【8個月巨肚】第三任準爸爸：會一視同仁

2018-04-02

結婚8年，育有6歲長女高純意同4歲二子高神悅，兩個未夠數，佢哋決定為四口之家再添新成員，三女即將下月出世，前日係醫生太太陸凱兒生日，今年佢挺住8個月巨肚慶生，意義唔同，所以特別全家影了大肚全家福留念。

佢哋決定為四口之家再添新成員(陸凱兒IG圖片)

陸凱兒喺Instagram貼相分享，佢喺巨肚上畫上大小心心，示意母女同心，廿四孝老公高皓正則蹲下攬實老婆示愛，大晒溫馨，壽星女陸凱兒留言：「今年的生日很特別，因為有肚內的囡囡陪我過生日！之前的兩個小孩也沒有在我的肚子裏陪我過生日。謝謝大家的生日祝福！」佢哋全家福照片都好有愛，全家笑容一致。

(陸凱兒IG圖片)

高皓正今日接受傳媒電話訪問，第三任準爸爸興奮咁話：「囡囡預產期係5月1號，今次都會係順產，太太有過生兩胎經驗，預計會早少少出嚟。」高皓正話長女二子出世，醫生都沒安排佢剪臍帶，今胎佢都只係陪入產房打氣同拍片：「交畀專業人士去剪臍帶，我都好驚，拍片算啦，我會陪老婆傾偈，分下佢心。」高皓正表示家中一對子女已期待妹妹到嚟，佢話：「只係細佬冇做哥哥經驗，佢哋o依家見到人哋BB都搶住抱。」高皓正強調唔會接孻女拉心肝，佢話會一視同仁，三名子女都咁錫。問高皓正買好BB嘢未，佢話會環保重用朋友嘅嬰兒用品：「收集咗番嚟，都整理好晒。」

全家影了大肚全家福留念(陸凱兒IG圖片)

高皓正笑言老婆今年20歲生日，咁係咪送咗20份禮物畀老婆，佢話：「多係冇用，一份就夠，係心意。」

(Apple Daily)

【上年再婚半年就有喜】挺巨肚睇國際劇團瘋狂被影

2018-04-02

上年再婚，大家都估唔到半年就有喜！但當時無宣佈懷孕幾多個月同預產期係幾時。

著名模特兒Miranda Kerr去年再婚，嫁畀Snapchat創辦人Evan Spiegel，直至去年底再傳來喜訊，Miranda正為丈夫陀B。

Miranda 結婚的圖片搜尋結果

現任老公Snapchat創辦人Evan Spiegel

而佢本身已同前夫奧蘭多布魯（Orlando Bloom）育有一子Flynn。

Miranda 兒子的圖片搜尋結果

早兩日，Miranda又再出動同老公Evan喺拉斯維加斯睇著名雜技團「太陽劇團」表演，仲去到後台同團員影大合照。

Miranda Kerr同老公Evan Spiegel，喺拉斯維加斯睇太陽劇團。

挺巨肚嘅Miranda於後台被集郵。

做咗闊太嘅Miranda雖然挺住大肚，都冇停落嚟，仍然活躍社交網，近日仲透過Instagram拍片宣傳佢創立嘅機護膚品牌，可以見到Miranda臉頰圓潤咗，仍依然咁靚。

大住個肚嘅Miranda仍然頻頻孖老公出動。

（Apple Daily）

【粉絲大為震驚】失足跌落台頭部重創

2018-04-02

昨日及前日兩日舉行演唱會，但連續兩天出現成員跌落台意外，令粉絲大為震驚。

前日，日本女團AKB4817歲成員秋吉優花在台上演出時，不慎跌落台，導致腳指骨折，幸好只是輕傷。

秋吉優花前晚跌落台前，在台上落力演出。

秋吉優花

話口未完，20歲成員稻垣香織昨晚演出最後部份時，又發生跌落台意外。當時香織在B台返回花道時，失足跌落台，經醫生診斷後，證實頭骨出現骨折，幸好其他部份沒有出現異常，而本人的意識亦清醒，能清楚講說話。醫生表示香織要一段時間治療，要暫停演出及一切活動。香織在隊中不算知名，2016年加入，同年6月由研究生升格為Team4成員。

稻垣香織受傷前，在台上向粉絲打招呼。

稻垣香織頭的後部重創出現骨折。

有粉絲指出，紅圈部份就是稻垣香織跌落台位置。

(on.cc)

【之前見埋家長】無綫小生姐仔宣佈分手

2018-04-02

二人拍拖多年，近年先將地下情浮面，之前有傳佢哋喺深井同居之外，早前男方仲飛去新加坡見家長。

誰知，藝人張振朗同無綫34C咪神陳芷尤佢哋兩個喺社交網宣布「分」訊，齊齊上載張單人分開坐嘅相，張相當年係佢哋去地外遊時嘅相，佢哋話大家分開係唔涉及第三者，並會繼續支持大家：「多謝這幾年來的美好回憶，所有事情就像昨天發生一樣，依舊溫暖。我們當中並沒有涉及第三者。雖然現在關係有所改變，但我們都會在遠方繼續支持大家。感謝這幾年來對我們的關心。」

張振朗發文

陳芷尤發文

(on.cc)

【好多男人摸佢】謝安琪：好多時被誤解成係曳

2018-04-02

歌手謝安琪（Kay）出席「藍服日」活動，呼籲大家穿上藍色衣服來代表支持患自閉症人士，為他們打氣。Kay表示：「身邊唔少朋友嘅小朋友有自閉症情況，照顧上係艱難，因患自閉症小朋友外觀係睇唔出，好多時被誤解成係曳，其實佢哋行為係不受控制，而媽媽就可能會聽到一啲難聽嘅說話，或者一啲眼光，承受好大壓力。」

爆老公要增磅

另外，Kay在社交網上戴一張包到冚造型去跑步，並和女兒及兩個小朋友給外傭推着三輪車一齊合照。Kay 笑言：「我呢個叫中東Style，係防曬裝束，老公笑我似防暴隊。」老公張繼聰可陪跑？Kay謂：「佢為角色增緊磅，要增磅到190幾磅，到時佢嘅體重到可能會係我兩倍，因我未生BB前係99磅，所以真係會有呢個可能。」

老公出街成日畀人撩

講到張繼聰在網上被選為最想觸摸的男藝人之一？Kay笑言：「係咩，咁同佢出街真係有好多男人摸佢，仲要慢動作摸，啲貨車佬經過會吹口哨，全部都係嗌佢，聽到都覺得威。（但如果係女人摸阿聰呢？）咁女人我嘅感覺就強烈啲，男人摸就當切磋，女人就怪怪咁，不過通常女人都係口花花撩佢，我都笑佢『你依家係脫星嚟』！」Kay又表示好滿意老公有這個大隻佬身型：「佢嘅手臂大過個女嘅身，咁我都鍾意佢咁，我鍾意男人有大隻嘅質感，覺得好睇係好難練㗎。」

張繼聰（資料圖片）

(on.cc)

【媽咪仲緊張過新人】喜極而泣：今日你個孫結婚

2018-04-02

大仔在中環擺酒娶老婆，陳志雲和DJ夏妙然亦有出席婚宴。一對新人在賓客見證下進行切餅儀式，結婚蛋糕高三層。新人又向陳美齡（Agnes）的94歲媽媽敬茶，期間陳美齡十分感動，更喜極而泣對她媽媽說：「今日係孫兒和平結婚！」之後又代母親派利是給一對新人及餵母親飲孫新抱茶。

陳美齡媽媽（右二）今年94歲。

陳美齡（左三）協助媽媽（左四）派利是畀一對新人。

陳美齡（中）餵媽媽（右）飲孫新抱茶。

陳美齡（左）娶新抱好開心。

一對新人出場後，陳美齡老公金子力大晒日語，而陳美齡就用英文翻譯，不過陳美齡翻譯時疑因太緊張，一度唔知點翻譯，搞到自己都忍不住笑！之後到大仔講說話時，講到他會計劃造人，陳美齡即開心得連拍幾下手掌。

陳志雲（左一）和DJ夏妙然（右一）出席婚宴

儀式完結後，陳美齡叫大家食嘢，點知突然醒起一對新人仍未切蛋糕，然後一對新人切完蛋糕後，再叫大家食嘢。

一對新人切蛋糕。

(on.cc)

【陣痛31個小時】李漫芬要緊急開刀！

2018-04-02

現年43歲嘅娛樂主播李漫芬（Fanny）懷孕期間仍不忘工賺奶粉，今日Fanny終於喺社交網宣布喜訊，話陣痛咗31個小時BB都唔肯出嚟，要緊急開刀，終於都係尋日愚人節出世：「談在心小妹妹和大家say hello！感恩這個心心豬來到我們的家，她真的好百厭，28/3預產期，她等到1/4愚人節才出來！又作弄媽媽，請媽媽食個全餐！31小時陣痛都不願游去她應去的位置，最終要緊急開刀！」

搞到媽媽要緊急開刀「食全餐」。

B女重7磅8似爸爸

但由於Fanny生完之後需要觀察所以到今日先可以影全家福同大家分享，仲透露BB似足爸爸眼大大，體重7磅8：「由於生產完我有點狀況，未能抱bb一下就需要到另一個房間觀察，那裏很多儀器，不可開手提我沒法即時和大家報喜，請見諒！等到今天早上6時半我終於可以和bb團聚了！百厭豬心心重7磅8，像daddy，眼大大的！謝謝各位曾經為我分享經驗兄弟姐妹您們為我解疑難，還有一直祝福我們的朋友們，以及專業的醫護人員！更謝謝老公全程陪伴，除了緊急開刀分開了的一刻，您知道嗎？您令我堅強！希望心心豬健康成長，有一個愉快的人生旅程！我和daddy會努力學習的做您的爸爸媽媽！現在第一次餵人奶中，感覺很實在，很奇謝謝上天給我們這禮物，談在心都祝福大家，活得悠然自在，天天康泰身心。」

BB未出世前，Fanny去咗影靚靚孕照做紀念。（資料圖片）

(on.cc)

【盛傳BB性別係…】王棠云今次百密一疏

2018-04-02

余文樂早前公佈喜訊，承認太太王棠云有咗，預產期係6月，現時喺香港專心安胎，閒時約朋友出去。

好朋友日前喺網上貼出同好友合照，見樂嫂仍然面尖尖，冇乜水腫，仲搵朋友幫忙擋肚，保密十足，完全唔見孕肚，好友仲拍片影樂嫂補妝搽唇膏嗰陣，用手機APP整蠱樂嫂，變「厚唇」。盛傳樂嫂今胎陀B女，媽咪就可以幫女女扮靚！

好友甫出一張王棠云搽唇膏嘅P圖相，相當搞笑。

不過日前有親友喺網上貼出樂嫂坐地下嘅相，相見樂嫂身穿同一款黑色裙，明顯肚凸凸，連闊身裙都遮掩唔到，樂嫂仲扮食嘢，o氹姪仔玩。

(圖片來源：蘋果日報)

王棠云面尖尖、連少少水腫都冇！

(Apple Daily)

【結婚18年】梁靜茹：下輩子陪你終老

2018-04-02

馬來西亞歌手梁靜茹2010年與商人趙元同拉埋天窗，婚後誕下一子，一家三口相當幸福。

梁靜茹一家的圖片搜尋結果

不過廿多年前她的父親離世，令她至今仍難以忘懷父親的愛，並在社交網發長文表示過兩日會去拜祭父親。她憶述當日父親離世，看到棺木在醫院送回家的那一幕是多麼的心痛，當時與弟弟和母親都哭得心碎。事隔多年，她向爸爸說出現在家人的安穩，着他可以好好放心，還表示「下輩子我還是想當你的女兒陪你終老和你聊聊人生。」網民被她的一字一句深受感動。

長文如下：

過兩天我要到爸爸的墳前跟他說說話
雖然我常常在夜裡（裏）也會跟他說話
可是在他的墳前我會想起那一年唸高中的我
措手不及還沒來得及長大就接受了目睹他在棺木裡（裏）在醫院回家那一幕的心痛
二十幾年過去了
我從不曾忘記跪著（着）迎接你的棺木到家門
我和弟弟哭的心都碎了
對未來的依靠沒有任何一個人
我記得母親也差點暈過去
你的墳是對著（着）山明水秀
早晨的時候霧氣甚濃
我會為你點根菸及一杯你愛喝的奶茶
如果你還在你會不會還是我的靠山微笑著驕傲著（着）我的表現對你的朋友說看這就是我的女兒她好棒
那對你無窮的思念
你走的時候還不到四十歲那麼你的人生有沒有感到圓滿？
家中的一切甚好請勿擔憂
下輩子我還是想當你的女兒陪你終老和你聊聊人生
你的兩個兒子我都有努力照顧好媽媽我也已經能夠給她無憂的生活
你好嗎？
唱歌的天賦是你賜與我的
對待人事物的善與愛是你和母親留給我的最好的禮物
人生這一遭我走了一半了
一路都希望你在
祝爸好過幾天見。

梁靜茹童年家境一般，自小要拎住一把比自己高嘅掃帚幫忙打掃，10歲要洗全屋企嘅衫，16歲揸電單車去菜市場買餸，負責煮飯煲湯俾細佬食，爸爸同媽媽都要工作，梁靜茹及弟弟由奶奶照顧，爸爸一直鼓勵梁靜茹參加唔同嘅歌唱比賽，陪住愛女實現理想，可惜梁靜茹18歲嗰年，爸爸離開咗，漸漸養成梁靜茹獨立嘅個性。

梁靜茹微博截圖

（on.cc）

【醫管局研究】服用十年中毒入院

2018-04-02

中成藥及保健產品普遍被視為成分天然丶可安全服用，但坊間有不法商人為加強「藥效」，在產品中非法摻雜多種註冊西藥丶禁藥丶動物甲狀腺組織等成分，市民應慎選勿亂服。醫院管理局毒理學參考化驗室統計十一年間，共接獲四百○四宗服用偽中成藥或保健產品後中毒或死亡個案，在涉事產品中共驗出逾千種摻雜物。有中年男士中毒入院後，始揭露長達十年服用的止痛膠囊，一粒竟含十七種摻雜物，導致腎功能嚴重受損。

醫管局毒理學參考化驗室花一年時間展開研究，回顧二○○五年一月至二○一五年十二月，共四百○四宗服用偽中成藥或健康產品後中毒個案，當中六成五個案出現的不良反應與問題產品有直接關係。病人年齡由一個月大至九十歲，包括十四宗嚴重及兩宗死亡，涉及四百八十七項問題產品，含有共一千二百三十四種摻雜物。最常見是減肥藥，佔三成六；其次為聲稱具止痛丶壯陽丶降血糖等功效的偽中成藥及健康產品。

醫管局毒理學參考化驗室回顧十一年來約四百宗服偽中成藥或健康產品後中毒個案。

醫管局毒理學參考化驗室接收經急症室轉介個案，追查及分析病人誤服假藥的成分。

醫管局毒理學參考化驗室主管及顧問醫生麥永禮指出，有一半嚴重或死亡個案均由產品內摻雜禁藥所致。常摻雜於減肥產品的藥物「西布曲明」可抑制食欲，但增加心血管疾病風險，屬《藥劑業及毒藥條例》第一部毒藥。有廿一歲女病人服用含「西布曲明」的減肥產品約一個月，因心室顫動和心臟停頓死亡。此外，部分無良假藥摻雜動物甲狀腺組織，藉此令身體「生病」，引起俗稱甲亢的甲狀腺機能亢進症，如心悸丶手震丶侵蝕肌肉，達至減重目的。

衞生署曾公布「甲茸壯骨通痹膠囊」被驗出含多種摻雜物。(資料圖片)

他說，「是藥三分毒」，即使是註冊西藥，使用不當亦可因劑量過多丶藥物敏感丶藥物相沖等出現各種不良反應。年紀最小的中毒個案為一個月大男嬰，服含糖尿病藥「藍梅顆粒劑」後出現低血糖。

研究亦顯示，一成三的問題產品含類固醇。麥永禮提醒，誤服類固醇可令血壓丶血糖增高，甚至引致白內障。乙型肝炎帶病毒者在無獲處方抗病毒藥的情況下服類固醇，可激活肝炎發作，嚴重可致肝衰竭。

麥永禮說，「號稱中成藥的假藥，利用包裝瞞騙普羅大眾，市民唔覺意食到西藥，咁就出事。有啲成分，𢱑爆頭都唔明點解加落去。」一款聲稱有止痛功效的「甲茸壯骨通痹膠囊」驗出含十七種摻雜物，包括多達六種止痛消炎藥。涉事四十六歲男病人不適入院，經化驗室追查下發現服該藥出事，服用時間長達十年，腎功能已嚴重受損。

(on.cc)