Angelababy(楊穎)05年同黃曉明結婚後，今年佢就為曉明大哥生咗囝囝「小海綿」，榮升做人母嘅Baby，並未有放棄佢嘅演藝工作，休息咗一段時間佢就復出。
媽媽係好偉大嘅，Baby要應付工作之餘，都要照顧寶貝仔「小海綿」，日前佢就帶埋囝囝去咗上海出席活動。
活動後，Baby就帶住小海綿返北京喇！有網民就咁橋撞到Baby同囝囝，仲大讚佢好貼心咁照顧囝囝㖭！
網民話，見到Baby真係好瘦，湊仔就超級貼心同細心，而小海綿雖然只有九個月大，但係佢喺兩個鐘頭嘅機程入面，全程都好乖，又唔怕生保，見到人都會笑。
啲網民都忍唔住留言大讚：「黃曉明太幸福了」，而有網民就話，同Baby同嘅仲有一位中年女人，有指佢就係曉明大哥嘅媽媽，睇落佢哋婆媳關係都好好喎！
(蘋果日報)
「宇宙最強」甄子丹與太太汪詩詩拍拖現身時尚雜誌酒會，透露仔女暫交外父外母照顧。
講到早前有不少人睇中兩人現年13歲的長女甄濟如能歌善舞，想斟她入行，子丹說：「傾咗幾年啦！唔積極，小朋友仲細，我又冇將個大門打開。」
詩詩透露女兒有參加學校合唱團及參加音樂劇，又喜歡彈琴。本身琴藝出眾的子丹，表示太太也達8級鋼琴水平，相信女兒亦有遺傳。
會否覺得娛樂圈太複雜？子丹說：「行行都複雜，行行要自律，睇父母點教同埋佢個人係咪檢點。」
詩詩表示自己媽咪自細教她們無論去哪裹都不要獨自行事，她說：「因為有時唔係你嘅問題，係對方嘅問題。」
問到會唔會做女兒嘅經理人，汪詩詩就話「唔想」：「我同阿女關係好好，已經喺屋企做惡嗰個，唔想大家傷感情，爸爸就係『Yes Man』。」
不過子丹卻說：「太太講就咁講啫！到時可能跟足個女24小時。不過好彩嘅，好多auntie都好錫阿女。」
(on.cc東網)
美國個人護理品牌強生的日本分公司前日(18日)宣布，旗下隱形眼鏡品牌ACUVUE的1-DAY ACUVUE MOIST每日即棄型隱形眼鏡、ACUVUE OASYS兩周拋棄型隱形眼鏡、ACUVUE ADVANCE兩周拋棄型隱形眼鏡，以及ACUVUE OASYS(散光用)兩星期拋棄型隱形眼鏡，出現混入異物等問題，需要在國內回收約3萬盒問題產品。
強生(香港)表示，已主動展開回收少量受影響的ACUVUE隱形眼鏡，又指在港僅有少量614盒出售，涉及6個批次，但至今未收到任何因事件而引起的健康危害事件。
強生(香港)有限公司ACUVUE隱形眼鏡產品查詢熱線職員較早前指，除了ACUVUE ADVANCE兩周拋棄型隱形眼鏡早年已停售外，香港仍有出售1-DAY ACUVUE MOIST每日即棄型隱形眼鏡、ACUVUE OASYS兩周拋棄型隱形眼鏡以及ACUVUE OASYS(散光用)兩星期拋棄型隱形眼鏡。
台灣衞生福利部食品藥物管理署今表示，經清查台灣也有兩款該品牌的產品受到影響，包括ACUVUE OASYS兩周拋棄型隱形眼鏡及ACUVUE MOIST每日即棄型隱形眼鏡，合計有565盒問題產品須立即下架回收。
香港衞生署表示，現正與本地代理商聯絡，以確認受影響批次有否流入香港。
強生(香港)回收的隱形眼鏡批次
1-DAY ACUVUE MOIST(DC 9.0，Power -3.00D)，批次2836840101及2836840102。
ACUVUE OASYS(DC 8.8，Power -4.00D)，批次L002NCS。
ACUVUE ADVANCE(DC 8.7，Power -10.00D)，批次B00DHLP。
ACUVUE OASYS for Astigmatism(DC 8.6，Power -3.50D-0.75/180)，批次B00HRMG。
ACUVUE OASYS for Astigmatism(DC 8.6，Power -6.00D-1.75/170)，批次B00GW4Z。
(on.cc東網)
陳國峰（Penny）去年同太太黃思雅拉埋天窗，上個月佢仲榮升人父添！
雖然Penny係新手爸爸，不過佢照顧囝囝都有一套心得㗎！
呢日佢就喺社交網上載咗一段抱住「峰之子」嘅片，並留言：「想佢唔喊，你就要喊得勁過佢！不過都係餵奶最實際。」
影片一開始就見到「峰之子」起勢咁喊，Penny見囝囝喊唔停亦都相當無奈。點知「峰之子」喊多兩喊之後，Penny就同囝囝喊埋一份，實行要喊得大聲過佢！
人仔細細嘅「峰之子」見到爸爸喊之後，竟然冇再喊之餘，仲眼定定咁望住爸爸，認真搞笑！
唔少網民都話Penny呢一招另類止喊法認真使得，亦有人問Penny仲有冇其他絕招。
（on.cc 東網）
藝人楊怡接受馬浚偉主持的電台節目訪問，馬浚偉踢爆對方受訪時一度眼濕濕，楊怡說：「因為提到當日喺內地橫掂拍劇時，爸爸走咗要急住返嚟見佢，之後返番去橫掂繼續拍攝， 開酒店房門就收到馬浚偉寫畀我嘅信。（內容好感人？）字裏行間唔多，但勝過千言萬語， 佢叫我加油，有咩事佢會喺我身邊。」
楊怡坦言正開始造人計劃，她說：「已經ready，唔會畀太大壓力自己，想輕輕鬆鬆開始。（接工作唔接咁遠？）唔敢計劃太遠，怕到時有咗會得失任何一方同有危險性，自己係一個負責任嘅人。」
身為楊枱「哥哥」的馬浚偉展示腳上的一對波鞋說：「呢對波鞋係羅仲謙送畀我嘅，因為我係楊怡哥哥，佢要送對鞋畀大舅，點知楊怡換咗我條七萬幾蚊金豬吊飾。（ 好肉赤？）心甘情願，覺得佢帶個豬排好襯。」
楊怡隨即追問馬浚偉婚期說：「你快啲結婚啦。」
(on.cc東網)
張寶兒與袁偉豪（Ben）自被踢爆戀情後，二人隨即大方認愛。
Ben亦曾表示唔想錯過對方，好珍惜呢段嘅關係，總之兩個就愛得甜蜜啦！
日前寶兒就喺社交網上載咗一張個人黑白照，並深情表白。
「聽過其中一句最打動我的話，是在脆弱的時候，有人對我說：我在這裡。#沿途有路人 #沿途有朋友 #沿途有同路人 #沿途有知己 #感恩 」
嘩！咁sweet嘅說話，唔少網民都留言問係咪Ben講㗎，真係sweet爆！
有網友亦大讚張相影得好有feel，好似Ben平時影開嘅風格添呀！
（on.cc 東網）
C AllStar於紅館舉行首場演唱會，螢幕播出四子大放笑彈的訪問片段，On仔叫隊員在單飛後切忌已讀不回：「仲要畀我發現你在線上，我會煩到你哋覆我為止，煩過女朋友！」釗峰笑Jase身上的毛髮可以修飾一對手，還叫全場大叫一聲「毛毛」。King同樣以Jase為攻擊對象，笑言想看對方教煮食多過唱歌。Jase就大搞爛Gag：「如果嘢食好鹹，就擺低10分鐘，因為時間可以沖淡一切。」令全場爆笑！之後四子與香港合唱新力量唱出陳小春的《犯賤》。
嘉賓楊千嬅身穿黃色長裙出場，與四子合唱《最後的歌》，期間千嬅似乎忘了輪到自己唱，釗峰即時執生。
四子與千嬅擁抱，釗峰即笑言不要弄污千嬅的衣服和化妝，又讚她的打扮像Cinderella。千嬅問他們是否於個唱後分體？他們表示是休團，還搞笑唱「休團從來不易」。
千嬅問：「你哋唔會到我退休都未出番嚟啩？」四子說千嬅不會退休，千嬅卻表示可能下年就退，認為人生有不同階段要發掘和珍惜：「希望唔會第一次做你哋嘉賓就變成最後一次，希望你哋繼續有好嘅作品，唔好等咁耐，希望大家支持。」
C AllStar回應說：「你一日唔退休，我哋一日都繼續唱！」
(on.cc東網)
天王郭富城太太方媛一向係社交網常客，不時都會甫吓靚相同網友分享吓近況，不過自從9月升呢做咗媽咪之後，專心湊女嘅佢可以話完全絕迹網上，好多網民都話想佢快啲「復出」，睇吓佢嘅近況係點。
繼早幾日前方媛坐完月「出關」發咗張單人相之後，凌晨時段方媛再發一張手拖手嘅相放閃滿足網友。
雖然相中嘅男士就擰轉咗面睇唔到樣，加上着住連帽嘅衞衣連頭髮都見唔到，不過從側面睇，呢位男士有胸肌同腹肌，加上拖實方媛隻手，睇怕呢位男士係郭富城都應該走唔甩。
佢哋夜麻麻拖住手等過馬路似係去搵宵夜食，唔少網民睇完都話雖然張相好簡單，不過就充滿幸福咁話。
(on.cc東網)
名模周汶錡（Kathy）出席迎接聖誕節活動，她透露今年聖誕節特別有意義，可以一家四口過，大家在聖誕樹下影全家福，她坦言：「好多時影相都冇我份，我老公唔鍾意揸機影相，話我有要求，怕影得我唔靚，所以多數係我楂機，老公唔鍾意我用手機對住個仔，所以我都係用相機影佢哋。（囝囝有冇模特兒天分？）細仔好有天分，用相機對住佢，佢會追住個鏡頭，唔眨眼，大仔就要我捉住佢影相，影一兩張就走，要同佢講數。（兩個囝囝性格好唔同？）有少少，大仔好識氹人，細仔好有自己個性，唔鍾意就會尖叫。（細仔比較難湊？）知道佢個性格就得，都ok易湊。」
計劃聖誕出埠過節
談到聖誕，Kathy表示很想出埠過節，已計劃農歷新年到法國滑雪：「本來想唔帶細仔，但大仔當年六個月大就出埠，所以我都要公平啲，會帶埋細仔去法國，挑戰吓自己喺雪地上照顧兩個小朋友，依家乜都要公平。（對兩個仔有冇偏心？）我對大仔偏心啲，我個細仔係20號出世，我習慣每個月20號都會上載一張細仔嘅相喺社交網站，呢方面我對大仔做得好足，但細仔有時會skip咗。」
(東方日報)
一整天把腳包在密不通風的鞋子裡，腳便開始冒汗，回到家如果沒有徹底消除濕氣，鞋子不僅會發出異味還有可能發霉，iStyle整理出5個除臭除濕小秘訣，讓你不用擔心鞋子會飄散異味。
餅乾裡的乾燥劑
悶熱夏天容易流腳汗，如果沒有徹底除濕鞋子容易飄散異味。日本生活網站「心と体の健康.com」建議將海苔、餅乾、喜餅盒中的乾燥劑放入鞋子裡幫助除濕，就不用擔心有尷尬的異味。
暖暖包
活性碳具有除臭功能，因此用完的暖暖包別急著丟，只要放入鞋子裡就可以消除鞋子的異味。是不是覺得很方便呢？
(自由昤報)
