今晚與太太舉行婚宴，拍拖五年，早於去年10月兩人已經簽紙註冊，不過等了半年才舉行婚禮，今早穿上紫紅色禮服的新郎哥在9個兄弟陪伴下，無綫藝員林子善浩浩蕩蕩出發到酒店接新娘子董佩欣（Kary）！
當中反串做兄弟、唯一女將唐詩詠就上載咗兄弟團嘅Chok爆照去社交網，見佢哋一行十人擺晒甫士，眾人都戴上黑超型到爆，一副志在必得嘅表情大合照，而其他兄弟仲有鄭嘉穎、馬國明、黃嘉樂、黃長興、袁偉豪等，呢個型男卡士都咪話唔煞食，到時實電暈班姊妹團啦！
今次做兄弟嘅詩詠又大晒玩新郎用到嘅「道具」Wasabi加鹹竹蜂餅乾，真係見到都驚，不過詩詠似乎就冇乜所謂，仲大爆今次做兄弟好爽，唔使早起身添：「#做兄弟係爽嘅 #唔使早起身 #淨係Chok就得喇」
黃長興（左）同新郎哥林子善。
恭喜！
(on.cc)
藝人劉嘉玲近日上內地節目《王牌對王牌》，點知玩遊戲時因為輸咗嘅隊伍要接受懲罰搜查手袋，突然被揀中嘅劉嘉玲即時大為緊張，話唔知手袋會唔會有啲不能睇的秘密，但工作人員勁快手，已經將佢個手袋推出嚟！一嚟劉嘉玲拎咗隻夾出嚟，令大家都百思不得其解，劉嘉玲即場示範其實原來係用嚟夾紙巾，然後當佢「口水肩」咁防止整污糟件衫，劉嘉玲仲話呢個夾係佢自己設計出嚟，令大家嘆為觀止！
之後輪到戲肉環節，搵到劉嘉玲個銀包，在場人士即刻問佢銀包入面會唔會有相，點知劉嘉玲好大方咁拎咗相張出嚟，原來係老公梁朝偉嘅證件相。相中嘅梁朝偉魅力十足，一對電眼仲好似望住你咁，真係型到爆！劉嘉玲話梁朝偉嘅證件相應該冇乜人見過：「很多時候我們要去做一些合約，文件上一些過塑呀甚麼東西，因為他經常會安排我去做這種事情，所以我會帶着一張他的證件照。」
之後劉嘉玲仲繼續晒冷，拎埋自己嘅Hand Cream、眼藥水同埋叉電器等等，唔少網友都話估唔到劉嘉玲咁大愛同大家分享梁朝偉嘅證件照，仲話想睇梁朝偉銀包，睇睇會唔會有劉嘉玲嘅相添！
網民有話兒：
倩xAlxxe：厲害厲害厲害
pxxixxha：求嘉玲姐的紙巾夾？
x口本上xx源的名字：梁朝偉好型呀！
lfwxx03xxxx25：估唔到咁多年都咁恩愛
38歲的崔建邦與林珊珊的細女野人（李怡）拍拖年多，愛得纏綿更一度傳出婚訊，不過自稱窮到燶的崔建邦要以事業為重，兩人因此不「婚」就「分」。其貌不揚的崔建邦向來不乏索女埋身，分手後不愁寂寞，據知今年年初他冧掂現年52歲的陳雅倫。
愛玩姊弟戀的陳雅倫去年閃電宣佈跟拍拖7個月的男友、吳彥祖的表哥Martin結婚，可惜公佈喜訊不足1個月，婚事已告吹。陳雅倫與崔建邦同樣背負分手傷痛，可謂同病相憐，容易一撻即著。據知陳雅倫月前搞生日會，當晚出席的男士大部份上了年紀，相比下崔建邦就是「小鮮肉」，陳雅倫亦不時攬實崔建邦滿場飛，兼且開心自拍。
（singtao）
「舞獅界」紅人姜偉池（3姜）與拍拖多年的女友兼藝人化妝師田田昨晚假九展舉行婚宴。一對新人與不少圈中人私交甚篤，除郭富城（城城）拖實太太方媛到場贈興外，陳山聰、黃浩然更充當兄弟。伴郎關楚耀更上台獻唱陳奕迅的「最後今晚」送給一對新人，杜汶澤、麥子樂及JW等亦紛紛現身，現場星光熠熠。
據悉，3姜將婚宴場地布置如舞獅搭棚般，相當別緻成賓客們拍照「景點」。開席不久一班好兄弟已high爆，離坐滿場飛找朋友合照及聊天，將婚宴變成一個開心派對，其他賓客發現城城蹤迹，即趨前要求合照，城城亦有求必應，但卻未見城嫂方媛「上鏡」。前有線主播王曉君到達會場時發生「小意外」，她於社交網站無奈寫道：「有咩灰過趕住去飲，然後被困𨋢中，好驚呀﹗」幸而最終趕得及開席。
23歲賭王何鴻燊四房公子何猷君同29歲大陸超模奚夢瑤嘅姐弟戀打得火熱，去年11月兩人蜜遊東京被爆戀情，啱啱復活節假期，原來猷君孖女友出巡曼谷吃喝玩樂，同行仲有媽咪四太梁安琪、哥哥何猷亨、家姐何超盈，被讀者劉先生透過「爆相爆片」分享，可見奚夢瑤已經融入四太家，成功過咗未來奶奶呢關啦！
劉先生接受電話訪問表示：「嗰晚大約7點，喺Siam Paragon首先見到奚夢瑤，後面就係四太一家人，佢哋喺商場搵地方晚餐，四太入咗一間cafe，奚夢瑤陪佢入去坐低，但何超盈好似想食其他嘢，三個仔女繼續去搵好食嘅餐廳，之後猷君返嚟帶四太同女朋友去會合何超盈。」佢哋坐低咗又轉場？劉先生話：「泰國服務員都幾好，我覺得佢哋冇尷尬，坐低咗兩分鐘左右，後來起身走。」現場見到四太表現對奚夢瑤滿意嗎？劉先生形容：「奚夢瑤對四太比較殷勤，四太喺cafe坐低，只有佢跟埋入去，仲幫四太拉櫈。」
啱啱復活節假期，原來猷君孖女友出巡曼谷吃喝玩樂。（讀者提供圖片）
同行仲有媽咪四太梁安琪、哥哥何猷亨、家姐何超盈。（讀者提供圖片）
讀者劉先生形容：「奚夢瑤對四太比較殷勤。」（讀者提供圖片）
劉先生：「四太喺cafe坐低，只有佢跟埋入去，仲幫四太拉櫈。」（讀者提供圖片）
睇嚟奚夢瑤對長輩好貼心，難怪成功融入四太家，一齊享受家庭樂。從劉先生提供嘅相片，奚夢瑤着牛仔熱褲騷長腿，性感誘人，劉先生就係憑長腿認出奚夢瑤：「因為佢好高好瘦，腿好長，我嚟遠就見到佢，覺得係模特兒，之後見到四太一家，先知道係奚夢瑤，睇新聞知佢同何猷君拍拖。」問到兩人有冇拖手？劉先生話：「奚夢瑤有拖何猷君手，只係拖咗兩三秒，我趕唔切影相。」佢有嗲男友嗎？劉先生表示：「冇，可能四太喺現場。」身高5呎10吋嘅奚夢瑤，跟陳冠希女友秦舒培、劉雯同孫菲菲，喺大陸被封四大超模，奚夢瑤係猷君家姐何超盈嘅閨蜜，去年猷君同舊愛袁紫僑（CoCo）分手後，火速與奚夢瑤擦出愛火花，仲上大陸節目公開示愛。
奚夢瑤着牛仔熱褲騷長腿，性感誘人。（讀者提供圖片）
劉先生表示可能四太喺現場，所以奚夢瑤同猷君冇乜親密動作。（讀者提供圖片）
劉先生就係憑長腿認出奚夢瑤。（讀者提供圖片）
(蘋果日報)
於2015年拍拖至今，人前一直表現恩愛，惟昨日下午男方突然自爆「分訊」，稱和女友早在去年六月已經分手，更指雖然不再是戀人關係，但是分手後兩人再見亦是朋友，並在分手至今長達十個月以來，為了掩飾分手一事，蝦頭楊詩敏更曾繼續以「女友」身分出席他的家庭聚會外，又指蝦頭對於受抑鬱症困擾的他，給予無限的包容及關心。前男友邵子風又指，假如沒有遇到蝦頭，他可能已經自殺！
和蝦頭身在韓國的邵子風，發布千字文宣布分手，更打趣說今日不是愚人節，所以叫大家別誤會是惡作劇。而蝦頭亦有在社交網轉發邵子風的結貼文，並留言：「謝謝你為我付出的一切，我永遠愛你。」
全文如下：
首先我必須要告訴大家，我們本來除了是情侶，還是很好很好的朋友！我們有相同理念，我們了解對方。真的很抱歉，因為我的脆弱，這篇千字文，我拖了足足10個月才能夠有足夠的勇氣寫出來，實在旁人從不會理解我的內心有多麼的脆弱，當籍口可以說是情緒病態，實際上我慢慢已搞不清楚自己什（甚）麼時候才算正常…
很多好朋友早就已經收到我們的通知，我奇怪經過10個月還未傳到記者耳中…
作為仿似公眾人物的我，還有作為藝人的蝦頭，彷彿對於自己的私生活，有向公眾交代的責任。雖然我從來都不想妥協規則，但為了蝦頭，我就明明白白的說個清楚。
我們分手了。
我們在去年6月已經分手了。
不牽涉第三者是我要強調的！因為我的公眾形象一向就是差，還有最近我的負面新聞，很容易令人誤會。
抱歉過去10個月，蝦頭為了配合我、顧及我感受，一直幫我掩飾我們的關係，甚至在新年如常和我到親友家拜年… 太委屈她了。
我和蝦頭經過幾年一起生活，互相扶持，作為男朋友，又作為經理人的我，成為了她這幾年最親密的人。我們有過相當快樂的日子，她絕對是我的結婚的對象，甚至我在上年已經計劃今年求婚。我的每一位家人和我一樣都相當疼愛蝦頭，我一直騙著（着）我媽媽，直到最近我又再騙我媽媽，我只是和蝦頭分開住，這樣感情會好一點… 相信我媽媽看到這篇會和我一樣傷心。
我們的問題，在我。我的病情，令我難以和人相處。
去年我們開了新公司，關係上又多了幾重身份，我的病情、壓力，我繼續留在她身邊，只有帶來她心靈上的折磨。
當愛變得會帶來傷害，我開始質疑，愛的根本是什（甚）麼？我認為，假如我真的愛她，我應該離開她，讓她過快樂的生活！這個女人，為我付出太多了！
我的朋友，不需要安慰我，這是我的選擇。
將來的事我不知道，也不敢預測，但在這一刻，是我和她最健康的相處。
我還是蝦頭的經理人，我還是她最親密的戰友，我希望直到永遠。
這幾年辛苦妳（你）了！
在妳（你）事業最關鍵、最忙的時候，一直照顧我，處處顧及我感受、委屈自己，違背自己的種種…
我想像不到，假如人生沒有遇上妳（你）… 可能我早就已經自殺死了。
用你的說話：「所有的安排，也是最好的安排。」我帶著（着）最衷心的祝福，希望妳（你）會找到最珍貴的幸福！我會一如以往，守候在妳（你）身邊，為妳（你）遮風擋雨。
（on.cc）
藝人李美棋（牛雜妹、Monnie）、張敬仁（Kendy）及安俊豪最近參與一連五場的舞台劇《蓉姐做的湯圓》，與吳沅儀、李思欣及林作合作，趁機會磨練演技。Monnie飾演「蓉姐」吳沅儀的年輕版，她直言今次難度甚高因為要即場爆喊，獲導演、演員及觀眾讚賞，她說：「劇情比較悲傷，我畀心愛男人呃錢，仲冇埋BB，我要喺台上即場喊出嚟，四日五場都要喊，其中一日要喊足兩次，都開心得到好好嘅評價，好多觀眾畀我帶動到情緒，仲同我一齊喊。」導演更笑言或會開拍舞台劇前傳，Monnie表示心情興奮，希望可繼續參與，會好好裝備自己，不會令大家失望。
至於安俊豪飾演思欣胞兄，Kendy是其女友，表演期間不乏蝦碌事件，最搞笑是安俊豪曾坐爛櫈，又試過走錯位，明明要行入廚房卻行錯入睡房。
27歲模特兒張穎沁（Pamela）是一名模媽，育有一歲大囝囝Adam，她坦言當初如此年輕就做媽媽，曾擔心會影響模特兒事業，但懷孕期間仍有品牌邀她拍廣告，令她重拾信心：「結婚嗰陣已經流失批Fans，但生咗仔後多咗鍾意BB嘅人，好多網友會嚟我個網上平台睇BB，有人同我講話每日返學之前都會想睇吓Adam，甚至做埋Wallpaper，我都好開心！而且都有啲媽咪品牌搵我。」
講到囝囝Adam，Pamela讚他性格外向又有表演欲：「佢依家見我拍片講嘢就會衝向鏡頭Say Hi，之前帶過佢一齊行Catwalk，佢完全唔驚人。（栽培佢做小Model？）都有牌子搵埋BB上鏡，覺得溫馨啲，遲啲如果唔影響學業都可以試吓，佢鍾意同人哋玩。」
去年中改名，曾患子宮頸細胞病變的她表示有台灣堪輿學家指其名字與八字不夾，40歲後不利其「下半身」健康，嚇得她立即改名張珮汶 （原名：張家瑩）為轉運！雖然健康運未知是否好轉，但姻緣肯定更佳，因為Grace即將成為人妻，據知更是雙喜臨門！
上年宣布接受求婚
34嵗Grace與從事珠寶生意的圈外男友何駿杰拍拖雖未夠兩年，但已相識多年，對彼此相當了解，她亦一早講明視對方為結婚對象。Grace本身有家底，又在銅鑼灣投資餐廳，與男友可謂門當戶對。去年十月兩人前往峇里出席朋友的婚宴，期間Grace Sweet爆宣布接受男友求婚：「面對着印度洋，我說，我願意。」其後獲一班好友留言送祝福。去年12月Grace出席亞視復活節動時表示正籌備婚禮，並計劃於今年年底舉行。
好友留言洩密
不過，最近有Grace的婚宴喜帖流出，婚宴提前至本月14日晚上在尖沙咀洲際酒店舉行，據知Grace突然「趕嫁」是因為已造人成功，希望在見肚前完成婚禮。而半個月前Grace將手抱一名可愛BB的合照放上網，一臉幸福母愛洋溢，有好友留言不慎「爆料」：「已經生了嗎？」Grace即解釋BB是姪女，亦有朋友指她的母性已流露到臉上，而Grace於截稿前仍未有回覆。
（on.cc）
現年27歲星二代、郭秀雲同前夫錢小豪所生嘅囝囝龐景峰，因為母親改嫁龐杰，龐景峰也跟後父姓氏，佢遺傳咗父母演藝細胞，一直好想喺影壇有一番作為，龐景峰狂練打拳想拍動作戲，佢亦喜歡唱歌，近日Youtube上載咗新歌《UP IN THE AIR》MV，當中佢係同女主角又攬又錫，足足錫咗7次，23歲學生妹新歡Peggy睇完當然嬲豬，龐景峰呢排有空就陪Peggy補鑊。
龐景峰出道至今，桃花極旺，佢日前仲被發現一拖三喺中環Sevva嘆high tea，睇真啲正印Peggy原來都喺度，熱戀情人仲排排坐，相中所見，龐景峰對Peggy好細心，仲會主動為女友遞上甜品，女生都嗜甜，相信佢用甜品餵飽Peggy，等佢甜晒「中和」醋意。Peggy日前就喺Instagram貼咗吃甜品相，右手中指仲戴上戒指好搶眼。
景峰近日Youtube上載咗新歌。（影片截圖）
《蘋果》今日打畀龐景峰，佢直認新MV中咀咗韓妹女主角7次，令女友Peggy睇到眼火爆，佢話：「計埋NG唔止7次，不過當時拍MV，我未同Peggy拍拖，佢一睇咗我嘅MV，就話不如首歌改名《Thousand Kisses》，詐我好耐型。我傳畀朋友share個MV，佢好抗拒話『我唔係你fans，唔使傳畀我』，仲問我知死未。」
當中佢係同女主角又攬又錫，足足錫咗7次。（影片截圖）
龐景峰出道至今，桃花極旺，佢日前仲被發現一拖三喺中環Sevva嘆high tea。23歲學生妹新歡Peggy睇完當然嬲豬。（影片截圖）
龐景峰出道至今，桃花極旺，佢日前仲被發現一拖三喺中環Sevva嘆high tea。
睇真啲正印Peggy原來都喺度，熱戀情人仲排排坐。
龐景峰當然知驚補鑊，連日有空就氹番Peggy：「o依家日日係情人節，我盡量想日日都畀到佢surprise。」龐景峰同Peggy拍拖半年，佢早已帶女友見家長，媽咪郭秀雲鍾意到不得了，龐景峰話：「Peggy煮嘢食好叻，我媽咪唔識煮，媽咪話歡迎到Peggy搬埋入嚟住算啦，咁我就日日有住家飯食。」龐景峰話有意稍後再拍新歌MV，一定預女友演出。
龐景峰對Peggy好細心，仲會主動為女友遞上甜品。
(蘋果日報)
