昨日下午有網友貼出在美國拉斯維加斯機場偶遇二人的照片。照片中，女的身穿白色長裙，頭戴草帽，既優雅又可愛，二人手拉手並肩前行，畫面浪漫又恩愛，十分甜蜜。

兩人隨身攜帶大大小小超多箱子和行李，好似在搬家。

遙想三年前的5月29日，兩人剛剛公布戀情。李晨在微博上曬出與范冰冰的甜蜜合影，並寫道：「我們」。隨後范冰冰也發了同樣的微博，非常浪漫！

李晨之前接受採訪時講過想今年下半年完成婚禮，冰冰亦揚言要2018年生BB，看來他們要開始籌備，而大陸媒體早前已估計冰冰最強姊妹團有林心如、趙薇、Angelababy、張鈞甯及「Hold住姐」謝依霖等人選。

Angelababy

林心如

（綜合報道 / apple daily）

48歲嘅宣萱與入行初期外表冇乜改變，1991年入行至今仍然保持最佳狀態，凍齡技術極高，宣萱早前接受訪問時，碰巧電視台播出佢喺2005年拍攝嘅劇集，相比以往，見佢現時容光煥發，青春美艷更勝從前。宣萱話自己除咗外在勤力保養，護膚、做運動提升肌膚外，保持心境開朗最重要。

快將踏入人生另一階段，昂然踏入五字頭，仍然單身嘅宣萱自言唔會徬徨，眼見身邊朋友結婚後遇見好多唔開心嘅經歷，佢情願一個人享受生活樂得自在：「我都希望會有（愛情），但唔會成日諗住想要有，身邊朋友影響，結婚唔開心多過開心嘅，有好多例子，有啲唔開心嘅故事，我會慶幸自己好彩，表面睇人哋好好，結婚生仔，但最深處並唔快樂。」

講到結婚生仔，培育下一代，宣萱表示：「喺我35、6歲，身邊朋友生咗細路，會覺得得意，但湊仔其實好辛苦，過咗嗰個時間冇咗呢個念頭。」而且佢承認思想傳統，唔會先跳步生仔再結婚：「有個階段daddy叫我不如生住一個先，但我唔會咁做我好傳統，有個家庭先，俾個正常佢家庭長大，但依家完全唔急。最重要大家價值觀一樣，兩個人唔同會產生好多問題，一齊住可能多磨擦。例如媽咪用完牙膏我會知，佢整到周圍係，我唔會整到個蓋有漬，呢啲我會『Oh My God』，反而daddy用完我唔知，但呢啲只係小問題。」

曾經係工作狂嘅宣萱，廿多歲時會專注工作，有時情願犧牲與朋友見面時間，但現時心態改變，放慢腳步追求快樂享受現在：「人大咗，身邊有人有病、好後生就離開，體會咗人生，唔知聽日發生乜事，亦控制唔到，我覺得大家要生活，緊張做嘢，但係都要有時間做鍾意嘅嘢平衡番。我咁多年來冇目標，唔會有個心態打低邊個、或者攞獎、或影后，我鍾意呢個工作，享受過程。冇追求、冇壓力會開心啲。」

工作再忙，宣萱都會抽時間休息去旅行，佢現時與朋友計劃明年睇大遷徙：「我好驚但又想睇，預咗我會睇到喊，我怕一個動物死，試過拍一個旅遊節目，要殺一隻羊，我就喊到拍唔到，好似為我哋訪問而死，我好鍾意動物，面對時會有啲驚，但覺得呢樣嘢人生點都要睇一次。」

(apple daily)

藝人鍾欣潼與台灣有「醫界王陽明」之稱的賴弘國，早前喺洛杉磯舉行婚禮，獲得不少網民送上祝福。當時賴弘國嘅前妻即「華航林依晨」趙筱葳(Ivy)，就喺ig貼圖，示意自己就係倫敦，佢留言話：「這次真的是來英國帶小孩的，完全心甘情願…」

Ivy沉默4天後，昨日（30日）就在社交網上載了一段文字，表示「在紛擾喧囂中，什（甚）麼是真什（甚）麼是假？哪些是浮雲哪些是永恆？仇恨來自於狹隘的心胸與停滯的心靈，我們該選擇相信一個人的品格，而不是鼓吹旁人的言論。感冒終於有好一點了，可以天天天藍嗎？」

結果發文引來網民不少議論，指言詞間似是意有所指。但亦都有好多網民留言為佢打氣，「祝Ivy早日康復哦！」、「IVY真的很陽光！！讚讚～」、「很佩服妳的心境轉移，如果是我可能還很揪心。」、「加油，妳好棒」。

其實賴弘國2016年與趙筱葳結婚，但只維持了僅僅半年便分開。

趙筱葳就經常在社交網上周遊列國的相片，踏遍過不少國家，並經常在社交網上載風景和吃喝玩樂的相片，生活似是相當愉快。

(on.cc東網)