【入大台廿年、拍過超過50套劇】正式離巢：係自己想要嗰種自由

2017-12-14

入行30年，喺97年回歸無綫嘅黃德斌，上個月正式離開呢個合作咗20年嘅地方，出去闖一番事業。不過呢個消息似乎一啲都唔意外，其實早喺十月中，已經有網民留言話德斌將會離巢，無綫又少咗一個好戲之人，甚至話少咗個猛將！

日前德斌喺尖沙嘴接受《蘋果》訪問，講到網民話嘅留言，德斌就話：「我唔會咁諗，佢哋有大把人材，少咗一個公司又唔會話有乜嘢大影響，可能係一啲睇慣咗嘅觀眾，不過真係好多謝佢哋，對我嚟講係一種鼓勵，我又唔係唔會拍，可能將來有機會再合作。」

但係話晒喺一間公司做咗20年，要離開唔係一件容易嘅事，佢都話：「係㗎，嗰陣點都有啲掙扎，但係又係嗰句，老土啲，天下無不散之筵席，再加上o依家嘅環境已經唔同咗，我相信有多咗合作機會，唔會話走咗就係走咗。」唔知回復自由身，吸咗嗰啖自由嘅空氣嘅感覺又係點呢？德斌話：「好舒服，係positive，其實係自己想要嗰種自由，嗰啖空氣係想咗好耐，o依家有好多嘢傾緊，有啲係意想不到。」

唔知有冇覺得遲咗？德斌就話：「冇話遲或者早，呢啲嘢自己隨心喇，想出去咪出去。o依家覺得係時候做多啲唔同嘅嘢，試多啲唔同嘅路，同多啲唔同嘅人合作。」佢仲話：「其實做咗咁多年，有啲乜嘢角色係未做過？拍過電影，又做過舞台劇，喺呢幾年我都喺出面做嘢多，公司嘅工作反而唔多，出面嘅世界真係好大，電視城係一個小世界，我咪趁住呢個機會，出去開吓眼界。」

德斌仲話嚟緊會喺上海做舞台劇，明年可能有機會去澳洲、加拿大演出，o依家仲喺度傾緊。近年韓劇攻佔咗中、港兩地市場，小鮮肉固然吸引，但係大叔亦都有一定嘅叫座力，唔知呢方面又有冇加強德斌嘅信心？佢就話：「唔關事，不嬲都係咁，有份量嗰啲演員，其實好多都好有資歷，你睇吓嗰啲經典台，做得嘅人唔係個個都係年青貌美，既然我都仲做得，點解唔出去試吓？」

出得嚟行，風險一定會有，德斌笑笑口話：「對我嚟講，入呢行已經係好冒險，自己又照吓鏡，點解你又會喺度嘅？唔爭在試多次。做人一定要有冒險精神，我以前都過做過好多冒險嘢，好似去沙漠跑步，又走去喜馬拉亞山，連唔識唱歌都走去唱，如果你唔去做，又點會知道自己得唔得？點解唔出去試吓？有時做人諗嘢又唔使咁複雜，可能去返後生嘅想法，唔好諗咁多，想做就去做，反正將來係未知之數，諗咁多都冇用，做唔到又唔使死，香港地只要你肯做就得。」

總結喺無線呢20年嘅生活，德斌話：「多謝晒，始終佢係幫咗我好多，嗰陣由路人甲乙開始，再做到o依家，好想講多謝一啲俾過工作我嘅人，係佢哋俾咗好多磨練，咁先可以今日嘅黃德斌。」

(蘋果日報)

【羅敏莊錄囡囡音】小小陳禛有大大夢想

2017-12-14

藝人羅敏莊與囡囡陳禛到電台為節目錄音，接受訪問時，提到羅敏莊為陳禛推出唱片，她表示臨近聖誕節，所以特別錄製聖誕歌送給親朋好友，她謂：「本身錄音已經做咗6首，佢依家又鍾意聽Beatles（披頭四）嘅歌，但好難拎到版權。原本係想配合聖誕卡一齊送畀同學仔同朋友，但印唔切就整咗依隻碟。」

羅敏莊直言製作聖誕唱片不是為錢，是老公陳國邦提議想將陳禛的聲音紀錄下來。問到陳禛長大後可會想當歌手？她笑言：「我想做老師！」而羅敏莊就搞笑指囡囡經常在家中扮演老師。

羅敏莊同囡囡擺晒甫。

簽個名先！

陳禛好Chok呀！

陳禛大個想做老師。

(ON.CC)

【防曬化妝品】大學研究：或對人體有毒

2017-12-14

澳洲雪梨大學的研究人員的研究發現，納米材料可能會損害人類健康。學者表示，部份納米材料（如膠體銀、二氧化鈦）在歐洲部份地區被禁止使用，但澳洲則沒有相關限制。

雪梨大學納米研究所兼藥劑學院副教授 Wojciech Chrzanowski 說：「我們現在對納米材料的標準測試與其他標準化學品相同，但事實上這些納米材料的性質截然不同，所以我們可能需要不同的標準和不同的測試方式。」納米材料極其微小，僅為人類頭髮闊度的一千份之一。納米在一些食物中天然存在，有些則是後期加工的。科學家利用納米技術來加快傳送化療藥物，以抗擊癌細胞。

在日常生活中，納米材料經常用於防曬產品，以保護皮膚免受有害紫外線的傷害，一些研究已經提出了納米材料可能帶來的副作用，例如紋身墨水、化妝品、藥丸和棒棒糖上的光澤塗層等都有可能對人體造成不良影響。

Someone applying suncream

最值得大眾關注的是二氧化鈦對免疫系統的影響！Chrzanowsk 副教授表示，雖然一個身體健康的人可以對付大多數納米粒子的影響，但對於病人，特別是免疫系統較弱的病人，納米粒子究竟會產生什麼影響，他們現在亦難以確定。他說：「我們還未能充分了解納米粒子如何與細胞、腸道細菌相互作用。我們仍然需要深入分析他們準確的屬性為何。」

澳新食品標準局（Food Standards Australia New Zealand）要求任何使用納米技術制作的新食品需要經過科學測試，才能在市面上出售，以杜絕可能帶來的潛在安全隱患。雪梨大學醫科學院的免疫學家 Laurence Macia 博士說，納米材料可能會導致長期的影響。她說：「法國和德國已經剔除了一些含有納米材料的產品，包括二氧化鈦，又要求產品貼上標籤以明確表示食品含有納米材料，但這在澳洲根本未有討論。」

（SBS）

【網民：心疼你】上次撐天明「我很信任他」今次就…

2017-12-14

周家蔚2013年1月為洪天明誕下一子，翌年6月已爆出緋聞，稱天明疑遭大陸模特兒杜顏嘉「出賣」，於社交網上貼上一張兩人「黐頭芒」相，帶醉天明被低胸索女箝到實；同年8月凌晨兩點半再有網民稱見到天明與一位穿着露背灰色背心嘅中女喺澳門碼頭拉扯，中女打扮雖然帶點土味，但露出大片「肉背」仍受注目。

事發後，洪天明馬上補飛，為老婆開P慶祝31歲生日，當時家蔚仲喺網上晒幸福話：「你（洪天明）是最好的！看到新聞寫你不好，我很不忿！在這裡同大家說，我是超級幸福的女人跟媽媽！我老公很愛我！我很信任他！他為我家付出太多了！這樣寫不公平！希望大家繼續支持他吧！」

不過，今日爆出洪天明疑於上周六喺上海新天地酒吧，同一個身材幾好嘅辣妹於夜店狂歡後轉場去咗日航飯店，手牽手搭電梯上酒店房過夜呢單嘢，天明只以短訊回覆傳媒表示”Funny. No reply la.”至於周家蔚，至今都係未有回應。

至於周家蔚嘅七姊妹，亦咁啱……冇咩想講，微博都冇新嘢，反而係有啲網民肉緊豬豬，去周家蔚微博留言話；「你老公又出軌，心疼你」、「你老公又出軌，出軌對象比你醜啊！」、「出軌男，只有0次和無數次。」等等等等，周家蔚都冇回應。

曾經在電視訪問中自爆因偷食，導致第一段婚姻維持14年便告裂嘅洪金寶，坦言「男人都有呢啲壞習慣。」又謂：「呢14年都幾乎日嘈夜嘈，係我經常去媾女，成班武師都會去跳舞飲酒，晚晚夜返，老婆實嘈，最後大家都覺得冇意思就分開咗！」

洪天明大個仔，應該識諗，但男人成日都要應酬嘅，睇佢之前北上食個lunch都俾人咁樣樣集郵，係主動定被動唔知啦，但做得人夫又係公眾人物，凡事要三思囉。

(on.cc東網/蘋果日報)

【囡囡流鼻涕好開心】關心妍: 嗰吓真係着火

2017-12-14

歌手關心妍（Jade）為12月16日舉行的慈善晚宴宣傳，她坦言活動很有意義，就算暫時放下女兒都要支持。對於有不少歌迷想知她何時再唱歌，她表示起碼要等女兒入讀學前班：「佢依家返學時間比較少，我要陪佢嘅時間比較多。（粉絲多數同你喺網上溝通？）係呀，我會上載我嘅近況，但有時好忙，唔記得上載就瞓咗，冇諗過做媽媽可以佔自己所有時間，但我都會盡量睇晒粉絲嘅留言。」Jade笑言要躲起來用手機，平時都在洗手間或廚房回覆留言：「我暫時唔想囡囡接觸手機，都冇畀佢睇電視，盡量畀佢睇書，出街就攞嘢食氹佢，令佢專注力好啲。佢唔覺得手機好好玩，但我同老公講電話，佢就會扮我，但唔知我做乜，好得意。」

Jade坦言見到女兒就開心，就算見到對方流鼻涕都一樣開心：「我個人融咗咁。（怕唔怕污糟？）唔怕，因為我有養狗仔，習慣咗處理啲大小二便，已經嚇我唔到，處理鼻涕我都覺得輕而易舉。」她認為耐性才是最大考驗，自言有時耐性不足，要從女兒身上學習：「原來啖氣可以忍住，係好大啟發。（咩事會令你忍唔住？）氹佢瞓覺，有時佢玩得好癲，夜晚就瞓唔到，會喊。我要擺佢上床，又擺番落嚟，可能10次。有一次以為得，點知佢又醒番，嗰吓個心真係着火，但表面仲係好冷靜。」她覺得媽媽的能耐可以去到無限遠，平時對家人或朋友就未必有這份耐性。

一家其實好幸福！

(ON.CC)

【久未露面】投資千萬生意苑瓊丹︰窮到燶！

2017-12-14

久未露面的苑瓊丹，日前出席其開設的活髮科研中心活動，表示投資了8位數購入天然生髮產品的專利權。

她說︰「我將在內地拍戲所掙的錢全數投資在產品上，多年來在無綫掙到的錢就用來買廣告，我現在窮到燶﹗大家不用找我打麻雀，有拖無欠啦﹗」苑瓊丹坦言今次決定傾家蕩產做生意，是因為試用產品一年後發現真的有效。未來可會努力拍劇掙錢？她透露明年4月會返無綫拍劇，為此推掉了亞視及ViuTV的邀請。

（明報）

「難出真與假」張達明患癌後復出拍劇網民︰老到認唔出！

2017-12-13

黑色喜劇電影《家和萬事驚》今日舉行開鏡，電影卡士非常強勁，有古天樂、吳鎮宇、袁詠儀，陣容鼎盛。不過眾人的出現，都不及張達明。藝人張達明及楊玉梅出席影視活動，達明透露最近忙拍自監自編自演的新片，問到會否很辛苦？他表示每日拍攝十多小時，加上要化老妝，上妝、落妝及洗頭均需時。事關他以戲中老人家造型現身，一頭白髮加極瘦削身形，令人非常震驚。由於大家還記得他早前曾患上鼻咽癌，雖已受控，但難免會聯想到眼前達Ming的造型，到底劇情所需，還是真實狀況？

一向樂天性格的張達明，自2012年傳出患上鼻咽癌後，一直都積極面對，近年病情受控有所好轉，都會現身幕前，客串電影演出，如《浮華宴》、《惡人谷》、《常在你左右》等。至於這部由邱禮濤執導的新作《家和萬事驚》，就是達Ming病癒後首次領銜演出的作品。

除了造型似，達Ming連表情動作都相當神似。

由於戲中要扮演吳鎮宇爸爸，於是要以一身老人妝示人，記者讚他造型神似時，一貫樂觀的他笑說︰「自己大病一場後，現在扮病人更神似，好像頸上的細紋是真的，這個妝要花上個多小時去化，就算落妝都要用熱毛巾敷一敷才可以抹清，都花時間。不過我好滿意個效果，自己照鏡睇就覺得好似自己老竇。」頸紋是真，但頭上的白髮就是人手「加色」的。至於戲中會因為行動不便，要經常坐輪椅，達Ming也直言不介意。「劇組有問我介唔介意坐輪椅，我覺得都啱數，這是方法演技，我有手腳麻痺嘛，遲早都要坐啦。」難得性格樂天，積極面對困難。