至於胡杏兒亦有出Post，佢表示：「很開心，把我感動得哭了兩次。。。」唔少網民都話將來杏兒都會有如此感動的一天。。。
藝人薛家燕昨日娶新抱，唔少賓客都大讚婚宴場面感動。其中身為新郎哥石耀庭（Jackson）好兄弟嘅王梓軒亦有現身，事後佢喺IG大晒短片同靚相，更留言：「琴（尋）晚真係好感動！差唔多每個台上講嘢嘅人都搞到我喊晒（依家睇番片都有少少忍唔住）🙈 能夠見證呢位好兄弟可以同另外一半成家立室真係好鬼開心💏 家燕姐，你辛苦左（咗）咁多年係值得㗎！成晚都好有愛！一言難盡！睇片感受下（吓）！恭喜🎉恭喜 恭喜🎈」
片中見家燕姐上台致詞時差啲唔小心將仔仔嘅婚禮講成自己嘅婚禮，即時惹來台下一陣笑聲，場面搞笑！
至於賓客之一嘅胡杏兒亦有出Post，佢表示：「很替家燕媽媽開心，她的兒子結婚了，成家了，她的兒子很乖，叫她做女超人，說感謝詞時把我感動得哭了兩次，一個媽媽，把自己的所有都獻給了她的兒女，恭喜您家燕姐，妳值得擁有！❤😭😊」
(on.cc東網)
「香港素食會」昨日亦發表聲明，指《美女廚房》「處理動物食材時未能按正常程序處理，包括將未宰殺的動物活生生的扔進鍋裡活烤，增加動物不必要的痛苦，虐待動物的畫面引起觀眾不安。另外，大部分煮好的菜式亦因未經正確烹調而被直接扔進垃圾筒，浪費食物。」要求通訊事務管理局正視。
（影片截圖）
「愉快動物研究所 Happy Animal Lab」fb貼文寫道：「魚類和甲殼類不會發聲，即使被人抓痛了，或是掉在地上，或是活生生的扔進鍋裡活烤，觀眾都感受不到牠們的痛楚」，「牠們的沉默，令牠們成為一場鬧劇裡的犧牲品」。至於嗰啲夾計玩「戲劇效果」，例如叫嘉賓扮蠢刀當鑊鏟、M&M朱古力炒飯，睇到觀眾都覺得難堪。
（影片截圖）
無綫昨日回覆傳媒稱，至今收到兩個有關節目處理食材的意見，日後喺處理食材上「會多加注意」。
（影片截圖）
魚類同甲殼類唔識講俾大家知，佢哋喺節目中承受幾大嘅折磨（不必要嘅！）同痛苦（節目嘉賓邊睇邊笑），但人類識吖嘛。今日有周刊報道指，有份拍《美女廚房》嘅「外援美女學徒」不甘無綫「大細超」、錫晒自己親生女如拍過《三日兩夜》嘅伍樂怡、王卓淇、陳展鵬女友單文柔等，仲有電玩世界的「宅男女神」洛兒，每集都俾佢哋大頭仲有對白，而非親生嘅呢班「外援學徒」，就要做佈景板，長時間齋企。
報道引述爆料者稱，節目每周錄一集，每次錄嘅時間長逾十個鐘。長時間「罰企」仲要做佈景板，好慘咁喎。但亦有另一個版本，就係話有啲「外援學徒」遲大到當冇事發生，又為搶鏡批踭攝位出陰招。
（影片截圖）
(apple daily)
懷孕九個多月的她與老公向來愛得癡纏，她懷有第二胎後老公非常緊張，曾表示為了留港照顧太太而推掉不少工作，似乎要做「貼身膏藥」陪伴左右！
有記者發現名模Jessica C.（JC）安志杰日前拋低女兒，在當晚約七時現身銅鑼灣行街拍拖。身形健碩的安志杰穿着白衣，拿着兩大袋購物袋，猶如超級英雄電影中的「綠色巨人」一樣，認真威猛！
安志杰與JC前後腳行，懷有九個多月身孕的JC步伐較慢，安志杰則做「先鋒」開路，細心的他沿途不斷向後望，看太太有否跟上其腳步，才安心繼續向前行。二人其後入了一棟大廈的停車場等𨋢。由於人多混亂，安志杰繼續護妻，讓太太先排隊，腹大便便的JC全程笑容滿面，精神奕奕！
（on.cc）
前排陳展鵬因為一張宣傳相執到個樣唔同晒兼膠味濃，喺網上又俾人拎番穿衣品味同埋傳割雙眼皮、瘦面等等嘅事成為話題，事後陳展鵬出席活動，就話唔嬲當係宣傳，仲話覺得冇問題，自己真金不怕熊爐火。
點知視帝陳又有是非纏身，今日有周刊報道，話說視帝陳喺17年喺將軍澳維景灣畔用三萬蚊租咗個三房八百多呎嘅高層單位，本來一般住宅租約都係一年生約、一年死約，不過視帝陳要求業主同佢簽兩年約，最後雙方達成共識，租約直至19年4月30日先結束。
點知喺今年年初，視帝陳透過助手同業主投訴，稱因為地板撬起、令陳媽媽跌倒，事後業主話搵裝修師傅上門，但視帝陳拒絕，未幾卻由助手send咗條短片俾業主，聲稱話屋企嘅地板撬起晒好危險，加上陳母受過一次傷，反正租約已過咗一年，又知道呢個單位不愁冇租客，所以佢決定住到五月就會搬走。業主接受周刊訪問時稱，陳展鵬母子不單冇履行合約、單方面提早搬走，而且仲冇交最後一個月嘅租金。
業主對於視帝陳呢個建議拒絕接受，但一直無法聯絡上，包括視帝陳、其助手，同陳母。陳母試過成功聯絡上，但佢就將個波交俾個仔。之後視帝陳助手搵業主，話會喺4月30日交匙，不過嗰日係Send咗啲相同文字，聲稱視帝陳唔喺香港，鎖匙已交到管理處。
雖然管理處表明唔可以代收，但係視帝陳一於懶理，仲話問咗律師係可以，如果佢哋唔合作嘅話，就搵律師告佢哋。最後業主搵咗管理處同議員上門收樓，發覺屋企有地板變黑發霉，於是搵陳媽媽又冇覆，仲block埋業主嘅電話，之後業主仲發現視帝陳喺冇通知佢嘅情況下，鑽咗兩個入牆架、窗簾掛架、走廊天花仲鑽咗一個有五蚊咁大嘅窿，報道話業主為咗呢件事好嬲，仲話對方好無賴。
事後視帝陳接受周刊訪問，佢話：「我唔方便回應，所有嘢有律師跟緊，仲俾咗掛號信俾佢，佢要小心啲，我係跟足所有條例去做。」今日視帝陳會喺電視城出席活動，唔知佢又會點樣回應呢件事呢？
(蘋果日報)
馬黎珈而（前名黎姿，Gigi）昨日以CosMax醫學美容行政總裁身份到尖沙嘴，為九龍首間旗艦店舉行揭幕禮，圈中好友張可頤、林保怡、向海嵐、伍詠薇同張晉等到賀。
向海嵐對於楊婉儀抵押港姐后冠，佢話有留意新聞，但冇聯絡對方，相信對方暫時都比較忙，問到抵押后冠會否覺得可惜？佢話：「唔覺得可惜，后冠一直畀人感覺唔值錢，我當年就話值一百六十萬。」
向海嵐話一直將后冠放喺保險箱，多年來只係拎過出嚟一次出席港姐活動，佢透露多年前曾經同楊婉儀傾，不如將后冠鑽石製成其他首飾，但最終不了了之，大家都想留個紀念，最後佢覺得抵押后冠就好似其他人抵押物業一樣，唔使特別去看待。
張晉單獨現身，因為太太蔡少芬有工作在身，講到美容方面，佢話自從識到太太之後先懂得護理，他笑說：「太太畀乜我搽，就搽乜，我病嘅時候試過佢畀安眠藥我食，畀咗double分量，第二日叫咗好耐我都唔醒，我過份信任佢。」近日放假在家，兩位愛女特别黐身，噚日更每人攬住佢一隻腳唔俾佢去廁所。講到太太上載大肚舊相上網，是否有意再生？他即笑說：「唔使，夠啦！放過我哋兩個，兩個已經去唔到廁所。」
(蘋果日報)
黎姿激動到眼泛淚光話：「呢兩個真係請都請唔到，唔好要我喊啦！」
自胞弟黎嬰發生車禍後，黎姿代弟打理公司，到今日發展到上市，黎姿致辭時感慨話，自己從人手管理到會計財務學到好多知識，亦希望做到良心企業醫學美容：「我要特別感激身邊兩位重要人，第一個係我細佬，因為佢開始咗呢個醫學美容平台，畀我發揮創造自己空間。第二個係我老公，佢畀咗好多自由空間我去發揮，發展今日更好嘅GiGi。」
黎姿弟弟黎嬰 （微博）
老公馬廷強 （資料圖片）
《古惑仔》是不少人的集體回憶，不過一眾主角都上了神枱，想他們重聚應該相當困難，今日（１１日）黎珈而（黎姿）的美容院開張，不少TVB好友包括林保怡、伍詠薇等都有出席，但最驚喜登場的一定是浩南哥鄭伊健，他和林曉峰突然現身，令黎姿相當意外，浩南哥重遇細細粒的確是經典。
浩南哥突然揸住技香檳現身。
事後她接受傳媒訪問，亦表示見到他們很意外，她說：「好開心，冇諗過佢哋（鄭伊健、林曉峰）會出席，我都離開咗娛樂圈咁多年，估唔到佢哋一直冇忘記我，仲咁支持我、愛護我，多謝嚟嘅每一位朋友，我見到伊健、阿Lo佢哋好感動呀，直頭震咗一震，好開心，突然間感覺好似當年《古惑仔》出嚟做宣傳咁，阿Lo又好攪笑，好開心。」
細細粒呢個造型，絕對難忘。
（hk01 / apple daily）
常與無綫訓練班同學聚會的藝人陳彥行，日前又見她的聚會合照在社交平台出現，當中有很久未有在螢幕出現的這位前港姐。
佢曾參演不少無綫劇，最近在無綫深宵重播劇《刑事偵緝檔案II》中亦見她出現，指証郭藹明是搶人男友的演出，相當肉緊。
而陳彥行就是特別為鍾潔怡（Kitty）慶祝生日，而同期同學劉愷威、朱樂輝、溫文英、吳家樂、黃凱詩、蔡劍雪等，亦有齊齊參與飯敍，並為壽星女Kitty送上生日蛋糕。
同學間這份感情能夠保持至今，認真難得。
(on.cc東網)
薛家燕二仔石耀庭（Jackson）今日小登科，娶新抱Zoe，今晚喺尖沙嘴洲際酒店舉行婚宴，擺咗53圍，喺眾賓客入座後，一對新人喺台上同賓客打招呼，然後新郎攞住個手機嚟讀稿致辭，佢對住任職老師嘅老婆話：「能夠娶到係我福氣，呢一年嚟辛苦你啦！又要返學，又要籌備婚禮，一定好辛苦，不過我哋經歷到，撐咗過去，我相信以後冇嘢難到我哋，多謝你愛錫我同保護我，我會永遠照顧你、保護你，俾你有最大嘅幸福！I Love You！」
Jackson數度因為感觸落淚而講唔到落去，Zoe就幫老公印眼淚，Jackson又感激外父外母、公公、婆婆咁辛苦養育一個咁靚、咁善良又細心嘅Zoe。Jackson又答謝媽咪，佢話：「我自細喺單親家庭長大，媽咪好辛苦帶住我哋三個仔女，佢好努力工作，多謝媽咪！」致辭完畢，一對新人同台下家燕姐都忍唔住爆喊。
新任奶奶家燕姐台上致辭，佢一度開心到講錯係自己結婚咁，佢話：「好多謝大家百忙中嚟出席我今日……我個仔個婚禮。」連家燕姐都忍唔笑，佢話：「對唔住，我呢排成日噏錯。」
佢多謝朋友由遠道返嚟，再講到獨力養育三位子女嘅辛酸：「在場的朋友都是看著我的子女長大，20多年前當時子女還小，大家都知道那段日子，我的路不平坦，曾擔心過如何養大他們、擔心過不知自己能紅多久，怕一、兩年後無工作，好大壓力。幸好我有衝勁，好肯去做，而3個子女好乖、好聽話，最難得感恩在場的影視界朋友都是我的恩人，沒你們的支持和愛戴，我3個子女不會有順風順水的路去走，謝謝無綫、新城電台和贊助商的支持，我囝囝的學費全部他們付，Jackson可以去留學，學成歸來，今日事業有成，還可以成家立室，我真的很開心。」家燕姐話好彩仔女生性聽話：「在座好多影視界朋友都係我恩人，冇你哋支持，冇你哋愛戴，我三個仔女唔會有咁順風順水嘅路去行。」
（apple daily / mingpao）
藝人陳茵媺（Aimee）同老公陳豪（阿Mo）婚後一直恩愛如昔，兩個即使有小朋友後，都會爭取時間拍拖，總之Sweet到暈！
呢日Aimee喺社交網分享佢哋2013年喺法國巴黎嘅結婚相，並甜蜜留言：Happy anniversary baby! Paris will always be my favorite place and your hand will always be my favorite to hold.”（寶貝結婚周年快樂！巴黎永遠都係我最愛嘅地方，你亦係我最愛捉緊嘅手。）」
字裏行間都流露住幸福之情，見到相中兩個都笑得好開心，好多網民都話佢哋夫妻之情真係羨煞旁人呀!
(on.cc東網)
賭王何鴻燊三房千金何超蓮，今日喺社交網上載咗一張坐喺超市手推車內嘅相片，見有朋友推住架車，佢玩得好開心兼高舉V字手勢，超蓮留言：「只坐上去1分鐘，太胖怕會壓壞，好險奴奴成功捕捉。」有網民留言：「你50公斤不會壓壞的。」而超蓮就速回：「我沒有50公斤！那太重了。」
點知有網民覺得超蓮咁樣唔係咁好，因為手推車係要用嚟裝食物或貨品，加上超蓮着住鞋，好似唔係咁衞生。網友表示：「有潔癖的人表示對鞋踩到好污糟。」不過都有網友替超蓮辯護，話細個時都會咁玩。
