「超級丹」林丹的兒子「小羽」去年11月4日出世。
昨日是愛兒一歲的生日，林丹的妻子謝杏芳於微博上載親手寫的感性文章，言語間充滿母愛。
謝杏芳於文章寫道：「小羽寶寶，轉眼間你已經一歲了，還記得一年前，當你哇的一聲哭泣，媽媽的心都被你融化了，你是爸爸和媽媽盼望已久，上天贈給我們最好的禮物。你一天天的成長，不斷學習，對世界充滿著好奇。在陪伴你的過程中，媽媽也學習到很多新的知識，也讓媽媽有了新的想法，新的目標，言傳身教，給你樹立榜樣，給你最好的呵護。小羽，讓我們一起共同成長，互相鼓勵，成為最好的自己。」
林丹亦轉發謝杏芳的微博，並留言說：「祝小羽生日快樂。」
(on.cc 東網)
周慧敏（Vivian）接受電台節目主持人梁泰來訪問。
周慧敏早在90年代時紅遍中、港、台、星、馬、日，正值自己星途的黃金時期，毅然於1998年放棄演藝事業告別樂壇移居加拿大，直至2004年才為慈善「復出」。
原來當年一度淡出的她全因身體出現毛病：「係因為當時身體『亮起紅燈』，需要休息，嚟緊個唱亦可能係自己最後一次演唱會。」
Vivian承認當時是因為患焦慮症而需要退出休息：「我要正視呢件事，唔係正常嘅反應同行為嚟嘅，我覺得我太長時間面對排山倒海嘅工作，仲要四處去宣傳係好好離譜嘅。」
她亦慨嘆當時賺回來的錢都沒時間花，又感到迷失：「搵到錢但冇時間使錢，而且其實我迷失咗，每日就好似機器咁，我都唔知道為乜，我已經感覺唔到我嘅夢想實現咗，成為歌手嗰種，我其實需要再吸收一啲養分，要停低先可以前進。」
提及接下來的個唱，Vivian直言因為擔心將來能力上做不到演唱會，所以會當是最後一次那樣做。
(on.cc 東網)
宋仲基及宋慧喬於10月31日舉行婚禮，受到韓國及海外傳媒極大關注。
兩人於本月2日一同出發到歐洲度蜜月，雖然事務所方面表示因為是藝人的私事，不會公開蜜月地點。
但早前就有粉絲在西班牙機場見到他們，並公開兩人在當地機場的照片。
好快就再有兩人被捕獲的照片於網上流傳，指在西班牙街頭捕獲「雙宋」。
相中宋仲基戴上黑色Cap帽，身穿長褸的宋慧喬則在旁翹實丈夫，不少網友看到後都表示十分甜蜜！
(on.cc 東網)
黃翠如今年已經36歲，已屆適婚年齡，早前就有傳二人會喺明年結婚，曹永廉又爆其實佢哋已經結咗婚。但傳聞歸傳聞，蕭正楠同黃翠如均極力否認，連身邊朋友唐詩詠、陸永等都叫大家唔好迫佢哋，要俾啲時間。
好明顯，蕭正楠已完全ready，只係欠翠如點頭。今日有周刊報道指翠如已開綠燈，直認已認定蕭正楠係終身伴侶，隨時嫁得，只係欠缺一點勇氣。翠如話見盡好多身邊朋友離婚，仲留意埋統計數字，話全香港離婚率達百分之四十，係咪真係咁高就唔知，但就搞到翠如對婚姻失去信心。
不過，蕭正楠都好努力俾信心女友，早前趁翠如36歲生日，係網上冧爆留咗四個字「天下無雙」，翠如又點會唔感動吖。翠如都直認男友好遷就自己，知道蕭正楠係會因為佢開心而開心，佢唔開心而唔開心，但佢就未到呢個境界，睇落似乎係男嘅愛女嘅多啲，咁就應該嫁得過啦。
對於網民喪插翠如喺《使徒行者2》演技差，佢就自爆當初面試時，就叫監製同導演，「覺得我唔夠好就唔好揀我」，最後翠如仍是脫穎而出，佢話可能係喊戲幫咗佢好多，因為本身都好鍾意喊。但對於網民嘅批評，佢會努力改善，已找老師教戲，希望將來可以見到翠如嘅進步。
袁詠儀（靚靚）出席慈善活動。
下星期是慕童（魔童）的11歲生日，袁詠儀透露兒子說不想開派對，只想約幾個好朋友去滑板場玩。
她笑指囝囝魔童步入青春期開始長出男性荷爾蒙。
靚靚更表示魔童現在比她還要Chok，影相時又識放電。
魔童可對女同學有好感，袁詠儀說︰「早前有個女同學要搬去外國住，他愁了幾天，相信他對那個女孩子有好感才會這樣。」
（on.cc 東網）
「唔知當知而先知 明知不知傻痴痴」，大家一睇歌詞係咪識唱呢？冇錯！佢就係12年前無綫劇《秀才遇著兵》主題曲喇！
點解突然講起呢套劇？咪就係劇中主角陳豪、周麗淇及黎耀祥重聚囉！
日前無綫舉行節目巡禮，場面星光熠熠，好多藝員朋友因此有機會聚首一堂，而呢三位都唔例外！
陳豪就喺微博上載三人合照，不禁感嘆時間飛逝。「難得再遇，黎耀祥，周麗淇，我們這組合，不期然又想起曾經一起合拍的電視劇《秀才遇著兵》…等等…已經是12年前了…oh my god!!」
網民都大嗌回憶返晒嚟，又讚首歌真係好好聽，仲話佢哋都Keep得好好冇咩點變呀！
（on.cc東網）
大家又認唔認到係邊個明星呢？
天王郭富城早前拍電影《西遊記：女兒國》，由於長期要化特技妝，搞到皮膚敏感。
不過城城冇有怕，在另一部電影《密戰》中，再次挑戰化特技妝。
今次城城變老人家，個老人妝亦化得好似，皺晒皮，完全認不出他本人。
其實城城昨天已在微博曾透露：「這個在電影密戰的特技化妝。要花五小時才能完成。大家猜他是誰？」
原來就是城城本人，城城再在微博分享化特技妝的花絮，該老年扮相幾可亂真。
（on.cc 東網）
曾幾何時，因為有個老婆叫謝安琪嘅關係，於是乎事業冇乜起色嘅張繼聰，喺呢段「女尊男卑」嘅關係，搞到好多網民故意將張繼聰叫成「謝繼聰」，又封佢為「廢柴老公」，直到12年佢幫大台拍劇集《老表，你好嘢！》而大受歡迎，密密接拍電視同電影，之後佢喺專訪曾經講過，當年為咗呢啲mean爆嘅抨擊，曾經諗過了結生命，好彩最後臨崖立馬。
喺今時今日，唔單止冇人再張繼聰佢做「謝繼聰」，反而叫謝安琪做「張繼聰老婆」，佢嘅努力已經得到認同！正所謂經歷係會令人成長，o依家嘅張繼聰已經支撐成頭家，老婆可以專心喺屋企相夫教子，張繼聰仲為網民對老婆嘅惡意批評，喺ig撰文還擊。
今日凌晨，張繼聰又喺網上撰文訴心聲，言談間又講當日嘅負評。事緣係張繼聰無意間到喺2010年叱吒樂壇頒獎禮嘅片段，當時嘅謝安琪走勢好凌厲，自嘲自己花朵好猛嘅張繼聰就喺台下做嘉賓：「當時我嘅抑鬱病非常嚴重，非常想又非常怕去呢個Party 。想去，係因為太太當時成績非常出色，我一定要喺現場支持佢同見證佢努力嘅成果，怕去，係因為我當時嘅成績非常冇乜成績…..」
張繼聰續話：「片中所見嘅我，其實當時食行藥，所以好口乾，好頭暈，好攰，個cam又起勢隊住隊住，同時又好感動，好替太太開心，好想抱住佢，再同時好驚好怕，好擔心食白果嘅我唔知又會俾人點嘲笑，總之九萬幾個層次又li又lu …..同時台上嘅太太，成晚雖然得到好多個獎，其實當時嘅佢抑鬱病都好猛烈，承受好大嘅壓力，佢都係考緊宇宙俾佢嘅試….」
「你話世界係幾奧妙？快唔快樂，原來同得到幾多無關。快樂，其實係因，唔係果，如果你咁得閒睇到嚟呢到，朋友，我想講嘅係，每一個經歷其實冇乜意義，意義係由自己去界定，但係一定比你想像中美好同重要，就算當時係幾惡啃都好，好好行自己嘅路就掂，就好似我家吓睇番段片，發現原來嗰日唔係路障，而係加油站，令我選擇之後嘅路，決心尋找快樂同自在，亦係嗰日，令我更有勇氣去更多嘅頒獎禮，食更多嘅白果，所以你話，人生幾美好，根本就冇衰嘢！」
留言一出，喺fb即刻俾人洗版，一夜晚有過萬過讚好，有啲係圈中人，亦有啲係網民，正如張繼聰咁講：「人生幾美好，根本就冇衰嘢！」
(蘋果日報)
陳展鵬與單文柔以情侶檔現身無綫節目巡禮。二人齊以白色盛裝赴會，單文柔的白色露膊晚裝站在男友展鵬身旁。
過往展鵬面對記者追問與單文柔的關係時，都顯得避忌。
難得今晚在無綫節目巡禮大日子，他與女友齊齊亮相，並大方合照。看來二人感情已趨穩定。
（on.cc 東網）
太陽娛樂老闆周焯華（洗米華）同Mandy Lieu嘅第三胎，日前有報道指BB已喺9月出咗世，二人再添一女，甚至有指洗米華安排Mandy同仔女返澳門住。
洗米華今日出席「第二屆澳門國際影展暨頒獎典禮」，今次頒獎禮係由楊千嬅、Jeremy Renner、甄子丹、EXO成員D.O.等做明星大使，而吳宇森導演擔任影展大使。
身穿西裝、波鞋嘅洗米華，打扮同平時一樣，表現輕鬆，上台頒紀念狀俾吳宇森同甄子丹，期間都有同吳宇森講幾句，有同現場嘅人影合照，不過事前講明唔接受訪問，影完相即閃。
(蘋果日報)
