藝人葉翠翠呢日於上午時分喺社交網站上載一張隻手有牙印嘅相，自爆畀囝囝「小王子」周津羲咬成咁，雖然冇流血不過睇見都覺得痛，翠翠留言：「又咬人……我不是故意給他咬的！是小王子玩玩下突然咬人……真係好痛㗎……」雖然係咁，但翠翠話冇辦法，仲話囝囝只係咬佢冇咬老公添，蝦佢咁話！
但翠翠冇嬲，夜晚又再發文話滿咗一歲無耐嘅囝囝，喺自己細心照顧下，發育得好好，之前畀囝囝咬嘅痛都唔記得晒：「呢個小朋友咁樣坐㗎……昨天小王子去了身體檢查，醫生說他的身高和磅數都是兩歲的尺寸。在小王子幾個月大的時候，好多人話小王子好肥，要減肥，但醫生說是正常範圍之內。新手媽媽不要聽太多旁人的說話，健康正常飲食，小朋友慢慢長大便會瘦下……」
成日分享護膚心得嘅翠翠幾時分享吓育兒心得呀？
(on.cc東網)
雪糕竟然有毒？有生物科技公司利用魚胚胎對雪糕作毒物測試，指29個雪糕樣本中，有約35%樣本表現不及格，或含有毒化學成分。測試機構表示，雪糕中若含多種添加劑、色素及防腐劑等化學成份，容易互相影響，產生混合毒性，尤其是脆皮及石板街雪糕等，建議市民選擇雪糕前應注意成分，選擇簡單口味的雪糕，如雲呢拿口味的雪糕會較為安全。
於今年5月從香港各大超級市場及便利店選購9個雪糕品牌，共29款雪糕樣本，利用魚胚胎進行毒性檢測。
測試結果顯示，29個雪糕樣本中，有12個屬「綠魚」級別，即表現理想；7個屬「黃魚」，品質基本合格；餘下10個即約35%樣本是「紅魚」，即測試表現不及格，品質有待改善。但該公司並沒有公布「黃魚」及「紅魚」名單，而所含的有毒物質及具體對人體的影響亦未有進一步解釋。
首席執行官杜偉樑強調，該毒性測試並非要檢測出單一有毒物質，而是靠生物科技檢測雪糕中多種成份互相影響，從而產生的混合毒性，至於「黃魚」及「紅魚」名單，現階段不適宜公布，但已向相關品牌聯絡跟進情況。
營養師李杏榆提醒市民應注意進食雪糕的安全，避免進食含多類添加劑的雪糕，如脆皮雪糕、石板街雪糕等。
合格List如下：
(東方日報)
湯怡噚晚中環出席電影《某日某月》嘅特別場， 導演劉偉恒搵咗一班90年代歌手出席，包括黃翊、何婉盈、黃寶欣、黎明詩、文佩玲、黃和興(前樂隊ZEN成員)、洪楗華、袁志偉、鄭梓浩等。
今年係湯怡同洪卓立拍拖十周年，今年30歲嘅湯怡話唔心急結婚：「覺得o依家先係我黃金時間，唔到35歲都唔會諗結婚，愛情唔係第一位，事業家庭行先。」
洪卓立聽到咪好傷心，湯怡就話：「唔會，我哋有共識，大家做嘢先，我反而好懷念90年代愛情，當其時冇WhatsApp、冇視像，只係靠電話維繫 ，反而o依家見到電話響有一種恐懼感。」
(蘋果日報)
陳智燊(Jason)同懷孕5個幾月嘅太太宋熙年今日喺九龍塘出席新車發佈會，Jason就嚟升呢為人父，心情既期望又興奮，表示呢幾個月係我人生中揸車最多嘅時間，因為要接送太太，而大會就向呢對準父母送上一架BB車，合照嗰陣，Jason輕搭太太嘅肚。
着上吊帶裙嘅宋熙年明顯見肚，問重咗幾多磅？宋熙年話：「醫生話唔算重好多，但係比以前肥咗，係幸福肥。」Jason即刻話：「幸福肥，有小朋友好正常，最重要係健康同開心，之前真係好緊張，但係過咗3個月，所有嘢都穩定。」
至於BB嘅性別，Jason甜笑咁話：「我爸爸呢邊想我哋生女，因為我係4兄弟，而佢嗰邊就全女班，而佢陀嘅係仔，爺爺嫲嫲好想我哋之後生孫女，下一個會偏向生女。」宋熙年透露生B之前會去澳洲探父母。雖然宋熙年陀B胃口冇乜改變，不過Jason話當初經常提住太太唔好飲凍嘢，俾人覺得佢霸道，Jason笑指：「因為我緊張佢、關心佢。」
熙年都認為佢緊張：「佢話有啲大肚婆會抽筋，所以佢唔俾我揸車，O依家佢就做我司機，叫佢陳記。」問Jason到時會唔會入產房陪太太？佢猶豫咗一陣，問佢係咪怕血？然後Jason先話：「係因為我未諗，就算驚，都要入去撐老婆。」
(蘋果日報)
生咗喇！《東張西望》主持人梁麗翹（Nicole）喺社交網甫出手抱囡囡嘅合照，並用英文留言話歡迎B女嚟到呢個家庭，仲公布佢嘅英文名叫Nanette添！
相中見Nicole望住囡囡甜笑，一面幸福，果然係「有女萬事足」！
而Nicole嘅好友謝文欣（Ally）都有第一時間去探佢哋，佢晒出同兩母女嘅合照，相中仲清楚見到Nanette嘅正面樣，真係非常可愛！Ally除咗留言恭喜Nicole，仲應承遲啲會帶Nanette去主題樂園玩添！
(on.cc東網)
而其實佢私底下係一名孝順女嚟㗎。佢以前上節目時就曾經講過出道嘅原因係想賺錢畀媽媽醫病，有咩大時大節又會陪屋企人、帶佢哋去旅行，身為屋企嘅支柱，佢都真係出心出力。但今朝佢喺社交網傷感發文，指爸爸已離世。。。
内地藝人柳岩以打扮性感及身材弗爆而為人熟悉，而其實佢私底下係一名孝順女嚟㗎。柳岩以前上節目時就曾經講過出道嘅原因係想賺錢畀媽媽醫病，有咩大時大節又會陪屋企人、帶佢哋去旅行，身為屋企嘅支柱，柳岩都真係出心出力。
今朝柳岩喺社交網傷感發文，指爸爸已離世：「感恩這段日子來探望父親的朋友和前輩們，最後的日子裏你們的到來如一束溫暖的光給他帶來了快樂喜悦和美好的記憶。父親走的平静無憾。感恩所有醫護人員貼心照顧，爸爸 愿（願）您（你）已放下常駐光明中。」一眾藝員朋友及網民見到之後紛紛留言為柳岩打氣、叫佢節哀順變。
(on.cc東網)
藝人梁烈唯到電台宣傳邵氏網劇《飛虎之潛行極戰》，講到他之前拍此劇受傷，他表示仍醫緊：「開始好啲，隻腳冇咁痹，醫師話我椎間盤開始縮番入去，因為個盆骨撞扭曲咗，依家慢慢移番正。」
他亦謂要keep住睇醫生，要繼續睇到斷尾為止：「佢叫我唔好諗住唔睇又走去拍動作戲，只要姿勢唔好好易又歪，如果整唔好下半生會好辛苦，我試過嗰啲痹真係好困擾。」他亦謂現時拍不到動作戲，運動都不可以做：「慢跑都唔得，只可以行路。」
(on.cc東網)
拍拖一年幾就宣佈結婚～佢哋今日舉行婚禮的照片曝光！穿上純白婚紗的她，展露幸福笑容，婚禮只邀請家人及好友出席，婚後將與在美國工作的丈夫一同到當地生活，有指其丈夫從事有關體育經理人公司的工作。。。
曾演出韓劇《懷抱太陽的月亮》及《成均館緋聞》的34歲女星金旼序，上月透過事務所宣布將與交往一年多的同齡的圈外男友舉行婚禮。
而她今午於首爾某教堂舉行婚禮的照片曝光，穿上純白婚紗的她，展露幸福笑容，婚禮只邀請家人及好友出席，據悉出席的韓星有她的好友崔江熙及張娜拉。
而金旼序婚後將與在美國工作的丈夫一同到當地生活，有指其丈夫從事有關體育經理人公司的工作。
(on.cc東網)
恭喜恭喜～認真老而彌堅！二人於Instagram貼出相片報喜，宣佈周四平安產子，並寫上：「我哋又嚟喇！」佢仲hashtag「四圍都係＿＿家嘅人」，認真搞笑！呢胎已經係第四胎！佢透露BB仔重8磅2安士，不過二人就仲未公佈BB仔個名。。。
60歲美國男星艾力寶雲（Alec Baldwin）認真老而彌堅！佢與34歲太太Hilaria宣佈第4個BB出世，Hilaria於美國時間周四平安產子。
二人於Instagram貼出相片，並寫上：「我哋又嚟喇！」仲hashtag「四圍都係寶雲家嘅人」，仲透露BB仔重8磅2安士，不過二人就仲未公佈BB仔個名。艾力93年曾與女星金碧辛嘉（Kim Basinger）結婚，02年離異，二人育有22歲嘅女Ireland。
(蘋果日報)
表示一直有計劃生B，所以專登戒酒，做運動，調理好自己身體。佢仲透露陀B唔辛苦，好順，好開心，冇嘔。問到照咗係仔定女？佢就保持神秘感咁話：「照嘅時候，我感覺到，但我唔講得住，我同老公都想等吓。」鍾意仔定女？佢表示：「冇所謂，兩樣都鍾意，不過唔係twins。」
名模Rosemary今日喺金鐘出席港安醫院慈善基金活動，母親節當日公佈懷孕5個多月嘅佢，身穿紫色吊帶裙到場，Rosemary嘅身型明顯比以前圓潤，上圍亦好豐滿，佢笑指：「我唔敢上磅，我估上圍升咗1 cup，o依家着衫要好鬆身。」
問到會係順產定開刀？佢話：「順產，喺香港生，預產期係9月，有機會同我同一日生日，不過生BB會早會遲，但我希望同我係同一日。」佢仲指有朋友叫佢買定BB用品，不過佢笑言無從入手，只好請教已為人母嘅好友Ana.R。
Rosemary指老公對佢好好，前兩晚仲特別為佢下廚煮牛扒，難怪佢忍唔住話「好sweet」。雖然Rosemary食素，但為咗BB吸收營養，所以牛扒都照食。問到佢嘅胃口有冇轉變？Rosemary透露好奇怪O依家唔鍾意食素。有人笑指佢呢胎係仔，Rosemary即時哈哈大笑咁話：「唔知呀，我O依家鍾意食pizza、意粉。」提到佢考獲瑜伽導師牌，Rosemary表示會繼續做瑜珈。對於佢早前做出一個倒吊動作，佢話：「當時我唔知自己有咗，之後醫生話唔可以做高難度動作，不過我識懷孕瑜珈，我會照做，仲有行山做運動。」
(蘋果日報)
