陳浩民老婆蔣麗莎（Lisa）育有三女一子，貴為「四B之母」嘅佢打理家頭細務同照顧子女非常有道，仲曾經揚言好享受！
最近Lisa帶同三子女參加內地親子真人騷節目《不可思議的媽媽》，由於孻女年紀仲細，所以未有帶同一齊參加。
呢集講到要交換照顧其他參加者嘅子女，作為「臨時媽媽」嘅Lisa就負責照顧新欣嘅一對混血孖仔John及Victor，仲要打理水果店，認真唔容易！
不過對於Lisa來講絕對綽綽有餘，唔單止快手快腳切好水果，仲pack到滿一滿畀客人，絕對係良心賣家！
見到Lisa咁落力做生意，孖仔John同Victor都表現乖巧，為Lisa提供電風扇抖涼；食lunch嘅時候，唔單止主動分享美食畀Lisa，聽到Lisa話唔夠辣，仲即刻遞上辣椒醬，唔怪得Lisa大讚佢哋細心又善良，仲好羨慕咁話：「我好想我兒子女兒也能這樣對我。」
唔少網民被呢對又乖又可愛嘅孖仔吸引住，仲大讚新欣識教仔，值得學習！
(on.cc 東網)
藝人鄧萃雯（雯女）自從離開無綫後北上發展吸金，最近仲開埋獨立工作室自己話事，雖然可以養尊處優，但接戲拍劇都嚴選劇本，希望做最好嘅作品畀觀眾。除咗工作以外，大部分時間用來享受人生，四處出國旅遊探索世界。
最近鄧萃雯飛往加拿大溫哥華旅行，連日來都有喺社交網邊玩邊甫相，同粉絲分享近況。
去到溫哥華，作為旅客嘅鄧萃雯特意去咗當地名勝－伊利沙伯王后公園，仲放上網同大家開心share：「主角始終是秋葉，這個公園實在很醉人，聽說四季景色都極美，希望春、夏、秋、冬都能到訪一次。」
相中見到鄧萃雯素顏上陣，但係面色好紅潤，依舊保養得宜，唔少網民留言大讚佢天生麗質，仲請教佢護膚心得！
(on.cc東網)
林子善喺上月16日與拍拖5年嘅圈外女友董佩欣（Kary）正式簽紙結婚，佢哋都好搞鬼，影相唔係一對新人企定定，而係新郎哥俾老婆牽住個鼻走。
日前一對新人已經出發去馬爾代夫影婚紗相，連日都有喺ig貼拍攝花絮相。見子善操到好大隻，在藍天白雲下大騷6嚿腹肌，子善留言﹕
「老實講我真係唔覺得自己大隻，最多可以話正常而較矮。因為係我身邊真係太多大隻佬，仲要好多係比賽級冠軍人馬。成日影晒肌相係有一個目的，發放多啲正能量比身邊朋友，希望佢哋多做運動身體健康。一條(((悶棍)))一直(((努力)))，唔係話比你知有幾勁，只係想比你知冇偷懶，要戰士身形要戰士毅力，唔係一條(((影相忍)))。」
的而且確，見子善影婚紗相都冇偷懶，喺酒店房都不停做push up操肌。
而佢老婆Kary都唔執輸，除以波希米亞造型，着住低胸露腰婚紗外，仲有比堅尼影照，兩公婆都擁有sexy body，當然唔曬對唔住自己啦！
(蘋果日報)
陳自瑤以性感長裙出席無綫節目巡禮活動，提到最近她於社交網分享正能量句子，她謂：「冇嘢嘅！一向都想分享正能量，都會分享相片，都做咗年幾兩年，唔係話專登！」
「啲句子好有正能量呀！因為每個人生活中都有唔開心的，睇完可能有呢啲感受，每個人都要成長，每個人都有壓力，要有番正能量！」
被問到自己有冇壓力，陳自瑤表示：「每個人都有，包括工作上、湊小朋友上。（同老公王浩信相處有冇壓力？）呢啲唔需要特別講，同老公冇問題，分享呢啲嘢，係想自己除咗外表都想有內涵。」
王浩信指太太向來喜歡分享感性及正能量訊息，雖然他近排工作比較忙，但也要畀Like，問是否不敢不畀Like？他笑謂：「其實Like唔Like唔重要，最緊要係個內容。」
談到來年工作，剛從英國返港的他表示來年將作多方面嘗試，希望給觀眾驚喜，不只限於接拍電視劇，問到是否會接拍電影？王浩信謂：「都係嘅，但到時會盡量抽時間陪太太。」
(on.cc 東網)
無綫藝人陳豪出席無綫節目巡禮，他表示十二月會拍一套新劇，問到是否一年一劇，他表示，自己一年都拍兩、三套，問到拍劇是否要遷就仔女的時間，他謂:「梗係唔係，邊有咁理想。」
談到陳茵媺上載了一張三個仔女扮蜜蜂的相片於社交網，相當可愛，陳豪謂：「我哋都有扮蜜蜂，學校有活動要小朋友打扮，我哋以為大人都要，返到去學校先發覺其他家長冇扮，笑言遭其他家長白眼，但老師們見到就好開心，(好似仔女咁着蜜蜂熱褲?)係！好hot㗎！(Aimee都咁扮？)佢扮蝴蝶，佢都當然hot啦！不嬲都hot，其實全家一齊扮嘢都幾好玩，我哋都有帶小朋友去隔籬鄰舍攞糖，都好開心，(有冇被集郵？)梗係有啦！」
(on.cc東網)
宋仲基及宋慧喬於10月31日舉行婚禮。
他們已於日前出發到歐洲度蜜月，但已有粉絲在西班牙機場見到他們。
度蜜月期間宋慧喬亦未有忘記粉絲，她於Instagram上傳與老公宋仲基於結婚當日的照片。
宋慧喬並以英文及韓文留言：「真心感謝大家以這麼多理解、關心及愛護來祝福我們。」隨即吸引大批粉絲留言，祝兩人幸福美滿。
此外，宋慧喬的好友造型師今日亦公開了兩人婚禮當日的照片，照片中他們看似興奮又緊張，一直拖着手。
(on.cc 東網)
恭喜恭喜！恭喜Lynn熊黛林，終於中頭獎！
頭獎就係——造人成功喇！《蘋果》消息指Lynn有咗三個月！Lynn喺去年10月同郭可盈胞弟、家族坐擁百億資產嘅郭可頌結婚，更揚言雞年會努力造人。Lynn婚後明顯減少工作，專心調理身體，今年2月，有網民曾經影到Lynn去上環，有「婦科聖手」之稱嘅中醫劉逢吉睇醫調理身體，直到最近終於有好消息。
前日中午二點幾，Lynn一個人現身太古城誠品，見Lynn腳踏平低波鞋，穿上黑色衫同黑色裙，腹部微微隆起。見Lynn專攻育嬰書，由於佢生得高，而書本位置較低，但佢似乎唔敢動作太大，只係好小心咁半蹲式咁望一望下層嘅書，但好快就企番起身。Lynn喺書店內逗留約半小時，之後再逛其他商店，見佢步履輕鬆，逛咗一陣就走人。
上星期，Lynn更慶祝同老公結婚一周年大日子，兩公婆用繩互綁對方作狀咀嘴，Lynn留言：「就這樣把你牢牢地綁在我身邊，一周年快樂。」
相信兩口子好快就會有「我們仨」嘅幸福家庭照，繼續放閃。
(蘋果日報)
早餐踩雷最可怕！俗話說早餐要吃的好，但好的定義是什麼呢？快跟著《ETtoday新聞雲》一窺營養師賈婷文心中TOP4地雷早餐，吃1份就甚至可抵將近2碗白飯的熱量，相當可怕，千萬別為了逞口腹之慾反害了健康！
1.培根系列
培根屬油脂類，又是加工食品，不只熱量高，飽和脂肪酸亦高，吃多會影響血脂。賈婷文建議換成油脂較低的蛋白質類，如鮪魚、里肌肉片，或搭配豆漿補充蛋白質，都會比含培根的早餐好很多。
2.炒麵／蚵仔麵線
若選擇上述二者，麵量大會導致油量多，而且蛋白質與蔬菜攝取皆不足，尤其蚵仔麵線使用勾芡手法，醣量不容小覷，1份約500卡，加上許多調味醬料，熱量會再提高。
3.飯糰
除了本身飯量多，內附油條、肉鬆、菜脯，會使油量、鹽分變高，若真要吃飯糰，營養師建議請店家飯量少一點，可換五穀米更佳，會增加纖維質攝取；自選配料部分，筍絲、蛋、豆乾或肉類是不錯的選擇。
4.麵包
不管是鹹的、甜的麵包，為求口感和香氣，製作過程添加許多糖和油，相對也伴隨較多的熱量和醣量，蛋白質攝取反而不足。一個小麵包近400卡，將近2碗白飯的熱量，既不飽又不均衡之下還會食入過多熱量，得不償失，建議可改用全麥土司夾肉蛋與蔬菜，不過吐司要少抹醬料為佳，不然熱量也很驚人。
(ETtoday)
曾經同陳秀雯拍《再見豔陽天》嘅55歲馬景濤，今年3月喺微博宣佈同34歲太太吳佳尼結束十年婚姻，馬景濤日前接受周刊專訪，講到佢同吳佳尼呢段婚姻，馬景濤話：「現在是媽媽在外面拍戲，她還年輕又有機會，換爸爸照顧兒子們。我內心還是一樣愛她，換另一種方式會更快樂和自由」事實上馬景濤同吳佳尼離婚之後，大家保持住良好嘅關係，除咗會帶兩個仔去探班之外，仲有喺微博留言打氣。
馬景濤仲話：「其實有好多不足為外人道，但這10年佳尼給我太大的幸福，在孩子最需要母親時，她把自己工作丟一邊，現在孩子大了，需要父親的影響和教育，這時需要我來做的時候了。我們夫妻情感從激情變成信任，我不能這麼自私，她還這麼年輕，還有機會的，我會全力支持她，她現在出來拍戲，是最成熟的階段。」但係佢哋分開咗嘅消息，一對兒子似仲未知情：「不用談啊，他們以後就會知道，在他們的世界，沒有大人給的不好的記憶。」
喺同吳佳尼呢段婚姻裏面，除咗生咗兩個仔之外，馬景濤同第一任太太亦都生咗一個女馬世璦，同時間因親細佬馬景珊入獄，身為哥哥嘅，亦都照顧兩個侄子馬世灝、馬世頣，佢話：「大女兒明年將出版漫畫集，世灝開啟了一段音樂之路，世頣成了職業搏擊手，這3個大孩子都很另類，連我都想不到！但孩子就任其自由，讓他們快樂成長。」
至於細佬馬景珊，馬景濤話：「我一直鼓勵他寫劇本，在他還沒有立足穩之前，我會一直支持他的， 他只要安心的做好自己的事不要再犯傻，再犯傻就沒有機會了。」馬景濤自己亦成立咗影視公司，開拍劇集之餘，亦會去海外進修充實金融知識。
(蘋果日報)
內地有輔導班女導師近日補習期間，看到其就讀小學5年級的男學生竟然敷着面膜做作業，遂拍照留念並上傳到社交平台，隨即引來不少網民回響。有網民自嘲指連小男生都對自己皮膚那麼有要求，相較身為成年人的自己，「是在下粗糙了。」
據悉該名輔導班女導師在周三（1日）發現此事，導師表示，當時該男生說要去廁所，回來的時候卻發現男生臉上敷了面膜，全班學生亦因此起哄大笑，男生見狀後大感不好意思，遂將面膜扯下來，但過了不久，男生又將撕下的面膜重新敷在臉上。
對此，男生表示，該塊面膜是從家裏偷偷拿來，因為其母不准許他使用，所以他選擇趁其母不備而偷拿過來。其後女導師更與敷上面膜的男生合影，並表示「我們這位同學現在學校認真地上着課，對他敷了面膜後所發生的一切全然無知，我要不要今天下課後採訪採訪大家眼中的精緻小男孩。」
不少網民都被這位男生的舉動「萌倒」，更覺得自己相形見絀，認為身為成年人實在活得太粗糙。亦有人概嘆現時小學生要上興趣班、補習班真忙，「小時候我都是趁爸媽不在家，偷口紅來玩，現在小孩居然要帶到上課玩。」
(東方日報)
