在新電影内飾演女兒國國王的30歲內地女星趙麗穎，是圈中著名的「拚命三娘」，雖有指內地演員濫用替身，但她經常親身拍攝辛苦戲份，結果周身傷。
年前她拍電影《宮鎖沉香》的策騎戲時整傷腰椎，自此無法久站，曾被爆料指不用埋位時經常蹲下，受傷的背脊骨明顯凸出，去年她拍綜藝節目時又弄傷膝蓋。而她去年主演劇集《楚喬傳》點擊高達逾400億次，當中再拍策騎戲時雖有陰影，但仍頂硬上，為配合角色更由94磅減至不足80磅。雖然傷患纏身，但她今年會有八套作品排隊上映，足證人氣！
藝人蔡穎恩（Evelyn）趁新年相約好友林皓霆（Charles）結伴行花墟，兩人的好友陳嘉寳最近結婚，Evelyn笑言為𢭃對方利是而留港，並希望下年輪到自己派利是，更開到口叫男友有所表示，看來有望做狗年新娘！
Evelyn仲約埋老友Charles一齊去添！ 
Evelyn仲叫男友要有所表示，係咪催緊男友求婚呢？ 
睇佢兩個似乎行得好開心喎～ 
Evelyn開口話自己下年想派利是。 
言談間完全Feel到Evelyn嘅「恨」嫁之心！ 
Evelyn就自爆初一至初三都有着全新紅底嘅習慣。 
Evelyn表示原計劃與男友到外地旅遊，但笑言為𢭃好友陳嘉寶的處女利是而留港，Charles亦與陳嘉寶老友鬼鬼，但因新年將與家人到澳洲過年，故惟有托Evelyn代為𢭃利是，他說：「我初四會同屋企人去澳洲旅行，因爲好耐都冇同屋企人去旅行，而且大家都未去過澳洲。當地依家係夏天，我要避寒、過一個熱辣辣新年。」
提到最難忘的新年，Evelyn言談間流露出「恨」嫁之心，已跟男友拍拖近五年的她直言﹕「希望嚟緊下一年係最難忘新年，可以自己試吓派利是。（即係結婚？）唔知幾時，可能十年後。（有冇畀屋企人催婚？）都會，媽咪有問吓，但大家都有工作，尤其係男友，要慢慢計劃，希望呢一兩年佢有表示啦！」
至於Charles自言家族有個傳統，就是每年春節都會舉行麻雀王大賽，最難忘的一年是他做了雀王：「最難忘嗰年係我贏出、做咗雀王！大家會夾錢整個獎金，贏咗嗰年就肥仔啲，但都要請番屋企人食飯。我哋有選拔賽，最多試過有三枱麻雀，由年三十打到年初二，有啲親戚唔喺香港冇得參與，但都可以買邊個會贏，我哋係國際賽嚟。」而Evelyn自爆近幾年自己也有個人傳統，就是由初一至初三都會着上全新的紅色內衣褲：「着咗之後個人真係好運咗！我有三條全新嘅紅底，已經洗乾淨。」談到新一年的目標，Evelyn希望可以盡快置業，Charles則想在事業上可以衝出香港。
(東方日報)
2006年魔童出世，袁詠儀(靚靚)直言覺得佢同張智霖（Chilam）嘅人生都開啟咗新嘅一頁：「我覺得我個仔呢一刻係好需要我哋陪佢成長，我哋係個仔身上，更加了解到做人要係點，我哋都有另一頁去學點樣做，我覺得係一個得着嚟。」靚靚笑言自己同Chilam都係唔合格嘅父母，因為有時佢對住魔童仍然係太火爆：「我唔係嚴呀，而係有時我仲係有啲操控症，我希望佢聽我講坐喺嗰度企喺嗰度。」
靚靚同張智霖（Chilam）只得一個仔，當然係會錫到燶，不過佢兩個教仔方法好唔同，好多時會為教仔問題嗌交。靚靚話：「例如我個仔話，爹哋你幫我去買一樣嘢，我老公明明自己做緊嘢㗎喎，但佢都會諗盡辦法幫個仔去做到嗰樣嘢！但係我嘅角度就唔係咁，我會話俾個仔聽，唔得喎今日，因為我做緊嘢，但係聽日我會嘗試幫你去買。」
相比起靚靚呢個嚴母，順得人嘅Chilam自然受魔童歡迎啲啦！但係點解靚靚又唔試下用埋老公套教仔方法對魔童呢？靚靚解釋：「我無用晒我老公嗰套同個仔相處，因為如果我用晒我老公嗰套呢，我個仔就會變成一個好離譜嘅人，太放任喇！」
靚靚自言睇嘢比較長遠，佢覺得太就個仔反而害咗佢：「太就佢的話，呢一刻你係好開心，佢係好開心，但係過多20年後，佢出嚟呢個社會做事，唔會有人咁樣對佢㗎！唔會有個老闆俾你咁樣做！所以我一定要話俾佢聽，做事係要有程序，係要等嘅。不過我有啲嘢都會學我老公，例如我以前聽都未聽佢講晒就say no，但依家就會聽完佢講之後，再話『嘩！你咁都諗得出嘅！咁無聊嘅嘢你都諗得出』，我會用另一個方法話俾佢聽，其實你咁樣做呢唔係唔好，不過我就覺得如果唔做就會更加好啦！咁我個仔就會覺得，你好似同我商量緊喎！我覺得依家好多小朋友都係，已經唔可以夾硬嚟，要傾㗎。」
問到靚靚有冇試過體罰個仔？佢話：「打㗎！前日先打完，打手板囉！佢扯甩我條褲咪打佢手板囉！點可以咁對女仔㗎啫！我個仔都唔算係難教，但佢都幾有自己嘅意見，我老公係好尊重人權嘅人，變咗好多時候我就會喺佢咁堅持之下，我唔會同佢硬碰，其實我覺得佢硬頸係似我，我老公會冇咁堅持，可能佢會想嗰樣嘢，但如果你真係話俾佢聽唔好啦！佢會諗辦法去解決！」
靚靚一直覺得自己嗰套先啱嘅，覺得老公嘅放任無王管教仔方法會寵壞個仔，所以佢經常強迫個仔同老公跟自己嗰套做；有一日Chilam好認真咁同佢講，個仔想換媽咪，靚靚簡直係晴天霹靂，自己生嘅仔，竟然唔要佢做媽咪，知道咁大鑊後，明白再唔補救，真係會出大事啦！靚靚一直係自信心爆棚，又為個家付出咁多，點會諗到個仔唔受佢個套，連學校老師對佢教仔方法都有意見。
靚靚話：「我初初嘅時候好主觀㗎！直至到幾年前個仔好認真講要換一個媽咪，咁我老公就問佢 你想換邊個媽咪呀！咩類型呀嗰啲咁，咁我嗰陣時其實先至知道有問題，但我覺得有問題都係佢（指囝囝）有問題喎！唔係我有問題喎！咁當然，係佢行為上，佢梗係有啲問題啦！」
（Apple Daily）
藝人陸永同太太Reina嘅一對寶貝女陸一穎（Hannah）同陸一心（Simsim）向來都深受網友喜愛，兩公婆仲錫到佢哋燶，今日Reina就喺社交網分享一件趣事，係講陸永同囡囡Hannah玩role play，陸永就扮壞人利用貓頭鷹引誘Hannah跟佢走，點知入世未深嘅Hannah就咁畀壞人捉走咗：「最後好彩Hannah 走甩咗，一見返自己個爸爸就喊咗出嚟喇… 呢個故事教訓佢，唔好亂咁相信陌生人嘅說話，更加唔好隨便跟陌生人走！」
Reina仲上載咗Hannah攬住爸爸喊得好勁嘅相，真係見到都心痛死人，點知Reina就覺得太入戲嘅Hannah好搞笑：「個壞人係你爸爸扮嘅，婆婆就喺你哋附近，捉走你你都仲喺自己屋企，點會喊得出，我啞咗。」網民都話Hannah好可愛，仲大讚佢似乎遺傳咗爸爸嘅演藝細胞，可以考慮做吓童星先喎！
(IG / ON.CC)
內地女星楊冪除咗有女神級嘅樣貌同身材，堪稱360度零死角之外，佢嘅演技亦備受讚賞站穩一線花旦之位
不過可能工作太忙嘅原故導致身體出現毛病，搞到楊冪出現「缺陷」，喺拍電視劇《三生三世十里桃花》嘅時候，被網民發現佢髮線後移露出個大額頭，被網民狂笑之後，楊冪一啲都冇嬲仲大方話網民再批評佢就去做植髮，自嘲一番去化解呢單黑材料。
其中佢哋一幕調情戲。
黃子韜用手指輕輕撥楊冪嘅秀髮，點知……
就露出咗楊冪勁高髮線，真係上到百會穴喎！
楊冪近年嘅事業屢創高峰，佢嘅髮線都一樣再向高發展，喺內地現正熱播嘅劇集《談判官》中，楊冪與黃子韜有一段姊弟戀情節，二人在辦公室談情期間，黃子韜用手指輕撥楊冪嘅秀髮，原本場面好溫馨，點知黃子韜太大力，搞到揭露咗楊冪「禿頭」最新情況，佢嘅髮線竟然已經去到百會穴，一大塊額頭完全露出，佢反串拍清朝戲都真係唔使剃頭。
雖然呢個畫面都係維持好短時
唔少網民都話楊冪睇到上述嘅情況最想打黃子韜一身。
間，但係咁「經典」嘅場面已經被網民成功截圖，唔少網民都留言話楊冪見到呢啲相應該最想打黃子韜一身，亦有網民估緊楊冪出乜嘢招去化解呢次「禿頭」危機？
喺拍《三生三世十里桃花》嘅時候，楊冪髮線後移嘅情況都好明顯。
(東方日報)
41歲藝人簡慕華喺無綫從影多年，拍過唔少劇集，好似《天與地》、《心戰》、《金枝慾孽》、《刀下留人》都令人留下深刻印象！
選美出身，係港姐嚟！
大台有唔少好戲之人，長期被忽視，好似簡慕華咁，入行17年一個獎都冇，受訪時候話佢已經離開TVB：「我離開係因為冇得選擇！」
簡慕華解釋，覺得自己喺大台停咗喺到好耐，又想可以選擇自己喜歡或者鍾意嘅角色：「如果我出咗去，所有嘢我都可以選擇。」
不過佢去年2月就離開TVB向外闖，令唔少劇迷都大呼可惜！除咗佢出色演技令觀眾留意外，而佢同監製戚其義嘅緋聞都令人注視，皆因佢係戚其義嘅愛將，好多佢監製嘅劇都有佢份。
《心戰》
但戚其義並唔係真命天子，簡慕華原來已經嫁咗人！日前佢就喺社交網上載咗同一位男士嘅相，二人仲深情對望，流露住幸福嘅樣子，仲留言表示：「We do. We did. Forever and always. （我們一起相愛到永遠）」網友都紛紛送上祝福，希望佢永遠快樂呀！
簡慕華接受傳媒訪問，佢話2017年4月已經結咗婚，老公係圈外人所以比較低調！
(on.cc)
「大隻仔」溫家偉日前往欣賞年花感受新年氣氛，他自小在美國生活，每逢新年必定會品嘗外婆煮的賀年糕點，又會大掃除及到親友家拜年。他表示最難忘第一年來港過新年，因父母不在身邊，特別掛念。
話咁快就過年，自小喺美國生活嘅溫家偉都好鍾意新年氣氛。
大掃除同拜年佢都會做！
佢新年願望就係拍多啲電影。
新年前夕撞正情人節，佢就話要點都要同女友食餐飯。
仲話會帶埋佢嚟過年！
談及工作展望，大隻仔希望今年拍更多電影，並想出埠工作增加見識。提到新年前夕撞正情人節，問到怎樣跟新加坡籍女友Sofia慶祝？他說：「要睇大家檔期，希望最少都一齊食吓飯，唔得就後補，睇佢新年可唔可以嚟香港感受氣氛，行吓花市同食香港地道食物。（第一年情人節準備咩禮物驚喜？）未諗，但始終第一年，份禮物應該都要勁啲，如果唔係就拜拜啦。」
講到明會送份大禮畀女朋友，好Sweet呀！
(東方日報)
香港人，真有愛！
大埔公路發生嚴重車禍，傷亡慘重，加上正值流感高峰期，血液需求大增，不少市民響應紅十字會呼籲踴躍前往捐血，多個捐血站均大排長龍。
在荃灣捐血站，人龍排至天橋底，有網友指需排隊至少兩至三小時，有網民稱「一方有難，八方支援」。
排隊捐血人數眾多，旺角捐血站下午張貼通告，指預料捐血人士需等候至少兩小時。通告又指血液儲存期有限，中心需要每天有足夠市民參與捐血，才可提供充足血液予病人使用。
有網民呼籲，「有事出分力是好，但街坊們要留意血液都有時限。所以定期捐血不是夢」，亦有網民大讚「『真』香港人真心有愛，一方有難，八方支援」、「總有愛」、「有愛在人間」、「香港人加油」。
藝人陳敏之到尖沙咀出席「big big明星市集」，她說：「通常星期日我都會陪我個仔嘅，但係今日做善事好有意義，我都係第一次喺呢個戶外場地擺檔，我冇帶個仔出嚟，因為依家流感，唔會去人多嘅地方，佢連學都冇返，我自己出街都袋住消毒藥水同洗手液，我要保護自己，唔可以病，唔可以將細菌傳畀屋企人！」
敏之被問到對近日城中就流感疫苗成效議論紛紛，她表示：「我本來都想打疫苗，但咁啱患咗感冒唔打得，依家好番！我個仔冇打疫苗，因為我老公有男人自己嘅一套想法，認為注重衞生就得喇，唔想個仔接觸咁多藥，唔係話認為疫苗冇效，我本來都約咗醫生，想偷偷帶個仔去打，但怕有乜事，老公一定鬧！（網上眾說紛紜有冇影響你？）冇，打唔打應該靠自己分析，每個小朋友體質唔同，要因應環境，所以兩邊都各有支持者，我會尊重老公，大家嘅大前提都係想身體好啫！」
(on.cc東網)
萬人迷碧咸（David Beckham）日前宣布將在美國做邁阿密足球隊班主，碧咸嫂對此大為不悅，仲鬧碧咸自私，婚姻危危乎！
今次碧咸就帶仔女飛往紐約爲老婆Victoria時裝秀撐場，只見碧咸女兒哈七一直疑似黑臉抿嘴的照片。
直到最後一張照片才破功，原來哈七牙齒正在換牙期，網民直呼太可愛！
哈七從機場出關一路甜笑擄獲網民的心，碧咸寵女行徑也被網友笑稱「即便抱不動了依然不用自己走路」、「女兒就是要放在手掌心上疼啊」，不愧是出了名的疼女兒！
而一路只有哈七能坐在行李上，兩個哥哥卻走在前，碧咸果然是把女兒寵上了天！
哈七越大越似爸爸碧咸~
（sina）
