在四季酒店筵開10席，可謂十全十美。這次邀請了不少圈中人，計有黎姿（現名馬黎珈而）、馬浚偉、李琳琳、馬海倫及狄波拉等，真係十分熱鬧！！人緣真係好啦～
關菊英（菊姐）最近忙於演出舞台劇《秘密》之外，昨晚抽空為自己（5月3日）60歲生日慶祝，在四季酒店筵開10席，可謂十全十美。菊姐這次邀請了不少圈中人，計有黎姿（現名馬黎珈而）、馬浚偉、李琳琳、馬海倫及狄波拉等。
(明報)
【因爲一個錯誤…】社交網站呼籲3.3億用戶更改密碼！
社交網站建議全部逾3.3億用戶修改密碼，以策安全。社交網站公司發現一個程式錯誤，以致儲存了未經特別處理的密碼。Twitter建議全部逾3.3億用戶修改密碼，以策安全，並就事件致歉。
Twitter的技術總監（CTO）Parag Agrawal在官方網誌透露，該公司最近發現一個內部錯誤，以致儲存了未經特別處理的密碼。Twitter指出，一般而言，網站不會直接儲存帳戶的密碼，用戶密碼會打亂成隨機字母與數字儲存，然而他們在日誌中發現，密碼沒有被打亂。雖然該公司還沒有看到密碼被濫用或訪問不當的證據，但Agrawal表示出於謹慎的考慮，用戶應該更改密碼。
Twitter目前在網站上利用彈出視窗提示用戶更改密碼，該視窗解釋這次程式錯誤的性質，並有導向設定頁面的連結。
（singtao）
【十年後再度拍劇】願意出演係因為太似同謝霆鋒嘅…
張栢芝自從2010年復出拍戲並成為「票房毒藥」後，鮮有影視作品，反而常常參與綜藝節目。不過，她不僅有電影《失控·幽靈飛車》等著上畫，還在暌違十年後、繼《天涯歌女》後再度參與拍攝電視劇集──《如果，愛》，並將在5月22日正式於安徽衛視、深圳衛視播出。
想當年，張栢芝於2006年拍攝《天涯歌女》時，一度傳出拍攝43天片酬高達1000萬人民幣的新聞，不過該劇於2008年播出時被陳冠希照片風波波及，加上張栢芝本身的演技與配音等問題影響，令該劇收視慘不忍睹。
相隔十年，張栢芝再度挑戰電視劇接拍《如果，愛》，據知她願意出演皆因角色的遭遇與她有很高的契合度。這是吸引觀眾關注的最大原因，令觀眾想看看她和謝霆鋒的婚姻與劇情有多契合。
故事方面，講述她飾演的角色萬嘉玲經歷了喪子之痛，又長期受到丈夫宋喬植（吳建豪飾）的冷落和奶奶的欺淩。於是，萬嘉玲在經歷被趕出家門後重新奮鬥，最終獲得幸福，從而將女人的包容和魄力表達出來。
在《如果，愛》一劇中，張栢芝除了是女一，還擔任了製作人一職，而製作公司同樣有「張栢芝工作室」的參與，加上劇組請來有「全能藝人」之稱的吳建豪坐鎮，並與張栢芝飾演夫婦有大量對手戲，足見張栢芝花費了很多心血在此劇中，亦相信她希望藉此劇翻身，但最大的問題是她的普通話不行，配音不可避免，而配音與她的演技能否配合得好就是關鍵！最終是翻身還是繼續「毒藥」，拭目以待。
(HK01)
【黎諾懿：可能係夏文汐Fans】無綫《逆緣》驚現鬼影！
無綫《東張西望》昨日播出一段劇集《逆緣》片段，畫面中見到夏文汐正扶著患病的黎諾懿上床休息，可是床尾的櫈上，卻離奇出現一個鬼影，該片段因此引起網民關注。節目亦播出一段未曝光的片段，見到一位工作人員上前檢驗，並在鬼影上方用手揮舞，可是未有任何發現。
至於身為主角之一的黎諾懿，接受《東張西望》訪問時就表示：「非科學咁講，可能係Pat姐（夏文汐）Fans，知道Pat姐咁難得返TVB拍劇，所以嚟觀摩下。網民真的好犀利，明明前頭兩位演員做得咁好，竟然留意側面啲嘢，好嘢﹗這些是錦上添花，可能後面仲有好多呢，大家繼續密切留意﹗」
(mingpao)
【塊面都明顯瘦咗】11月準人妻 勁減30磅攻略曝光！
前年獲拍拖8年嘅男友喺棒球場公開求婚，兩人決定於今年11月17號拉埋天窗。
由於她出道多年都係圓碌碌身形，所以為咗展現靚靚一面結婚，佢近期努力透過運動及節食減肥，目前已經減咗30磅。
洪允花連日來都有喺Instagram公開自己嘅減肥餐單。
只見有雞胸肉、生菜、蘿蔔、洋蔥等多種蔬菜，完全冇碳水化合物。
29歲喜劇演員兼諧星洪允花亦表示自己嘅目標係要減66磅，即起碼佢仲要減多36磅先達成目標，不過佢就相當有恆心去減，亦漸見成效，佢日前更新嘅相中已經見到佢塊面明顯瘦咗，令五官都立體咗。
又積極做運動
已成功減咗30磅
洪允花嘅新相中可見佢塊面瘦咗
洪允花與拍拖8年嘅男友金珉基於今年11月拉埋天窗
(apple daily)
【好似籮咁大】陳倩揚曬七個幾月巨肚仲係咁省鏡！
育有兩子嘅女星陳倩揚現時佗有第三胎，呢日佢喺社交網晒出一張近照，相中見佢着上露肩裙撐品牌活動，而佢嘅身材明顯升Cup，仲雙手摸住七個幾月嘅巨肚，簡直母愛爆棚！
雖然倩揚依家個肚好似籮一樣咁大，不過仍肥肚唔肚人，仲係咁省鏡！
唔少網友都讚佢相當有貴氣，仲有人留言：「世上最靚嘅女人就係懷孕嘅女人。」
(on.cc東網)
【結婚9周年】抗癌路上生死相依 汪阿姐羅家英29年風雨同路
汪明荃同羅家英喺60歲後結束愛情長跑，於2009年5月喺美國拉斯維加斯註冊結婚，噚日係佢哋結婚9周年。
佢哋喺上海慶祝結婚周年紀念日，一齊睇戲、給先人掃墓，又相約上海戲劇家協會副主席史依弘喺慧公館食飯兼傾吓戲曲，大家志同道合，真係相當開心，友人仲為羅家英準備鮮花及蛋糕送俾汪阿姐。
汪明荃同羅家英齊齊去咗上海睇大戲。
佢哋仲約埋朋友一齊飯敍暢談粵劇。
同行友人仲好有心咁為佢哋預備蛋糕及鮮花。
羅家英同汪明荃於1988年合作粵劇結緣，拍拖20年，汪阿姐2002年發現罹患乳腺癌與甲狀腺癌，羅家英對阿姐不離不棄，反而向佢求婚、要照顧阿姐一世，待阿姐康復後，羅家英卻在2004年患肝癌第3期，到汪阿姐陪伴羅家英勇敢抗癌，阿姐更首度開口等羅家英康復就結婚，多年嚟二人感情深厚，不時結伴現身。
汪明荃微博
(apple daily)
【同林峯楊怡係同一屆訓練班】啱啱開始上位就離開大台
「我入咗行就快20年，喺72行裡面，我都飾演過好多行業，好似的士佬、仵作佬、衙差、警察、蠱惑仔、黑社會大佬、外星人到賤男等都做過。以前啲朋友我做Marco，最近就因為一架的士，啲朋友又改口叫我做Seven。不過喺一個地方差不多20年，我覺得係時候要落車睇吓外面嘅世界。」
「我叫趙永洪，但係其實叫我做乜都無所謂，希望大家下次見到我，唔會剩係記得我叫Seven或者Marco，仲會記得我之後更多更多嘅角色。」一段簡單嘅獨白，係趙永洪離開無綫後嘅心聲。喺99年無綫藝員訓練班出身、粗略估計由入行到o依家拍咗超過100套劇集嘅趙永洪，本來一直做開大配角，直到處境劇《同事三分親》、《天天天晴》、《畢打自己人》之後，總算令事業上試到啲甜頭。喺09年嘅《萬千星輝頒獎典禮》被提名飛躍男藝員，角色上亦都開始多咗發揮機會。
直到近期《降魔的》嘅的士司機「些粉」，更令觀眾加深咗對趙永洪嘅認識。不過，趙永洪喺呢個時候決定嚟一個轉變，就係離開呢個工作咗接近20年嘅地方，向外發展。趙永洪接受《蘋果》訪問，回想呢20年嘅生活，佢話：「其實呢20年對我嚟講，係一個好好嘅訓練同經歷，我本身係一個好鍾意演戲嘅人，有機會可以俾我演戲，我已經覺得好開心，我自己做過好多唔同嘅角色，睇咗好多師兄師姐、前輩嘅戲，喺同佢哋嘅傾偈過程，有好大得著！」
當日離開消息一出，有唔少網民都覺得趙永洪欠嘅，係一個機會，佢聽到之後都覺得好開心，多謝大家一直對佢嘅支持，之不過有讚當然有彈。難聽嘅說話，趙永洪話當然聽唔少：「我試過搭地鐵，有一個5、6歲嘅小朋友，嗰陣佢指我住我話明星呀，佢阿哥就話：『明乜鬼嘢星呀，茄喱啡嚟啫！』當時我真係唔知俾乜嘢反應佢，覺得塊面好熱，但係又冇理由怪佢喎。」趙永洪續道：「事後我知道好多觀眾都會係咁，佢唔係專登話你，只係唔記得你個名，所以咪統稱你做茄喱啡。不過好開心亦都好彩，《畢打》之後多人知道我叫Marco，嗰個感覺都好開心，連mo姐(毛舜筠)都話我，叫乜鬼Raymond呀，不如叫Marco喇，啱晒我呀！」
「如果你問我，我反而覺得生活好多姿多采，因為每一日都會面對唔同嘅人同事，拍好多唔同嘅角色。每個演員條路又唔一樣，好多嘢都積少成多。有啲人一出嚟就做主角，但係我好清楚有好多嘢係要我自己慢慢儲番嚟，慢慢去搵機會。」
講到機會，趙永洪就說：「我自己覺得都算多，日日都有工開，真係冇乜點停過，19年半都爆騷！你當我阿Q精神，一直以嚟諗法都好正面，唔會覺得有啲乜嘢遺撼，反而覺得自己累積咗好多演出經驗，呢一樣嘢係好實在，我嘅心態都好正面，就算做邊一行都係一樣，如果你唔鍾意呢份工，要你坐喺寫字樓，坐足一日都搞唔掂，實在冇辦法可以繼續支持，演員係我一個好鍾意嘅行業，所以我有信心。」
因為有呢個信念，所以佢一直都冇過放棄：「堅持係好重要概，好多人話做戲嘅人係傻嘅，睇戲嗰啲係癡嘅，人生如戲，戲如人生，既然選擇得呢個行業，都要對自己負番個責任，我都唔知自己一試就試咗20年，我暫時嘅心態都Keep到！」
(蘋果日報)
【3日朝夕相對火速擦出愛火】承認已經分手：所託非人
早前在拍攝MV期間認識曾任徐克電影美術設計的大陸漫畫家陸明，當時團隊在內蒙古取景3天，與陸明朝夕相處，火速擦出愛火，至今交往已5個多月。
但最近突然傳出分手消息，前樂隊F.I.R.（飛兒樂團）主音詹雯婷（Faye）亦承認「分訊」表示：「所託非人，一場誤會，我和陸明分手了。謝謝大家曾經的祝福，不需要問原因，也不需要多说。我還好，只是有點心悸，沒有太傷心，現在還好，未來會更好。」
Faye微博
樂隊F.I.R.（飛兒樂團）
歌迷紛紛留言安慰，說：「他走了帶不走你的天堂」、「他本身就跟你不適合」。
Faye嘅感情世界一向低調，曾與F.I.R.阿沁相戀三年，2010年分手，阿沁2014年同女模花花結婚，育有兩女。
Faye
（on.cc）
【我會陪佢一齊面對】突然爆女友患癌：好多嘢都係天意
「大概三個月前我女朋友發現脊椎開始痛，初頭以為係整親，後來愈來愈嚴重，睇晒中醫西醫都冇結果，痛到最誇張一次係足足九十幾個鐘佢坐唔到又瞓唔到，我就停晒手上嘅工作陪住佢，最後佢體力不支送院，做咗磁力共振先發現係腫瘤。。。」
歌手劉卓軒（Hinry）近日在社交媒體發布貼文，指女友不幸患上第二期癌症，不過慶幸癌細胞是原發性，即是不是從其他地方轉移擴散而來，他說：「剛收到醫生報告，女朋友需要做電療，但幸運的是這個Cancer是原發性，手術後已是一了百了，電療是將剩餘殘留的癌細胞殺死，簡直是非常好的消息！」
接受東網查詢時，Hinry回應道：「大概三個月前我女朋友發現脊椎開始痛，初頭以為係整親，後來愈來愈嚴重，睇晒中醫西醫都冇結果，痛到最誇張一次係足足九十幾個鐘佢坐唔到又瞓唔到，我就停晒手上嘅工作陪住佢，最後佢體力不支送院，做咗磁力共振先發現係腫瘤。我知道嗰刻反而鬆一口氣，好彩係喺病態發展到更嚴重之前發現，好多嘢都係天意，惟有樂觀啲去面對。女朋友有少少唔開心，我就不停開解佢，依家做咗手術，仲要做電療，我會陪佢一齊面對，相信好快可以康復。」
Hinry坦言經過今次事件學懂知足感恩。
(on.cc東網)