着西裝仔好man。
(蘋果日報)
【JW黃婉曼吳國敬蔡一智到賀】司儀陳貝兒感動：第一個最愛你嘅男人…
會場上有唔少圈中好友都到賀佢嘅大喜日子，好似有JW王灝兒同男友Tarzan、彭健新、蔡一智、黃婉曼夫婦、吳國敬等等，而陳貝兒亦擔任司儀，會場外擺有一對新人嘅結婚相，背景以粉紫色及鮮花佈置，簡單優雅。
吳國敬
昨日係商人羅傑承同首任前妻所生嘅大女羅雪儀（Cherry）出嫁嘅日子，上午時新郎同八位兄弟到達女家接新娘之後，至下午兩時，親友紛紛到達灣仔君悅酒店見證Cherry同丈夫Colin嘅簽紙註冊儀式。
擔任司儀嘅陳貝兒接受訪問時話，今日好開心。
佢仲話：「我以前喺羅生公司做嘢時佢好錫我，其實我都算係同Cherry由細識到大，知佢要結婚當然好開心，雖然今日有工作，但係都特登推咗嚟賀佢。」陳貝兒仲話今日成個婚禮感覺好sweet，今日簽紙時已經非常感動。
陳貝兒仲爆原來羅生秘密整咗一段片：「片中講到由細到大羅生都好錫呢個女，阿女開心同唔開心自己都喺身邊支持，我都同Cherry講話你呢一世人，第一個最愛你嘅男人一定係你Daddy，依家羅生就要將你交俾Colin照顧。」而新郎哥Colin亦喺現場向外父承諾會好好對待Cherry。
而JW同男友以一班好友亦有到場出席婚禮，問到JW係唔係下一個到你？佢笑言：「冇咁快冇咁快！」而男友見到記者仲係有啲怕醜，最初都唔係太敢同JW合照。
JW王灝兒同男友Tarzan
JW王灝兒同男友Tarzan
同丈夫一齊出席婚禮嘅黃婉曼亦表示：「我祝佢哋早生貴子啦，我生完小朋友後覺得係好滿足嘅，再加上佢家族大，多兄弟姊妹，好熱鬧，希望佢生多幾個。」
(apple daily)
【余文樂超有心思】太太王棠云冧到爆
型男余文樂（樂仔）自榮升做人夫兼父親後，將家庭放喺首位，不時陪伴家人。呢日係太太王棠云（Sarah）嘅30歲生日，樂仔就為佢搞咗個生日派對，仲邀請Sarah嘅好友出席，仲喺社交網開心share相片。
愛錫太太嘅樂仔仲預備咗一個非常精緻嘅蛋糕，蛋糕上面有一個美人魚造型同埋超人特工隊嘅囝囝造型，果然有心思，個蛋糕咁靚，難怪Sarah笑得好開心！
而樂仔仲話：「你的生日我會在飛機上，先跟你說生日快樂，希望你喜歡提前為你慶祝的生日，HAPPY30!」咁有心思心意嘅生日會，Sarah一定冧爆呀！
(on.cc)
【完全無耍大牌】《延禧》吳謹言乖乖企定定：想再跟佘詩曼合作
內地宮鬥劇《延禧攻略》熱爆全城，劇中一眾演員大軍襲港。憑該劇飾演魏瓔珞走紅的吳謹言亦應無綫之邀從杭州抵港，出席明天的特備節目《延禧南巡》的錄影及商場活動。
吳謹言於下午四時四十五分現身機場，現場有十名保安與近二十名粉絲，她甫到場便引起哄動，有粉絲送上花、卡、香港旅遊書及小食。
之前被指耍大牌的吳謹言身穿牛仔褲與黑色上衣，一身便服打扮，原本戴上粉色黑超的她見到傳媒便即除下黑超拍照，又不時揮手以及以廣東話講「大家好」，全程表現親切。
之後她企定定接受訪問，她表示工作排得很忙，不知道今次來港會否有私人時間四處逛逛：「我之前要回北京工作，要進組拍電視劇。（之前去了紐約時裝周？）對，第一次參加時裝周，心情蠻緊張、很興奮，收到很多驚喜，之後還會去巴黎時裝周。（這套劇帶來很多工作？）對。」問到耍大牌一事，會否對其工作有影響？她坦言：「多謝大家的關心，是一個成長。（有否影響品牌工作？）時裝周都是公司安排。很多謝大家喜歡《延禧攻略》這部劇及喜歡我，我很開心。」
她表示之前曾來港旅行，因為很喜歡吃香港好吃的東西：「我很喜歡奶茶，因為我是個奶茶控，一定要喝港式奶茶。」問到想跟哪位港星合作，她指很期待再跟佘詩曼合作，但一切要交由公司安排。而吳謹言步行前往停車場期間，有跟着的粉絲在混亂間跌倒。
(on.cc)
【中秋節要小心！】再有「山竹」同級的超強颱風强勢攻港
歷經「山竹」一役後，或再有颱風殺到！
天文台資料顯示，颱風「潭美」今日(23日)中午時集結在高雄之東南偏東約1620公里，預料將向西北偏西移動，未來數天橫過西北太平洋，並逐漸增強，料於中秋節翌日(25日)升格為與「山竹」同級的超強颱風，大致移向呂宋海峽以東海域。
天文台目前公布截至周五(28日)的熱帶氣旋路徑，預料潭美明日(24日)會升級成強颱風，並於後日升格成超強颱風，並維持至少4天，周四(27日)中心附近最高持續風速或達每小時205公里，並於周五進一步靠近香港，影響香港800公里範圍。惟天文台表示，現時主流氣象預測潭美的路徑分歧仍大，暫未能評估對香港的影響。
（天文台 / on.cc）
【鳳體違和】《延禧》皇后秦嵐抵港狂咳：連睡覺也沒時間
憑劇集《延禧攻略》爆紅的內地女星秦嵐來港宣傳，剛出席完米蘭時裝周的她，大抵舟車勞頓，缺乏休息情況下宣告病倒，訪問期間不時咳嗽。
談到工作相當忙碌，可有時間休息？她表示近排沒有一天可以休息，睡覺都在飛機上，連時差也未能調整過來，要待本月尾才有兩天時間小休，之後便要開拍一套時裝劇，將與陳建斌、張嘉倪、陳曉等合作。
問到劇集效應下是否荷包腫脹？她大笑說：「劇集很多的宣傳是沒有錢的，但是沒想過這部戲大家那麼喜歡。（這部戲的成功對之後拍戲有壓力？）不會，因為畢竟是完成的作品，所以還是把今天跟明天的事情做好。（有加片酬？）加一些，是合理的範疇。」
現時成為大忙人，問秦嵐豈不是沒有時間談戀愛？她坦承已很耐沒有拍拖，但現時連睡覺也沒時間。問到理想對象是否要像戲中的皇帝般疼愛她？
她表示認同：「要像皇上那麼好，那就要有傅恆（許凱飾演）的樣子，但沒可能，雖然是每個女人都希望，但不一定可以實現，怎會有男人像傅恆那麼好，一生只愛一個人。」不過她自言追求簡單的愛情，兩個人要互相包容、疼愛對方，最重要三觀一致，如價值觀、世界觀及道德觀。
(on.cc)
【蔡媽媽即刻拍晒手掌】余德丞跪地向蔡思貝「求婚」
藝人余德丞與蔡思貝於將軍澳出席活動。自8月8日晚踢波昏迷後，余德丞首次出席活動，獲大批迷絲到場舉牌支持「回歸」，令他感動不已，連聲多謝家人、朋友、粉絲及香港市民為自己打氣！
談到昏迷當日情況，余德丞表示：「踢踢吓波好眼瞓，咪喺場邊瞓着，跟住。。。醒番，其他嘢完全冇印象，聽媽咪講我瞓咗兩、三日，醒番就認得屋企人，雖然唔係落到床咁誇張，但真係奇迹嚟。醫生話我心臟亂跳，即係心律不正。」
雖然看似消瘦不少，但他表示：「其實體重差唔多咋，醫生叫我呢兩個月唔可以做劇烈運動，我咪睇吓波先囉，明年先再做運動。（大劫過後有乜得着？）個人慢活啲、珍惜生命及朋友，以往一句「祝你身體健康」好似冇乜嘢，但經歷過先知一切唔係必然。」至於無綫高層表示要力捧，他答：「復工先啦，其他嘢聽從公司安排。」
活動上余德丞與蔡思貝「打情罵俏」，男方笑謂：「我一醒番你就短髮，差啲唔認得你！」玩用蔬菜砌成花束的遊戲時，他更下跪向思貝「求婚」，在場的蔡媽媽見狀，更拍晒手掌。
事後記者拉攏「一家四口」合照，蔡父亦捉着余德丞送祝福！談到二人友誼，思貝雖明言未試過單獨約會，但坦言：「佢暈咗時我震驚，即刻趕去醫院，我發現自己好珍惜呢個朋友，可以話友情升溫。」余德丞聞言即向思貝講「對唔住」，更提議復工後二人可再拍旅遊特輯！
(on.cc)
【44歲初升任新手爸爸】太太選擇無痛分娩 誕六磅麟兒
拍拖7年，今年4月宣佈造人成功，二人已於今年登記結婚，計劃明年才補辦婚禮，雙喜臨門獲粉絲獻上祝福。
今早6時05分誕下麟兒，重6.16磅，母子平安。他於社交網留言：「06:05，想問問你來自哪顆星星，口以嗎」。
正式當爸的44歲台灣男歌手張震嶽笑談老婆小涵生仔過程「比便秘再力一點」，因為老婆怕痛所以選擇無痛分娩，產程約半小時，約有6磅重。但當看到囝囝的心情，他回復正經說：「喜悅溫暖，好奇新鮮。」
屋企有新成員，張震嶽呢個星期會陪家人，下星期要返去錄《中國新說唱》，之後先有時間陪伴妻兒。小涵好友A-Lin就透過經理人表示：「很替她開心，恭喜她升格做媽媽了！」
(apple daily)
【二人都覺得係緣分】唐詩詠冧爆留言：你已經成為我最重要嘅人
唐詩詠留言：「你已經成為我最重要嘅人，事無大小我都一定要同你講先得嘅，我一定要尊重你嘅！」
杜汶澤老婆田蕊妮將於星期五（28號）踏入41歲，閨密唐詩詠為佢提早慶生，買咗一個好靚嘅生日蛋糕，攬住壽星女啜咗一啖，阿田在社交網晒兩人合照，寫道：「有人問點解你哋兩個會咁好嘅？我哋二口同聲話緣分囉！」
年頭舉行頒獎禮，「最佳女主角」得獎者係《不懂撒嬌的女人》唐詩詠
當時喊晒同田蕊妮攬，好姊妹之情令人動容！詩詠喊住話：「一直等緊一個機會多謝佢，佢教我做戲，教我做人，佢成日聽我呻，又肯陪我瞓，佢每次話完我鬧完我之後，最後都會講一句，你要記住你係好好嘅，多謝你田蕊妮小姐，我一路等緊可以喺台上多謝你。」
阿田比唐詩詠大4年，兩人因合作拍劇集《造王者》認識，做咗好姐妹後無所不談。
阿田笑言自己係「詢問處」，寫道：「之後事無大小佢都會同我分享，佢唔開心嘅時候，我會擔心佢。佢開心嘅時候，我會戥佢高興。佢會問我好多問題，有時我會懷疑自己額頭係咪寫咗詢問處呢三個字！哈哈！但係當佢有幾日無揾我，無問我嘢我又會好掛住佢！多謝你提前幫我慶祝生日，這是我今年第一個蛋糕，希望我地（哋）大家都健康幸福。I love u.」
唐詩詠則留言：「田大小姐生日快樂！我祝你快D甩難，唔使再陪我瞓同聽我呻，但係問問題呢方面真係冇辨法，你已經成為我最重要嘅人，事無大小我都一定要同你講先得嘅，我一定要尊重你嘅！」
(apple daily)