陳凱琳（Grace）昨晚以性感透視造型，出席電影特別場，她覺得性感程度還算OK ，但笑言當告知男友鄭嘉穎出席此活動時，對方反應是：「他說：『吓？又要著Bra？』他不是不給我這樣穿，但會說不要那麼性感。（男友只准他自己看，不想妳被別人看？）No！可能他是怕我Daddy不開心而已，為我Daddy著想。」
陳凱琳表示只看過此部電影的第一集，但看的時候很怕醜，邊看邊用手遮遮掩掩：「好似在看恐怖片，感覺在開心與不開心時間，因驚驚哋但又要看。」不過Grace說沒試過與嘉穎一起看激情片，可會受拍這類戲？她直言：「我想我的尺度去不到。（如果和男友拍呢？）都不好了，我想他也不會拍。（有協議大家不拍這類片？）我肯定他不會拍。」
鄭嘉穎
（明報 / ON.CC）
41歲陳伶俐已經係三子之母，除咗同前夫林敏驄所生嘅兩個囝囝林肯(Lincoln)、林善(Yohji);14年再婚，為現任老公、新加坡富豪劉頌銘生多個得意B仔。
今日係大仔Lincoln嘅19歲生日，凌晨時份，伶俐就係社交網貼咗一封感謝囝囝嘅公開信，又貼咗o依家已經喺香港大學升學嘅Lincoln，上年喺DSE考獲好成績嘅成績單，全部攞5*或以上，真係好叻仔！
伶俐好感觸，知道今天一切得來不易，在信中特別感激當年只有13歲嘅Lincoln好懂事，鼓勵媽咪再婚。伶俐話怕失去一對寶貝仔，但Lincoln安慰媽咪﹕「到時我們成家立室，得你自己一個人，我們仲內疚啦！」
陳伶俐給Lincoln的信：
多謝乖仔你，很有心思和努力地…在2017年～我40歲～送了一份很大很大的禮物給我！還對我說：「媽咪，我好想為你做點事…..」我真的感到欣慰…更感動得…流下淚來…（放心，這是開心的淚）19年前的今天…剛到22歲的我，不理世俗眼光…義無反顧…排除患難，堅決地把你帶來這裡…跟自己說：「要為自己的任性，負上一世責任！一定要好好把你養育成人！」就是這份任性，所以更努力工作…更拼命去生存～靠自己的一雙手，要做好母親的職責！2010年，你鼓勵我去拍拖，跟我說：「找個男人好好錫你，倍(陪)下(吓)你去旅行玩下(吓)，都成33歲啦！成日做嘢都沒有認真去玩下(吓)…..」原來，11歲的你…知道我那廿幾歲的生活瑣碎事……2012年，我問你：「阿仔，點算好？有人竟然向我求婚…. 」你興奮地說：「梗係結啦！」但我答：「我怕…更怕失去你們…我會內疚的…」你搶著說：「到時我們成家立室，得你自己一個人，我們仲內疚啦！」說到這裡……淚…今次是感觸感恩的淚…真的要多謝上天送給我「這對寶貝仔」～我的幸福快樂是你們送給我的今天，你就19歲了！媽咪真的好高興～高興的是你的懂事和生性，令我想起…那些過去…苦與樂…一切一切都是值得的！多謝你倍(陪)我過渡那些年…那些事…！祝你生日快樂！身體健康！繼續享受你的大學生活～他日你想做什麼，我都一定會全力支持你的！
你也要好好享受和珍惜你的時光！再一次多謝你…是你…成就了今天的我！
～乖仔Lincoln ～
永遠愛你的媽咪
（蘋果日報）
宅男女神簡淑兒（Jessica）於TVB劇集《平安谷之詭谷傳說》中，飾演醫生賈東陽（鄭子誠飾）的女兒淼淼，她在之後的劇情中，將會跟周學文（謝東閔飾）私奔，逃離平安谷，但原來在現實中，Jessica也曾被家人阻撓她拍拖。
Jessica出席 TVB劇集《波士早晨》宣傳，佢接受訪問時話，雖然佢在美國長大，但家人對她管教甚嚴：「由細到大，家人都對我好嚴謹，除咗圖書館，其他地方都唔准去，唔可以去公園，唔可以去朋友屋企。」不過管得愈嚴，子女反抗得愈厲害，Jessica都唔例外:「我當時比較反叛，會講大話呃屋企人話去圖書館，但其實去公園同朋友屋企。」不過知女莫若父，Jessica爸爸試過因為唔放心，偷偷地跟蹤佢：「佢仲要跟完返到屋企先鬧我。」
Jessica爸爸唔只唔准佢去街，連佢啲衣著都干涉，裙太短同布太少都唔得，Jessica細個時一直都係短髮，青春期開始留長頭髮，而且注重打扮，一度令爸爸非常擔心，以為有男仔追佢，唔通每個父親都有呢啲其通點？
為人父母，驚小朋友細個亂交損友，當子女大個，又驚佢哋無拖拍。（IG圖片)
Jessica生得咁靚，爸爸擔心男仔埋身都好正常嘅。
其實Jessica爸爸之所以對佢咁嚴厲，都只係出自關心，Jessica話:「雖然爸爸對我哋好嚴，不過佢對我哋好好，非常愛鍚我哋。」而最搞笑的是，Jessica爸爸喺佢細個時就擔心佢拍拖，到佢大學一畢業，就催佢快啲有拖拍，最好即刻結婚添，Jessica笑言依家都會氹住爸爸:「搵緊㗎喇!」
（HK01）
粉絲一直以為佢婚後生活安好，點知原來。。。
45歲新加坡女歌手陳潔儀唱過金曲《等了又等》、《心痛》走紅，四年前參加大陸節目《我是歌手》復出，近日佢接受新加坡媒體專訪，佢2012年底同拍拖13年從事金融業嘅Han拉埋天窗，擺酒只邀請親友席筵開8圍，不過佢喺專訪中透露上年已離婚，稱目前係單身，「我隱瞞了很久，只有幾個非常親密的朋友知道，我的家人也是事後才知道。」
陳潔儀與前夫冇生小朋友，對於離婚一事，陳潔儀解釋公開分訊原因：「很簡單，我不想再回答『情人節怎麼過』這類問題，我不想演戲，說出來是好的。」
陳潔儀指自己一直好心智、心理及獨立，「我有事都需要自己先清理頭緒，才可能會聽得進別人的意見。無論如何，感情是兩個人的事。」
佢又指去年係一段非常難熬嘅時期，幸好靠工作同朋友排解寂寞，先令佢走出離婚陰霾，陳潔儀噚日仲喺微博有感而發：「感謝並接受上帝賜於我們生命裡所有美好的事與物很容易。但，要理解和感恩祂容許不好的人或事走進我們的生命，是相對困難的。雖然如此，我還是會嘗試感恩。我正進入人生新的階段；有很多值得我期待的，當然也有許多必須拋下的。」
唔少fans為佢打氣，「希望我們都能成為你生命裡的美好，愛你」、「你的新生活我們將忠誠守護」。
陳潔儀被譽為「新加坡國寶」女歌手，1997年曾與張學友演音樂劇《雪狼湖》，2006年後一度淡出娛圈，2014年參與《我是歌手》再次成為焦點，近日佢先首度親口承認恢復單身，令一向以為陳潔儀婚後生活安好嘅歌迷很錯愕。
(蘋果日報)
台灣「天王嫂」昆凌為老公周杰倫（周董）誕下囡囡（小周周）及囝囝（小小周），有時間佢就會繼續做嘢，返到屋企就專心湊仔，得閒又陪周董外遊，人前真係一個幸福少奶奶，不過在職媽媽嘅辛酸其實冇乜知……
平時愛以靚相示人嘅昆凌，睇相就以為佢湊仔湊得好瀟灑，不過鏡頭後佢都有好大付出，今次昆凌就畀造型師「出賣」，將佢工作時嘅化妝照放上網，昆凌身邊仲見到一對仔女嘅身影，原來佢為咗可以把握時間促進親子關係，連化妝時都要帶埋「雙周」。
大髀瞓住小小周，身旁又企住小周周，一心三用，真係唔好講笑，唔怪得之造型師都忍唔住話睇見都辛苦，真係辛苦晒昆凌喇～～
(蘋果日報)
生兒育女從來不是一件容易的事，女士們經歷十月懷胎到誕下孩子，當中承受的痛楚男士們這輩子都不會知曉。不過，最近竟有一名網民於討論區發帖，指因為老婆生了兩名子女後「走晒樣」，導致自己出軌，帖文一出隨即被網民圍攻，批評他嫌棄老婆，並為自己的過失找藉口。
網民「 breenda8 」日前於香港討論區以「老婆生左兩件走哂樣 先搞到我出面有第二個」為題發帖，指與老婆結婚數年，育有兩名小朋友。發帖者指結婚前老婆非常漂亮，曾經被星探發掘，當時非常擔心她被其他人搶走。
發帖者續指，後來老婆生了兩個小朋友後，「成個人走晒樣」，形容她「又肥又腫」，望著對方都會感到傷感，後來有位女子經常親近自己，最終按捺不住與對方發生關係。發帖者最後指「其實我都唔想，但佢身材同個樣都比老婆好好多，好擔心比老婆同屋企人發現左會影響我地關係，點算好？」
帖文一出隨即引起網民圍攻，批評發帖者不體諒妻子生子之苦外，更要嫌棄她身材走樣，並將自己出軌的責任推卸導方，形容他「冇良心」、「影衰男人」。
(SINA)
關寶慧為新片創新難度，挑戰驚嚇妝容，慘被針線縫實雙唇，搞到斷水斷糧，但她笑指可以變相減肥，還透露雙手都有特技化妝，搞到去廁所都困難重重，認真大犧牲！
藝人關寶慧、衛詩雅、林德信與吳耀漢等日前到馬來西亞拍攝新片，其中戲路多變的關寶慧以破格造型亮相，慘被針線縫實雙唇！雖然看起來非常驚嚇，但她卻笑說：「其實咁樣都有好處，因為嗰邊實在太多嘢食！唔單止好食，仲要好平！畀人縫住個口就有晒理由抵抗呢啲誘惑，因為我每次開工都係堅持邊拍邊Keep弗。」
雙手化特技妝 呻如廁難
除了慘被「縫嘴」，關寶慧又透露連雙手都有特技化妝，所以連如廁都非常不便，索性唔飲水！問到有否頂唔順？她即稱自己意志堅定：「開工唔肥得！就算拍完通宵戲，我都一定會着晒『全副武裝』先至瞓。（煞科即破戒？）梗係啦！又食榴槤又食麵，一日食幾餐！」
不過，關寶慧坦言只能放縱一會，因為除了為ViuTV主持節目，稍後又要與劉玉翠及莫家堯等演藝學院校友排練舞台劇，準備在年末公演：「劇本仲翻譯緊，完成後就會圍讀。（好高難度？）都係！因為我個角色喺外國多數會搵大牌演員做，我唔敢講自己有呢個Level之餘仲要做十幾場。」她又指今次是畢業後首次與劉玉翠合作，非常期待：「我深信大家一排戲就會上晒手，效果應該會好好，但真係估唔到一眨眼就畢咗業成30年！」
(ON.CC)
早排內地網民刮起旋風，逐一抽出在內地的企業，是否有將將港澳台及西藏列為「國家」。原本只是國際著名酒店集團萬豪國際，後來達美航空、美國醫企美敦力（Medtronic）及服裝品牌ZARA的中國官方網站，都被抽出。
本以為隔了差不多一個月，事件經已告一段落，但藝人余文樂創下的潮牌MADNESS剛剛又中招，因為官網寄送說明中，就是將港澳台及西藏列為「國家」，惹上內地網民質疑「港獨」問題，余文樂作為創辦人立即道歉，在微博「跪玻璃」，承認自己對公司品牌監管不力，「出現這麼大的錯誤和誤會，我難辭其咎」。
余文樂聲明中指：「我作為MADNESS的主理人，對於公司品牌監管不力，出現這麼大的錯誤和誤會，我難辭其咎，也感到非常抱歉。對於此事，我們將深刻檢討，日後工作中絕不容許此類錯誤再次發生！再次向所有關心我的人致歉！」不單是余文樂自己發聲明，連官方IG都要道歉。
部分網民繼續鬧爆！
事情發展始料未及，在網民一邊指罵余文樂「政治不正確」的同時，粉絲轉為改投向陳冠希擁抱，他們說：「你真的比不上陳冠希！」，原來今日陳冠希在天貓上推出心口寫上「華人」兩字的T恤，是於紐約時裝周走秀款，粉絲大讚陳冠希是為中國人爭光。陳冠希和余文樂自2008年「撞膊事件」不和，明爭暗鬥至今足足10年，看來今天終於分出勝負。
(Singtao / HK01)
藝人楊潮凱及周志康到馬鞍山出席無綫明珠台「BE MY VALENTINE 情濃二月」活動，楊潮凱透露太太的預產期為下月中，他笑說：「我都好緊張，周圍搵奶粉錢，太太想自己順產生BB。（執咗走佬袋未？）執咗啲，但原來我發覺有得賣。」提到近期流感肆虐，楊潮凱表示之前要濕身拍遊戲節目，搞到「病病哋」，問到有否自我隔離，他笑說：「我擰轉面瞓，戴口罩瞓仲辛苦，瞓唔到仲病。」
問到會否入產房剪臍帶，楊潮凱說：「其實我想嘅，因為我想入去影相。」他又笑謂因太私隱，所以不會直播。至於是否已為BB改名，他說：「未，想出嚟睇吓嗰感覺點諗。（男定女？）我知嘅，但唔講畀大家聽住。」
而周志康笑言待對方BB百日宴才準備禮物，楊潮凱即笑謂人可以唔到，但禮要到。
此外，對於有指哥哥周志文緋聞女友劉佩玥（Moon）已「融入」家中，周志康否認說：「冇啲咁嘅事。（佢話見過你阿媽？）我都唔知。（有冇問阿哥感情事？）冇問啦！我同阿Moon都係朋友，佢平時都有一齊出席我哋活動，佢哋係Happy Live骨幹成員。我有老婆，唔好傳我同佢。（佢阿哥會唔會隱瞞你？）應該唔會。我睇吓佢瞓覺會唔會叫阿Moon個名。」
他又笑謂可以與楊潮凱組成「人夫HeHe」組合。
(on.cc東網)
台美混血歌手倪安東，09年由《超級星光大道》走紅，但近年來負面新聞係咁爆。呢位育有一女嘅人夫，去年六月被爆偷食女歌手管罄，激吻照曝光，倪安東老婆ViVi頂唔順老公係咁偷食，日前以配偶權遭侵害為由入稟，向倪安東與管罄分別索償100萬新台幣（即27萬港元），及爭取女兒撫養權。案件於下月14日台北地方法院開庭。
管罄同倪安東至今尚未回應，但有指倪安東早就將財產轉移去母親名下，ViVi就算打贏官司，拎唔拎到錢都成問題。講番倪安東，佢真係「出色」到一個點。2010年同任職護理師嘅ViVi結婚，2011年女兒出世，倪安東因為擔心婚訊曝光，竟狠心唔陪太太入院；直至2014年才拍片承認秘婚誕女，稱：「因為愛，暫時不讓妻女接受外界關注。」
為人父後，倪安東感情生活仍然精采，偷食嫖妓都做齊。去年同管罄激吻照曝光，原來仲有後續。當時Vivi向倪迫供，倪亦和盤托出，自揭曾偷食「女神級藝人」、某女藝人、知名主播，甚至曾於新加坡召妓。
據錄音稱，當時Vivi追問倪安東同該名女神級藝人上過幾多次床？倪回答兩年前喺北京，稱「只有一次」，ViVi追問：「她床上表現如何？有沒有比我好？」倪安東答：「比你好。」嬲到ViVi要倪安東用微信同女方對質，但對方回覆：「我以後不會和他再見面了、我都要結婚了。」
問題就係，曾經同倪安東合作過且能稱為女神嘅，只有2012年合拍《愛的麵包魂》嘅陳妍希，同2013年合拍《天后之戰》嘅劉香慈，仲要係咁啱兩女都結咗婚。
結果劉香慈同陳妍希急急澄清，劉香慈話：「我沒去過北京。」陳妍希就透過公司駁斥，稱若有傳媒或網民發表不實言論，將採取法律行動。
(蘋果日報)
