曾經為一代星女郎的張雨綺，再婚後於去年10月誕下龍鳳胎。
日前，根據網友拍攝到的圖片，張雨綺打扮隨意，應該是素顏，她帶著孩子一起出行，鏡頭里面不見她的老公。這次被網友拍到照片，應該是大家首次看到張雨綺帶孩子的模樣，但這天她只抱著一個孩子，不知道另外一個是不是被照片裡的路人遮擋了。
網友紛紛感嘆，張雨綺生完龍鳳胎才六個月，身材就已經恢復得很好，而孩子也長得很“大隻”，看起來養得不錯。同時也有網友留言說：「如果沒有特別標註的話，他會以為張雨綺是負責照顧孩子的保姆……明星不打扮的時候，跟路人沒有任何區別！」
張雨綺第一段婚姻失敗，嫁了比她大20歲的導演王全安。
（騰訊）
藝人陸浩明（6號）向來出名轉數快、口才好，仲好識得執生添，絕對係一個好出色嘅主持。！不過，原來6號都會有束手無策嘅時候，仲要係唔識畀反應，究竟係邊個咁勁可以令到6號完全唔識點應對？相信大家都估唔到…答案係兩位童星妹妹黃語芊同黃芷晴！
無綫TVB Facebook專頁上載咗一段6號同兩位妹妹語芊、芷晴一齊演三隻小豬嘅搞笑版片，片中見到語芊同芷晴戴上豬仔裝飾扮演小豬，而6號亦係其中一隻豬仔。點知語芊一講故事，就話大豬仔用咗石頭起屋，之後6號就提佢應該係稻草先啱，不過語芊就堅持話係石頭。講咗一輪，6號先搞掂語芊，再話係稻草。之後6號再幫手鋪稻草，點知又畀語芊話整得唔靚，仲大呼：「唔係呀！」
然後講到砌樹屋，6號諗住幫幫語芊，但佢繼續大呼：「唔係呀！」令6號哭笑不得！最後到砌石屋時，場面仲混亂！因為語芊同芷晴有啲紛爭，而6號就想喺旁邊調停，但兩位小朋友就完全唔理6號，十分搞笑！搞咗一輪，6號唔單止要扮大灰狼，又要做小豬，真係睇見都覺攰！難怪6號亦話：「同小朋友相處永遠充滿驚喜同意料唔到。」網民睇完都話見到6號被冷落嘅反應好好笑，仲話6號依家要學定點同小朋友玩，為第時生B做好準備，皆因湊小朋友絕對係一門好深嘅學問！
網民有話兒：
HIXXVXCXX：6號轉數快，口才好。
DICCXM KIXX：兩位小朋友好可愛呀！
VIXX GIXX：語芊講咗好多次：「唔係呀！」
WIVCX MMX：6號依家要學定點同小朋友，為第時生B做好準備。
成為天王黎明（Leon）新寵的Wing（陳泳儀），上月被拍到腹大便便駕駛着Leon名下的私家車，在其上水雙魚河St.Andrews Place價值6,000萬的豪宅出入，令人揣測腹中BB屬誰時，Leon就大方在網上「找數」承認將做「老竇」，並表明會保護好家人，不願意讓家人隨便曝光，所以自從公開了是「天王B」的母親身份後，Wing一直「潛水」未見現身公開場合，專心安胎。
平租畀王凱文住
Leon一向投資「磚頭」有道，早年已買下不少物業，之前就有報道指他在上水有兩棟價值逾億元的豪宅，均由死黨兼助手子泉持有，而Leon一向重情義，尤其對身邊工作伙伴一直照顧有加兼豪爽對待，據知其中一間市值近5,000萬的御林皇府獨立屋，曾以市價一成的租金，租予旗下Amusic的高層王凱文，免對方經常要到訪他家中開會太夜而舟車勞頓，所以Leon絕對是個「闊綽老闆」！惟年初王凱文離職後，豪宅人去「樓」空，有知情者稱已懷有「天王B」的Wing，對這間豪宅大表興趣，因兩間豪宅相距的車程不用5分鐘，加上距離預產期不足3個月，有意安排居住藍田公屋的母親進駐，變成另一「行宮」方便照顧Wing。Leon對Wing疼愛有加，將當年給前妻樂基兒的紀念車牌「R1VA」亦轉贈Wing使用。
「黎太」買飛冇托手㬹
至於Wing今次「母憑B貴」成功「入宮」，過去她的戀事亦不斷浮面，先後有李治廷、車行富二代趙偉猷（Vincent），但有傳Wing和Leon早於2016年在中環發生「帳篷事件」演唱會時，兩人已經撻着，並非去年才開始拍拖。當時不少人知道Wing在Leon身邊工作，托她買Leon演唱會飛，她定必有求必應，信心十足話「實買到」，有口痕友便講笑叫她做「黎太」，當時Wing表現受落，原來早有「緣」因已成天王的寵兒。
很多人都奇怪為何一個「素人」能攻陷天王心，最大原因是Leon於2012年與樂基兒離婚後一直單身，加上父親離世，變成「Lonely Guy」，當時王凱文帶着下屬Wing不時到Leon家中作客兼開會，很多時深夜才離開，Wing的「體貼細心」正好慰藉了Leon寂寞的心。
導演劉偉強昨晚在西貢匡湖居會所舉行「劉偉強帶埋班怪獸開Party！」慶祝58歲生日，現場星光熠熠，唔知以為去咗金像獎。好多影圈、電視界的藝人都抽空出席，足以證明劉偉強人緣極好。
今早有份出席劉偉強生日會嘅莊思敏就在社交網上載多張在場內的照片，照片所見有方中信夫婦、江美儀、宣萱、導演黃真真、方平、鮑起靜、舒淇、余安安、古天樂等人，見劉偉強同老婆黎安兒全程都黐到實，非常恩愛！而一向有鋪集郵癮嘅莊思敏就絕對唔會放過呢個機會，成功集得古天樂同舒淇，連方平都唔放過！江美儀都有上載場內合照，她留言：「兒童節當然要和「兒童」慶祝生日啦，生日快樂劉偉強導演！」
台灣天王周杰倫（周董）一向都係圈中嘅好爸爸好老公，對家人非常愛錫，唔單止不時抽空陪伴佢哋，仲識變魔術氹佢哋開心，你話咁好男人去邊到搵？原來唔只咁，周董仲識扭得氣球添，真係多才多藝呀！
周董喺社交網分享一段佢極速扭氣球片，片中見到佢好快就扭咗個狗仔氣球出嚟，見佢咁熟手，一秒猶疑都冇，似乎一定係「日夜鍛煉去取勝」，啲女粉絲畀佢冧死晒啦！網友都大讚周董咩都識，非常厲害，仲搞笑話好想周董親手扭隻畀佢，不過大家都係幻想吓先啦，因為呢個福利似乎都係得太太昆凌同小朋友獨享㗎咋！
少女情懷總是詩，擁有大批男Fans的網絡女神張沛樂（沙律），初中時亦有不少青澀浪漫經歷，曾因唔夠零用錢搭車，半夜在男友陪伴下步行個多小時返屋企！這次沙律帶大家重遊兒時居住的鴨脷洲及返學的香港仔區，行經鴨脷洲大橋重拾浪漫回憶，又重返童年時視為避難所的遊樂場，及分享被猴擒男同學拉到停車場的牙煙往事！
運動健將重臨母校
沙律小時候性格內向，至初中後被老師點名做班長才「性情大變」，變得主動、活潑及健談，她重返位於華富邨的母校培英中學時感觸良多：「我做咗女班長後，使命感同正義感大咗，開始被大家注意，多嘢講咗，做咗兩年班長，同同學打成一片。」
作為運動女神的她原來自小已紮紮跳冇時停，初中時參加各類校隊，將運動潛能大爆發：「記得開學上咗兩堂體育堂，個好惡嘅Miss叫我留低，原來係讚我游得好，叫我參加泳隊，之後我再參加田徑隊、羽毛球隊，基本上每日都留低做運動。」
鴨脷洲大橋 摸黑漫步夠浪漫
鴨脷洲大橋連接香港仔與鴨脷洲，沙律初中時試過孖男友摸黑行個多小時回家：「媽咪冇帶我行過呢條橋，但我認得條路，放學用晒零用錢就自己行返屋企，有次同當時男友半夜去數碼港睇戲，散場已經冇尾班車，又冇錢搭的士，於是我哋經過華富邨、行到香港仔再行大橋返去海怡半島，當時覺得浪漫o架，細細個冇咩錢，認為有人陪比起使錢更窩心、浪漫。（平時夜晚行會唔會危險？）我都幾大膽，夜晚行係畀男人撩過，但我板起塊面，佢哋都怕咗我。」
海怡半島遊樂場 走堂避難所
沙律小時候最愛到遊樂場玩，但有次玩鞦韆時竟幻想自己是空中飛人，最終受傷收場：「記得四歲嗰陣，見到其他小朋友企喺度玩鞦韆，我又想試吓，仲幻想自己飛到好高時放手，係咪可以好似空中飛人咁，結果當然跌親撼親頭，有位媽咪安慰我，問我幾歲，我就答『四對』，所以好記得四歲已經喺度住。」她又視遊樂場為避難所：「媽咪逼我參加好多課外活動，有啲我唔想去，就嚟呢度搵個窿匿埋，可以Hea五、六個鐘。」
驚心動魄停車場
沙律初中時開始拍拖，但亦試過不快經歷，行過學校附近的停車場，不禁想起驚心畫面：「有個同班男同學追我，我網上應承咗同佢拍拖，但現實世界我好怕醜，佢撩親我講嘢，我都行開，後嚟覺得一直拒絕佢唔好意思，終於有次我應承赴約，放學就手拖手走，點知佢帶咗我去停車場，仲好猴擒，之後我驚咗佢，做番朋友，所以奉勸各位後生仔真係唔好咁猴擒！」
少女心事 巴士站密斟
培英中學附近的巴士站，是沙律每日放學必經之地！她表示多數會與同學由華富邨坐車到香港仔玩一會兒才返屋企，等車期間都會密斟少女心事，不過有時亦會選擇漫步一小時回家：「每日零用錢得幾蚊，有時用咗嚟買薯餅或雞翼等小食，就冇晒錢，惟有行返屋企。」行得多又吃太少，沙律自嘲初中身材超瘦，完全冇睇頭：「初中得70幾磅，一支竹咁，係之後去外國留學先肥。」
今早深水埗發生咗一單駭人嘅虐狗事件，一名23歲男子疑從大廈高處將一頭白色銀狐犬掟落街，狗狗分開兩截當場死亡命，而有指被掟落街嘅銀狐犬，原來之前都發生過被遺棄嘅唔開心事，早於上月31日，狗狗就被發現喺尖沙嘴廣東道太平洋會對出墮海，事件亦被愛護動物協會證實，當日被水警救起的銀狐犬，與今日疑死在主人手裏的為同一狗狗，實在令人婉惜！
姚子羚(ig圖片)
香港一直以來都未有對訂立完善嘅《動物保護法》，多年來好多愛護動物人士都不遺餘力咁去爭取，希望藉着立法去提高港人保護動物嘅意識自然，減少虐待動物嘅的情況出現。可惜爭取多時，都未見動保法例嘅曙光。今日又再發生一件虐狗事件，圈中好多愛狗藝人都感到無限欷歔。姚子羚多年前曾收養一隻被遺棄的唐狗「通仔」，於16年子羚雖然被通仔噬傷面珠，差點毁容，但她仍對通仔不離不棄，對於今日發生掟狗落街事件，子羚話：「我都有留意呢件事，我冇諗過之前俾人掟落海嗰隻狗狗，原來就係俾人掟落街嗰隻，以為喺海裏面救番，可以逃過一命，點知死得仲慘，真係好心痛，希望可以喺呢方面加強番啲法例，去保障番啲動物，我覺得我哋係冇權去剥削佢哋嘅生命。雖然我知道未必每一個人都係愛小動物，不過就算你唔愛，都唔好傷害佢哋。」
江美儀(資料圖片)
一向愛狗如命嘅江美儀，佢知道事件後就話：「每次見到呢啲新聞都好嬲，我估計之前狗狗墮海，都唔係狗狗唔小心落海，o依家仲要掟隻狗落街，真係好想佢死？如果真係想唔要有好多方法，無權去終結佢嘅生命。」同樣有養小動物嘅吳日言、江若琳同譚小環都對事件感到震驚。吳日言話：「覺得好多人因為壓力大發洩喺動物身上，但咁樣對自己嘅狗都好震驚，至於嗰個主人係咪有精神問題就要警方去查。
吳日言(fb圖片)
不過，覺得小動物真係成日會遇到呢啲欺凌事件，希望唔好再有咁嘅事發生。」江若琳則說：「今日見到單新聞，我覺好恐怖，好震撼，隻狗仔好慘，接二連三畀佢最親主傷害，小動物咁可愛，有乜咁大仇口要咁，如果唔鍾意小動物，或情緖有問題，做乜搵佢哋發洩，佢哋好無辜，希望政府可立例嚴懲，成日見到虐畜新聞我真係好嬲，佢哋咁善良，無傷害性，仲要自己養，令人好氣憤。我覺得要嚴懲，唔好畀佢哋覺小罪行，其實好邪惡，動物都係小生命，同謀殺冇分別。」而譚小環就話：「呢件事等同謀殺一樣，希望政府立例，畀多啲人知，小動物都有生命，不可以亂來，小動物有權利生存，亦希望教育下一代養寵物要做個負責嘅主人，唔可去謀殺小動物，狗狗無罪。」
江若琳(資料圖片)
譚小環(資料圖片)
(蘋果日報)
英皇娛樂喺02年為小花劉思惠（Maggie）、鄭希怡（Yumiko）和蔣雅文（Mandy）搞咗個女子組合3T，嗰陣仲出過一張專輯《少女蝶》，不過隔咗冇耐三小花各散東西，Mandy移居台灣生活，Maggie轉行喺中環名牌鞋店做sales，只係得番Yumiko喺娛樂圈繼續工作！
雖然佢哋三個有唔同嘅生活方式，但係大家都各自擁有幸福嘅家庭生活，Mandy嫁咗俾設計師男友朱經雄，Yumiko同化妝師男友Andy結咗婚之後，生咗個超得意嘅囡囡梁浸浸，Maggie喺15年為男友小Mo生咗8磅重嘅B仔Aidan！
阿仔當然係擔任花仔喇！(ig圖片)
(ig圖片)
做咗媽咪嘅Maggie，身型依好好fit！(ig圖片)
(ig圖片)
結完婚之後，一家人去咗日本旅行。(ig圖片)
當時佢哋就冇辦結婚手續，只係先組織三口之家！事隔3
（左起）Yumiko、Maggie同Mandy當年被安排組成3T，並推出唱片。（資料圖片）
Maggie做藝人嘅時間唔多（資料圖片）
星途一般嘅Maggie好快就退出幕前，轉行搞生意，拍拖結婚生仔。（資料圖片）
年，Maggie終於舉行婚禮，日前佢喺ig貼咗啲婚禮相，嗰日佢同埋朋友出海舉行婚禮，雖然囝囝已經3歲，不過Maggie依然keep得好好，着住一條紅色吊帶低胸裙，同老公人前人後咀嘴晒恩愛，囝囝就梗係做花仔啦！一對新人喺遊艇開P，碰杯飲香檳再嘴對嘴，恩愛爆燈，Maggie更貼相社交網分享，Maggie留言話：「We r ready！
好閃喎！(ig圖片)
#MJwedding#28032018」舉行完婚禮，佢哋一家去咗日本旅行！原來好友「綠魔」Karl也獲邀出席。一對新人喺船上舉行婚禮，當日陽光普照，新娘子Maggie跟親友齊齊戴上黑超遮太陽，「黑超新娘」非常吸睛。佢哋又上岸喺草地拍照，汽球寫上Jason同Maggie。《蘋果》噚日聯絡Maggie，佢短訊回覆：「多謝你！好開心收到親戚同好朋友嘅祝福。」當日有份出席婚禮嘅Karl噚日回應：「嗰日好開心，去咗佢哋婚禮，同佢親朋戚友見證一個重要moment。Maggie嗰日襯得好靚，當日冇乜特別儀式，o依家唔興搞大龍鳳，一切從簡，請咗幾十位至親見證佢big day，大家飲幾杯。祝福佢哋，佢哋不嬲一凹一凸，希望佢哋甜甜蜜蜜，都催咗佢哋快啲再造人，再三年抱兩。」
(蘋果日報)
藝人陸永同太太Reina嘅一對可愛囡囡陸一穎（Hannah）同陸一心（Simsim）活潑可愛，深受網友喜歡，每次佢哋一喺網上出現大家都紛紛讚好呀！
呢日Reina就喺社交網上載咗兩個女分別隻腳同隻手貼住膠布相，相中見到Hannah同Simsim都扁晒嘴，而「爛腳」嘅Simsim仲鼓起泡腮非常可愛！原來佢哋去咗公園玩點知跑得太快，搞到跌親，Reina留言表示：「入一轉公園，一個損手，一個爛腳 #姊姊情深 #下次唔好跑咁快囉 #識跑都要識睇路㗎 #炒埋一碟」兩姊妹同病相連，網友都話真係陰功豬，叫佢哋要小心啲！
阮經天（小天）被拍到同車約會35歲的李佳穎，她雖然個子只有157公分，嬌小但也玲瓏有致，尤其一張娃娃臉配上深酒窩，「童顏美女」的模樣看來很讓男生想呵護。
阮經天（右）與李佳穎爆緋聞。合成照片
小天舊愛──33歲的許瑋甯則是有著167公分的模特兒身材，混血臉蛋美豔標緻，是許多男生的「天菜級」對象。
《蘋果》2日拍到李佳穎在車內與阮經天聊天。特勤組攝
不過個性上，水瓶座的李佳穎個性率性活潑不扭捏，不像許瑋甯「冰山美人」一開始會有距離感，李佳穎很容易跟男生像哥兒們似的親近打成一片，她又很容易侃侃而談，沒有嬌嬌女的姿態，相處起來沒心眼，只要有好感，容易慢慢日久生情。
阮經天日前開愛車載李佳穎。特勤組攝
獅子座的許瑋甯一開始難親近，對戀愛也較有主見想法，很清楚自己所好，她跟小天談了8年情，但最後也是由她提出分手，即使小天曾努力想挽回，她的獅子個性至今仍沒有回頭，反而交了新歡攝影師劉又年。
李佳穎35歲仍維持童顏美女狀態。翻攝李佳穎臉書
李佳穎曾與馬志翔穩定交往5年，3年前分手，曾與張書豪、李國毅傳曖昧，後來和唐禹哲因拍偶像劇《莫非，這就是愛情》假戲真做，無奈唐禹哲有偶像包袱，堅決不認，最後仍不了了之，她近期跟導演于中中的戀情也已告吹。李佳穎經紀人表示：「我跟小天的經紀人是好閨蜜，佳穎跟我們也是，所以當然跟他（小天）也都認識，也會約，這樣載一下就要說緋聞，我覺得很好笑。」
李佳穎（左）和馬志翔曾被拍到甜蜜逛街，2人交往5年，最後在2015年分手。資料照片
而阮經天經紀人沒接電話，但回訊息給記者，仍堅稱：「沒有交往，就是一群常約吃飯的朋友。」（娛樂中心／台北報導）
(台灣蘋果日報)
