金馬獎影后舒淇近日難得在微博上開罵，她貼出被破壞的飛機座椅照片，痛斥坐在她後排的乘客一路上開關電視碰撞聲太大，害得有登機恐懼症的她一直受到驚嚇。舒淇說，「也真不能全怪航空公司維護不好 , 而是身為客人的我們 能好好的護公物嗎！！！飛機辛辛苦苦的無時無刻接載我們也是很累很操勞的，咱們能有公德心對她好一點嗎？」
舒淇並且配上了她拍的後排座位照片，飛機座椅明顯受到極大破壞，可以想見飛行過程中發出了多大的聲響。網友也對舒淇的態度表示支持，「堅決抵制不文明乘機行為」。
(噓！星聞)
【嬲到震啊！】舒淇坐飛機被後面乘客騷擾：我一直被嚇！
【原來唔止黃智雯…】傳姚子羚婚訊變分訊
37歲嘅姚子羚(Elaine)同坐擁逾億身家嘅男友「的士邦」鄭子邦頻頻傳好事近，雖然佢哋否認婚訊，不過舊年佢哋以情侶檔出席活動嘅時候，Elaine話男友仲未求婚，不過大家都係朝著結婚嘅方向進發，但係估唔到最終唔係傳婚訊，而係分訊。
今日有周刊報道，Elaine同男友拍拖三年，本來一心等住做鄭太，而且仲咗去男友位赤柱嘅豪宅同居，點知男友對結婚嘅興趣唔大，一來佢本身離過婚，二來雙親已離世，再無婚事壓力，所以佢一直好享受同Elaine嘅相處方式，不過女方嘅身邊朋友個個都催婚，令到佢覺得有壓力，喺農曆年前又為結婚呢個問題有啲爭拗，大家冇一致共識，最後男方提出俾一個冷靜期大家諗清楚。
受情困嘅Elaine選擇去旅行散心，喺農曆年嗰陣佢同龔嘉欣去咗日本旅行，的士邦就同一班好友去咗澳洲，胡說八道嘅一班姊妹亦有陪Elaine，杏兒同李施嬅亦都有喺ig貼圖，最初大家以為係安慰黃智雯，事關係近排有傳同男友情變，點知原來情變嘅唔止佢一個。
的士邦事後接受周刊訪問，佢冇回應情變嘅事，叫大家問番Elaine，日前同丁子高現機場，的士邦繼續唔回應，只係話尼泊爾禪修。今日亦有傳媒向Elaine了解，不過未有回覆。
(蘋果日報)
【最强孕婦】62嵗婦人順產誕下第二胎
62歲也能懷孕、自然生產！62歲的吳女士上月25日自然產下一名2930公克的男嬰，全程僅花66分鐘，嬰兒十分健康。醫生指出，各國罕見的高齡產婦幾乎都是剖腹產，62歲還能自然生產已經創下紀錄。
吳女士順利自然產，男嬰目前健康。
吳女士說，第一胎是在36年前生下大女兒，之後就一直不孕，直到退休後才想是否該生第二胎。吳女士透過人工生殖技術，在去年順利懷孕、上月生產。
印度曾有紀錄，一名72歲的婦人經剖腹產生下一名男嬰，台灣最高齡孕婦紀錄是在五年前一名62歲婦人經剖腹產生下一對雙胞胎。
一般女性生殖年齡約20歲到45歲，醫學上懷孕和生產時達34、35歲就稱作高齡孕婦、產婦；根據長庚醫院統計，過去28年來，初產婦的年紀從28歲上升到32.6歲，高齡產婦的比例也從11％暴增到40％左右。
台北長庚醫院婦產科系產科主任蕭勝文說，超高齡產婦發生的風險和併發症較高，例如胎兒染色體異常機率增加外，也可能發生懷孕併發症如姙娠糖尿病，前置胎盤等風險也會增高1.5到2倍，生產時也會有較高風險。
吳女士說，家庭成員都全力給予支持，先生陪同每次產檢、還全程陪產，大女兒是空服員，媽媽生產時雖不在國內、但透過電話分享喜氣，且弟弟的生日「跟姊姊同月同日生」，大家都很驚喜。
(自由時報)
【出軌三次後洗心革面】鄭敬基：好似中金多寶咁
現年55歲的鄭敬基 2016與年輕19歲的圈外女友Angie結婚，二人婚後生活幸福美滿。日前TVB節目《1+1的深情》請來鄭敬基細說由出軌到獲得救贖的心路歷程。鄭敬基與前妻Winsome在1990年結婚，育有一子一女。在1998年因《烈火雄心》一劇爆紅，卻因多次出軌令前妻Winsome主動提出離婚。原本幸福家庭一夕潰散，令鄭敬基深深自責。幸好坦白向子女承認過錯後獲家人原諒，在2016年與Angie結婚。
鄭敬基曾三次出軌
鄭敬基於80年代出道，因與黃寶欣合唱《酒杯敲鋼琴》而走紅，可惜歌紅人不紅。1986年鄭敬基認識圈外人Winsome，其後於1990年註冊結婚，二人育有一對仔女鄭家揚(Jonathan)和鄭依揚(Natalie)，婚姻關係美滿。但美滿婚姻敵不過娛樂圈的花花世界，鄭敬基面對女人的主動誘惑終抵受不了引誘，開始出軌。
鄭敬基前妻98年提出離婚
1998年鄭敬基接拍《烈火雄心》，回港前前妻主動提出離婚。「你回去那麼久，誰知道你會不會重蹈覆轍呢？若是真的，我怕我會受不了，會死。」即使《烈火雄心》收視達50點，但鄭敬基仍不顧事業，立即回到加拿大希望修補與前妻的關係，可惜為時已晚。
剛離婚的一年，聖誕節前夕，鄭敬基離婚後首次探望家人，女兒走上前親他，與兒子抱抱道晚安後離開。鄭敬基回望前妻家中，看見家中透出的燈光深深自責。「原來一個人沒了家庭，不是你不能再踏進家門，而是你不再屬於家中的一份子。」
深陷自責的鄭敬基加陪投入與子女的相處。有一次接兒子放學的時候向兒子坦白並道歉。但兒子只是輕鬆地說：「Daddy, It’s okay. Let’ have some good time.」
鄭敬基幸獲前妻和仔女原諒
洗心革面的鄭敬基獲的子女、前妻的原諒，但自己卻無法原諒自己。直到前妻的一番說話，才令鄭敬基赫然驚醒。「你我子女原諒了你，我原諒了你，主也原諒你，你自己為何仍不原諒自己？」
經歷過偷食、再獲得子女、前妻嘅原諒。鄭敬基明白到應該投放時間喺子女身上而非玩弄感情：「逢場作興，玩出感情，會傷害到好多人，及擱置了一些真正應該投放時間、應該灌溉的事情，例如一對仔女。」
鄭敬基就話同子女關係非常好，尤其是阿女。「如果要我數頭3個最要好嘅朋友，她是其一。彼此甚麼也傾，所以我很滿足，如果當日選擇事業，只能提供經濟需要，換來卻是關係疏離的仔女。」
鄭敬基2016年同細自己19年的圈外人Angie再婚。雖然佢同Angie拍拖半年就閃婚，但係一對仔女都有前來祝賀。
佢話從來冇諗過自己可以搵到個願意同自己一齊嘅伴侶。「多謝上天賜呢個太太畀我，一直過往自己有個包袱，冇諗過中間可以得到呢個大獎，好似中金多寶！好擔心自己配唔起對方之際，收到太太send嚟一張卡，寫住『鄭敬基你不需要成功，不需要完美，你還是最重要。』結果我同呢個女仔一齊。多謝太太令我成為一個配得起佢嘅男人。」
鄭敬基一開始對於再婚其實有所保留，始終自己「個底花」、又同Angie年齡相差19年。但係Angie一句「我會接受你，你唔使再問。」令佢放低，和太太恩愛至今。
(SINA)
【原來咁好條件…】廖碧兒芬蘭遊男伴身份曝光 失婚筍盤仲好識食！
廖碧兒之前有個有米男友——盛傳啦。呢個都市傳說，一直冇圖冇真相。
有關於呢位有米男友嘅種種，呢個Moment，已經都唔再重要，因為一向有辦法嘅廖碧兒，已經有新對象，就係之前本報「爆相爆片」讀者報料影到嗰位貌似三十代男子。
三十代，當然唔係指生於三十年代（sorry個gag真係太爛），Google一下唔難。可以同遊芬蘭，廖碧兒同呢位三十代美男，關係匪淺。哦，今日有周刊報道，原來此男係姓盧，叫盧啟賢（Calvin），唔係三十代，而係已屆四十嘅失婚富二代，有個女。你話佢筍盤都得，睇你需要嘅係咩啦。
【落機戴超】■廖碧兒日前跟約30歲黑衣男去芬蘭旅行後，坐商務客位返港。蘋果圖片
報道將呢位Calvin大起底，話佢離婚之後，其實已有一位泰籍百億電訊太子女女友，叫做Nina。咦，咁廖碧兒即係……嗯。介紹番呢位Calvin。佢係做投資嘅，即係娛圈成日用兼用到爛嗰個term——才俊。Calvin頗有家底，屋企人持有不少物業，佢就住山頂豪宅，市值約八千萬。
報道話，Calvin識廖碧兒之前，同有米女友Nina感情好好。但係呢，去年底就有啲奇怪事發生咗，例如，Calvin帶廖碧兒去半島酒店二人世界——燭光晚餐，仲飲咗唔少。據知，兩人飲到興之所至，仲kiss kiss同掂下手仔咁，估計都係社交禮儀一種同表現風度。飲咗酒，不宜揸車，Calvin有埋司機接送。可能廖碧兒叮一真係太醉——佢賣紅酒唔等如好飲得0架嘛，於是繞住男方臂彎借力亦都好合理。
報道指兩人等車期間表現癡纏，好似依依不捨咁。事後廖碧兒仲喺ig story貼圖回味，話：How to start a perfect evening…Hashtag係每支約一萬蚊嘅香檳krug 1989。半島呢一餐，加埋芬蘭此行，廖碧兒喺剛過去嘅中國情人節仲晒埋心心戒指，唔知係咪有所暗示呢？至於Nina就繼續貼下生活相，去下農場體驗；Calvin就繼續貼美食相，究竟係點呢？
(蘋果日報)
【急急澄清】胡杏兒遭網民炮轟！
被胡杏兒稱為「魔鬼教練」的林芊妤（Coffee），今日出席一個活動，原來Coffee和杏兒之前在TVB合作過，Coffee表示杏兒早前突然找她，想她教做瑜伽：「她剛剛生完BB，想盡快收身，當我第一次和她上堂，見到她之後，我心想她找我做什麼？我覺得她不需要，因為她收身收得好快，可能還有少少未夠完美，她又好高要求，因為她有很多工作做，想盡快喼完，她叫我魔鬼教練，最短時間達到最快效果。」
第三堂瑜伽胡杏兒已經要做head stand倒立。
胡杏兒產後五個月其實已極速修身成功，但佢仍學做瑜伽，為keep fit大業不斷努力。
胡杏兒話Coffee係魔鬼教練！佢仲狂呻話：「明明小時候做拱橋一點難度也沒有，現在為什麼這麼辛苦！！」
提到有網民質疑杏兒的相片是P圖效果？林芊妤立即說：「不是，我幫她拍的，張相是真的，杏兒好勤力及令人敬佩，她可以受好多苦，因為上我的堂真的好痛苦，她做完會大嗌，但她也肯捱和堅持。（教她高難度動作？）她算pick up得快，有些學生能力沒有那麼高，只可以幫他們拉筋，但她可以令我滿足到高難度動作，每堂做2﹑3個高難度動作。」
胡杏兒說其實當年拍《肥田囍事》真係有一定嘅犧牲：「因為我的身體再不能像以前那麼容易瘦回來，因為脂肪細胞已經膨脹了，到現在keep fit真的不是像以前那麼輕鬆。」不過杏兒說即使再揀一次都會再演「肥田」這個角色，因為挑戰愈大，滿足感都愈大！
《肥田囍事》劇照
而家變靚媽咪喇！繼續加油呀杏兒！
(新地 / 明報)
【紀念入行20年】港開免費騷會歌迷 栢芝：不會在內地的！
藝人張栢芝1998年踏入娛樂圈，為紀念今年入行20周年，她在社交網透露將在港舉行第一站的「張栢芝20周年紀念粉絲見面音樂會」，但未有提到舉行的時間和地點。張栢芝透露活動不會收費，而舉行目的是希望與支持她的人共聚，她又表示音樂會不會在內地舉行，希望其他地區的粉絲可考慮來港參加這項派對式活動。由於栢芝沒有提及往後的站數和舉行地點，令到一眾粉絲都相當心急和期待呀！
不過栢芝今次嘅騷只會喺香港舉行。
栢芝希望其他地區嘅粉絲考慮吓嚟香港參加呢場免費騷。（資料圖片）
栢芝仲未公布場騷嘅時間同地點。
一眾栢芝嘅粉絲都話好期待呀～
(東方日報)
【婆婆激讚鄭嘉穎！】陳凱琳：知道大家好關心
陳凱琳今晚喺銅鑼灣出席一個腕表發佈會，今次新錶係關於12星座，陳凱琳主持揭幕禮，仲玩咗個星座占卜遊戲，結果就測到佢今年有驚喜事，有開心事發生。
之後佢接受訪問，就再一次俾人追問有咩開心事會發生，佢話：「懷疑8個星座都係好，自己唔係太清楚占卜呢樣嘢，覺得好得意當你知道唔好嘅嘢，盡快去改變，都係正面，驚喜都可以有唔同嘅喜事，唔一定係大家諗嗰樣嘢，知道大家好關心，司儀每次都會問。」
陳凱琳仲話噚晚同婆婆一齊睇佢嘅喜劇，咁婆婆有冇關心孫女嘅喜事呢？陳凱琳話：「其實佢都係專心睇劇，見到我有進步，佢都好享受睇喜劇。」
咁見過嘉穎未？「見過，佢好滿意，見到佢真人，覺得佢好識照顧人。」咁婆婆係咪覺得嘉穎好靚仔？「婆婆話真人靚仔好多，除咗靚仔，仲好有禮貌，夾餸俾佢，照顧人，俾佢滿分。」
3月14號係白色情人節，佢哋又點慶祝？「情人節冇送禮物，平時諗到都會買俾對方，今次可以送呢隻錶俾佢，因為佢係獅子座，仲會多幾粒石。」
(蘋果日報)
【情場失意】甩拖頭耷耷！梁嘉琪寄情掃貨行街都笑唔出…
36歲的梁嘉琪憑節目《學是學非》系列「是非精」形象，獲得不少網民歡心，與電台節目監製金志堅拍拖4年亦感情穩定，她曾揚言希望40歲前結婚，怎料早前爆出男友有小三，小三還疑似懷孕的報道，她即於社交網留言「已一個人上路」，宣布怒斬4年情。
行街笑唔出
甩拖的嘉琪雖然表示已準備迎接新一段戀情，但日前她出席活動後，與男同事雙雙前往尖沙咀醫肚，情傷未愈的她毫無笑容，兩人極速食了半個多小時便離開，嘉琪及後又步往附近的時裝店，看來打算「大出血」發洩治情傷，但見她連揀衫都冇厘心機，最終兩手空空步出，沿途往上車時嘉琪邊行邊講電話，更講到苦口苦面，之後還頭耷耷上車。
為盡快忘記傷痛，嘉琪近日還前往日本散心，並上載不少旅行相到社交網，大部分相片以食為主，食完雪糕又歎日本料理，被網民指她喪食療情傷。
見佢喺條街喪講電話。
同經理人上車～
點算？
似係心事重重～
去Shopping～
此情不再～（資料圖片）
仲無厘神氣添～
都好似唔係咁開心～
(東方日報)
【依然咁靚】黎姿孖三個囡囡出巡！
46歲嘅黎姿(Gigi)喺09年同商人馬廷強結婚，婚後淡出娛樂圈專心相夫教女，兼且代替因車禍受傷嘅細佬黎嬰打理醫學美容公司，不過Gigi依然冇忽略家庭，經常帶住三個小寶貝周圍去，有一次Gigi帶咗佢哋去睇鹿，喺微博留言話：「女兒們的喧鬧竟然也是我的一種享受，身為媽媽的人就是這樣偏心吧！」
日前Gigi又再帶埋三個小寶貝出動，不過今次唔係同佢哋去日本睇鹿，而係去咗跑馬地一間寵物店。嗰日大約3點左右，見到Gigi四母女喺寵物店，同行仲有兩個外傭姐姐兼一個司機哥哥，司機哥哥企喺門口，睇實附近有冇人影相，三個小寶貝喺舖頭裡面同一隻大狗玩。
Gigi同啲職員傾啲好開心，似乎係交流啲養狗經，傾傾吓Gigi又拎住個電話同幾個寶貝影相。
之不過過咗冇耐，有途人喺舖頭門口經過見到Gigi，好自然咁企咗喺度望，Gigi好快就察覺到，兼且仲發現有人影佢相，之後行咗入去啲角落位，似乎係安排啲寶貝點樣避開鏡頭，最後Gigi自己一個人離開，不過佢似乎行錯咗方向，行咗兩個舖位都唔見自己架車，結果要司機哥哥叫佢先知道，於是黎姿一支箭咁行上車，而佢嗰三個小寶貝，亦都好乖咁拖住外傭姐姐上車走喇。
值得一提嘅事，已經係3女之母嘅Gigi依然好省鏡，著住紅色外套、白恤衫再配一條格仔長裙，又有另一種感覺！
(蘋果日報)