小龍女吳卓林加國「尋爸」視頻公開後，日前，有粉絲在上海遇見成龍，當時他神態疲累，步伐並不是十分順暢，邁出左腳時的確困難，像左腳受了傷，步履蹣跚十分疲憊走向白色七人車。
據悉，成龍正在上海拍攝一部新片《我的日記》，他應該是完成拍攝後返回座駕收工。當離開片場時他明顯看到粉絲在拍照，但並沒有一如既往的和以前一樣與粉絲們打招呼，而是顯得心事重重，全程沒有說話，直接上了汽車立即駛離現場。
隨後，粉絲紛紛留言，為見到成龍而開心，但是也有眼尖的粉絲提出，「大哥走的那兩步，感覺很蹣跚，看上去好疲憊。當然，拍戲收工太累了，再加上近幾天的風風雨雨，心情不好一言不發也是可以理解的。」
(on.cc東網)
一向以天王郭富城同劉德華為榜樣，對感情事保持低調，不過隨住四大天王大方公開戀情，分享家庭樂，佢嘅心態都睇開咗，喺2015年認愛大陸網紅周揚青，更稱唔介意對方曾整容，今日傳佢好事近呀！
有台灣報道指，羅志祥近日豪擲2.7億元台幣（約7300萬港元）買新居，將同周揚青拉埋天窗，據知羅志祥於2013年已花2.18億台幣(約5800萬港元)買內湖兩個單位，打通當成自住房，o依家再買同棟23樓，按照慣例將兩戶打通，有傳咁大手筆購買單位係想娶周揚青入門，築一個愛巢，羅志祥將於女友周揚青30歲生日，今年9月12號迎娶佢。
羅志祥之前講過視周揚青為結婚對象，二人相識時，周揚青並未整型，強調女友只係整眼同鼻，其他都係靠減肥，二人並非因外表先一齊，羅志祥係打從心底佩服呢個女仔，笑言周揚青係性格豪爽成呢一個優點，得羅媽媽嘅認可，笑言羅媽媽最討厭造作同唔大方嘅女生；羅志祥出道多年，周揚青係佢唯一承認過嘅女友，更願意為女友放棄不婚主義。
早前被拍到兩個蜜遊日本
（Apple Daily）
唐文龍入行22年，早前終於憑《溏心風暴3》一嚐爆紅滋味，佢日前接受《蘋果》專訪時，好感慨咁話：「唔敢講話吐氣揚眉，但呢三、四個月嘅訪問，真係多過我呢一生喺娛樂圈做嘅訪問，斷斷續續連埋電話、電台，五、六十個都唔止。我唔想假裝謙卑，我反而想講，我哋做演員，今日唔知聽日咩事，聽日唔知後日咩事，今日嚟講有人在乎，我好高興，只能享受今日嘅在乎，用呢種力量去面對明天。」
講出咁語重深詳嘅說話，因為唐文龍真係捱過。雖然小學已舉家移民美國，但唐文龍坦言家庭環境並唔理想，佢解釋：「當然，父母喺香港係白領，但去到嗰邊冇身份生活咁多年都唔容易，我哋只係開漢堡包店，乜都打回原形靠積蓄。記得有段時間，媽咪剪supermarket嘅coupon，有乜減價就食乜，細個有埋怨，唔明白點解又係食嗰啲，現在大個懂事，就知生活唔容易，何況媽咪聽到咁講，點諗呢？！」
唐文龍因為喜歡唱歌，早前喺無綫節目《流行經典50年》，唱番當年佢喺台灣發行首張唱片入面水蛇春咁長、17個字嘅歌曲《我要怎麼知道你愛我如果我們永遠不說》，發現原來唐文龍都係幾唱得。唐文龍當年唔理家人反對做歌手，但搵朝唔得晚，去到台灣發展都要兼職幫人畫時裝設計圖，佢話：「五百、三百一張，幫啲廠家畫，我仲要諗埋設計。」
之後回流返香港，拍過電影，輾轉喺99年加入無綫，就喺呢段時間住過劏房，又趁樓市低買樓。佢笑笑口話：「都係有穩定收入嘅，只係非常唔理想……開頭大約每月搵五位數一半啦(即五千蚊)，但唔好講得過份淒厲，因為大把人都冇。之後有段時間雙生雙旦，三生三旦，收入好啲，只係最尾兩年，自己擺位冇想像中咁，就硬著頭皮出去闖。」
問到大陸係咪真係咁好搵？佢苦笑話：「大家有錯覺，好似呢個世界去到大陸有金執咁，冇呢回事，佢哋環境大1000倍，但同樣競爭都大我哋100倍。每位香港演員行出嚟冇個失禮，但人哋講嘅係母語，普通話，我即使學埋併音，但都唔代表佢會你….咁快融合到入面，都係要講邊個運氣好。」
(蘋果日報)
人生軌跡相似，望與拍拖一年半男友下年一同踏入新階段！入行經歷非常相似，所以特別投契。今年8月她將出戰在印尼舉行的亞運會，據知她早前在飯局上向身邊好友報喜，自爆完成比賽後便會嫁人，明年跟男友拉埋天窗。
前年里約奧運開幕典禮上，歐鎧淳為香港擔任持旗手。(資料圖片)
歐鎧淳本月底26歲生日，其實歐鎧淳和胡子彤入行經過類似，同樣由體壇跳入娛樂圈，所以特別投緣，容易明白對方，不經不覺間二人已經拍拖一年半。今年歐鎧淳憑《春嬌救志明》中六句對白的踩板女角色，力爭金像獎最佳新演員，可惜最後輸獎，未能跟男友看齊。
歐鎧淳（中）上月在長池計時賽摘金，為她8月出戰亞運打了支強心針。
其實歐鎧淳一直視娛樂圈為副業，曾在訪問中表示不太嚮往幕前演出，依然醉心游泳事業。她在體壇其中一項成就是前年在巴西里約熱內盧奧運會上，為香港擔任開幕典禮持旗手出場。今年她還會參加8月在印尼耶加達舉行的亞運會，並表示賽後考慮退役，轉任教練。據知她有此打算，是因為作為運動員，26歲已經算大年紀，不過之後會是她人生新階段的開始，明年會跟男友胡子彤拉埋天窗。
在泳界有「美人魚」的美譽，擅長自由式及背泳。（資料圖片）
據知情人士透露，歐鎧淳在今年農曆年期間和一班泳隊好友舉行飯局時，在毫無先兆下漏口風，表示計劃完成亞運後會退役，明年就會結婚。當時在場人士聽到後都嚇呆了一陣，因為她和胡子彤拍拖只有年半，而胡子彤自從憑《點五步》成名贏得金像獎最佳新人獎後，便簽了古天樂的經理人公司成為旗下藝人，目前仍在搏殺階段。該知情人士更抹煞二人奉子成婚的可能，因為歐鎧淳仍然要練水及應付8月的比賽，所以絕對沒有可能大肚。
歐鎧淳、胡子彤
（Apple Daily）
城城早前跟太太方媛飛到杜拜慶祝結婚周年紀念，竟然都關＿事，皆因兩人又被遊客捕獲，見他與方媛不約而同咁。。。其中一張仲見城城高舉V字手勢，而方媛就做跟得夫人，跟住城城超幸福～
「車癡」郭富城珍藏不少名車，雖然平日工作會坐保母車由司機接載，但他私下甚為享受駕駛的樂趣，經常被捕獲揸住辣跑四圍出巡，賽車更是他的嗜好，鍾意在賽車道上風馳電掣的快感，去年更成立自己的車隊！
城城早前跟太太方媛飛到杜拜慶祝結婚周年紀念，竟然都關車事。
皆因兩人又被遊客捕獲，見他與方媛不約而同戴上頭盔，應該是準備在杜拜沙漠揸四驅車玩樂過手癮，其中一張見城城高舉V字手勢，似乎「馳騁沙場」對他完全沒有難度。
(on.cc東網)
黎明女友Wing上月誕下女兒，如今已返回黎明位於上水雙魚河的St. Andrews Place豪宅休養。之前已有報道指為了方便照顧Wing，故黎明安排住在藍田公屋的Wing母，遷進同樣御林皇府獨立屋，與Wing所住地點相距車程不足五分鐘。
Wing已誕下囡囡，黎明亦在fb發聲明，報喜之餘也表現出對女友早產曝光的憤怒。不過今日黎明同Wing再度成為周刊封面人物，指女方雖然為黎明生B，但至今仍「兩袖清風」，名下未有物業。
報道又指，Wing中學在觀塘一家女校就讀，異性緣旺而且早熟，有舊同學爆料指Wing一放學就會約埋同學去隔籬嘅學校識男仔，仲話對Wing嘅印象係「佢好早就喺出面識男朋友，放學就去拍拖。」
此外，Wing的富二代賽車手舊愛趙偉猷（Vincent）亦成追訪對象。Wing與陳姓前夫於2011年1月結婚，陳生略有家底，幫屋企打理餐館。離婚後Wing與Vincent撻著，至去年10月仲一齊以情侶姿態出席周國賢胞妹婚禮，但計番條數，當時Wing應與黎明已發展感情……
周刊到訪Vincent嘅車行，如常工作，間中煲煙。記者上前採訪，Vincent禮貌地報以微笑，但當知記者問及Wing前事，以及Wing是否一腳踏兩船，Vincent則面色一沉，封口拒回應，急步返回室內。
(蘋果日報)
近日在社交網上自揭剛做了面部手術。原來去年初發現額頭出現靜脈血管瘤，事情一直拖至月前，終於在3月17日下定決心入院進行切割手術。幸好手術順利，令她放下心頭大石。至於為何等了一年時間才決定接受手術，已移居檳城的資深演員馮寶寶在網上透露，因為粉瘤長在額頭位置，醫生縫針技術亦是她考慮因素之一，認為要有超好的技術，才不至留下太顯眼的疤痕。
直到今年三月，其契妹有位相熟的手術專科朋友從外國回來馬來西亞，故她由契妹帶領下到了吉隆坡接受切割除手術，她直言這是一次機緣巧合下，做出了這個決定。性格樂觀的馮寶寶笑言今次是以「小白龍（當年由她反串男生主演的武俠片《飛俠小白龍》的角色）精神、隨時上身，好有用。」她又套用武俠片的對白表示「一不做二不休。一於斬草除根、免留後患。」
今年一月，馮寶寶獲內地一個時裝週邀請首次擔任模特兒行騷，令她大大過了癮。所以她手術後只休息了一個月，便再踏上天橋一展風采。時裝騷上她穿上燕尾拖地長裙，手持鮮花在天橋施展其生鬼活潑的性格，行出其獨特的個性，獲得全場掌聲。
(on.cc)
懷有第二胎嘅藝人葉翠翠對囝囝周津羲（小王子）向來都寵愛有嘉，所以佢都幾乎24小時都會陪住小王子。不過就算幾謹慎都好，同樣都會有意外發生。
今日翠翠就喺社交網發文，指尋晚直播時小王子突然爆喊，之後仲發現佢塊面仔紅晒，而佢嘅外傭就話因為小王子爬得太快，所以跌咗落地！事後翠翠睇番閉路電視影片，竟然發現外傭講大話，當時傭人喺度睇手機，小王子就周圍爬唔理會，小王子最終站起來然後跌落枱腳撞到面仔。翠翠話外傭平時喺佢面前會同小王子一齊唱歌，點知「原來顧主一唔睇住都係一樣。」唔少網民睇見小王子塊面仔紅晒都紛紛話好心痛，仲叫翠翠要加雙倍小心！
之後翠翠亦有甫出囝囝瞓緊覺嘅相，並透露小王子面上嘅紅痕變咗瘀痕，翠翠留言：「本來安排好下午一連串活動，又係取消晒……小王子面上的紅痕已經退了，但見到紫紫地的痕（瘀咗），雖然唔好深紫，但可以肯定知道當時一定是好大力撞……工人又唔可以鬧，大聲啲都唔得，佢要整蠱你實在太容易了……現在真的只能自己睇實！」
(on.cc東網)
莊思敏同腹大便便嘅梁麗翹今日喺尖沙嘴出席莫家淦嘅自家手表品牌活動，莫家淦透露今次請嚟莊思敏為女裝手表系列擔任設計師，莊思敏話手表對佢嚟講意義重大，回想曾有一段日子，要賣手表過活：「有年幾冇工作，要賣四隻手表，賣到六位數字，夠一年生活費。」 
問莊思敏有冇向父母要錢？佢話：「唔會，唔能夠喺父母面前跪低，除咗斟茶嘅時候。」講到佢今日正日生日，佢透露會同姊妹食飯慶祝。問佢嘅生日願望，想唔想盡快結婚向父母跪低斟茶？佢笑住話：「盡快啦！」
仲有三個星期就入院生B女嘅梁麗翹，佢指老公現時不在港，所以向腹中嘅B女講要乖乖地，佢仲話：「呢3個星期，完全瞓唔到覺，佢喺裡面好似耍太極咁，feel到佢唔同部位。」
(蘋果日報)
歌手吳若希（Jinny）同老公何兆鴻 (Alex)向來恩愛，生咗囡囡「淼淼」後，一家三口幸福美滿。
今日Jinny就喺社交網甫咗用「媽媽視角」影咗老公抱住囡囡去遊樂園玩嘅相，見到Alex又抱又拖住囡囡，隔住個mon都感受到洋溢住幸福嘅味道，不過Jinny就似乎有啲呷醋，並留言表示：「有時，我覺得自己好多餘。」
嘩！真係一大陣醋味喎！網友話其實囡囡都係爸爸嘅前世情人，但今世情人就係自己，所以Jinny，你對老公一樣咁重要呀！
(on.cc東網)
