佢哋秘戀多年，終於去年12月拉埋天窗，今日傳來女方已懷孕消息，據指佢目前已進入安定期，預產期喺今年秋天。而兩人即公佈喜訊，指兩人對家裏將添新成員感到無比喜悅，期待小生命能夠平安出世，兩人將榮升父母。。。
日本尊尼組合V6嘅37歲成員岡田准一，與32歲女星宮崎葵於去年12月23日結婚，婚後約半年再傳來宮崎葵懷孕喜訊，兩人將榮升父母。
岡田准一與宮崎葵秘戀多年，終於去年12月拉埋天窗，今日傳來宮崎葵已懷孕消息，據指佢目前已進入安定期，預產期喺今年秋天。
而兩人亦透過事務所公佈喜訊，指兩人對家裏將添新成員感到無比喜悅，期待小生命能夠平安出世。岡田准一算係V6入面第四位爸爸，成員之中以井之原快彥最快做爸爸，佢同瀨戶朝香育有兩個小朋友，而森田剛月前同宮澤里惠結婚，成為宮澤與前夫所生囡囡嘅繼父，至於白石美帆日前剛為長野博生咗個B仔。
(蘋果日報)
5月18號係發哥周潤發63歲牛一，今年發嫂悉心包場，喺尖沙嘴一間酒店為老公舉行生日會，請來發哥主演新片《無雙》監製黃斌、導演莊文強、仲有「行山之友」廖啟智、方中信，安樂電影公司老闆江志強，攝影師潘耀明等好友出席，最驚喜嘅，係《千王群英會》嘅屠一笑——四哥謝賢現身！
噚日發嫂特登提早個幾鐘去酒店打點，一定要提嘅係個生日蛋糕，有兩個公仔selfie——一個係發哥，一個係發嫂，兩個攬住坐喺公園長凳自拍，蛋糕上面寫住：「祝你生日快樂，身體健康，夢想成真，並祝《無雙》票房勢不可擋，席捲全球，創造最高紀錄」，之後再加兩個心心，下款係「發嫂」，好sweet！
席上，生日蛋糕「出場」一刻，全場打拍子合唱生日歌，發哥笑笑口企起身出去——但唔係準備切蛋糕，而係走去四哥身邊，拉咗四哥出去一齊切餅，四哥反問：「我生日咩？」發哥即刻話：「你生日呀！許個願啦！」之後四哥就做咗個劃十字架嘅祈禱動作，兩人仲嘴對嘴扮錫，全場人大笑。
之後兩人又扭腰比舞，81歲嘅四哥一身牛仔look打扮，由席上跳到出露台——原來發哥係教緊佢原地慢跑，果真老而彌堅。
另一驚喜，係智叔廖啟智，現場live band獻唱完生日歌之後，緊接唱出葉麗儀嘅《上海灘》主題曲，智叔聽到音樂，即時衝出去搶咪，用林子祥腔唱埋一份，發哥就一邊同佢合唱一邊selfie。
發哥事後話老婆今次呢個驚喜安排相當成功：「以為只係幾個朋友食飯，完全唔知有老闆、監製、演員同四哥，好開心！生日願望係可以繼續跑山見神仙，喺山過美好生活，好開心㗎！」
(蘋果日報)
「老公叫我著平底鞋，不過真係揾唔到鞋襯，其實我都係嚟到先換咋。」張新悅笑指平時著得高踭鞋多都冇所謂嘅。預產期分別為6月尾同7月頭，一個佗仔、一個佗女！問到會唔會搞baby shower慶祝？張新悅就表示會搞baby shower，不過係四個女一齊搞。。。
張新悅同蔣怡兩個靚孕媽，今日喺尖沙嘴為西班牙童裝品牌nanos嘅限定店開幕擔任嘉賓，蔣怡仲貪靚著住高踭鞋現身。佢哋互相幫對方嘅腹中BB揀衫，笑言平時都會瘋狂為囡囡們買衫，仲話好想將啲BB衫變大，可以畀自己著。
蔣怡老公都有現身，期間不停為太太影相，蔣怡笑話：「老公叫我著平底鞋，不過真係揾唔到鞋襯，其實我都係嚟到先換咋。」張新悅笑指平時著得高踭鞋多都冇所謂嘅。
預產期分別為6月尾同7月頭嘅蔣怡同張新悅，問到會唔會搞baby shower慶祝？蔣怡就話唔會搞派對，不過生之前會同朋友出街食飯：「因為有妊娠糖尿，好多嘢唔食得，但我真係好鍾意食嘢。冇得食搞到我有少少抑鬱，所以啲朋友約我生之前一星期去食嘢，佢哋話就生唔怕啦，諗住食啲海鮮同飲幾滴酒，哈。」
張新悅就表示會搞baby shower，不過係四個女一齊搞：「一人搞一個好攰，一次過夾個時間，搞個楊家派對啦。」提到佢話封肚，張新悅坦言同老公傾過唔會做結紮手術：「我諗冇男人會好開心話結紮，佢諗起都驚，驚過見到『小強』，唯有同老公接觸少啲。」
笑言佢哋有四個女應該好少時間可以「接觸」？張新悅話：「都要維繫夫妻感情嘅，不過好尷尬呀，講到我流晒汗。」
(蘋果日報)
雖然已有兩個小朋友，但向來係瑜伽高手嘅佢，身材一樣fit到爆，大晒腹肌。佢喺ig story貼出大合照，寫住﹕「美好的一天！天氣晴朗，多謝每一位送畀我嘅驚喜生日蛋糕。」而另一對姊弟戀甜甜蜜蜜，兩人好夾，鬼聲鬼氣，都係鍾意戶外活動，行山、游水乜都啱玩。。。
梁靖琪(Toby)離婚4年，最近戀上有米紋身男Jon。Jon比Toby年輕8年，但兩人好夾，鬼聲鬼氣，都係鍾意戶外活動，行山、游水乜都啱玩。
最難得嘅係，Jon完全融入到Toby班friend之中，噚日Toby約埋幾位姊妹鍾麗淇同鄧穎芝及幾位圈外朋友一齊遊船河，Jon都有出席。5月22日係鄧穎芝嘅33歲生日，佢喺ig story貼出大合照，寫住﹕「美好的一天！天氣晴朗，多謝每一位送畀我嘅驚喜生日蛋糕。」
之後再貼出與Toby嘅全身泳裝照，Toby擁有黝黑嘅結實肌膚，鄧穎芝留言﹕「佢(Toby)真係黑過我…有相為證，哈哈哈。」
而Toby都有上載咗一張錫契女嘅相，而呢位契女就係鍾麗淇嘅兩歲大細女Michela，鍾麗淇雖然已有兩個小朋友，但向來係瑜伽高手嘅佢，身材一樣fit到爆，大晒腹肌。
坦言擔心患肺癌，現正排期作進一步治療，希望吉人天相：「驚係Cancer，心情梗係唔好同擔心啦！可能係以前食得煙多，有時返大陸登台，人哋畀煙又唔好意思拒絕，但呢一個月已經完全戒咗煙。」他直言家人非常擔心，但相信他們無論精神上或經濟上都會支持自己。
1989年香港小姐季軍梁佩瑚胞弟梁焯滿於1994年在蘭桂坊被電影監製發掘加入娛圈，多年來拍下不少電影，多數演古惑仔角色。最為人熟悉的是1996年他在電影《古惑仔3之隻手遮天》飾演的「肥屍」，與陳小春互罵。
惟多年來星途平平，多演小角色，反而黑仔事件一單接一單，2003年梁焯滿年與拍拖3年的女友陳靜霞結婚，惟去年有傳他與芭蕾舞老師Jessica過從甚密，事後他澄清2006年已與陳靜霞離婚，前妻更在去年因病離世。
唔介意被叫茄喱啡
昨日梁焯滿被發現現身伊利沙伯醫院胸肺科，身形瘦削的他拿着一袋文件，全程愁容滿面，又頻頻傾電話及Send訊息，在醫院走廊踱步。事後記者致電梁焯滿求證，他承認到醫院求診，因最近做身體檢查時發現肺部有事，照X光肺部出現陰影，可大可小！
梁焯滿坦言擔心患肺癌，現正排期作進一步治療，希望吉人天相：「驚係Cancer，心情梗係唔好同擔心啦！可能係以前食得煙多，有時返大陸登台，人哋畀煙又唔好意思拒絕，但呢一個月已經完全戒咗煙。」他直言家人非常擔心，但相信他們無論精神上或經濟上都會支持自己。
問到其經濟狀況，梁焯滿表示有買保險，加上近年經常登台，又有執導拍戲。對於人生似乎充滿黑仔事，樂觀的他說：「每個人都有高低起伏啦，我又唔會諗得太悲觀，好似拍戲咁，以前會介意人哋話我係茄喱啡，但近年已經冇所謂，既然我鍾意呢個行業，就會一直做落去。」
不影響搏殺計劃
梁焯滿又稱即使健康出現問題，仍然不會停工，繼續登台搵銀，並會擴充汽車美容生意業務。而他早前自編自導自演的內地網絡大電影，請來一眾好友參演，計劃再拍一部，更兼任投資者：「內地市場好大，唔想放過呢個機會，個病再睇吓點，暫時唔影響我搏殺嘅計劃。」
(on.cc東網)
夏季紫外線強，要預防寶寶曬傷，蔡妍筠醫生建議6個月以下嬰兒可採用遮蔽式防曬法，「可穿長袖或幫寶寶蓋一層毯子，只要光線無法透過去，就算是成功隔絕紫外線。」
美國醫學會建議6個月以上的寶寶可塗抹防曬產品，市售防曬乳可分為化學性防曬與物理性防曬，前者清爽不油膩，缺點是較刺激、恐引發過敏，後者含二氧化鈦（Titanium dioxide）、氧化鋅（Zinc oxide）等物質，雖較油膩，但成分相對溫和。
爸媽在幫寶寶挑選防曬乳時，應優先選擇物理性防曬產品，此外要避免含防腐劑、香料與奈米成分，因奈米分子小，容易穿透皮膚，遭人體吸收，建議使用前可先塗抹在孩子手臂做過敏測試，若有紅腫癢等反應，則不建議使用。
以從事戶外活動來說，平均2個小時要補擦1次，回家後只要在洗澡時用沐浴乳、肥皂等清潔用品洗掉即可，不需特別卸除，若發現寶寶皮膚出現乾燥情形，可塗抹適量乳液滋潤。
（嬰兒母親）
藝人陳法拉喺2014年毅然決定去美國紐約茱莉亞學院修讀戲劇碩士課程，眨吓眼4年又過去，法拉BB正式畢業喇！
法拉在最後一個學期以全科A成績獲頒MFA (Master of Fine Arts) 戲劇表演碩士，成為首位獲得該校戲劇表演碩士嘅華人學生。呢日，法拉喺IG晒出畢業禮嘅靚相，相中見佢着上黑色畢業袍、戴上四方帽笑容燦爛，而佢除咗上台領取證書外，當然唔少得與一班同學仔影大合照，真係恭喜晒！
陳法拉仲留言：「我唔知道4年會過得咁快，但喺呢度，我同#group47同學正式從＠juilliardschool畢業喇！呢點靠我一個人力量絕對做唔到。感謝鼓勵我嘅家人和朋友，仲有教我知識與激發我靈感嘅老師們，你哋使我日後成為一名更好嘅藝術家，當然唔少得多謝一直支持我嘅中國與香港團隊、客戶們。最後感謝一直關注我動態嘅粉絲們，喺生命中能遇上你哋所有人，我真係一個非常幸運！ #畢業 #感恩 #juilliard2018 #dramaschool #actorslife #mfa」
(on.cc東網)
如果你係八十後，recall番啲童年回憶返嚟先……細個睇無綫劇，會唔會覺得奸仔吳啟華個樣變化好大？有冇懷疑過係兩個唔同嘅人？
冇錯，真係兩個人。《流氓大亨》嗰個PK係吳啟華，《大時代》俾人掟落街嗰個丁旺蟹係吳啟明。吳啟明係吳啟華親生大佬。兩兄弟從來不曾於無綫合作，因為吳啟明係喺吳啟華離開大台之後，先至考TVB藝訓班。兩兄弟明明戴上金絲眼鏡活脫脫就係一個斯文人，但無綫總係安排佢哋兩兄弟演敗類。吳啟明87年加入無綫，都拍過唔少劇，包括《鐳射青春》、《鬥氣一族》、《奇幻人間世》、《邊城浪子》、《絕代雙驕》、《義不容情》、《大時代》同《恨鎖金瓶》（單立文飾演西門慶！） 95年吳啟明拍完電影《狼吻夜驚魂》後，就離開娛樂圈，吳啟華亦回歸大台，例如拍《壹號皇庭V》、《900重案追兇》、《妙手仁心》等等，都算係另類「無縫交接」。
星途不算順利嘅吳啟明，呢廿幾年嚟都陸續有啲花邊新聞傳出，有次甚至上埋港聞——有傳吳啟明轉行做投資顧問，甚至傳佢曾炒燶股票欠債過千萬，之後由人生低谷之後又上番去高峰。三年前大台重播《大時代》，四隻蟹仔陶大宇、邵仲衡、郭政鴻聚舊三缺一，獨欠吳啟明，當時大宇都話同啟明20年冇見。
消失咗23年嘅吳啟明，日前現身中環被《蘋果》獨家捕獲，現年54歲嘅吳啟明樣子滄桑咗、身型比後生時發脹咗少少，官仔骨骨嘅形象冇晒，變得成熟穩重。當晚大約7點幾，吳啟明單拖現身中環九如坊，一個人喺公園食雪茄，之後入番餐廳同朋友食飯，紅酒白酒連環飲，食完飯後約一粒鐘後，吳啟明又出門外食雪茄。其後記者上前採訪，初時吳啟明唔太願意做訪問，其後亦大方傾幾句。
問及近況，吳啟明話：「我咪搞間細細間餐廳玩下啫嘛。」有冇諗住再拍番戲？問到之前《大時代》蟹仔飯局冇出嚟，吳啟明坦言：「基本上離開咗呢行，我唔想再高調出番嚟。」冇諗住再拍番戲？佢搖頭：「做啲小生意得啦。」
問到開咗幾多間餐廳？吳啟明表示：「一間喺河南，一間喺湖南，第三間喺北京，係旗艦店好大間，跟住仲會喺上海。」香港暫時就得中環呢間總店，吳啟明坦言：「因為我係借香港嘅牌子去大陸，俾人知道我哋香港嘅製作係非常之嚴謹，並唔會用嗰啲地溝油呀、唔知乜嘢嚟，所以我係借中環總店開上大陸，係香港中環有先，跟住將呢個名帶上大陸。」
諗住開幾多間分店？吳啟明話：「呢個係希望，未必做到，我諗住開十間，喺大陸開完之後，可能喺九龍開一間，我對食好有要求，我嘅理念係將好食嘅嘢畀所有人食到，咁香港嘅人食到，我都想九龍嘅人食到，我想share好食嘅嘢畀大家。」
(蘋果日報)
陸詩韻接受訪問時大方承認：「係呀！不過應承佢做姊妹時，根本唔知佢丈夫係邊個，世事就係咁巧合，我同佢十幾年前已認識，但唔係話好熟，之後拍劇重遇番，有時大家共同朋友聚會都會見到，佢當日叫我做姊妹，我一口就話：『好呀』！根本冇問過佢丈夫係邊個。。。」
現年31歲的2006年落選港姐李美慧與富商曾文豪將於6月3日在淺水灣設婚宴，二人拍拖半年即「閃婚」，更耗資近百萬在不丹及喜瑪拉雅山影婚紗相，之後會在男方最新於法國購買的美麗花園開派對，屆時會請香港的親友到場分享喜悅。
陸詩韻做姊妹團
現時美慧期待着自己的婚禮，問到姊妹團方面時，她表示會找陸詩韻及一些以前的圈內朋友擔任，說到陸詩韻之前曾與曾文豪的弟弟曾文能拍拖，她笑說：「哎呀！我哋之前真係唔知，一叫佢就應承，大家都冇講過，不過依家大家都知，佢應承咗都要做啦！（怕唔怕佢哋尷尬？）咁大個人唔會啦！」
唔怕尷尬
而陸詩韻接受訪問時大方承認：「係呀！不過應承佢做姊妹時，根本唔知佢丈夫係邊個，世事就係咁巧合，我同美慧十幾年前已認識，但唔係話好熟，之後拍劇重遇番，有時大家共同朋友聚會都會見到，佢當日叫我做姊妹，我一口就話：『好呀』！根本冇問過佢丈夫係邊個。（會唔會驚到時見到曾文能尷尬？）又唔會，我哋大家都係朋友，有時喺啲聚會都會見到，見到佢家人都唔會尷尬囉！」
難掩興奮
提到法國的結婚派對時，美慧難掩心中興奮：「嗰個園地係佢（曾文豪）最新買嘅，到時我哋會安排親友飛過法國，然後坐直升機到達園地，佢都識揸直升機，到時會親自揸過去，我都係第一次坐，依家派對場地搵人布置緊。」
(on.cc東網)
無綫處境劇《愛．回家》系列深受觀眾喜愛，劇集更開拍完一輯又一輯，唔少劇迷都好掛住第一輯嘅一班演員，呢日佢哋終於重聚啦！
呢日一眾演員，包括陳芷尤、莊思明、湯洛雯、岑杏賢、李霖恩、姚瑩瑩同張達倫相約見面，張達倫仲帶埋老婆同囝囝張凱碩（勁秋雞）嚟添。
陳芷尤喺社交網上載大合照，留言話自己啱啱由外地返嚟香港冇耐，第一時間就見呢班「愛回家之友」。
佢仲甫出多張抱住「勁秋雞」嘅相，並大讚BB好可愛。
(on.cc東網)
