噚晚林子善擺酒，場面熱鬧過台慶，曾志偉、陶大宇、黃心穎、苟芸慧、郭鋒、胡楓、黃日華、江美儀、韓馬利、蔣家旻、岑麗香及陳煒等，一大堆TVB藝人到賀，子善揀喺將軍澳設宴，方便一眾老友開完工就可以嚟飲。黃心穎、林子善、馬國明

馬國明同鄭嘉穎做兄弟，馬明負責幫林子善頂酒，女友黃心穎爆馬明醉咗會好開心，心穎BB仲叫子善老婆做「阿嫂」，睇嚟佢都好快加入「鐵馬家族」，心穎仲爆馬明自封千杯不醉，叫大家拭目以待，至於陳凱琳目前身在橫店開工，所以冇同鄭嘉穎一齊現身。全晚眾星好似開聚舊party，係咁瘋狂selfie，阮小儀喺IG貼出咗兩張合照，話喺子善婚宴可以集好多郵，不過小儀只係放咗與偶像黃日華及尊敬嘅修哥合照上網；而「長腳蟹」呂慧儀貼出咗好多相，與一班好友難得聚埋，呂慧儀亦祝子善新婚快樂、三年抱兩。煒哥、岑麗香

「KC」歐瑞偉、「Helen姐」姚瑩瑩

左起呂慧儀、曾志偉、「豹哥」單立文、苟芸慧謝東閔(左一)、韋家雄(右二)與未婚妻Keynes(右一)歐瑞偉IG圖片

煒哥同子善早前一齊拍《果欄中的江湖大嫂》，子善演果欄少東「蓆仔」，煒哥演「大巴」，煒哥噚晚就同「小巴」岑麗香影合照，留言：「大巴同小巴祝福蓆仔永結同心，幸福一輩子。」相中見煒哥以一身民初年代嘅包租婆look示人，估計佢噚晚要為新劇《危城First Lady》開工，衫都未換就趕去子善婚宴聚一聚，之後應該要趕返去再埋位。呂慧儀、姚瑩瑩、陶大宇黃嘉樂IG圖片

江美儀(左一)、韓馬利(左二)、蔣家旻(右一)阮小儀同偶像黃日華合照呂慧儀、胡楓、郭鋒、胡渭康

(蘋果日報)

35歲嘅梁靖琪(Toby)大前年同有米老公黃敏豪離婚，年半婚姻玩完。之後Toby被指與大隻男陳榮基拍拖，兩人多次被影到食飯撐枱腳，但Toby一直否認戀情。 Toby最近有新戀情，與紋身肌肉型男蜜運中，男方不時喺ig晒愛。(圖片由讀者提供)

Toby同Jon譜姊弟戀，亦唔介意着情侶裝。(圖片由讀者提供)

雙方有共同興趣，有時會一齊玩war game。(圖片由讀者提供)Toby同Jon帶埋狗仔，拍拖去行山。(圖片由讀者提供)(圖片由讀者提供)

至今年初，Toby突然喺ig放閃，話自己收到好靚嘅玫瑰花啤啤熊，好開心，唔少網民都留言問佢係咪蜜運中。原來Toby最近真係拍緊拖，但就唔係傳聞中嘅大隻男，而係比佢年輕7、8年嘅小鮮肉。《蘋果》讀者梁小姐日前爆料，指Toby嘅新歡名叫Jon Sze，Jon近一、兩個月不停喺社交網貼上與Toby嘅親密合照。今年2月，Toby同Jon與大班朋友去布吉旅行，當中不乏泳裝照，近年愛上運動嘅Toby身材fit到爆，而Jon亦係肌肉型男，兩隻手臂、腰同腳都有紋身，同行仲有好姊妹鍾麗淇。今年2月，Toby同Jon同埋大班朋友去布吉島。(圖片由讀者提供)同行仲有鍾麗淇(上左三)(圖片由讀者提供)Toby近排心情大靚，復活節都係網上送吻。(ig圖片)

Toby同Jon似乎有好多共同興趣，佢哋會一齊行山、打war game，又會約埋大班朋友食飯，成日都孖公仔咁。話晒係熱戀情侶，佢哋仲會穿情侶裝，手拖住手咁影相，真係sweet到爆。據聞Jon曾經與鄭少秋女兒詠恩拍拖，而且家底唔錯，家住跑馬地數千萬豪宅；而Toby亦係前無綫高層梁家樹女兒，兩人都可謂門當戶對。梁靖琪昨日以短訊回覆《蘋果》：「感情生活想保持低調，都係以事業為重，我現在生活得好開心，多謝大家關心！」Toby在今年1月，曾喺ig放閃，晒自己收到玫瑰熊啤啤。(ig圖片)鄭少秋女兒詠恩身材火辣辣，傳與Jon拍過拖。(網絡圖片)Toby同Jon去到邊都有影皆雙。(圖片由讀者提供)(圖片由讀者提供)

(蘋果日報)

潘瑋柏出道來嚟，感情事幾神祕，潘瑋柏對上一段戀情，係同寶茂千金Bebe拍拖，之不過二人已分手兩年，噚日被台媒爆佢有一個空姐新歡，二人火速同居，住喺台北市大直豪宅，據知潘瑋柏新歡係上海東方航空空姐Luna，潘瑋柏係經一位上海朋友介紹下認識Luna，潘瑋柏喺上海工作嗰陣，Luna都有去探班。據知潘瑋柏新歡係上海東方航空空姐。

據報道指，Luna同潘瑋柏都有喺IG貼出一個價值約59萬港元嘅Louis Vuitton x Supreme紅色行李箱，二人又疑似戴同款唔同色嘅勞力士手錶，又一齊晒鈔票槍，對於潘瑋柏嘅戀情，華納音樂表示：「對於藝人私事不予回應。」未有否認戀情，而呢位空姐IG相亦喺網上瘋傳，空姐Luna急閂IG。潘瑋柏係經一位上海朋友介紹下認識Luna。

有網民更起底稱潘瑋柏新歡係大陸網紅空姐Luna Xuan，睇佢po上網啲相都係大陸網紅最流行嘅尖下巴，同P圖味甚濃嘅樣，由於佢做空姐，不時四圍去，所以網上有唔少泳照同旅遊相，Luna Xuan曾被中國網媒稱其為「最美麗空姐」。有網民起底稱潘瑋柏新歡係大陸網紅空姐Luna Xuan。

(蘋果果日報)