馬國明同黃心穎呢對戀人越愛越高調，經常俾人影到佢哋拍拖行街街，早前孖住去樂易玲屋企團拜，影大合照時，更大方坐埋一齊，目前佢哋忙住為新劇開工，不過總係會爭取時間見面，話明係熱戀，真係見少一陣都唔得。
今日周刊報道，馬明同心穎日前又俾人影到去又一城睇戲，話晒之前都被人撞破過好多次，所以佢哋都冇刻意避忌，馬明亦好有風度，冇撇低心穎BB，二人笑笑口面對傳媒，之後仲發現馬明架車嘅後座位置，擺咗一隻老虎同一隻豬嘅公仔，懷疑係兩個人之間嘅暗號，估唔到馬明都有鬼馬嘅一面。
報道又指問過心穎爸爸對呢位「準女婿」馬明嘅評價，黃爸直言唔會理個女同邊個拍拖，只要到結婚嗰日通知佢哋就得，黃爸仲爆好快會辦喜事，但係唔講係邊一個。據知就嚟結婚嗰個並唔係心穎BB，而係做空姐嘅三女黃心慧。
(蘋果日報)
歌手潘伯仲（Anson）與新進女演員梁雍婷齊齊為壽司卷物食店拍攝廣告短片，接受訪問時，問到為何朋友挑選到梁雍婷合作？Anson表示看到對方在電影《藍天白雲》中的演技大爆發而「睇中」對方。談到拍攝廣告期間的趣事，Anson表示梁雍婷在片中需要喊，所以埋位前就捉住工作人員，並向他訴說自己的故事來醞釀情緒，然後在1分鐘就立即擠出眼淚。另外，在片中飾演店舖老闆兼壽司師傅的Anson就透露有場戲要鬧梁雍婷：「因為梁雍婷喺廣告將個店名講錯咗，所以要發火鬧佢，喺入面我個樣就好似反派，我就主動提出用日文代替原本對白，導演都OK。」
懷有五個月身孕的葉翠翠，近年受到鄰居噪音滋擾，起初翠翠先向管理處反映，但可惜無效，噪音依然繼續，令她與未足一歲的兒子在清晨不得安眠。上星期，她終於忍無可忍下決定報警求助，警方有幫忙向葉翠翠鄰居作出勸喻，但可惜噪音情況依舊，今晨七時許，噪音再一次把翠翠兒子弄醒，翠翠今早再一次報警求助，她接受東網訪問時表示：「今朝一早啲噪音又出現，BB嚇醒喊得好厲害，我即刻衝埋去睇，真係好心疼，長期係咁樣，用咗好多方法想去解決呢個問題都無效，今朝九點廿五分我再一次報警，希望警方可以幫到我。」
患上焦慮及抑鬱症
翠翠因為長期受到噪音滋擾，加上擔心兒子睡眠不足所帶來的種種影響，已患了焦慮及抑鬱症，她謂：「醫生叫我盡量放鬆，但依家咁嘅情況，真係好難，我今朝都喊過嚟，因為用咗好多方法想去解決，但都解決唔到，真係好無助，好想佢哋（指鄰居）可憐一下我哋孕婦同BB，可唔可以幫手執屋輕力少少。」
打去環保署求助
翠翠想了很多方法希望盡快解決事件，除了向管理處、警方求助外，亦曾想送部吸塵機給對方以表誠意，今朝更曾打去環保署，希望得到協助，當然也想過搬屋，不過，而她現在的情況，很難做到這一步：「我成間屋好多嘢，我又就生，仲可以去搵屋、執嘢嗎？之後生咗又要坐月，搬屋唔係執幾件衫咁簡單，唔係想搬就可以搬。」
提起老公即哽咽
現在的情況，家人的支持很重要，翠翠一提起老公的愛護，即哽咽起來，哭着說：「佢真係好擔心我，返工都係屋企出出入入，唔想出去，我都好內疚令佢咁擔心，但因為啲噪音影響我個仔同埋亦會影響到我就快出世嘅BB，所以，我真係好難唔緊張同心疼，都係個句，希望佢哋（指鄰居）有惻隱之心，可憐吓我哋。
(on.cc東網)
台灣天王周杰倫最近跟老婆昆凌到法國巴黎參與時裝周，時不時都會分享風景照，剛巧五月天在巴黎舉行世界巡迴演唱會「人生無限公司」，周董還買了點心去探班，已經是兩個小孩爸爸的他還知道五月天的瑪莎快要做爸爸，周董大膽預測肚裡面的是男生，可算是相當風騷！
周董一向都愛耍帥，平常會玩一點點小魔術，早前還參與拍攝荷里活魔術電影《非常盜2》。今日他又在社交平台上載了一段魔術影片，背景是巴黎鐵塔，他一手拿著一個扭計骰放在檯上，隨手一拍就變了一堆Skittles彩虹糖，本來面對是很酷的。
但影片一出之後粉絲們並沒有如大家想像大讚周董很帥，因為有粉絲貼出了周董魔術的淘寶連結，尷尬非常，下面留言的粉絲還調侃偶像周董說是不是又喝奶茶了，又胖了。
周董將扭計骰放在檯上，隨手一拍就變了一堆Skittles彩虹糖。（網上截圖）
胡說八道會久唔久就聚埋一齊Girls’ Talk，李施嬅凌晨喺IG貼出四張合照，張張相佢哋都chok爆擺出唔同甫士，胡杏兒、胡定欣、胡蓓蔚、李施嬅、黃智雯及姚子羚，六個女人一個堆，攬頭攬頸。
之但係見李施嬅打hashtag，指「just be happy(只要開心)」、「we support no matter what decisions by yourside(無論你作出任何決定，我們都支持)」，又話「撐你」。
未知李施嬅講要「支持嘅人」係唔係黃智雯呢!
早前有傳姚子羚同黃智雯繼胡蓓蔚、胡杏兒之後，最快出嫁，去年黃智雯搬咗去男友詹文天嘅豪宅疑同居試婚，今年就同拍拖約4年嘅男友拉埋天窗，不過噚日有報道指，黃智雯見大台花旦走晒，佢想以事業為重，將婚期延遲，更搬離出愛巢。
未知佢啲好姊妹係唔係講緊呢單呢!?
(蘋果日報)
一對夫婦於馬鞍山吊手岩行山時，發現一隻疑似老虎的動物，他們大驚感危險，遂立即報警求助。（賴俊傑攝）
吊手岩老虎擋路？今日（6日）早上近9時，一對年約30歲的夫婦於馬鞍山吊手岩行山，他們經馬鞍山燒烤場上山，步行約20分鐘後。兩人於前方約100米的草叢，發現一隻約3呎長、黃色的巨形貓科動物。兩人頓時大驚，不排除前方的是老虎或豹。
夫婦大驚 調頭跑落山報警
該對夫婦大驚感危險，遂立即調頭跑落山，並報警求助。消防員接報到場，派員登山搜索兩名事主。至早上10時許，身穿行山服的男女事主，由消防員陪同下落山，他們並沒有表面傷痕，相信只是受驚無大礙，兩人遂由救護車送院。警員到場調查事件。另外，消防員到場搜索「老虎」，但未有發現遂離開，案件交由漁護署跟進。
早年大埔沙螺洞有老虎？
根據資料顯示，早於2013年，大埔沙螺洞有居民指，發現泥地有多個「大腳印」，懷疑有老虎出沒，惟未有發現，不排除是巨型貓科動物的腳印。
消防員接報到場，派員登山搜索兩名事主，他們由救護車送院治理。（黃偉民攝）
(HK01)
型男余文樂與皮帶大王千金王棠云（Sarah）去年底閃婚，之後一直盛傳「樂嫂」有喜，疑是雙喜臨門。雖然佢哋未有作出回應，但睇翻Sarah嘅社交網，近排都只係上載大頭相，全身相欠奉，難怪有孕傳聞，愈炒愈熱！
今日，Sarah終於破例晒出一張全身相，雖然較為模糊，但鬆身衫示人嘅佢似乎肚凸凸，仲興奮地扮奔跑！
唔少網民睇完相都話Sarah孕味濃，仲留言提醒佢：「懷了寶寶走路要慢一點喔」、「有寶寶了要小心身體」，相當貼心！
此外，Sarah早前亦上載自拍照，透露自己剪咗個短髮，仲話頭髮短到紮唔到辮：「我國小四年級後這輩子沒剪過短髮#因為我崇拜長髮公主#我爸爸從小跟我說要讓他從窗戶爬回家」。一班網民大讚新髮型好好睇、好清爽，仲有人問佢係咪要迎接BB先剪短髮做好準備？
(on.cc東網)
邵珮詩喺2014年當選港姐冠軍後，演出機會唔多，但去年台慶夜，佢以一襲Deep V晚裝晒34D八字胸搶盡風頭，令人印象深刻。
男友都幾高大，兩人外型頗相襯。（讀者提供圖片）
讀者話沿途都好少人認得邵珮詩，冇乜人望佢哋。（讀者提供圖片）
邵珮詩同男友都好避忌，全程冇拖手。（讀者提供圖片）
上月底，讀者陳先生透過《蘋果》爆相爆片，表示喺觀塘APM遇見邵珮詩同男朋友一齊行街。當中下午約五點，邵珮詩一身Pink Lady打扮，穿上粉紅色外套、粉紅色鞋，仲有粉紅色太陽眼鏡，反晒光好鬼sharp，但沿途冇乜人認得佢。陳先生話﹕「唔見有人望佢哋，我咁啱經過見佢同個男仔入咗Levis睇女裝衫，但冇買嘢，之後就去咗睇影碟。」
邵珮詩身材出眾，間中都會喺網上晒泳裝照。(ig圖片)
邵珮詩向來甚少提感情事，但與圈外男友都唔係第一次被人影到，每次拍拖都表現避忌，陳先生話邵珮詩警覺性都好高，不時會四處張望，佢話﹕「聽見佢哋話想買碟返去睇，但揀咗一輪又係冇收穫。之後坐電梯，邵珮詩挨咗一陣落個男仔度，但好快縮開。」邵珮詩當選港姐後被揭係維他奶後人，指其太公邵蔚明係維他奶創辦人之一;但邵珮詩之後澄清，佢爺爺退休後已經冇再做。而邵珮詩首次拍攝嘅劇集《潮流教主》因雞仔聲未獲好評。之後佢喺處境劇《愛．回家之開心速遞》扮演傻大姐侯蔡欣，至今年1月播出第232集就係佢嘅「告別作」，邵珮詩一度喺網上喊晒話自己一直好盡力去演。
邵珮詩暫別《愛．回家》，喺網上直播時不禁落淚。(網絡截圖)
(蘋果日報)
歌手車婉婉和外籍老公為囝囝BBQ舉行生日會，預祝他本月28日一歲生日，出席嘉賓還有蘇永康一家三口及一班小朋友。
婉婉接受東網訪問時表示：「係九位3月生嘅小朋友一齊開生日會，除咗大我個仔8日嘅蘇永康囝囝外，仲有7位同月生日嘅囝囝Playgroup同學。」她又透露囝囝在生日會上第一次食生日蛋糕，還中了「頭獎」：「我個仔好活潑，唔鍾意人拖住，佢自己走嚟走去，點知望少眼佢就跌落地，眉心撼正落櫈腳度，佢即刻大喊仲起咗個『瘤』，我好心痛、好內疚！」
講到囝囝快將一歲生日，她笑言：「感受係點解唔早啲生佢，佢咁得意！（追多個女？）我怕自己體力唔夠，順其自然啦。」
(on.cc東網)
曾參選2006年香港小姐嘅曾瑞珊，近年離開娛樂圈轉任公關，仍與同屆嘅陳茵媺及周家蔚關係要好，不時相約聚會。
曾瑞珊今日喺社交網透露仔仔入院做手術，並上載一張父子對望嘅溫馨照，為仔仔打打氣：「一個深情的對望，勝過千言萬語。我最親愛的你，肥妹豬媽媽在外等你，加油啊！」
幸好曾瑞珊仔仔順利完成手術，隨後曾瑞珊亦代仔仔報平安，表示仔仔現時體力透支，相信休息一排會復原，佢仲答謝大家嘅關心：「戰爭過後，成功收復失地，不過體力透支，休息就好，休息就好。#多謝各位為我們集氣#多謝各位私訊我關心我的你們#生命管成功再次接上了#明天又是一條好漢」祝早日康復，加油呀！
(on.cc東網)
