去年嫁人兼做媽咪，同年10月平安懷下大仔。之後再報喜懷第二胎，初時唔多見肚，今日就喺Instagram PO相幸福曬巨肚，原來唔經唔覺已經29週啦！睇嚟離卸貨時間不遠啦，依家都要做定生B準備。。。
現年37歲嘅韓國女團After School前隊長嘉熙宣佈好消息懷有第二胎，今年2月陀B嘉熙仲現身「第七屆Gaon Chart Music Awards」擔任頒獎嘉賓，當時佢唔多見肚，但就大晒湯碗胸。
今日嘉熙喺Instagram晒陀B新相，上身僅穿胸圍嘅佢大方晒巨肚，仲留言話已陀B 29周，就快生得，睇嚟佢0依家都要做定生B準備。
(蘋果日報)
藝人陳智燊（Jason）同宋熙年（Sarah）2016年拉埋天窗，依家仲宣布做準父母，得閒兩個又會晒吓Sarah個肚仔，總之就係幸福啦～
依家佗住逾三個月嘅Sarah，尋日（20日）就同埋Jason齊齊網上晒肚，同一套衫，差不多嘅背景，一張相Sarah坐低，一張企起身。
不過奇就奇在Jason甫嘅相就見到Sarah肚凸凸，孕肚明顯又大又圓，不過Sarah自己甫嘅相就忽然唔見肚，個肚仔仲平過赤臘角機場，一啲都睇唔出佢懷孕，簡直可以用「鬼影變幻肚」嚟形容，所以話影相角度幾咁重要呢。
而Jason就留言話見親老婆張相都會會心微笑，又覺得自己好幸運，真係Sweet到爆。
當年做到街知巷聞，直到09年約無綫之後，就淡出娛樂圈北上發展，早前佢接受周刊訪問，佢話自己離開咗幕前都有一段時間，想了解吓新一代嘅拍攝手法，o依家比以進步咗好多，不過最令佢覺得舒服，就係。。。
ViuTV劇集《VR驅魔人》啱啱播映完大結局，王貽興同劉翁今次搵咗好多圈中人客串唔同嘅單元故事，其中包括久違嘅顏國樑同余慕蓮！
當年顏國樑飾演陳積做到街知巷聞，直到09年約無綫之後，就淡出娛樂圈北上發展，早前佢接受周刊訪問，佢話自己離開咗幕前都有一段時間，想了解吓新一代嘅拍攝手法，o依家比以進步咗好多，不過最令佢覺得舒服，就係對演員嗰份尊重。
顏國樑坦言自己復出只係為興趣，佢本身喺大陸教太極，基本上三餐一宿絕對冇問題，因為佢o依家喺大陸長居，每次過關返嚟開工，劇組都有安排專車接送，完全感到嗰份尊重，所以佢冇諗過返去無綫，o依家會間中拍吓劇，唔想太辛苦！
余慕蓮接受訪問話今次係王貽興搵佢，佢本身都想試吓新嘢，所以咪復出過吓戲癮。至於退休生活，余慕蓮話日日都好忙，間中客串演出同登台，朝朝又會去游水、做義工，不過佢話無綫都有搵過佢回巢，但係o依家年紀大，唔可以再捱更抵夜開工。
(蘋果日報)
原來不知不覺已經就快生得！呢日佢就喺社交網站PO咗好多靚相，原來佢孖一班好姊妹開Baby Shower！圈中好友莊思明、陳庭欣等等都有出席，有啲仲帶埋小朋友嚟，真係十分熱鬧！網民都大讚佢佗B佗得好靚！
現年33歲嘅無綫主持梁麗翹（Nicole）去年12月宣布造人成功！話咁快原來佢就快生得啦！呢日佢就喺社交網站PO咗好多靚相，原來佢孖一班好姊妹開Baby Shower！佢仲留言話：「Baby N on the way 👶🏻 Thx girls! 💕」
睇返啲相，Nicole個肚已經好大啦，笑得超甜！隔住個mon都feel到佢有幾幸福快樂。
網民見到啲相之後都大讚Nicole佗B佗得好靚，紛紛送上祝福。
(Instagram/Facebook)
奇妙電視《使乜驚 大兩Gen》繼之前幫黃文慧搞咗個婚禮，原來又為67歲的邵音音預先辦一個生前葬禮，安排於後日節目最終回播出。
患有心臟病的音音姐，早於十多歲已患皮膚癌，一直低調抗癌的音音姐，曾有不平凡的經歷，亦早已將生死看化。節目中，她請來了三位生命中最重要嘅人出嚟，包括杜汶澤、郭子健同彭浩翔，然後由鄺芷凡、吳智杰代佢同「音音三子」進行深情對話，拍攝期間音音姐匿埋喺另一間房，唔俾三子知道。
對話中，阿澤表示對音音姐無限感激，原來倉田保昭參與佢部《空手道》演出，全憑音音姐介紹。當兩個主持問佢如果可以重新選擇時，會揀音音姐定係田蕊妮？阿澤就話：「我會揀音音姐嚟『搞』，揀田蕊妮做老婆！」
導演郭子健就話佢首次執導嘅《野。良犬》，令音音姐首獲金像獎最佳女配角，而呢部戲亦獲得多個國際電影獎項。郭子健由衷地謂：「冇音音姐，就冇我！」音音姐聞言即激動流淚：「郭子健改變咗我嘅人生！我曾經係艷星，一直自暴自棄，但能夠攞獎，令我重新振作，令我肯定自己嘅價值。」
除咗訪問「音音三子」，音音姐仲揀咗啲「遺物」送俾三子做紀念，包括送「士巴拿」俾阿澤，阿澤見到忍唔住笑問：「你送個士巴拿俾我，係咪想我扑你？」至於士巴拿背後故事，後日節目中就會揭曉。
(蘋果日報)
本來婦唱夫隨好幸福，點知原來佢哋已經離咗婚。2017年6月被女方發現佢私底有一個情人，強調冇歧視同性戀，只係覺得男方騙婚，更將佢同第三者嘅合照放上網，而男方並回應網民，解釋離婚係因為個性不合，並唔係同性戀呢個原因，二人各執一詞；女方表明要爭奪囝囝撫養權，不惜放棄婚內財產。。。
內地網紅何承熹人生充滿崎嶇，2016年踏上《超級女聲》舞台時「技驚四座」，原因是她把自已改造成與名旦范冰冰一樣，相似度更達99%。據悉，她15歲就開始整容，花費8年時間和大量金錢「修葺」。
重本投資亦得到豐厚回報，除以山寨范冰冰之名接下好多代言外，亦嫁得小鮮肉余小泉，原來老公亦鍾愛整容，仲實牙實齒話要將自己「改裝」到要和李晨一樣，兩公婆好快就生埋仔添。
本來婦唱夫隨好幸福，點知原來佢哋已經離咗婚。據山寨范冰冰表示，好唔鍾意老公成日將一啲與同性男友嘅親密照Po喺社交網，在其中一張照片所見，余小泉與另一小鮮肉共用一杯飲料，二人態度親密，睇到山寨范冰冰眼火爆！
2017年6月被何承熹發現余小泉私底有一個情人，何承熹強調冇歧視同性戀，只係覺得余小泉騙婚，更將余小泉同第三者嘅合照放上網，而余小泉並回應網民，解釋離婚係因為個性不合，並唔係同性戀呢個原因，二人各執一詞；網紅何承熹表明要爭奪囝囝撫養權，不惜放棄婚內財產。
(on.cc東網/蘋果日報)
天王周杰倫同昆凌生咗大女小周周(Hathaway)同囝囝Romeo，姊弟樣一直未曝光，昆凌早前罕有晒小周周正面相，今日周杰倫喺IG貼出囡囡全身相，小周周着闊身衫配黑褲，赤腳喺地板行，擺出搖滾手勢，留言：「Let’s rock!妳負責在旁邊幫我加油。」，見周杰倫有打hashtag「鬥牛」，加《鬥牛》歌詞中嘅一句「三分球它在空中停留」，估計周杰倫唔係打三對三鬥牛賽喇，應該係周杰倫準備唱《鬥牛》俾戴帽同黑超嘅囡囡聽。
囡囡之前聽歌成日聽到好陶醉又搖晒頭，咁鍾意聽爸爸嘅歌，應該係盡得周杰倫嘅音樂基因，難怪昆凌於IG留言稱自己「被取代了」，而網民笑「老婆大人吃醋」、「女兒也要學周董打球配毛帽」。不過講就咁講，昆凌又點會嬲嬲呀，剛才昆凌喺IG貼咗一張周杰倫抱女相，囡囡表情多多，對住媽咪嘟嘴仔，認真得意。
(蘋果日報)
有傳佢陀B已經5個月，照計o依家已經有6個月，但仲係未見肚，佢有啲支吾以對解釋話：「因為屋企人想低調，唔想我講太多，其實我o依家。。。」據知佢當日產檢時，照咗嬰兒性別，但佢依然口密保持神秘。。。
蔡一鳳早前宣佈成功為老公盛品儒陀B，本身恩愛嘅佢哋家陣更加糖黐豆，日前盛品儒同蔡一鳳又再行孖咇，日前下晝4點左右，打扮樸素嘅蔡一鳳，腳踩波鞋現身中環中建大廈，廿四老公盛品儒傍到實，原來佢哋係去上址做產檢，佢哋睇嘅係婦產科聖手梁淑德。
據資料顯示，梁醫生接生過唔少星B，佢先後幫過郭晶晶、林青霞、盧淑儀同張栢芝等都係搵佢幫手。
盛品儒兩公婆入診所等候期間，蔡一鳳翻閱啲嬰兒雜誌解悶，盛品儒則玩手機消磨時間，偶然傾幾句偈咁，之後佢哋入去見醫生，大約15分鐘後，佢哋離開診症堂，盛品儒去畀錢拎藥，全程貼身照顧老婆。離開中建大廈後，盛品儒兩公婆行咗去太子大廈睇嬰兒用品，盛品儒仲幫老婆拎手袋拎藥，又搭住老婆行，顯得非常緊張。
盛品儒兩公婆入咗一間嬰兒用品店，睇咗嬰兒車同床，又睇咗BB衫，期間佢哋看中一架萬幾蚊嘅嬰兒車，準爹哋盛品儒向店員查詢，可惜店員話暫時冇貨，要等兩個月後，所以佢哋未有落單。
其實蔡一鳳上個月陀住B約待嫁好姊妹鍾欣潼（阿嬌）食飯時，有傳佢陀B已經5個月，照計o依家已經有6個月，但蔡一鳳仲係未乜見肚，《蘋果》聯絡過蔡一鳳問原因，佢有啲支吾以對解釋話：「我o依家先3個幾月，因為屋企人想低調，唔想我講太多。」據知佢當日產檢時，照咗嬰兒性別，但佢依然口密保持神秘。蔡一鳳仲話有照超聲波：「睇到BB喺肚中揈手揈腳好得意。」陀B後嘅蔡一鳳已將工作量大減，唔做女強人，專心安胎。
(蘋果日報)
胡杏兒老公Philip突然喺IG打長文，仲PO咗Brendan喊得好犀利嘅照片，佢形容呢個係好傷心嘅日子、好失落同震驚，連阿仔Brendan都喊喇。原來係因為呢件事，最後送上最親摯嘅致敬，又話無論往後如何。。。
英超球隊阿仙奴領隊今日宣佈，將於今個球季結束後辭任領隊一職……無論係咪阿仙奴球迷，都充滿話題性。
胡杏兒老公Philip Lee曾經拍住拖到新加坡，入場睇阿仙奴造訪亞洲踢比賽，當時阿仙奴以4:0擊敗新加坡明星隊。Philip知道咗雲加宣佈辭任後，佢於ig打長文，形容呢個係好傷心嘅日子、好失落同震驚，連阿仔Brendan都喊喇。
Philip細數雲加多年嚟嘅功勞，包括建立世界級球隊、重建皇朝、破各項紀錄、興建新球場。
佢多謝雲加用咗佢嘅一生陪伴阿仙奴。咁反反雲黨呢？Philip都有嘢想同佢哋講：「你哋得到所渴望嘅事（編按：雲加落台）足球因為大牌球星同金錢令足球改變咗。但雲加代表住舊時代價值，佢完全符合阿仙奴呢隊波。佢嘅貢獻、對足球嘅愛、尊重同忠誠，會係球隊嘅核心。」Philip又指出雲加於聲明最後提及，「希望所有愛阿仙奴的人能夠繼續保護球會的核心價值 」，完全就係雲加嘅顧慮。Philip最後向雲加送上最親摯嘅致敬，又話無論往後如何，雲加都會係阿仙奴最佳領隊同傳奇。
(蘋果日報)
自爆曾小產過兩次：「其實預咗要8年時間，之前試過冇咗兩次，其實第一次時好難受，知道冇BB呢件事係冇原因，可能係發育問題。第二次有咗經驗，冇第一次咁難受，但有陰影，有啲生過嘅朋友同我講，其實好普遍，心就舒服啲。呢兩年努力啲，時間緊迫。」
利嘉兒今日陀住4個月孕肚同老公一齊喺尖沙嘴出席時裝活動，佢話：「自己個肚4個月，個肚都好似好大，見到噚日鍾嘉欣5個月條腰仲咁瘦，都有啲妒忌。」
利嘉兒形容現時心態輕鬆：「自己都行得快，都有照去街，朋友覺得我論盡似小朋友，成日提點我，自己好放鬆同平常心。」呢位高齡孕婦依然貪靚，佢話：「啲人叫我唔好再扮靚同搽指甲油，但年代唔同咗，冇傳統限制。成日都會去搵資料同問醫生意見，依家有染頭髮，老公都有唔俾，我捉埋佢見醫生。」
佢又話上星着高㬹鞋同長裙，結果俾人鬧到飛起。好多孕婦要戒口，利嘉兒話自己飲食都有啲慘，有時會偷食同飲汽水，但就有跟醫生講吸收足夠水份同唔好食生冷嘢。問到知道係仔定女未？利嘉兒話：「未知，我冇乜經驗，成日抽血，聽完報告冇嚴重疾病輕鬆晒，點知報告有寫男女，自己決定唔睇。」
講到後來，利嘉兒自爆曾小產過兩次：「其實預咗要8年時間，之前試過冇咗兩次，其實第一次時好難受，知道冇BB呢件事係冇原因，可能係發育問題。第二次有咗經驗，冇第一次咁難受，但有陰影，第二次隔兩年又係咁樣。有啲生過嘅朋友同我講，其實好普遍，心就舒服啲。呢兩年努力啲，時間緊迫。」
(蘋果日報)
