【真係三個人返喎】前港姐食住雪糕宣佈佗B！

2018-05-20

近排孖住老公出埠享受二人世界，不過Crystal今日就喺社交網公布喜訊，原來佢哋係三人行呀！

李雪瑩及老公iong（資料圖片）

老公iong（資料圖片）

超聲波相！

仲曬超聲波相！

Crystal貼出一張老公咀嘴自己個肚嘅相。

好幸福呀～

並留言：「‘Happy Birthday Papa! Next year I’ll be able to celebrate with you by dribbling all down your shirt! In the meantime, please look after Mama and take good care of her whilst I hibernate in her tummy for a little while longer!’Baby Bear Chan 🐻（生日快樂呀爸爸！下年我就可以用整到你成件衫污糟晒嘅方式嚟幫你慶祝！喺我匿入媽媽肚仔呢段較長嘅時間，請幫我睇住同照顧好媽媽！）」一班網民知道呢個好消息後都即刻留言恭喜前港姐李雪瑩（Crystal）！

而另一張相就見到Crystal晒出BB嘅超聲波相，望落BB似乎都好大個喇喎！唔知係幾多個月呢？不過佗住B嘅Crystal尋日先post出自己曳曳食雪糕嘅短片，大肚婆唔食得生冷嘢，要保重身體喎。

佗B仲食雪糕？

(on.cc)

【已被網民網上瘋傳…】驚爆戀情立即刪除急補鑊！

2018-05-20

35歲女星於昨晚透過社交網上傳男星疑赤裸上身的床照，因而爆出戀情，其後女方立即將照片刪除，但已被網民截圖在網上瘋傳。

大批網民對於女方上傳床照外洩感到憤怒，質疑她上傳圖片的意圖，並懷疑他們的關係。就事件，曾拍韓劇《鬼怪》的李伊所屬的事務所解釋照片是在話劇《AMADEUS》的公演後台拍攝，當時金材昱正在休息，本來僅是想以上傳趣味惡搞醜照的目的公開照片，後來覺得不妥才決定刪走，並對金材昱因為她的玩笑而受到影響道歉。

李伊曾拍《鬼怪》。

她亦否認與金材昱拍拖，表示他們因合作話劇成為好友，僅是親近的同僚關係。此外，金材昱近日有為李伊有份參演的電影《瘋騷小男人》站台，李伊亦有向金材昱送上咖啡車答謝。

兩人因合作話劇而成為好友。

（on.cc）

【湯洛雯近日頻頻…】舊愛羅天宇：唔係咁鍾意

2018-05-20

藝人羅天宇於鑽石山出席戒煙活動，羅天宇透露沒有吸煙習慣，問到可有因為拍劇而試過吸煙？他直言有，而且要練習，笑指不習慣用手指夾煙，又爆料指馬國明曾經因為拍劇要扮食煙而覺得辛苦。講到揀女友，如另一半不吸煙是否其中一個考慮因素？他說：「最好唔好啦，我媽咪好抗拒，之前我阿姨食煙都畀佢勸到唔好食，爸爸都好抗拒，我諗我媽咪知道我食煙嘅話打死我！」

談到舊愛湯洛雯近日頻頻晒泳裝照，他直言知道，亦有與對方通過電話。

問到覺得分手後大解放，以前會管對方衣着？他尷尬表示：「之前有管少少啦，唔係咁鍾意囉，不過做我哋呢行冇辦法，有時就提點吓咁囉！」問到二人復合的機會，他直言工作行先，想專注工作，望對方發展順利。

（on.cc）

【生咗一仔一女】至索千金狂晒Fit到爆身材！

2018-05-20

係城中索千金，喺15年嫁咗人，二人育有2歲幾囝囝Khalil同1歲囡囡Kaia。

同老公Karim結婚將近3年。(IG截圖)

Alison婚後專心湊仔女，同做KOL，不時都會出席時裝牌子活動，見佢Ig就不時擺唔少家庭親子樂相，近日天氣熱，佢就一家四口去沙灘玩水，仲見佢着住比堅尼，生咗兩個仔女身型依然keep得弗到漏。

曾昭亮(Alison) 穿比堅尼湊女去沙灘玩。(IG截圖)

大仔Khalil。(IG截圖)

噚日，佢就擺咗一張同囡囡黑白寫真，相中佢電咗o個爆炸髦髮，全裸抱實囡囡，盡顯性感hot mom，亦相當唯美有愛。傳媒就打畀Alison，佢就話係搵咗名攝影師Olivia Tsang影呢輯相，紀念下母親節，原本構思係同埋大仔Khalil三母子影，不過囝囝對鏡頭怕羞，笑言佢唔係太合作：「囡囡影o個時比較好一啲，但都唔係太容易，可能我哋皮膚貼皮膚，感受到我體溫同心跳，都不時會郁，佢哋兩個都好動。」

(攝影：Olivia Tsang)

問到佢點keep弗身材，Alison就話都係做運動同飲食控制：「我有打boxing，不過呢排忙湊小朋友，比較懶咗少去，不過湊仔都消唔好卡路里，成日同佢哋去好多outdoor活動，都係另一種運動，自己成日同自己講，想keep住身型靚呢個mindset，就會有動力做到。」

曾昭亮生咗一仔一女，依然好身材。(IG截圖)

（apple daily）

【止汗劑咁用係錯㗎！】止汗劑竟然會引致乳癌？

2018-05-20

炎夏來了！日日三十幾度，真係曬到隻狗咁！止汗劑係時候要出動喇！你平時點搽架呢？有無用錯？

在睡前、肌膚乾燥時使用

大熱天裡汗如雨下令人尷尬，使用止汗劑抑制汗水是最簡單的方式，但皮膚科醫師說，止汗劑建議在睡前使用，而且以塗抹、噴灑局部為主，不建議用在全身。

女性怕香汗淋漓，失去從容優雅；男性也怕汗流浹背，看來十分狼狽。台大醫院雲林分院皮膚科主任邱品齊表示，因為緊張、面對心儀對象、開會發言等場合而大量流汗，是正常的生理反應，但若平時拿一張衛生紙緊貼腋下，衛生紙會濕掉、或是寫字的紙張會因手汗弄濕，就是屬於排汗量比較多。

噴局部即可不需補擦

邱品齊說，易流汗者擦止汗劑是最簡單的方法，止汗劑中的鋁鹽可以堵住汗腺出口。但止汗劑建議晚上睡前、肌膚乾燥時使用，而非白天出門前、運動前使用，因為大量流汗時，止汗劑成分會立刻被汗水沖刷掉，造成止汗效果比較差。

同時止汗劑不像防曬乳，白天不需「補擦」，最好局部在腋下或是手部使用，不建議全身性噴灑塗抹，否則可能會像王先生一樣，汗水從其他「意外」部位冒出來。

噴劑的止汗劑刺激性較大

市面上有多款止汗劑產品，成分不同，且分噴灑、塗抹、滾珠等劑型。邱品齊說，一般膏狀、乳霜狀的止汗劑較為溫和，噴劑的止汗劑因為酒精含量較高，刺激性相對較大。如果發現使用止汗劑後，造成局部皮膚紅腫、長疹子，最好換用其他產品。

除了使用止汗劑，邱品齊建議，腋下流汗也可以局部注射肉毒桿菌素止汗，但每一平方公分都要注射，一次費用就要好幾萬元，而且一年需注射一次，是一筆不小的花費。

另外，也可以切除交感神經，雖然可一勞永逸，但要考慮代償出汗問題，因為有可能腋下不再汗溼一片，但身體其他部位會出汗。

(元氣網)

【網民抵死留言…】宋熙年大晒5個月孕肚！

2018-05-20

正佗B嘅藝人宋熙年（Sarah）日前孖住老公陳智燊（Jason），齊齊出席活動宣布一索得男，之後Jason喺社交網大晒攬住老婆嘅溫馨合照，再次報喜：「it’s a BOY」。而Sarah亦有附和老公，佢貼出一張着上沙灘裙嘅大肚孕照，並用英文留言分享佗B仔嘅心情，佢提到Jason屋企男仔多，而自己屋企就女仔多，所以認為老公嘅基因好強大，仲話為咗迎接BB，要積極操弗自己。唔少網民都有送上恭喜，亦有人指Sarah已經好弗，大讚佢係「Sexy Mama」。

宋熙年、陳智燊

相中嘅宋熙年手腳仍然纖幼，白色薄裙喺陽光照耀之下，隱約透出裏面嘅黑色under，性感誘惑，網民都留言讚：「Sexy mama」、「陳生影啲相好pro」，而07年獲國際中華小姐冠軍嘅宋熙年，當年上圍只有33吋，依家因為懷孕谷奶關係，上圍開始升cup，宋熙年低頭望海嘅甫士，有網民抵死留言：「告別飛機場，傲視珠峰」。

宋熙年留言分享佗B仔嘅心情。

（on.cc / apple daily）

【原來小糯米出世後一抹完身就…】劉愷威激動眼濕濕公開多謝4歲女兒

2018-05-20

藝人劉愷威與內地著名花旦楊冪嘅愛女「小糯米」依家差不多4歲，小糯米喺香港讀書香港大，不過老竇同媽咪就長年喺大陸做嘢，冇咩時間陪囡囡，不過佢哋感情依然非常深厚。

劉愷威平時帶小糯米出入都好低調，落力保護囡囡。（資料圖片）

劉愷威平時帶小糯米出入都好低調，落力保護囡囡。（資料圖片）

最近劉愷威上一個大陸歌唱節目，仲公開一封「給小糯米的信」，一提到阿女仲內心激動眼濕濕想喊添！

給小糯米的信。

劉愷威喺節目上深情獻唱《給寶寶的信》，睇個歌名就知係唱畀個女聽，唱到尾留段，螢幕上仲公開一封給小糯米的信：「To米米最初是希望帶着你了解這個世界，卻發現是你陪着我重新認識了這個世界，謝謝你。」真係Sweet到爆！

好激動！

劉愷威續表示自己經常在家唱歌畀小糯米聽，又多次向女兒致謝，雖然每次做嘢都不舍離家，但係為咗更好地照顧女兒都冇辦法，又感謝囡囡幫助父母成長成更好的生命，講講吓仲幾度欲落淚，場面感人又溫馨。提到當時喺產房睇住個女出世、剪臍帶，劉愷威自爆自己一定要囡囡個初吻，所以小糯米出世後一抹完身，佢就即刻錫錫阿女完心事。

小糯米出世時，劉愷威即刻奪佢「初吻」，果然係前世情人。

小糯米出世時，劉愷威即刻奪佢「初吻」，果然係前世情人。

仲大晒阿女啲勞作，勁Sweet。

(on.cc)

【驚唔驚老公呷醋呀…】周汶錡全晚超High 周圍攬人錫人！

2018-05-20

丁子高今日喺社交網上載與Kathy嘅合照，見Kathy穿上一條透視低胸裙，表現興奮，頭貼頭咁攬住丁子高影相。其實見Kathy全晚都超high，攬完丁子高，又與Walter嘴對嘴，驚唔驚老公呷醋呀…

(資料圖片)

之後就由老公陪住切蛋榚。丁子高留言送祝福﹕「May it all come back to you thousand-folds on your special day. Happy birthday, Beautiful!」

Kathy同丁子高面貼面咁攬住對方，怕唔怕另一半呷醋呀！？

楊千嬅 (資料圖片)

今日係名模周汶錡（Kathy）嘅44歲生日，噚晚已有慶祝活動，約埋一班好朋友，包括丁子高、前男模侯維德（Walter）、妹妹周麗淇等開派對，當然唔少得Kathy嘅法籍有米老公Julien Lepeu啦。

(ig圖片)

但就唔見一對寶貝仔，相信都因為太夜，小朋友要瞓覺豬喇！

Kathy兩個仔仔。（資料圖片）

仲有細妹周麗淇呀！

有米老公Julien Lepeu當然要在場，唔知今日係咪會過二人世界呢？(ig圖片)

Walter亦都話﹕「Happy Birthday to the most charming, beautiful and crazy mama, my dearest Kathy! Wishing you more happiness, fun and fabulous along the journey! 祝crazy mama 愈夜愈美麗，愈活愈精彩！」

Kathy、老公Julien Lepeu

大合照

(ig / apple daily)

【同老公結婚未夠2個月】雨僑：咀完想嘔！

2018-05-20

雨僑同老公羅力威結婚兩個月都無，突然話咀完想嘔，唔通咁快過咗蜜月期？

羅力威雨僑的圖片搜尋結果

藝人雨僑與蔡瀚億於尖沙咀拍攝網劇，二人在劇中是KOL與經理人關係，因為做KOL的雨僑沒有工作，蔡瀚億幫她接咖啡飲品廣告，但遭雨僑拒絕，二人鬧交收場。

現實中同樣是KOL的雨僑，對角色當然駕輕就熟，在劇中與蔡瀚億有感情瓜葛的她，透露有機會與偶像孫耀威拍攝咀戲：「我由細到大都視孫耀威係男神、偶像，能夠親近佢，不知幾開心！但點知拍嗰日好唔舒服，咀完想嘔，浪費咗呢個咁值得回味嘅機會！」原來講緊男神孫耀威！咁都無咁驚~~

(on.cc)

【個鼻似我就慘喇！】莫名其妙做咗爸爸！

2018-05-20

早前被指其圈外女友懷孕四個月，更有傳二人打算在BB出世後拉埋天窗，但男方一直都未有承認。惟昨日突然喺社交網貼出一首名為《歡迎光臨》嘅新歌，並留言：「用寫的可能又要罵人，我還是用唱的好了。」

早前被拍到陪女友產檢

呢一首新歌可以話充滿咗相當濃厚嘅父愛，除咗話BB嘅降臨係一種天意之外，當中寫到「當老婆肚子一天比一天的大，超音波圖，看起來好像小青蛙，到底像我還是像媽媽？最好不要鼻子像我，就慘啦」，跟住仲話「莫名其妙當了爸爸，歡迎光臨地球的家，長大帶你翹課玩耍」，睇嚟台灣歌手張震嶽似乎暗示自己將為人父之餘，更表示相當期待小生命嘅到來。

張震嶽以新歌寄意指BB嘅降臨係一種天意。

(on.cc)