不過兩人正值事業搏殺期，故將戀情低調化，但會間中隔空互傳不排除發展機會的説話，向對方暗示。早前二人被發現不用開工的日子，相約睇戲，當日兩人齊穿t-shirt和牛仔褲，打扮休閒，睇完戲還一齊揀家電及在雨中漫步，唔通打算同居？
藝人朱晨麗（朱朱）與何廣沛去年合作劇集《超時空男臣》，於劇中飾演情侶的他們被傳戲假情真，撻着姊弟戀。
朱朱接受東網訪問時否認兩人拍拖，表示只是朋友聚一聚：「朋友嚟嘅啫，同行仲有其他朋友，一齊食飯好正常，只係Focus喺我哋度，我同女仔出街，佢哋唔會影，一班人都唔會影嘅。」
朱朱直言自己近期經常開工，需要出去見朋友Relax一吓：「呢排成日開工，唔約朋友出嚟傾吓偈會變咗自閉，冇咗自己生活、自己人生，唔知自己做緊乜嘢㗎！日日活喺戲裏面唔得㗎。」
而男方亦指與朱朱只是朋友間食飯：「其實都只不過係普通食吓飯啫。」
(on.cc東網)
驚爆閃婚喜訊，佢宣佈同拍拖唔夠半年嘅31歲男星註冊結婚，當時消息指女方尚未懷孕。但今日有報道指佢哋外出被拍，只見女方肚凸凸，與老公到超市購物。。。
話雖如此，近期有日本傳媒懷疑AKB48前一姐前田敦子疑似有餡，日前已有日本報章從電視台相關人士口中得悉，佢原定演出即將開拍嘅新劇，但開鏡前兩個月卻突然以「健康理由」辭演，繼而傳出一對新人其實係奉子成婚。
其實前田敦子一直恨做媽咪，曾經話想30歲前榮升媽咪，而今日出版雜誌《女性自身》報道指，勝地涼日前偕愛妻外出被拍，只見前田敦子肚凸凸，與老公勝地涼齊齊踢拖到超市購物，令懷孕說法更加似層層。
雜誌記者向前田所屬事務所求證，發言人回覆稱未有聽過前田已經大肚。至於有指當地各大電視台以高價望爭奪二人嘅婚禮直播，但有指前田方面已捥拒各台好意，未知是否跟大肚傳聞有關。
(蘋果日報)
喺劇集《宮心計2深宮計》飾演宮女嘅前港姐季軍何艷娟，自從下嫁澳博營運總裁吳志誠後，鮮有喺幕前演出。
丈夫吳志誠
何艷娟（右一）之前喺沙田馬場撞到師姐李嘉欣（左二），仲齊齊影合照添。
佢又上載一張坐喺樹下嘅相，好嘆咁度假，而背景仲係一間充滿特色嘅小屋，難怪佢留言話：「All nice and sunny down town！（好好太陽）」唔少網友都大呼好羨慕，話佢呢個闊太打扮而不失少女味，叫佢上載多啲靚相！
不過就有網友發現佢P圖P過火，搞到連階磚都歪埋！睇嚟何艷娟今次明顯失手喇！
(on.cc)
28歲大台新男神余德丞月初因踢波昏迷被送入瑪麗醫院，情況一度情況危殆，一直留在深切治療，經過醫生診治後，情況已經好轉，其後轉到心臟科病房觀察！
繼日前余德丞喺鄧佩儀(Gloria)嘅ig留言後，今日余德丞透過社交平台錄音報平安，佢話：「我今次真係好好彩，非常之感恩，非常之開心，今次可以大步檻過醒得番，可以再同你哋講嘢，所以真係好多謝香港每一位嘅關心、問候、祝福同埋集氣，令到我能夠醒得番，真係衷心多謝你哋每一位。」
佢仲話：「其實醒番之後先知道原來件事幾嚴重，因為我昏迷時候，原來個心都停咗一段幾長嘅時間，所以能夠企得番身，同大家傾偈真係好好彩，o依家我慢慢康復，精神都好咗多好多，講嘢都清楚咗，當然，醫生都建議要留院多一段時間， check清楚身體係咪ok先可以出院，最後真係好多謝瑪麗醫院嘅上上下下咁多位醫護人員，佢哋悉心嘅照顧，同埋喺我關鍵時候，做心肺復甦嘅足球隊隊友，仲有屋企人每日都嚟支持，公司嘅同事同咁多位傳媒朋友，希望可以快啲出院同大家見面，有乜嘢新嘅消息，再通知你哋。」聽到余德丞把聲中氣十足，今次真係鬆一口氣！
(蘋果日報)
早前返港為電影開鏡嘅JJ，因為掛住囡囡故中港兩邊走，早前仲心情靚靚，喺微博貼咗用修圖工具幫囡囡設計髮型嘅相，然後留言：「她爸一直說一直嫌飯兜髮型太亂，非讓我為飯兜p個髮型，大家認為哪個好？」
而上星期五逢七夕，JJ亦有貼佢同老公張合照，仲有B女及家中愛犬一齊，睇嚟佢心情未受老公被匿名信追債影響。
35歲嘅賈曉晨（JJ），前年元旦同拍拖三年、現年46歲嘅「力王」樊少皇結婚，去年11月更為老公誕下得意B女小飯兜。
樊少皇向來新聞多多，除了與JJ拍拖時被爆跟前任女友育有一子一女，前年又被財務公司踩上JJ寓所追債200萬。事後樊少皇透過工作室澄清，指欠款是友人所借，朋友亦告知已經還清債款，JJ還力撐老公，指老公才是受害者。
不過，最近樊少皇再被追數，讀者張先生向傳媒報料，指近日在信箱發現有一封信件，打開後嚇見追債字條。張先生話：「封信係用郵票寄嚟，唔係就咁放入信箱嘅，入面有樊少皇張相，同埋寫住『欠債還$』，唔知點解會寄咗嚟我度，張紙寫嘅係一個雙連單位，但無寫幾多樓。」張先生又話之前有遇見過樊少皇，但呢排就好少見到佢。
對於老公再被指欠債，傳媒聯絡過JJ，佢透過經理人回應：「我哋知道有人周圍send，有啲公司都收到，但係如果要追債，點解無留聯絡方法？以我哋所知係佢（樊少皇）之前幫一個品牌做代言，然後中間嘅公司收唔到個客錢，所以就去追佢，但如果真係要追債都會留聯絡方法，所以唔知佢乜嘢動機。」
（apple daily）
其實近年水頭充足的她盛傳與馬主之子、富二代Byron（鄧浩基）撻着，曾被拍到兩人在酒店甜蜜拍拖及看戲，去年再傳出兩人已經秘婚，在陽明山莊築愛巢。。。
歌影雙線發展的薛凱琪（Fiona）自從2012年加盟太陽娛樂後，7月底合約正式屆滿，有傳公司主理人黃柏高（Paco）開出八位數續約價，但她依然不為所動。她在太陽娛樂六年，盛傳是公司最賺錢的藝人，為免失去搖錢樹，去年底Paco已跟她傾續約事宜，但她離巢意決。據知她現已回復自由身，她回覆東網時承認：「我係7月底約滿咗。（係咪成立工作室？）仲未有定案，有消息話你知。」Paco則說：「我哋已盡咗力，但一切隨緣，I’m always on her side。」
雖然傳聞她將過檔古天樂或麥浚龍的公司旗下，但事實上兩者都沒有接觸過，由始至終她都有個人計劃，因為對工作向來要求高的她，每個工作都堅持百分百參與度，過往不少MV都力爭自己執導，甚至落手落腳學剪片，喜歡有話事權的她去年榮升老闆，斥資7位數創立自家品牌，一圓時裝夢，更做埋Model去推銷，深得圈中好友支持。
其實近年水頭充足的她盛傳與馬主之子、富二代Byron（鄧浩基）撻着，曾被拍到兩人在酒店甜蜜拍拖及看戲，去年再傳出兩人已經秘婚，在陽明山莊築愛巢，Fiona去年更一擲3,600萬在何文田買豪宅，坐擁半億身家，加上有富二代男友作最強後盾，所以對千萬的續約價無動於衷。
(on.cc東網)
現年43歲的歌手李玟（CoCo）與外籍老公Brucs於2011年結婚。
早前她大方透露在紐約進行人工受孕，但抽卵過程辛苦，打針打足三星期才成功抽取一粒卵子，希望年底或明年初可以將卵子放回體內，並表示最想生兩個。
早前佢似乎為生B而做足準備，飲食方面非常清淡。佢當時喺社交網上載幾張相，留言話：「點了一份有機全素餐，非常新鮮和自然！而且我在裏面找到一顆心形番茄，比心～ 」
相中嘅CoCo戴住黑照，面色唔錯，而且佢食嘅蔬菜睇落好新鮮，啱晒備孕嘅婦女食用。
日前CoCo被問到最新情況，恨生B的她卻突然轉口風：「如果上天注定冇小朋友都係一個緣分，老公已經有兩個女，都算有小朋友。」
她又稱當初有生B念頭，是希望承傳自身的名字及故事：「有好多家庭冇仔女都開心㗎，所以唔會強求。」
（on.cc）
拍攝劇集時曾傳與朱茵及鍾欣潼（阿嬌）陷入三角戀，隨後又被影到與疑似鍾欣桐(阿嬌)在北京唱K，被指背著當時女友出軌，升呢人父之後。。。
內地宮鬥劇《延禧攻略》喺中港台掀起熱潮，單是網上點擊已逾90億。觀眾追看妃子勾心鬥角之餘，劇中飾演乾隆的聶遠亦是一大亮點。
今年40歲的聶遠在戲裏戲外一樣風流，除承認黃奕為其初戀女友，於06年拍攝劇集《雪山飛狐》時曾傳與朱茵及鍾欣潼（阿嬌）陷入三角戀，隨後又被影到與疑似鍾欣桐(阿嬌)在北京唱K，被指背著當時女友劉雲出軌。
至08年，聶遠與同門師妹楊光結婚，但婚姻維持不到4年便結束。之後聶遠離婚，與現任妻子秦子越誕下一女兒聶子一。
升呢人父的聶遠經常在社交網分享與女兒的溫馨相片，女兒經常到場地探班，把他以前風流花弗，及曾因為打人而被判有期徒刑七個月，但緩刑一年的往事全部洗白，成為顧家好男人。
聶遠於2000年上海戲劇學院畢業，曾參與多部劇集，因古裝扮相俊俏，被封「古裝美男」，於2001與黃曉明、佟大為及印小天被譽為「中國新四小生」。
聶遠的事業亦曾經歷起跌，他曾為劇集《神鵰俠侶》試造型，後被換角由黃曉明頂上，並因此走紅，即傳出兩人不和。近日他更自爆因拍古裝劇太多，曾推掉《步步驚心》一劇，誰想到「執二攤」演四爺一角的吳奇隆能翻身爆紅。
(蘋果日報)
佢表示會搞足三場婚禮，首先簽字，再搞結婚酒會，最後應媽咪要求有中式擺酒，不過婚期就一拖再拖，同未婚夫再鬧分歧。。。
名模貝安琪（Ankie）與加拿大籍未婚夫Simon Van Damme於2016年8月訂婚，兒子Sebastian已1歲多，終於有時間籌備婚禮，但婚期一拖再拖，本定於9月底在香港舉行婚禮，卻突然再延期，現落實11月中舉行，但日子逼近，兩人竟又對場地出現分歧，Simon理想的沙灘婚禮依然未有着落，而Ankie已有後着，免到時空歡喜。
婚禮只着一套衫
日前Ankie到設計師好友Susanna Soo的店舖試婚紗，對當中兩套愛不釋手，其中一套更可兩着：「婚禮當日只用一套，唔想好似搞大騷咁不停換衫，所以一件兩着好啱我，除咗件紗，可以當Party Dress，我同Susanna識咗好耐，一向好欣賞佢嘅設計，同埋佢知我心意。」Susanna透露根據Ankie的喜好，婚紗以簡單及高貴為主。
會有中式擺酒
Ankie婚禮將分三回進行，9月初簽字：「簽字我哋會緊張啲，因為呢個真係結婚，唔係派對，要好嚴肅。」而原定9月底舉行結婚酒會，但現有變卦，改至11月中，之後會應媽咪要求有中式擺酒。
「地點都未定實」
問到改期是否太多事宜要籌備？她說：「我好輕鬆，身邊有朋友幫手，但地點到依家都未定實，我本身搵咗個地方，但老公唔係好欣賞，佢想再好啲，咁等佢搵。（時間好緊迫？）係！但佢想喺沙灘舉行，話結婚得一次，想好浪漫，要最好嘅，但我有同佢講過沙灘好熱，個個都好辛苦，暫時我搵咗個地方有室內同室外花園。」
她透露只是小型婚禮，約請80人，問到媽咪劉香萍有否畀意見？她說：「佢唯一意見係想我哋搞中式，佢好傳統，但呢樣要遲啲先，未定日子。」
(on.cc東網)
其實今次去美國出現小插曲，家英哥噚日凌晨喺fb留言話：「乘國泰航空，在紐約入口和轉機，不同的通道，太后竟然遲了20分鐘還未出來、嚇死我，又不能進去，又無訊號，幸喜國泰這兩位空姐幫忙，找到她了，並幫助我們運送行李，再過安檢等事宜，終於在短短時間中趕上飛機、真的感謝他們兩位啊！」家英哥仲上載咗多張相多謝空姐。
睇相差係咪以為阿姐着裙褂同家英哥補影結婚相呢？
恭喜恭喜，阿姐汪明荃喺美國時間18日星期六，即係香港時間噚日榮升姑奶奶。阿姐喺美國居住嘅細佬Henry，噚日娶新抱，阿姐同老公羅家英專登去美國出席婚禮，阿姐仲特登預備一套靚靚裙褂飲新抱茶。
雖然阿姐侄新抱係外國人，但都依足傳統向阿姐跪地斟茶，而一對新人仲揀咗18年8月18日農曆初八嘅好日子結婚。
阿姐今日凌晨喺facebook 上載咗多張婚禮同飲茶相，留言話：「18年、8月、18日、初8。一百年只有一次的好日子、一個吉祥的、幸福的好日子。這天也是我侄兒Bruce及Ryah結婚的好日子。我和家英哥特從香港遠赴美國佛羅利達州出席婚禮。我弟弟Henry及弟婦AMY 娶新袍、非常開心。新娘子是外籍人士、也願意依中國傳統禮儀、跪地向長輩斟茶行禮、討得一眾老人家歡心、我也升級做姑奶奶了、很感動。祝福他們幸福！快樂！健康！早日開枝散葉！」
(Facebook / apple daily)
