【忍淚宣佈離隊】狂轟 Angelababy！

2018-02-12

大陸《奔跑吧》去到第六季，之前講係鄧超、陳赫、迪麗熱巴、Angelababy、李晨、鄭愷、王祖藍及鹿晗原班人馬不變，不過迪麗熱巴噚日流淚宣佈離隊，由於「工作檔期衝突」，遺憾唔可以再奔跑，感謝「奔跑family」一直以嚟對佢嘅照顧。

含淚拍片宣佈離隊

8人組合少了迪麗熱巴，讓觀眾覺得相當可惜。（網上截圖）

迪麗熱巴係第五季先加入，代替當時佗B嘅Baby，早前Baby生B後回歸，網民已擔心迪麗熱巴要走，後來都有得留低，不過有大陸報道指Baby同迪麗熱巴拍攝時，鏡頭前係「巴比組合」，早已傳出兩位女星不太夾，玩遊戲時都係明爭暗鬥，而熱巴更多次出現尷尬微笑。迪麗熱巴因Baby而選擇離開，唔少熱巴fans喺微博攻擊Baby，令雙方fans爆罵戰。

迪麗熱巴在《奔跑吧》

不過Baby仍大方於微博留言：「小迪我們不說再見，永遠歡迎你回家️we are伐木累！」有網民回覆「你不挺高興的麼」、「我看你巴不得熱巴走呢」、「8個人一起跑不是挺好的，結果弄成這樣」，另有一些網民反擊「你怎麼知道baby高興，別你自己這麼壞把別人也想成這樣」、「本來她就是代班，現在人回來了，不該走嗎」、「她們兩個也是很好的一對閨密」，此外，有fans認為迪麗熱巴離隊唔係關Baby事，佢暫時唔錄綜藝節目，係因為迪麗熱巴冇忘記過自己係一名演員，「安心拍戲，努力提升演技才是最重要」。

Angelababy

迪麗熱巴

(Apple Daily)

【離婚案終有判決】兄妹從此分離！

2018-02-12

內地男星王寶強於2016年指其前經理人宋喆，與太太馬蓉有「婚外不正當兩性關係」後，正式辦理離婚手續，而馬蓉亦都委託律師到法院起訴王寶強侵犯名譽，要求刪除微博。

法院判決指「認定馬蓉與他人存在婚外不正當關係」。

今日下午四時許，北京市高級人民法院官方微博「京法網事」發文指就王寶強同馬蓉離婚同埋馬蓉起訴王寶強侵犯名譽，兩單案件有判決。而王寶強都有出席聽取判決，法院指出「認定馬蓉與他人存在婚外不正當關係」：「違反夫妻忠實義務，夫妻感情破裂，判決解除婚姻關係。」

法院今日就王寶強離婚案作出判決。

故法院判決二人的一對子女將由王寶強同馬蓉各自撫養：「王寶強訴馬蓉離婚案，馬蓉訴王寶強名譽權案分別在北京朝陽法院不公開開庭審理並當庭宣判。王寶強離婚案法院一審判決解除雙方婚姻關係，並從利於子女健康成長角度出發，判決婚生子由王寶強撫養，婚生女由馬蓉撫養。」

法院判決王寶強撫養兒子，馬蓉撫養女兒。

至於關於財產問題，則因雙方爭議較大，故要有進一步調查，雖另行處理。

至於馬蓉起訴王寶強侵犯名譽，法院認定王寶強所發的微博屬實，故駁回她的訴訟請求：「未使用偏激和侮辱他人的語言，駁回了馬蓉的訴訟請求。」

二人於2009年結婚

王寶強曾在紅地毯上向馬蓉單膝下跪，十分甜蜜。（網上圖片）

（bastillepost / ON.CC）

【又返亞視？】陳展鵬：希望無綫肯放人！

2018-02-12

亞視自1月頭超強勢發布推出OTT，又有新App上架、百萬富翁再次登場，暫時好似好有氣勢！好多前大台藝人例如向海嵐、朱慧敏、樂瞳都過咗去亞視。咁前亞視藝人陳展鵬呢？

陳展鵬、葉童到新光戲院出席《大迷信3潮爆開運王》首映。

受訪時，葉童及陳展鵬坦言演出正在接觸及洽談劇本當中，陳展鵬表示：「我同葉童姐姐合作過拍電影及舞台劇，不過係好多年前嘅事嘞，我自己都有十幾年冇參演舞台劇。演舞台劇要花比較多嘅時間，希望無綫方面肯放人啦！」原來係想參演舞台劇……

葉童表示倘若一切落實的話，她會扮演一個患抑鬱症的人，與展鵬是親戚關係，故事以人性為主。

陳展鵬、葉童

（ON.CC）

【睇到都覺得牙煙】網傳旺角往元朗紅Van司機瞌眼睏危險駕駛！(有片睇)

2018-02-12

旺角入元朗紅Van

Shared Kiu Wong:旺角朗豪坊(新田地街)入元朗紅Van事宜該小巴站有一名年長司機，行車手法非常危險，雖然車速不快(只能說慢來形容)但駕駛方式非常有問題！！1: 行車時司機的頭不停向下(舂)，不是看咪表，而是打瞌睡！ 2: 行車時呔盤左右左右的揮動(不是轉向或是閃避東西!!)令到車輛經常踩著中間白斷線走!! 3: 比油不停彈弓腳！令車輛不停chong動(全程不停chong!) 排除年紀大的因素，該司機正正就是馬路上的計時炸彈！請各屯門友在回家路上小心選擇！！小編: 呢個司機行內都好似好出名，經常被人討論佢手車好危險既事影片由網友授權本專頁刊登#元朗 #元朗友 #HKlocalsInstagram : @d18hk http://instagram.com/d18hk/========================網友在本專頁發放圖片，即同意專頁可有權轉發、分享或使用。而專頁假設網友分享的相片是發放者擁用版權/得版權擁有者同意作分享。

由元朗友发布于 2018年2月5日

近日，在Facebook專頁「元朗友」傳出一條片段，內容是拍攝一名小巴司機的駕車情況，車速長期保持着時速約40公里，司機更疑似打瞌睡，在直路上也不停左右擺動軚盤。而根據該出片網民的說法：

「行車時司機的頭不停向下(舂)，不是看咪表，而是打瞌睡」

「行車時軚盤左右左右的揮動（不是轉向或是閃避東西）令到車輛經常踩着中間白斷線走」

「俾油不停彈弓腳！令車輛不停chong(chok)動」

有網民在facebook專頁上發布了該片段。（網上圖片）

之後亦有其他網民為其補充，指這名年長的司機其實已經十分出名，甚至有「車神搖搖」的稱號，相信是因為他駕車時會左搖右擺。亦有不少曾經乘搭過這名司機車的網民指出，已經不少次在車上指罵司機打瞌睡，但司機堅持自己沒有睡覺。而因為司機長期保持着時速約40公里，令其車程時間增長不少，大家都知紅Van很多時都會比較高速，所以有搭開這條線的網民稱絕對不會上這位司機的車。其實開得慢問題不算太嚴重，最多是耽誤了時間，但如果駕駛中打瞌睡問題就大了，意外很多時就因此而起。

揸公共交通工具真係要打醒12分精神。（資料圖片）

這架小巴由旺角新填地街，途經屯門，總站在元朗，相信不少屯門友和元朗友都會搭過，始終凌晨時段搭紅Van又方便又平。藝人呂慧儀兒時在屯門讀書，自小在該地長大，對屯門十分熟悉，現時家人也住在屯門。對於這位出了名的司機，她在接受《接受01》訪問時表示自己未試過坐上他的紅Van，因為通常自己駕車，但會提醒屋企人要小心留意，她說：「開咁慢咪阻礙道路？其實應該會搵啲小巴聯會之類傾一傾，因為如果真係打瞌睡，好有可能係病態，佢哋唔會知自己打瞌睡，所以最好去睇醫生。尤其佢係揸公共交通工具，更為應該注意自己健康，我一揸車就好精神，因為我好鍾意揸車，哈哈！」其實網上如此多網民對該位司機有意見，有關機構應該查一查事件，然後再向公眾交代，免得意外發生時再調查便一切都太遲了。

呂慧儀自己本身都係一個駕車人士。（資料圖片）

(HK01)

【傷患纏身】著名演員得番80磅！

2018-02-12

在新電影内飾演女兒國國王的30歲內地女星趙麗穎，是圈中著名的「拚命三娘」，雖有指內地演員濫用替身，但她經常親身拍攝辛苦戲份，結果周身傷。

趙麗穎的圖片搜尋結果

年前她拍電影《宮鎖沉香》的策騎戲時整傷腰椎，自此無法久站，曾被爆料指不用埋位時經常蹲下，受傷的背脊骨明顯凸出，去年她拍綜藝節目時又弄傷膝蓋。而她去年主演劇集《楚喬傳》點擊高達逾400億次，當中再拍策騎戲時雖有陰影，但仍頂硬上，為配合角色更由94磅減至不足80磅。雖然傷患纏身，但她今年會有八套作品排隊上映，足證人氣！

趙麗穎拍《楚》劇拍到趴地食晒泥。

真係毫不錫身！

（on.cc）

【恨做狗年新娘】催男友求婚？我希望下年派利是！

2018-02-12

藝人蔡穎恩（Evelyn）趁新年相約好友林皓霆（Charles）結伴行花墟，兩人的好友陳嘉寳最近結婚，Evelyn笑言為𢭃對方利是而留港，並希望下年輪到自己派利是，更開到口叫男友有所表示，看來有望做狗年新娘！

Evelyn仲約埋老友Charles一齊去添！

Evelyn仲叫男友要有所表示，係咪催緊男友求婚呢？

睇佢兩個似乎行得好開心喎～

Evelyn開口話自己下年想派利是。

言談間完全Feel到Evelyn嘅「恨」嫁之心！

Evelyn就自爆初一至初三都有着全新紅底嘅習慣。

Evelyn表示原計劃與男友到外地旅遊，但笑言為𢭃好友陳嘉寶的處女利是而留港，Charles亦與陳嘉寶老友鬼鬼，但因新年將與家人到澳洲過年，故惟有托Evelyn代為𢭃利是，他說：「我初四會同屋企人去澳洲旅行，因爲好耐都冇同屋企人去旅行，而且大家都未去過澳洲。當地依家係夏天，我要避寒、過一個熱辣辣新年。」

提到最難忘的新年，Evelyn言談間流露出「恨」嫁之心，已跟男友拍拖近五年的她直言﹕「希望嚟緊下一年係最難忘新年，可以自己試吓派利是。（即係結婚？）唔知幾時，可能十年後。（有冇畀屋企人催婚？）都會，媽咪有問吓，但大家都有工作，尤其係男友，要慢慢計劃，希望呢一兩年佢有表示啦！」

至於Charles自言家族有個傳統，就是每年春節都會舉行麻雀王大賽，最難忘的一年是他做了雀王：「最難忘嗰年係我贏出、做咗雀王！大家會夾錢整個獎金，贏咗嗰年就肥仔啲，但都要請番屋企人食飯。我哋有選拔賽，最多試過有三枱麻雀，由年三十打到年初二，有啲親戚唔喺香港冇得參與，但都可以買邊個會贏，我哋係國際賽嚟。」而Evelyn自爆近幾年自己也有個人傳統，就是由初一至初三都會着上全新的紅色內衣褲：「着咗之後個人真係好運咗！我有三條全新嘅紅底，已經洗乾淨。」談到新一年的目標，Evelyn希望可以盡快置業，Charles則想在事業上可以衝出香港。

(東方日報)

【唔合格媽媽自白】袁詠儀囝囝魔童：我想換個新媽咪！

2018-02-12

2006年魔童出世，袁詠儀(靚靚)直言覺得佢同張智霖（Chilam）嘅人生都開啟咗新嘅一頁：「我覺得我個仔呢一刻係好需要我哋陪佢成長，我哋係個仔身上，更加了解到做人要係點，我哋都有另一頁去學點樣做，我覺得係一個得着嚟。」靚靚笑言自己同Chilam都係唔合格嘅父母，因為有時佢對住魔童仍然係太火爆：「我唔係嚴呀，而係有時我仲係有啲操控症，我希望佢聽我講坐喺嗰度企喺嗰度。」

相關圖片

靚靚同張智霖（Chilam）只得一個仔，當然係會錫到燶，不過佢兩個教仔方法好唔同，好多時會為教仔問題嗌交。靚靚話：「例如我個仔話，爹哋你幫我去買一樣嘢，我老公明明自己做緊嘢㗎喎，但佢都會諗盡辦法幫個仔去做到嗰樣嘢！但係我嘅角度就唔係咁，我會話俾個仔聽，唔得喎今日，因為我做緊嘢，但係聽日我會嘗試幫你去買。」

相比起靚靚呢個嚴母，順得人嘅Chilam自然受魔童歡迎啲啦！但係點解靚靚又唔試下用埋老公套教仔方法對魔童呢？靚靚解釋：「我無用晒我老公嗰套同個仔相處，因為如果我用晒我老公嗰套呢，我個仔就會變成一個好離譜嘅人，太放任喇！」

靚靚自言睇嘢比較長遠，佢覺得太就個仔反而害咗佢：「太就佢的話，呢一刻你係好開心，佢係好開心，但係過多20年後，佢出嚟呢個社會做事，唔會有人咁樣對佢㗎！唔會有個老闆俾你咁樣做！所以我一定要話俾佢聽，做事係要有程序，係要等嘅。不過我有啲嘢都會學我老公，例如我以前聽都未聽佢講晒就say no，但依家就會聽完佢講之後，再話『嘩！你咁都諗得出嘅！咁無聊嘅嘢你都諗得出』，我會用另一個方法話俾佢聽，其實你咁樣做呢唔係唔好，不過我就覺得如果唔做就會更加好啦！咁我個仔就會覺得，你好似同我商量緊喎！我覺得依家好多小朋友都係，已經唔可以夾硬嚟，要傾㗎。」

相關圖片

問到靚靚有冇試過體罰個仔？佢話：「打㗎！前日先打完，打手板囉！佢扯甩我條褲咪打佢手板囉！點可以咁對女仔㗎啫！我個仔都唔算係難教，但佢都幾有自己嘅意見，我老公係好尊重人權嘅人，變咗好多時候我就會喺佢咁堅持之下，我唔會同佢硬碰，其實我覺得佢硬頸係似我，我老公會冇咁堅持，可能佢會想嗰樣嘢，但如果你真係話俾佢聽唔好啦！佢會諗辦法去解決！」

袁詠儀訪問的圖片搜尋結果

靚靚一直覺得自己嗰套先啱嘅，覺得老公嘅放任無王管教仔方法會寵壞個仔，所以佢經常強迫個仔同老公跟自己嗰套做；有一日Chilam好認真咁同佢講，個仔想換媽咪，靚靚簡直係晴天霹靂，自己生嘅仔，竟然唔要佢做媽咪，知道咁大鑊後，明白再唔補救，真係會出大事啦！靚靚一直係自信心爆棚，又為個家付出咁多，點會諗到個仔唔受佢個套，連學校老師對佢教仔方法都有意見。

靚靚話：「我初初嘅時候好主觀㗎！直至到幾年前個仔好認真講要換一個媽咪，咁我老公就問佢你想換邊個媽咪呀！咩類型呀嗰啲咁，咁我嗰陣時其實先至知道有問題，但我覺得有問題都係佢（指囝囝）有問題喎！唔係我有問題喎！咁當然，係佢行為上，佢梗係有啲問題啦！」

（Apple Daily）

【嚇到個心離一離】陸永囡囡Hannah突然喊到收唔到聲！

2018-02-12

藝人陸永同太太Reina嘅一對寶貝女陸一穎（Hannah）同陸一心（Simsim）向來都深受網友喜愛，兩公婆仲錫到佢哋燶，今日Reina就喺社交網分享一件趣事，係講陸永同囡囡Hannah玩role play，陸永就扮壞人利用貓頭鷹引誘Hannah跟佢走，點知入世未深嘅Hannah就咁畀壞人捉走咗：「最後好彩Hannah 走甩咗，一見返自己個爸爸就喊咗出嚟喇… 呢個故事教訓佢，唔好亂咁相信陌生人嘅說話，更加唔好隨便跟陌生人走！」

Reina仲上載咗Hannah攬住爸爸喊得好勁嘅相，真係見到都心痛死人，點知Reina就覺得太入戲嘅Hannah好搞笑：「個壞人係你爸爸扮嘅，婆婆就喺你哋附近，捉走你你都仲喺自己屋企，點會喊得出，我啞咗。」網民都話Hannah好可愛，仲大讚佢似乎遺傳咗爸爸嘅演藝細胞，可以考慮做吓童星先喎！

(IG / ON.CC)

【黑材料】整到女神驚現「禿頭」！網民：想打佢一身？

2018-02-12

內地女星楊冪除咗有女神級嘅樣貌同身材，堪稱360度零死角之外，佢嘅演技亦備受讚賞站穩一線花旦之位不過可能工作太忙嘅原故導致身體出現毛病，搞到楊冪出現「缺陷」，喺拍電視劇《三生三世十里桃花》嘅時候，被網民發現佢髮線後移露出個大額頭，被網民狂笑之後，楊冪一啲都冇嬲仲大方話網民再批評佢就去做植髮，自嘲一番去化解呢單黑材料。其中佢哋一幕調情戲。黃子韜用手指輕輕撥楊冪嘅秀髮，點知……就露出咗楊冪勁高髮線，真係上到百會穴喎！

楊冪近年嘅事業屢創高峰，佢嘅髮線都一樣再向高發展，喺內地現正熱播嘅劇集《談判官》中，楊冪與黃子韜有一段姊弟戀情節，二人在辦公室談情期間，黃子韜用手指輕撥楊冪嘅秀髮，原本場面好溫馨，點知黃子韜太大力，搞到揭露咗楊冪「禿頭」最新情況，佢嘅髮線竟然已經去到百會穴，一大塊額頭完全露出，佢反串拍清朝戲都真係唔使剃頭。

雖然呢個畫面都係維持好短時