視后胡定欣嘅感情生活一直備受關注，堅稱未有拍拖嘅佢，今日情人節喺社交網上載手執鮮花相片，好多網民都戥佢開心，問佢係咪已經名花有主，不過胡定欣就冇透露花係邊個送，只係留言話：「祝大家情人節快樂，我並不是第一次收花，但昨晚收花的感受令我永記在心。。。多謝您！」
另外，好友黃智雯喺社交網上載咗同胡定欣、胡蓓蔚嘅合照，原來佢哋一齊過情人節，黃智雯仲留言話：「情人節….識過一定係同姊妹s過。」
咁究竟胡定欣束花係邊個送㗎呢？
(on.cc東網)
【又唔可以立刻脫離】林欣彤曾做第三者：好多傷痛唔會忘記
今日情人節林欣彤(Mag)係工作中渡過，到商台宣傳佢2018第一首派台歌《忍》，佢話呢首歌係一首好慘痛情歌，講一段不能忍受關係之下，降低自己底線去忍耐，忍到自己都睇唔起自己。 林欣彤認為一段關係中做第三者係忍得最厲害，專登同團隊設計mv中由她飾演第三者角色，自己亦曾經歴過。
阿Mag話歌曲裏面內容係自己曾經慘痛經歷，佢話：「我係一個好忍得痛嘅人，包括係愛情同埋睇跌打時，幾痛都唔嗌出嚟。」到底佢段感情慘痛經歷係點呢？林欣彤話：「曾經喺唔知情之下做咗第三者，當其時已經入咗行，但係又唔可以立刻脫離，只有忍耐，度過咗一個好傷心時期，好多傷痛唔會忘記，所以要珍惜o依家擁有嘅人，唔會再做第三者。」
情人節冇情人就唯有寄情工作，林欣彤話好想快啲拍拖，但又搵唔到對象，可能工作圈子窄關係，自己都會擴闊下生活空間，但始終仲未遇到緣分。
(蘋果日報)
【勁大對比】網劇《反黑》人氣勁爆張建聲 情人節ＩＧ放閃第一擊！
今早張建聲係ＩＧ寫道：
justin311Happy Valentine’s Day ❤my love💗
多謝你一路嘅體諒同包容,I Love You💕 @kellyc228
#happyvalentinesday #loveisintheair #站在我的身後要確保你無愁沒憂
網民留言：
- jim_x_jim😎😎😎
- jim_x_jim😎😎😎
- boboto你同kelly 好襯👍🏻😬..你兩個我都喜愛😂sweet sweet forever💖💖
- arale.2628系到放閃
- lhc_johnny甜死人
- hilzcwk巴閉 巴閉 事業愛情兩得意 ✋🏿
- happy_fun_fun情人節快樂@justin311
- misskobymiss好sweet 💟💟
張建聲呢次飾演大反派招積，的確非常出色。(反黑劇照)
隨着故事發展，「招積」殺社團大佬B吳志雄穿煲被困覊留室，最後因證人被殺而令他逍遙法外，不過社團話事人陳惠敏就要「招積」斬手贖罪，幸得飾演差佬的陳小春相救，其後「招積」會見幕後的外國黑幫，飲下一杯有料紅酒就昏迷，Justin說：「『招積』俾人毒暈後，會被帶去某個地方進行訓練，好多觀眾都緊張呢個角色跟住會點，故事發展唔講得，但可以透露『招積』再出番嚟係佢嘅第三階段，變成近似我最崇拜嘅小丑角色。我好感恩，觀眾咁支持《反黑》同『招積』，當初大家嘅努力冇白費，大家捱更抵夜，拍嘅時候我嘅精神、頭髮、眉毛、身體，基至拍到要睇精神科，呢啲種種，依家一切都值得。」
《反黑》好評不絕，同另一套TVB嘅《使徒行者2》於內地網站都獲得極好成績，截止２０１７年29號下午《反黑》全國總點擊率至今已破二億，反超勁敵《使徒行者2》。
（ＨＫ０１／張建聲ＩＧ）
【預訂自由行套票後】旅行社突然宣佈結業
該公司在宣布結業時，留下3人聯絡電話，稱他們為公司「部門主管」，但事實佢哋只係。。。
網上旅行社「逍遙遊happytrip」前日（12日）突然在facebook專頁宣布結業，旅遊業議會表示該公司屬無牌經營，至昨日一共收到26人求助，涉款約10萬元。該公司在宣布結業時，留下3人聯絡電話，稱他們為公司「部門主管」。不過，3人均聲稱他們只是曾在去年向該旅行社查詢套票服務時留下電話，並非所謂的「主管」，其中一人稱單是該公司發帖20分鐘，已收到60個查詢，已報警。
旅遊業議會總幹事陳張樂怡表示，上月初收到旅客查詢，稱在逍遙遊購套票後沒收到印花收據，調查後發現，逍遙遊網頁展示的牌照號碼屬另一旅行社，該旅行社確認與逍遙遊無關，已將個案轉介旅行代理商註冊處，亦已轉交警方跟進。陳又說至昨傍晚收到26人求助，他們買了本月至7月的機票、酒店及套票等，涉款約10萬元。
警方表示至昨日收到兩人報案，該兩人分別在該旅遊網站購買了2.9萬元及2700元的旅遊套票，其中一案暫列「以欺騙手段取得財產」，暫未有人被捕。海關表示，至今未有接獲相關舉報，正了解事件。
據逍遙遊fb專頁，公司在2009年11月開業，提供旅行團、自由行套票、機票及酒店等預訂服務。不過該公司在前晚6時發帖，稱已正式結業，並寫明「已經購買的顧客，如欲索償，請聯絡以下部門主管」，主管包括「Tony Chan」、「Pong」，及「湯小姐」，並留下3人的手提電話號碼。
被貼出電話 3「主管」稱只是客
本報聯絡3人，3人均聲稱並非公司員工，已報警。被指是「Tony Chan」的鄭先生說，他去年12月看到該公司提供自由行套票，6日5夜、坐國泰機的布吉團只賣3300元，故WhatsApp查詢，當時留下「Tony Chan」名字，本欲付款但職員稱只可以過數，「無理由一間公司不能以信用卡付款」，感到或有問題終無付款。
鄭又稱前日6時起陸續有人來電問他是否主管，他才知悉自己電話被公開，已聯絡警方。另一被指是「主管」的湯小姐情况相近，她稱前日6時20分已收到60個查詢，要向她索償，她重申自己非該公司主管，昨晚已報警。
(明報/HK01)
【強忍淚水】81歲媽媽爆罹大腸癌過年後再開刀 女星忍淚開唱！？
天后阿妹（張惠妹）這個月4日在信義區舉辦戶外演唱會，當晚她感性向在低溫中淋雨支持她的歌迷們道謝，熱淚盈眶。不過，阿妹淚水的背後，其實還有令她相當憂心的事，就是81歲的媽媽被診斷出罹患大腸癌。
據「壹週刊」報導，阿妹母親2日住院檢查，5日結果出爐，確診為大腸內有惡性腫瘤，院方原本建議儘快手術治療，不過因年節將至，家屬希望年後再開刀。
而關於阿妹母親罹癌一事，經紀人陳鎮川表示，妹媽會定期做身體檢查，無論大小問題都要治療，謝謝關心，但也希望大家不要「過度關注」此事。
阿妹是演藝圈出了名的孝女。圖／聯合報系資料照
(中時電子報)
【網民批評】謝杏芳：我覺得這個就沒有問題
大陸羽壇一對「神鵰俠侶」林丹及謝杏芳，一直人前恩愛，未想到2016年謝杏芳佗B期間，「超級丹」林丹被大陸報道爆佢公然偷食，同選美冠軍趙雅淇深夜喺酒店激情擁抱，事後林丹於微博道歉後，當時剛生完B嘅謝杏芳亦貼出一家三口手拖手嘅相，表示原諒老公，事件告一段落。
直至謝杏芳近日接受大陸傳媒訪問，首次講起原諒林丹出軌嘅原因，佢認為婚姻對佢嚟講係一個課題，婚姻上係會有各種問題，太多事並唔係非黑即白，「婚姻對我來說是一個課題，因為我之前沒有結婚，現在我結了婚，我覺得婚姻裏面太多的事情，不是非黑即白，不是你是主導或的是他主導，就是在婚姻裏面沒有說誰更強誰更弱，我覺得這個都是不存在，這是一個很複雜的事情。」，只要夫妻雙方目標依然一致，大家願意為咗創造更好嘅家庭氛圍而付出，「如果不行，那可能就像每個人嘅選擇，都沒有錯的，我覺得沒有錯，不管你選擇是怎麼樣，你肯定是想往好的方面，去做選擇的」。
謝杏芳就希望呢段婚姻能夠朝住更好嘅方向走，佢認為自己就係呢個狀態，就好似自己開公司都會遇上一堆問題要去改進，要去邁前一步，共同去解決問題，「就是大家的心思往一塊的，我覺得這個就沒有問題，「這是個人選擇，沒有對錯之分」。
對於網民評論佢同老公林丹，謝杏芳亦淡然咁講：「就讓他們說去，他過他生活，我過我的生活，說多了也沒用，你看我們贏球也要被評論一下，一輸那肯定就是說你最近練得不好，或者各方面的問題…就從小就已經被罵慣了，所以他罵他的，我過我的生活。」佢意思指自己係運動員，性格有堅毅嘅一面，網民言論應該影響唔到佢哋嘅生活。
(蘋果日報)
【暴瘦原因係…】驚爆才女同羅傑承離婚 瘦到不似人形嚇親人！？
49歲嘅才女梁芷珊喺02年同商人羅傑承結婚，婚後佢哋生咗一個囡囡，梁芷珊仲棄文從商，專心幫老公打理唱片公司同藝人管理部嘅生意，之後仲將天水圍飛馬、南華及香港飛馬足球會發展幾好，唔少人覺得佢哋夫唱婦隨，稱上係模範夫婦！
羅傑承同梁芷珊喺舊年離婚。(資料圖片)
不過今日有周刊報道，羅傑承同梁芷珊喺17年低調離婚，仲話梁芷珊已經好快咁走出離婚陰霾，迅速戀上孫佳君嘅前靚仔廚師男友Olivier，不過有知情者話離婚唔涉及第三者，主要係因為兩人性格不合，羅傑承本身係工作狂，梁芷珊就係藝術家性格，就算佢努力去改變自己，最終都追唔切老公嘅步伐，佢仲因為同時兼顧女兒嘅學業，結果搞到精神長期處於緊張同壓力大嘅狀態。
報道仲話喺15年開始，梁芷珊突然暴瘦同皮膚變黑，嗰陣有傳佢嘅身體出現問題，不過實情係婚姻有問題，經過多年嚟嘅挽救無效，最終離婚收場。回復單身後嘅梁芷珊，喺朋友嘅飯局識咗Olivier，喺女兒嘅鼓勵下，梁芷珊重新投入新戀情，狀態比以前還要好
梁芷珊幫老公嘅足球事業發展得唔場！(資料圖片)
(資料圖片)
而羅傑承同梁芷珊事後透過秘書回覆周刊，佢哋兩個都承認已經離婚，女兒將由大家共同撫養，不過關於前妻嘅新戀情，羅傑承就話唔清楚亦冇再問，如果係真嘅話，佢一定會送上祝福。報道中指梁芷珊與前夫關係好好，佢忡話新戀情係離婚後先開始。
梁芷珊有段時間暴瘦，原來係婚姻出現問題。(資料圖片)
孫佳君喺15年同Olivier拍拖。(資料圖片)
(蘋果日報)
【奇異恩典】27周早產嬰兒手術感人一幕
日前年廿八，堅守崗位的醫務人員又拯救了一個幼小的生命。
日前，據媒體報導，「中山大學附屬第一醫院」六個專科組成的手術團隊，成功為一名體重僅1.68公斤、胎齡28周的腦積水早產兒進行了腦室腹腔引流術。對胎齡如此之小、體重如此之低的早產兒進行腦室腹腔分流術，目前在國內並不多見。在手術室內，患兒吸氧時，突然緊緊抓住了麻醉科主任馮霞教授的手指，彷彿在訴說他求生的意誌。
據中山一院新生兒科醫生劉王凱介紹，患兒是一對早產兒龍鳳胎中的哥哥，2017年12月28日在該院出生時僅28周胎齡，體重只有1.2公斤。孩子是借助輔助生殖技術“試管嬰兒”才懷上的，因母親有嚴重的妊娠期高血壓並出現胎兒宮內窘迫，情況緊急，只得提前進行剖宮產手術。
兩個小生命出生後就沒離開過醫院。出生後不久哥哥便出現新生兒呼吸窘迫綜合徵、肺出血、急性腎損傷等多種併發症，腦室內出血逐漸加重，近兩週B超發現側腦室最寬達到4.3釐米，屬於最嚴重的4級腦出血。哥哥的腦實質受壓嚴重，引發嚴重的腦積水。
在今年2月11日，醫院為哥哥進行聯合會診，決定盡快為他安排手術。由新生兒科、神經外科、小兒外科等專科組成團隊，評估BB手術中可能面臨的風險。據手術團隊指出，給體形細小、體重極低的早產嬰兒做手術，要面臨巨大的風險。到手術時哥哥僅是有創呼吸機就已經有25天，手術後仍然需要無創呼吸機高流量輔助通氣。
中山一院神經外科陳昆副教授說： “哥哥的體重太輕、身體太小了，手術時的每一步都要格外小心，辨認身體的正常結構，避免誤傷。BB的身體非常嬌嫩，加上全身血容量僅有約100毫升，失一點兒血的後果都會很嚴重，因此手術過程中需嚴格控製出血量，允許醫生調整的空間非常小，容不得一絲失誤。孩子太小了，對麻醉的要求極高，不允許有一絲絲閃失。”此外，麻醉科主任馮霞表示，新生兒低體溫的話容易引起酸中毒，所以要實時監測體溫，防止低體溫的出現。
提到手術室的這一幕，馮霞依然感慨不已。由於小生命尚不能自主呼吸，手術之前馮霞為其佩戴無創呼吸機面罩時，突然被小傢伙緊緊抓住左手食指。她記不清孩子到底抓了她多久，但清楚地記得那是有力的一抓。看著孩子孱弱的身體，馮霞眼窩一熱，心裡默默念道：“BB，你一定要堅持住！”
獲悉手術持續兩個多小時，嬰兒已轉入PICU，目前生命體徵平穩。醫生正在積極想辦法爭取讓他早日撤掉呼吸機，回到父母的身邊。
(Sina)
【母女情深】未婚媽媽唔難過！楊思琦攬愛女晒溫情！
藝人楊思琦日前為梁思浩、李麗蕊、陳彥行主持的亞視節目《今晚見》進行錄影，更大方與女兒穎穎齊齊亮相，兩母女全程依偎擁抱，大晒母女情深向觀眾「放閃」
嚟張大合照喇！
全程攬實女女～
而節目並邀請到同樣曾經是未婚媽媽的唐麗球到場支持，兩位勇敢媽媽分享生活喜與樂，高呼女性獨立自主、愛情和親情的偉大，場面暖心感人，證明浪漫、溫馨、幸福，並非夫妻或情侶所獨有。
楊思琦（右二）呢次就亮相亞視節目。
(東方日報)
【講到眼濕濕】靚靚產後抑鬱：冇補救就應該會離婚㗎喇
張智霖（Chilam）性格樂天貪玩，最鍾意就係同郭富城、沈嘉偉幾個好朋友打邊爐、篤波同打麻雀，袁詠儀直言同Chilam拍拖頭幾年，佢成日會因為Chilam出去玩呢個問題而同對方嗌交：「一個禮拜打足七場，以前真係好嬲，覺得好離譜！為咗呢樣嘢都有鬧過交，咁佢咪好一、兩日囉，但跟住又會係咁。佢最鍾意係話『我今日出去玩呀！』我話唔好啦！我同佢講叫佢唔好出，我話鎖門嘅，佢跟住就黑面喇坐係度，可以坐喺度成晚黑面，見到佢咁我就會算數，叫佢快啲出去就算，咁佢就變返好開心，真係好低能！」
最離譜嘅唔係Chilam一星期打足七日牌，而係當靚靚生完魔童之後，Chilam都因為去玩而唔陪佢坐月：「我都話我坐月咯，我叫佢陪下我啦，佢就會話『喂你坐月之嘛！點陪你呀！大家都坐係度呀？』但係你唔可以話佢唔盡責，佢只係覺得大家坐係度都冇用㗎啦，咁不如佢出去一陣啦！加上因為我坐月嗰段時間，其實我已經過多年嘅洗禮，所以我已經好習慣佢哋呢班人咁樣玩，其實係幾年之後我已經放棄，我無鬧㗎喇。」雖然已經46歲，但天生童顏嘅張智霖仍然帥氣依然，加上經常同不同女明星合作，其實靚靚會唔會好驚？靚靚霸氣回應：「依家呀？依家我梗係唔驚啦！我咁索！」
當年Chilam拍劇集《十月初五的月光》時，同佘詩曼嘅緋聞就傳到好勁，當時仲話靚靚成日去現場住個老公？不過靚靚話實情唔係咁：「我一定要藉呢個機會澄清一樣嘢，對阿佘係好唔公平，我唔知點解會將所有嘅責任就會推晒落阿佘度，我對阿佘係無任何嘅，即係我要睇實實佢呀，無嘅！我同阿佘係未合作過啦！但係好多時候喺一啲私底下嘅約會見到呢！我發現佢都係一個幾爽朗嘅人，同埋佢都幾有自己嘅主見嘅人嚟，我唔覺得佢會有啲咩問題。」
靚靚仲話唔覺得日日看實個老公就有用，因為佢覺得如果對方要變心，就算看唔看實都始終會繳，但至於點解靚靚以前偶然出現喺老公拍戲現場，佢話係因為自己好依賴Chilam，好鍾意同老公一齊：「好多人話成日都見到我兩個一齊，因為我哋兩個有陣時唔駛做嘢呢，就會去諗好多屬於我哋嘅生活。又例如有時我唔駛做嘢，張智霖會話：『我係邊度拍嘢呀！』咁我話，咦！嗰頭有牛肉麵喎！不如整個午餐！咁我就會去同佢食個飯，跟住先再去做我自己嘅嘢。」
爛玩同緋聞都冇影響過張氏夫婦嘅婚姻，但反而係靚靚話生完魔童之後，因為佢有少少產後抑鬱，郁啲就發好大脾氣鬧人，就爭啲搞到兩公婆離婚咁滯！靚靚話：「我生完仔冇幾耐嘅時候，我諗係我嘅荷爾蒙出問題，有少少產後抑鬱，我會將佢講嘅說話放大啦！佢嘅行為放大啦！我睇到一啲我唔順眼嘅嘢！我會將佢放大啦！好恐怖，佢由初初忍忍忍，忍到佢都忍唔到㗎！佢都爆㗎！嗰個係幾危險嘅事嚟㗎！」
靚靚話如果嗰陣時，冇補救呢就應該會離婚㗎喇！佢講：「我諗可能人就係咁怪㗎喇！一個人對你忍忍忍，你一路覺得佢係度無嘢，當佢一反抗嘅時候，你就會醒囉！我老公好少發脾氣㗎！嗰一次係佢忍唔到㗎！真係嘭門呀！我哋成家人都係晒度，佢嘭門，我諗佢嘭嗰一下呢係我醒㗎！因為我冇見過佢呢個行為！」
袁詠儀曾經喺《金枝玉葉2》內，講過呢句對白：「你想我死先定你死先？」但原來現實生活中，張智霖都曾經問過靚靚類似嘅問題，問到當時靚靚點答？靚靚未開口已經眼泛淚光：「因為我都幾依賴佢，佢好多時會話：『喂！我死咗咁你點呀！』所以我同佢講，你唔好死住囉！」講完呢句，即刻眼濕濕！
好多夫妻或伴侶接受訪問時都好怕另一半俾自己早死，寧願做先死嗰個，阿靚都係咁嘅心態，問佢係咪怕遲死要照顧老伴？佢話：「我唔係咁樣諗呀！而係…」佢聲音已有少少震，眼濕濕咁講：「即係我諗我…唔可以…呢一刻啦！我覺得我，如果佢唔係度… 我諗我生活唔到！老年失伴係好慘！」講度呢度已經哽咽！
一向表現好獨立同性格堅強嘅靚靚，竟然話冇咗Chilam會生活唔到，點解會咁誇張？佢解釋話：「我唔係照顧唔到自己，但我諗係依賴，唔..唔知呀！我覺得冇咗佢 …我唔得㗎！」咁調番轉頭，Chilam冇咗靚靚又得唔得呢？靚靚話：「你問佢，佢實話得㗎！佢實話我都不知幾爽！但係我就唔敢諗佢走先呀！因為我成日覺得我希望係我走先囉！我唔希望係佢走先！我唔..唔…唔可以囉！」
靚靚話依家淨係想每日好快樂咁樣過，其他嘅有任何煩嘢，佢都唔想去諗：「我好好滿足我依家嘅生活，一出門口就係好開心嘅一日。我只係想老公話俾我聽係點樣。點講呢！應該講，嗱！例如屋企啲車點樣去安排呀！司機呀！個仔呀！呢啲我好願意去做，但係你話例如人生應該點樣去，即係大事嘅嘢，我唔諗呀！我唔想去諗一啲煩惱，煩嘅嘢，好自私交晒俾佢去做，我覺得佢會處理得好過我。你睇佢起平時好似大細路咁，但有啲事我覺得佢處理得同埋分析得好過我囉！唔知呀！可能我有陣時祟拜佢！」
最近Chilam先第一次用自己名買樓，因以前一路用公司名買，問靚靚老公有無送過樓俾佢？佢話：「咁佢都送過嘅！佢最近叫我睇㗎！我個人好怪㗎！我又冇一個一定要係咪你個名嗰個概念，因為我成日覺得張智霖呢個人，就算第日我哋真係好冇緣份，唔會係埋一齊都好，我覺得佢都會雙手奉上呢層樓俾我，就算係咪我個名，我覺得佢唔係一個無責任心嘅人，但係感情事好難講，無人知，無人可以講到，可能變嗰個係我呢！如果變嗰個係我，佢都俾層樓我，嘩！佢真係very good喇！真係諗得多咗下話！」
(蘋果日報)