黃百鳴喺荃灣經營嘅戲院今日正式開幕，呢間戲院以兒童為主題，開幕兼首映電影就係佢有份配音嘅動畫《狗仔有喜事》，出席嘅嘉賓有陳靜（DaDa）、薛世恒、莊思敏等。
黃百鳴接受訪問時話今次係配狗仔角色，張繼聰做主角，佢話：「因為今年係狗年，所以揀咗部狗仔片。」佢話今年唔做《家有喜事》系列電影，係因為唔想年年拍，下部預計要到2020年先有。講到下部電影，計劃會係《葉問4》，講到宇宙最強甄子丹片酬。
黃百鳴新戲院開幕，戲院主題係兒童，首映都係兒童動畫。
佢仲自爆，好快又做老爺。
DADA
莊思敏
佢話：「甄子丹一億都唔肯，要過億。唔係我畀佢，係個市場畀佢。如果拍第二啲戲，呢個價就未必值，但拍《葉問》就係超值，不過仲要分紅畀佢。講貴，更係宇宙最強貴過周星馳。」黃百鳴話已經畀咗訂金甄子丹，笑言唔會攞苦嚟拍同葉問對打嘅戲。佢又自爆新抱再度懷孕，好快又做爺爺。
(蘋果日報)
韓國41歲「OST女王」白智英2013年跟細9年嘅韓劇《屋塔房王世子》32歲男星鄭錫元結婚，兩人現時育有一女，不過鄭錫元噚日被爆涉嫌喺澳洲吸食毒品，被警方緊急逮捕後受查近22小時。
雖然老公涉吸毒，但白智英為咗遵守同粉絲嘅約定，今日如常喺首爾奧林匹克舉行個人演唱會。而白智英亦有喺台上落淚剖白心境：「首先好感謝今日嚟演唱會嘅大家，我都知大家好擔心，所以冇可能唔提呢件事。我都係透過報道先得知(老公涉毒)呢件事，之前咩都唔知。我丈夫做咗好大嘅錯事，正為事件反省中，而身為老婆嘅我亦一同反省中。」白智英又表示因為今次嘅事令佢諗返起結婚時嘅誓詞，稱無論係開心定困難嘅情況都會陪喺老公身邊，以廣闊嘅胸襟守護對方。白智英坦言要如常今日嘅演出其實好難，但為咗粉絲會鼓起勇氣演出。
（Apple Daily）
歌手胡琳（Bianca）身處於冰島拍攝新專輯內兩首歌曲的MV。完成當日拍攝後，回程時卻遇上驚險意外。Bianca跟攝製隊坐的整架車倒後跣落另一條道路上，片段中可見現場白茫茫一遍，吋步難行，四周都布滿積雪，更清楚可見雪粉密集式灑落。Bianca以及製作團隊被救出逃離已傾斜的車廂，因突然再刮起強風，所以只可微弱聽見Bianca交代當時情況以及報平安，鏡頭一轉就見到已有警車抵達，眾人安全離開事發現場。
天氣變幻莫測
事後Bianca接受訪問時交代事發經過，她淡定表示今次是整個製作團隊第一次去冰島，所以在起行前都有做好多資料蒐集，例如拍攝地點、天氣狀況等。Bianca感嘆親身經歷過後才真正感受到冰島的天氣變幻莫測：「每5分鐘係一個季節，身體上嘅嚴寒喺拍攝嗰陣都應付到，但路面嘅狀況就真係一啲都預計唔到，當時我哋5點幾收工都仲係天光嘅，一路喺雪山公路上面行，天氣狀況都好正常，但突然之間就刮起一陣怪風，跟住啲雪粉就向住架車一直飄。」她指當時交由本地導遊駕駛，事發前所有人於車內都興高彩烈地拍攝車外橫風橫雪的情況，能見度非常低，突然就刮起一陣怪風。
感激冰島人熱心救助
事發後，Bianca笑言自己當時唔識得驚，完全唔知發生咩事：「只係本能反應，好大力咁捉住隔籬攝影師件衫，其實都好搞笑，張開腳坐穩啲，跟住我聽番其他人講，大家雖然係驚，但個腦都空白晒，好好彩，導遊個電話有訊號，咁佢就打電話叫推車嚟救我哋，等咗一陣間就上咗另一架車。」Bianca又大讚冰島市民每一位都好熱心，短時間內連續有多架車輛都停低跑上前打開車門問候我們。佢又都驚嘆冰島四周景色非常美麗，未試過到如此多美景的地方拍攝，稍後會完成餘下未拍攝的部分，她表示希望順利完成返港。
（ON.CC）
台灣型男彭于晏（Eddie）靚仔之餘，生得健碩又高，係唔少女士們心目中嘅男神，加上可愛性格，成功俘虜萬千少女嘅芳心！外表已經贏晒，而Eddie連內在美都係一等一好男人！點解？啲人成日話錫阿媽、孝順嘅男人係好男人，而Eddie正正就係乖仔！
眾所周知，Eddie向來工作繁忙，一年都唔知有幾多日假休息，最近佢趁住空檔期，同媽媽飛到西班牙馬德里旅遊，仲將旅行相放上社交網同網民分享。相中見到Eddie同彭媽媽喺街上大玩自拍，兩母子齊齊擺出可愛表情，十足餅印一樣。唔少網民留言大讚Eddie係孝順仔，仲話好想去當地撞吓佢添！
彭于晏出賣媽咪嘅食相。
彭媽媽同阿仔一樣咁搞鬼。
(東方日報)
早前離開無綫向外闖嘅樂瞳，最後一部參演嘅劇集《平安谷之詭谷傳說》尋晚終於大結局。樂瞳喺劇中要犧牲靚樣飾演粗魯大食嘅「牛屎妹」，又要化黑塊面自毀女神形象，真係豁晒出去！呢日佢就喺社交網發長文感謝觀眾支持，坦言背後有好多辛酸事，但好開心大家見到佢為角色嘅付出，仲話對演戲仲係好有憧景，叫大家等佢咁話！
樂瞳飾演粗魯大食嘅「牛屎妹」
全文：
就這樣，我在Tvb最後的一套劇集播映完畢，很感謝觀眾朋友們的支持，感謝那時候台前幕後的照顧。很感觸，拍攝的時候的確是有許多不為人知的辛酸，但現在有很多不同的人也看到我為角色的付出，可以在最後一刻留下美好印象（雖然真的很醜🙈）給大家，我覺得真的很開心，一直遵從自己原則，從訓練班一路走來就從沒想過可以一步登天，一直覺得只要努力，別人是會感受到的，雖然現在離開了，但我對演戲仍是很有憧景，仍然在等待那個屬於我可以給我爆發的角色。謝謝你們喜歡很醜很粗獷的牛屎妹。謝謝每位鼓勵過我，看過我喜歡我這10年演員生涯作品的每一位，很開心能成為你們成長青春的一部分。等我。
好多網民都留言比樂瞳，叫佢加油！！
(IG / ON.CC)
經典神劇《還珠格格》重播又重播，近日在湖南衛視早晨時段播出成績依然突出，力壓同時段電視台播出的劇集近倍，再一次成為網上熱話，不愧為經典中的經典
隨着劇情播出，香妃（含香）的出現又引起大家注意，登上熱搜有23萬人討論，滿滿的回憶又返晒嚟。
有睇《還珠格格》的都知道，香妃（劉丹飾）是維吾爾族人，因為父親戰敗而進頁給乾隆，而她原本有體香問題，成日吸引許多蝴蝶前來，香味十足邊跳舞，畫面十分唯美，乾隆對她更是寵愛有加。而她與兩位格格小燕子（趙薇飾）﹑夏紫薇（林心如飾）更是患難與共，為了她與情人蒙丹的一段情而想出好多私奔方法，在她身上完全見唔到缺點，「美若天仙」來形容她絕對不誇張。
不過好可惜飾演香妃的劉丹红顏薄命，在2000年的時候於深圳因車禍而死亡，當時只得24歲，令不少粉絲失聲痛哭。據知，在她拍《還珠格格》的時候，因為美貌而令不少男演員有讚無彈。如今18年過去，劉丹再一次出現在電視機前，她的美態又再一次令不少人迷倒，在大家心中是永遠的香妃。
《還珠格格》次次重播都勾起一代人回憶，話題絕對講唔完。雖然，一眾主角趙薇﹑林心如﹑蘇有朋一直想從角色轉型，不過他們留給觀眾的印象實在太深，又再一次被打回原型其實唔係壞事，證明了他們在觀眾心中有一定的地位。而當年一眾主角，甚至當丫鬟「金鎖」的范冰冰，也可享受因《還珠格格》而來的當紅成果，可惜「香妃」不僅沒有走紅，更在大好年華便身亡，人生無常，莫過於此。
(HK01)
韓劇《五個孩子》嘅36歲女星蘇有珍於2013年同大過佢15年嘅餐飲企業家白種元，並於2014年誕下大仔及於大前年誕下長女，去年二人宣佈喜訊，蘇有珍懷第三胎。
而今日蘇有珍方面就宣佈好消息，佢已於噚日誕下次女，其事務所指「蘇有珍於8日在首爾某婦產醫院經過3小時陣痛後誕下第三胎女兒，母女都很健康。丈夫白鐘元在蘇有珍分娩期間一直在一旁守候，現在十分幸福。蘇有珍短期內將集中於身體恢複和育兒，今後會繼續通過好的作品與大家見面。」
而蘇有珍有今日亦有喺Instagram上載與次女及老公合照。
其餘兩名子女
(Apple Daily)
日前到加拿大參加「冰極長征」慈善跑時，因不敵極寒天氣而按下求生掣的模特兒梁諾妍（Inez）今晚7時多返港，略施脂粉的她看來氣色不錯，並獲父親前往接機。Inez甫踏出機場立即和父親擁抱並在爸爸耳邊說道：「終於返到來喇！」場面溫馨。
梁諾妍去完極地長征。 
雖然剛搭咗廿幾個鐘飛機，Inez稱不算太疲倦：「暫時都未攰，立即會同屋企人去食團年飯，只係唔知係太痕定太乾，全身都有起一啲好細粒嘅爛，仲有手指邊仲可以見到少少瘀血。」
梁諾妍老竇嚟接機！ 
同老竇攬攬！ 手腳凍傷
據稱她比賽期間手腳有凍傷，Inez就話現已康復：「嗰陣手指、腳踭同腳趾都變晒做白色，好痹，掂到都會痛，好彩冇變黑，如果唔係就大件事。仲有我塊面，嗰兩日係腫晒，係咁甩皮，搽咩都冇用。好彩依家已經冇咩事，睇唔到明顯傷痕。」
問到現時的心情，Inez坦言可惜：「都覺得係有啲嘥，其實體能上係應付到，好彩之前有訓練，我哋第一日都行咗50公里，但係天氣實在太凍，第一晚就遇上全年最凍嘅夜晚，係負48度，連抖氣都辛苦，皮膚一接觸到空氣就會傷，冇辦法。」
梁諾妍凍到傷晒！ 
仲想參加南極北極賽事
回想起等待救援的經歷她猶有餘悸：「嗰陣真係有啲絕望，因為係等得好辛苦，初頭我哋三個坐喺營入面係咁震，又瞓唔到，可能女仔係更加受唔到，後來我就自己出去係咁不停行，但係無論做啲乜都冇辦法令自己暖啲，等嗰段時間人係好崩潰，衫都結晒冰着唔番，得番最厚嗰件羽絨仲着到。」她說現在首要是休息調養身體，暫時對極寒天氣留有陰影：「都仲係會想參加南極北極嘅賽事，但最多接受到負廿幾度，負四十幾就真係唔好喇，原來係真係會差好多。」 
有少少瘀血！ 
大合照！
(東方日報)
馬來西亞女星廖子妤（Fish）來港發展及居住滿了六年，日內就返家鄉與家人過年，她說：「馬來西亞同香港差唔多，去食團年飯、同親友拜年，馬來西亞有一味叫撈生，即係香港人叫嘅『撈起』，撈起時大家要講好多吉利說話，今年想要達到咩目標或願望，撈完咪風生水起，我都好想返去撈過起。」
Fish坦言去年事業最勁，一口氣連接了五部戲，她說：「兩部係主演，三部係客串，好多工作同拍戲機會，多啲人識我，今年好想乘住上年嘅好運，事業再好啲。」隨着工作增多，她的收入也有進帳，她笑說：「今日想食壽司就食，聽日想食燒肉就食。」回想起初來香港時候，因為無錢連發高燒都不敢睇醫生，她說：「公司都有叫我睇醫生嘅，但我真係驚貴，冇乜錢，嗰時我有帶成藥嚟香港，諗住自己都冇工作，瞓覺多啲休息應該會好嘅，（唔辛苦咩？）都幾辛苦，嗰時自己走落街買咗好多支水、乾糧，係咁飲水，食完就食藥瞓覺，因為人體係有自愈能力，因為發緊燒，好似好番啲，落街買嘢食又燒番，唔單只全身燒，又會骨痛，但我都要食飯，惟有自己再爬落去，我真係唔想欠人哋嘢，所以有咩問題自己解決，嗰段時間比較難捱啲。」
Fish (最左)上年憑《骨妹》入圍金像獎最佳女配角提名名單，吐氣揚眉~
除了不敢睇醫生，Fish坦言之前每一餐都要計住，她說：「想買嘅嘢都要諗過度過，食一餐飯都要計住，因為驚會使大咗，冇咗生活費，（最窮困係點？）因為我每個星期只可以攞一次advance(預支）400蚊，係經理人公司畀我，合約寫明嘅，有一次去到星期五先發現我得番20蚊，但星期六、日公司又冇開，呢20蚊要用三日。」
樂天知命嘅Fish
（ON.CC）
藝人黎諾懿去年4月喜添一子黎峰睿（小春雞），一家三口幸福滿瀉！做咗人哋老竇嘅黎諾懿專心拼搏事業之餘，亦不時化身湊仔公成日大晒親子樂，簡直羨煞旁人！
呢晚，黎諾懿又喺社交網貼出兩條片，透露小春雞唔肯瞓，佢發文：「黎峰睿見到爸爸放工唔肯訓（瞓），大件事😳😳😳😳😳😳😳😳😳」BB唔肯瞓點算好？黎諾懿之後就索性出盡奶力陪囝囝玩，見佢拎起件玩具不停氹囝囝笑，小春雞同老竇玩得開心就自然更精神，不停咁「哈哈哈哈哈哈哈哈」大笑，笑聲充滿成個客廳，超級治愈呀！
(IG / ON.CC)
