首任丈夫是外籍髮型師Anthony，第二任丈夫是思捷環球前主席、即林青霞現任丈夫邢李㷧；第三段婚姻，是資深大律師胡漢清。張天愛最為人所知，是結了4次婚、離了4次婚。當年兩人在港結識，隨即墮入愛河，分手數年後再續前緣，1992年結婚，並在蘇格蘭註冊，之後分別在倫敦及香港豪花百萬補擺豪門宴，可惜婚姻僅維持三個月，張天愛便提出離婚。
張天愛第二任丈夫邢李㷧育有一女邢嘉倩（資料圖片）
維持得最長（九年），是與第四任老公羅素（王敏德哥哥）這段婚姻。四段婚姻都失敗告終，而每次都是張天愛主動提離婚，敢愛敢離。
維持得最長（九年），是與第四任老公羅素（王敏德哥哥）這段婚姻。（資料圖片）
「係！都係我自己未成熟，去jump in，嗰時個心態係，有10個人對我好好，我就揀對我最好嗰個啦。因為我在boarding school大，自細趕頭趕命咁，好多男友搵我拍拖，呀～好呀，咁結婚啦。打個比喻，就好似一間屋，有廳有房有地牢，但我只係打開咗個大門，只係俾佢睇咗大廳同一間房，佢就講呀：『幾好呀，結婚啦！』但其實我有好多好多間房同地牢，而我又成日出咗去，佢就會覺得，呢個女仔，唔係我想結婚嗰個。變咗我越來越忽略佢哋，而我係好多嘢要做，而佢哋其實唔係想搵個老婆係咁。」
張天愛
年輕時對愛情、婚姻都直來直往，一股勁向前行。「即係，你太叻，男人唔係咁鍾意；或者你太忙，男仔會覺得，喂，我搵你返嚟，傳統男仔搵你，嗰啲屋企就覺得，新抱要睇BB，要煮飯，要幫屋企，咁我心諗，吓？我又多一份工呀？」張天愛曾在訪問中，說漏了嘴說自己曾被求婚50次，她笑：「係呀，所以我嫁過幾次已經係好好，人哋話，『呢啲咩道理？』咁係真，It’s true！咁每十年，喺十個裡面揀一個嫁，但最終唔啱，咁冇辦法㗎，唔係我想。」
（Apple Daily）
