於六、七十年代經極一時的大導演楚原今日84歲生日，曾執導逾百部電影的電影一代宗師，賣座電影包括《七十二家房客》和《玉女添丁》，於九十年代演出無綫處境劇《卡拉屋企》飾演「白頭佬」一角，角色深入民心。
楚原叔如往年一樣假尖沙咀王晶有份投資的食店設火鍋壽宴，筵開六席，元華、文雪兒、黎海珊和錢小豪等到場祝賀，84歲高齡的楚原叔鬚鬢皆白，但精神非常之好，穿上灰色上衣，跟朋友談天說地時聲如洪鐘，非常健談，而太太南紅則在旁默默陪伴，一如往常小鳥依人，夫妻甚有默契，晚宴大概十時左右結束，方便楚原早一點回家休息。
(83歲生日)
(82歲生日)
(東方日報)
鍾麗淇離開無綫轉戰瑜伽界，至今已執教長達12年！當初獲伯樂黃佩霞游說接觸高溫瑜伽，由一張白紙蛻變成專業導師，不諳廣東話的她鬧過不少笑話，本想要求學生「唔好頂住個肺」，卻說成「頂……個肺」。她表示無悔轉行，因瑜伽已融入生活，即使獲邀幕前演出也會Say no！
初學面色發紫
鍾麗淇（Margaret）於無綫默默耕耘9年，演出過17部作品，2005年卻毅然抽身轉投瑜伽界！一切只因機緣巧合，她說：「2002年去澳洲拍旅遊特輯，認識咗呢間瑜伽創辦人之一嘅黃佩霞，當時佢開始做高溫瑜伽，叫我試堂玩吓，第一堂好辛苦，90分鐘喺班房熱到塊面變紫色，要衝出房！」及後黃佩霞鼓勵她堅持，由起初給予折頭，到後來索性贊助她。
Margaret初學時筋骨未夠柔軟，很多動作也未能完成，為免被同學們望到，她每次也選擇最後排位置，過了一段時間才接受自己的不完美，她說：「倒不如努力啲，後來我跟咗其中一位老師，每日四點上堂，嗰時去非洲拍劇會拎DVD嚟睇住做，對瑜伽好有熱情。」
教到失控爆喊
Margaret成為正式導師前，接受了連串訓練，於外地完成五星期課程返港後，卻向黃佩霞推卻執教：「課程中教好多瑜伽歷史同道理，我先發現原來乜都唔識，所以唔想教，但佢對我有信心，叫我做住助教先，點知冇耐就掟我出海做導師，記得教第一堂時，入班房唔知點開聲講嘢，好緊張，到落堂先鬆一口氣。」如是者展開一星期教18堂瑜伽生涯，但教了兩個月後，有一日Margaret於導師房失控爆喊，全因課堂中的一個動作，大部分學生未能擺出正確姿勢，她將責任怪在自己身上，認為教得不好所致，在旁的導師聞言即大呼做得好：「佢話有時一堂成90個學生，冇可能每個都滿足到，只要佢哋安全就得，唔好對自己要求太高。」
從藝員轉變為瑜伽導師，Margaret直言感覺得意，但試過有學生問她參演的劇集，令她有點不開心：「惟有當係轉捩點，唔理得咁多，總之對自己有信心，打好個底就唔怕。但都有爆笑位，成日講錯廣東話，將膨脹個肋骨，講做排骨；想叫學生唔好頂住個肺，但講咗頂……個肺。」
變心惟有二揀一
談到當初為何捨得放棄水銀燈下生活，Margaret自嘆技不如人，未能一心二用，倒不如集中做好一件事，於二選一情況下，原來心中早已有答案：「個心變咗，好似拍劇收工就拎住瑜伽嘅碟去睇，咁既然有機會轉行點解唔試吓，嗰段時間可以負擔到，所以呢步唔難踏出去，因為冇嘢放唔低，係心態問題，已忘記自己係藝人。」放下了演員身份，令Margaret感到前所未有的舒服，加上瑜伽學校大多數導師是外國人，不知她曾當演員，連學校的外籍老闆由黃佩霞口中獲悉她曾於無綫工作，也誤會她是新聞主播，Margaret對此高興不已：「100%做自己，唔驚講錯嘢，又可以講英文交流瑜伽！」
一教便是12年，現時瑜伽對Margaret而言是生活的一部分，在家也會教兩個女兒做瑜伽，她表示已不再留戀娛樂圈：「好過我嘅人大有人在，接咗劇要專心，我寧願選擇唔接，除非有意義啦！我覺得冇揀錯瑜伽呢條路。」
鍾麗淇 Profile
英文名：Margaret
出生日期：1976年11月3日
入行經過：1995年參加多倫多華裔小姐可惜落選，及後報讀無綫藝員訓練班，畢業後加入無綫大家庭，演出過的劇集作品包括《刑事偵緝檔案III》、《衝上雲霄》、《鑑證實錄I、II》及《天涯俠醫》，最後一套作品為《心慌．心郁．逐個捉》。她由2005年起擔任瑜伽導師，至今已教了12年。
(東方日報)
吳尊帶着一對兒女參加內地節目《爸爸去哪兒5》好爸爸形象大受觀眾歡迎。
最新一集節目中極少在鏡頭前露面的吳尊老婆林麗瑩也在節目中再次現身。
雖然吳尊老婆全程戴上口罩，但在節目中大展廚藝，一家四口相當溫馨。
不少網民也大讚吳尊老婆溫柔是位好媽媽，亦尊重她身為圈外人不太希望上鏡的意願。
網民認為她肯為一家上節目已經是非常偉大。
(on.cc 東網)
被冠以「世紀賤男」嘅崔建邦，近年不斷洗底，原來除咗係事業上不斷向上爬，感情上佢亦都有所改變。今日就有報道話佢有意同林珊珊嘅細女李怡(野人)結婚。
Amigo去年初同野人撻着後，好快佢哋已經喺飛鵝山同居，今年7月，又被周刊爆料，話見到佢哋兩個喺將軍澳廣場嘅吉野家買飯，男嘅排隊俾錢，之後再到隔鄰嘅吉之島買日用品同零食。佢哋只係喺吉野家買咗一盒飯兩份食，真係好sweet，但Amigo回覆傳媒時就咁話：「唉吔！咁我窮冇錢嘛，第二時有錢咪買多啲囉！」
雖然Amigo口中話自己窮，但今日就有報道話原來佢哋已經有結婚計劃喇，真係恭喜晒！
報道入面，講到野人身邊好友透露，於單親家庭長大嘅野人，並未因為咁而害怕婚姻，相反佢仲一直好想有自己嘅家庭，好想結婚生仔，而Amigo就捉到女方呢個心態，追野人時已經表明自己已經玩夠，好快野人仲應承同Amigo同居試婚。
野人身邊好友仲話，Amigo同佢哋講今次係認真嘅，因為野人俾到佢前所未有嘅感覺，認定野人就係佢嘅唯一，所以想喺野人30歲前就同佢結婚。咦！野人今年已經28歲，咁幾係仲有年多時間俾佢哋籌備，珊珊好快就做人外母喇！
報道就話呢位「外母」明顯唔係好鍾意呢位未來女婿，就算拍拖年多，野人都唔會帶Amigo出席家庭聚會，相反家姐李澄(西瓜)就不時帶同DJ男友出席家庭聚會。
珊珊當初見女大女世界，阻止唔到野人同Amigo拍拖，只希望時間可令阿女清楚了解Amigo，但佢想唔到阿女會同Amigo會有結婚打算，精明嘅珊珊o依家唯有向佢身邊朋友下苦功，勸下野人唔好一時衝動做錯決定。
(蘋果日報)
李佳芯（Ali）出席台慶劇《誇世代》大派對，日前剛接受完手術的她精神甚佳，但為免影響傷口而顯得步步為營。
講到剛封視后便接受手術，Ali笑說：「唔關事嘅，之前已經Check到卵巢附近有個囊腫，因為工作未有空檔做手術，但係新加坡返嚟就痛，立即入院Check同做手術切除。」
「因為囊腫都有10cm大，會Check番係咩事，九成係良性。」
問到要幾耐康復，Ali表示：「兩到三星期，都OK嘅，係易攰啲，做完手術冇咗就安樂，之後都要覆診，傷口會痛，肚嗰度唔用到力，所以都去唔到馬來西亞。」
問到男友有何表示，Ali笑言：「佢都忙，自己要開劇，佢都做柴可夫載我出入。（有冇加深感情？）做柴可夫都加深？我覺得自己都幾自閉，估唔到收到好多朋友祝福，主動話煲湯我飲。」
Ali又表示12月才開劇，現時可以專心休息。
(on.cc 東網)
藝人陳豪與太太陳茵媺（Aimee）於環球貿易廣場出席智能手機發布會，Aimee身穿黑色低胸吊帶連身裙，非常搶眼。二人接受訪問時，被問到是否有很多夫婦檔活動，陳豪笑說：「係呀！愈嚟愈多！（有幾多個？）都仲傾緊，都幾多嘅，多啲嚟密啲手，辛苦啲都冇所謂。（會唔會兩公婆一齊拍廣告？）都有人問，睇吓有冇機會啦！乜嘢產品都有可能。」
小朋友難搞
至於會否一家五口一齊出鏡，陳豪說：「嘩！依家小朋友未係時侯，就算叫佢哋影相都有問題，一個望嘅時候第二個去咗玩，我都要花15至30分鐘，先成功影到一張全家一齊望鏡頭嘅相，所以廣告要遲啲，等佢哋大個啲。」
囡囡勁嬌嗲
Aimee又謂喜歡幫子女打扮，萬聖節亦有去玩。問到是否細女現時比較乖，他們說：「個個都乖，不過男仔比較好動啲，因為我哋兩個都好活躍，小朋友都唔弱。」陳豪指細女Camilla較嬌嗲，兩個仔則較活躍：「細女攬到我好實，好有愛嘅感覺，講唔到出嚟。」而Aimee指大仔都嗲，陳豪即說：「似足媽咪。」
問到是否不再介意性感出席活動，Aimee：「都唔係好性感，係健康嘅性感。好開心可以出嚟着靚衫。」陳豪得戚笑說：「回復狀態係要騷吓。（管佢衣着？）靚行先，唔好特別賣弄性感。」
(蘋果日報 / 東方日報)
周刊報道指，Mandy Lieu今年九月再為太陽娛樂老闆周焯華（洗米華）誕下一女，四年抱三，合共兩女一子。但二子出生後一直鮮有曝光。
有圖是否有真相，要問Mandy同洗米華先至知，但報道稱洗米華安排Mandy與三子女一齊返澳門生活——熟悉洗米華嘅人都知道，冇可能。因為洗米嫂（陳慧玲 Heidi）與家人都喺晒澳門，而澳門又咁細，點樣共存？之前已經有傳謂，洗米嫂安排女兒去英國留學，Mandy對此頗有意見……因為佢同小朋友一直住喺英國。既然係咁，「舉家搬返澳門」點會發生？一邊有人會轉貼「馬總統看手錶圖」，一邊會有人問：洗米嫂今次會唔會離婚？
(nextplus.hk)
(nextplus.hk)
據知，依家洗米嫂同洗米華已經住番埋一齊，就係喺嗰棟價值3億嘅豪宅——之前洗米華送俾洗米嫂嗰間……樓高五層。洗米華幾經辛苦，先至可以氹掂洗米嫂俾佢「入屋」，咁，你係洗米華嘅話，會唔會要求Mandy帶子女返澳門？
又係據知，洗米華係唔會想頭家散，所以任何方法，佢都會用盡，希望Heidi唔好離婚；至於Heidi，亦唔想離婚，一來因為老爺好錫佢，Heidi亦視之如父親。如今老爺年事已高，Heidi擔心離婚之後，頭家會散，擔心到時冇人再照顧老爺。至於子女，係洗米嫂另一個考慮……俾子女一個完整家庭，係洗米嫂嘅心願。同住一屋，廣廈千間，但洗米嫂視洗米華已如同家人一樣，感情關係已經唔係夫妻，對，係昇華到變成家人。
(蘋果日報 / nextplus.hk)
宋慧喬與宋仲基10/31踏入禮堂，完成全亞洲矚目的雙宋大婚！最近年底也將迎來一波結婚潮，新娘要怎麼保養才能在婚禮上閃耀？iStyle公開喬妹平常一定會做的保養，同時專訪專業彩妝師Alice婚前保養秘訣，讓皮膚閃閃發光！
婚前保養「1個月前」就要開跑！
宋慧喬出道至今唯一代言的品牌就是Laneige，幾乎只用Laneige保養品，若新娘想在婚前積極保養，臨時想換保養品試試，建議不要婚前幾天再換，一個月前就要更換，避免皮膚不適應亂長東西，做臉也是一個月前就要做，除非平常就有做臉習慣，否則不要婚前幾天才做臉，很容易突然大冒痘或敏感。
新娘皮膚一定要亮！
喬妹曾在受訪中提到，最不能忍受肌膚乾燥，尤其工作常搭飛機更乾，無論如何一定要「保濕」，替肌膚補足滿滿的水分，才能夠確保肌膚不受到損傷，晚上的最後一道保養手續一定會搽上蘭芝睡美人香氛水凝膜。
彩妝師Alice也說，結婚當天，新娘是眾所焦點，婚前保養「滋潤保水」是重點，肌膚一潤才會亮，台灣女生愛清爽，多半使用精華液或化妝水，如果是乾肌或混合肌，結婚時間在冬天的話，建議多加一點乳液或乳霜，利用油脂讓皮膚潤起來；油肌或肌膚容易出油，不要使用乳液乳霜，可以在晚間最後一道保養後厚敷晚安凍膜睡覺。
臉、唇、眼周一起保養
因為拍戲常接觸大量強烈燈光照射，宋慧喬平日保養很重視防曬，尤其眼周保養更仔細，以免周邊細紋洩漏年齡，曾在接受韓媒採訪時分享，拍戲太忙沒時間保養時，隨身會攜帶面膜以備不時之需，保養程序很簡單，但一定會仔細塗抹，尤其從小就拍戲，更注重抗老保養。
除非平常就有在做臉，若想結婚前做臉，一個月前也要做，以免皮膚不適應而大冒痘或過敏。敷面膜是新娘一定會做的加強保養，彩妝師Alice建議，敷臉可從一個月前開始敷，眼周也要靠平常勤加保養，眼睛周圍小細紋才會淡化，更建議同時敷上面膜跟眼膜，超省時，一周最多敷3次；尤其結婚當天，不建議眼周肌膚搽保養，避免出油容易脫妝，婚禮前一天晚上必敷，當天的肌膚才會水嫩更貼妝。
另外，彩妝師Alice進一步提醒，唇紋很顯老，尤其塗上唇膏後紋路會更明顯，大推睡前厚塗晚安唇膜，隔天嘴唇即使不上護唇膏也很潤；唇膜還有一個小秘訣，換季鼻子脫皮或過敏常常擤鼻子，睡前也可以敷在鼻子上，隔天起床的鼻子膚況會改善。
進行「輕度去角質」
如果想跟宋慧喬一樣每次上鏡頭的皮膚會發亮，「讓肌膚貼妝」就是最大的功課，許多新娘有不貼妝的狀況，保濕做好之餘，去角質也很重要，老舊角質堆積過多，再怎麼做足保濕，肌膚都不會透亮，但去角質不能過度，只能「輕度」，並在1個月前做，選擇溫和的去角質產品，以免摩擦過度而冒痘或敏感；建議用顆粒細緻的磨砂膏，或是敷火山泥深清面膜後，再用青春棒的圓端輕輕滑過鼻子，清理肌膚毛孔的油脂髒污。
脖子、鎖骨跟頭皮也要顧到
除了肌膚保養，結婚穿白紗至少會露到鎖骨、肩膀，身體肌膚容易被忽略，保養帶到脖子、鎖骨等部位，當天新娘全身才會又嫩又亮。另外，婚前通常是最忙的時候，新娘一忙又累就容易頭皮出油，頭皮角質堆積一多就容易扁塌，建議使用深度清潔洗髮精，有助頭髮蓬鬆。
圈中有唔少姊妹淘，好似「胡說八道會」同「處女黨（Amazing Esther）」，成員之間嘅關係分分鐘親過親姊妹！
另一個新進「姊妹幫派」亦同樣有睇頭，就係由藝人陳凱琳、龔嘉欣、譚凱琪同沈卓盈組成嘅「少婦聯盟」，原來不知不覺佢哋已經成立「少婦聯盟」一年啦！
為咗隆重其事，佢哋今日仲向網民大派福利！龔嘉欣率先喺社交網上載四人性感泳衣合照。
龔嘉欣留言話：「少婦聯盟1歲啦！為了隆重其事，我們相約了攝影師、造型師和化妝師特別拍了一個專輯，紀念一下！和你們三個「少婦」一齊每次都真的很開心，笑個不停 ，真的很感恩一年前拍劇能夠遇到這幾位好姊妹！希望接下來，我們繼續互相支持，給對方和大家正能量 」
（on.cc 東網）
今日太陽娛樂公司老闆周焯華（洗米華）同Mandy Lieu成為封面人物——故事聲稱在英國一間攝影公司網站搵到Mandy Lieu抱住初生嬰兒，與洗米華嘅一家三口照片。相片有兩輯，一輯應是Mandy仍在醫院，戴著手帶、化晒妝抱B與洗米華合照；另一款係黑白圖，包括Mandy錫洗米華、洗米華鍚Mandy額前，同埋兩人齊齊錫BB，乜嘢組合都有齊晒。
報道稱，Mandy今年九月為男方誕下第三胎，呢胎係女嚟嘅，換言之，兩人一齊短短四年，Mandy已為洗米華誕下兩女一子，四年抱三。喺洗米華咁舟車勞頓、香港澳門倫敦周圍飛交人仲要處理公司業務之際，仲可以「交到貨」生三個，確係有辦法。報道更指，洗米華要求Mandy 一家四口齊齊搬返澳門，方便照顧。報道引述消息人士稱，Mandy話好。
去年11月2日，洗米嫂陳慧玲喺ig貼圖，係一張生日蛋糕相，同自己講happy birthday（洗米嫂係11月1號生日）。今年，37歲嘅洗米嫂，又收到另一份生日禮物——就係呢個封面故事。究竟係校啱時間定係巧合？其實類似巧合，兩年前都發生過，當時洗米嫂刻意安排在洗米華生日（5月30日）開刀誕華種，點知身形唔似大肚的Mandy竟然10日、即5月20日（國語諧音「我愛你」）為洗米華誕女，又上封面。
再之前，當洗米嫂喺社交網晒完陀巨肚着比堅尼曬太陽嘅相之後，Mandy又喺Instagram放了一幅紅色露背泳衣相證明陀「華種」，進擊的Mandy更以英文留言：「親愛的，你都做唔到好似我咁樣，所以唔使搞咁多嘢喇，只會顯得你好可悲。」
依家Mandy Lieu又「送」咗呢份「大禮」，未知洗米華又會如何拆彈喇。睇番往績，前年洗米嫂生日，洗米華成家喺澳門為Heidi慶祝生日，仲送咗隻貓俾佢，又送上花語係「永恆之美和美麗」嘅繡球花俾太太。唔知今年會送乜嘢呢？
(蘋果日報)
